Just In
- 27 min ago ಗುರು ಸಂಚಾರ 2024: ಕನ್ಯಾ ರಾಶಿಯಲ್ಲಿ 12 ತಿಂಗಳು ಗುರುವಿನ ಪ್ರಭಾವ ಹೇಗಿರಲಿದೆ?
- 9 hrs ago ವಾರ ಭವಿಷ್ಯ: ಸಂಖ್ಯಾಶಾಸ್ತ್ರ ಪ್ರಕಾರ ಈ 7 ದಿನಗಳು ನಿಮಗೆ ಹೇಗಿರಲಿದೆ?
- 10 hrs ago ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- 11 hrs ago ಪರಿಸರ ದಿನ: ಇಂದು ನೀವು ಹೀಗೆ ಮಾಡಿದರೆ ಮುಂದಿನ ಪೀಳಿಗೆಗೆ ನೀಡುವ ದೊಡ್ಡ ಆಸ್ತಿ
Don't Miss
- Movies Amruthadhaare ; ಪಾರ್ಥ ಮತ್ತು ಅಪೇಕ್ಷಾ ಪ್ರೀತಿ, ಕೆಂಡಾಮಂಡಲಗೊಂಡ ಶಕುಂತಲಾ..!
- News 5 ವರ್ಷಗಳಲ್ಲಿ ಕರ್ನಾಟಕ ಸಂಸದರ ಸಾಧನೆ ಏನು? ಅಧ್ಯಯನ ಹೇಳೋದೇನು?
- Sports ಟಿ20 ವಿಶ್ವಕಪ್ಗೆ ಭಾರತ ತಂಡದಲ್ಲಿ ಕೆಎಲ್ ರಾಹುಲ್ಗೆ ಸ್ಥಾನ?; ರಾಬಿನ್ ಉತ್ತಪ್ಪ ಹೇಳಿದ್ದೇನು?
- Technology ಆನ್ಲೈನ್ ಶಾಪಿಂಗ್ ಮಾಡಲು ಇಲ್ಲಿವೇ ನೋಡಿ ಬೆಸ್ಟ್ ವೆಬ್ಸೈಟ್ಗಳು!
- Automobiles Hyundai: ಹಳೆಯ ಹ್ಯುಂಡೈ ಕ್ರೆಟಾವನ್ನು ಮರೆತುಬಿಡಿ... ಹೊಸ ಕ್ರೆಟಾ ಈಗ ಮತ್ತಷ್ಟು ಪ್ರೀಮಿಯಂ SUV
- Finance ಸಂಸ್ಥೆಯ ಎಲ್ಲ 30,000 ಉದ್ಯೋಗಿಗಳಿಗೆ ವರ್ಕ್ ಫಮ್ ಹೋಂ ನೀಡಿದ ಟೆಕ್ ಕಂಪೆನಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೈಪೋಥೈರಾಯ್ಡ್ಗೆ ಚಿಕಿತ್ಸೆ ಪಡೆಯದಿದ್ದರೆ ಏನಾಗುತ್ತೆ ಗೊತ್ತಾ?
ಯಾವಾಗ ನಮ್ಮ ಥೈರಾಯ್ಡ್ ಗ್ರಂಥ ತುಂಬಾ ಥೈರಾಕ್ಸಿನ್ ಹಾರ್ಮೋನ್ಗಳನ್ನು ಉತ್ಪತ್ತಿ ಮಾಡುತ್ತೋ ಆಗ ಹೈಪರ್ಥೈರಾಯ್ಡ್ ಹಾರ್ಮೋನ್ ಉತ್ಪತ್ತಿಯಾಗುತ್ತೆ. ಇದು ದೇಹದ ಚಯಪಚಯ ಕ್ರಿಯೆ ಮೇಲೆ ಪರಿಣಾಮ ಬೀರಿ ತೂಕ ಇಳಿಕೆಗೆ ಕಾರಣವಾಗುತ್ತೆ ಜೊತೆಗೆ ಹೃದಯದ ಬಡಿತವೂ ಹೆಚ್ಚಾಗುವುದು. ಅದೇ ಹೈಪೋಥೈರಾಯ್ಡ್ ಸಮಸ್ಯೆ ಇರುವವರಿಗೆ ಮೈ ತೂಕ ತುಂಬಾನೇ ಹೆಚ್ಚಾಗುವುದು.
ಹೈಪರ್ಥೈರಾಯ್ಡ್ ಹಾಗೂ ಹೈಪೋಥೈರಾಯ್ಡ್ಗೆ ಹಲವಾರು ಬಗೆಯ ಚಿಕಿತ್ಸೆಗಳಿವೆ. ಮಾತ್ರೆ ನೀಡಲಾಗುವುದು ಅಥವಾ ಲೇಸರ್ ಟ್ರೀಟ್ಮೆಂಟ್ ಅಥವಾ ಶಸ್ತ್ರ ಚಿಕಿತ್ಸೆ ಮಾಡಲಾಗುವುದು. ಈ ಲೇಖನದಲ್ಲಿ ಹೈಪೋಥೈರಾಯ್ಡ್ ಲಕ್ಷಣಗಳೇನು, ಅದಕ್ಕೆ ಚಿಕಿತ್ಸೆ ಪಡೆಯದಿದ್ದರೆ ಏನಾಗುತ್ತೆ ಎಂಬುವುದನ್ನು ಹೇಳಿದ್ದೇವೆ ನೋಡಿ:
ಹೈಪೋಥೈರಾಯ್ಡ್. ಲಕ್ಷಣಗಳು
* ಮೈ ತೂಕ ಹೆಚ್ಚಾಗುವುದು
* ಎದೆ ಬಡಿತ ಜೋರಾಗುವುದು
* ಭಯ, ಮಾನಸಿಕ ಒತ್ತಡ ಹೆಚ್ಚುವುದು ಒಂಥರಾ ಕಿರಿಕಿರಿ ಅನಿಸುವುದು
* ಕೈ ಬೆರಳುಗಳು ಝುಂಗಟ್ಟಿದಂತೆ ಅನಿಸುವುದು
* ಮೈ ಬೆವರುವುದು
* ಮುಟ್ಟಿನಲ್ಲಿ ವ್ಯತ್ಯಾಸ ಉಂಟಾಗುವುದು
* ಸೆಕೆ ಸಹಿಸಲು ಸಾಧ್ಯವಾಗುವುದಿಲ್ಲ
* ಮಲಬದ್ಧತೆ ಕಂಡು ಬರುವುದು
* ಥೈರಾಯ್ಡ್ ಗ್ರಂಥಿಯಲ್ಲಿ ಊತ ಕಂಡು ಬರುವುದು
* ತಲೆಸುತ್ತು, ಮೈಕೈ ನೋವು ಉಂಟಾಗುವುದು
* ನಿದ್ದೆ ಮಾಡಲು ಕಷ್ಟವಾಗುವುದು
* ತ್ವಚೆ ತೆಳುವಾಗುವುದು
* ಕೂದಲು ಉದುರಿ ತೆಳುವಾಗುವುದು
ಗ್ರೇವ್ಸ್ ಸಮಸ್ಯೆ
ಇನ್ನು ಕೆಲವರಲ್ಲಿ ಥೈರಾಯ್ಡ್ ಹೆಚ್ಚಾದಾಗ ಗ್ರೇವ್ಸ್ ಸಮಸ್ಯೆ ಉಂಟಾಗುವುದು. ಇದು ಮತ್ತಷ್ಟು ಅಪಾಯಕಾರಿಯಾದ ಹಂತವಾಗಿದೆ, ಇದರಿಂದ ಕಣ್ಣಿಗೆ ಹಾನಿಯಾಗುವುದು.
ಗ್ರೇವ್ ಸ್ಟೇಜ್ನಲ್ಲಿ ಕಂಡು ಬರುವ ಲಕ್ಷಣಗಳು
* ಕಣ್ಣು ಡ್ರೈಯಾಗುವುದು
* ಕಣ್ಣಿನಲ್ಲಿ ಸುಮ್ಮನೆ ನೀರು ಬರುವುದು
* ಲೈಟ್ ನೊಡೋಕೆ ಸಾಧ್ಯವಾಗದಿರುವುದು
ಹೈಪೋಥೈರಾಯ್ಡ್ ಉಂಟಾದಾಗ ಚಿಕಿತ್ಸೆ ಪಡೆಯಲೇಬೇಕು, ಇಲ್ಲದಿದ್ದರೆ ಈ ಸಮಸ್ಯೆ ಉಂಟಾಗುವುದು
1. ಗಳಗಂಡ ರೋಗ
ಥೈರಾಯ್ಡ್ ಗ್ರಂಥ ಹಾರ್ಮೋನ್ ಉತ್ಪತ್ತಿಗೆ ಅಧಿಕ ಶ್ರಮ ಪಟ್ಟಾಗ ಈ ರೀತಿ ಉಂಟಾಗುವುದು. ಇದರಿಂದ ಆಹಾರವನ್ನು ನುಂಗಲು ಕಷ್ಟವಾಗುವುದು, ಉಸಿರಾಟದಲ್ಲಿ ತೊಂದರೆ ಉಂಟಾಗುವುದು, ಜೊತೆಗೆ ಗಂಟಲು ಉಬ್ಬುವುದರಿಂದ ನಮ್ಮ ದೈಹಿಕ ಆಕಾರ ನೋಡಿ ಹಿಂಜರಿಕೆ ಉಂಟಾಗುವುದು.
2. ಹೃದಯ ಕಾಯಿಲೆ
ಹೈಪೋಥೈರಾಯ್ಡ್ ಸಮಸ್ಯೆ ಇದ್ದರೆ ಹೃದಯ ಸಮಸ್ಯೆ ಕಂಡು ಬರುವುದು. ದೇಹದಲ್ಲಿ ನೀರಿನಂಶ ಹೆಚ್ಚುವುದು, ಬೊಜ್ಜಿನಿಂದಾಗಿ ಮಣಿಗಂಟು ಹಾಗೂ ಕಾಲುಗಳಲ್ಲಿ ಊತ ಉಂಟಾಗುವುದು, ಅದರ ಜೊತೆಗೆ ಹೃದಯ ಸಮಸ್ಯೆ ಹೆಚ್ಚಾಗುವುದು, ಅವರಲ್ಲಿ ಲಿಪಿಡ್ ಹಾಗೂ ಕೊಲೆಸ್ಟ್ರಾಲ್ ಹೆಚ್ಚಾಗುವುದರಿಂದ ಹೃದಯಕ್ಕೆ ತೊಂದರೆಯಾಗುವುದು. ಥೈರಾಯ್ಡ್ಗೆ ಚಿಕಿತ್ಸೆ ಪಡೆದರೆ ಎಲ್ಲವೂ ಸರಿಹೋಗುವುದು.
3. ಕಿಡ್ನಿಗೆ ಹಾನಿಯಾಗುವುದು
TSHನಲ್ಲಿ ವ್ಯತ್ಯಾಸವಾಗಿ T3, T4 ಸಮಸ್ಯೆ ಇದ್ದರೆ ಅವರಿಗೆ ಕಿಡ್ನಿ ಸಮಸ್ಯೆ 2 ಪಟ್ಟು ಅಧಿಕ. ಅದೇ T3, T4 ವ್ಯತ್ಯಾಸವಾಗಿರುವವರಲ್ಲಿ ಥೈರಾಯ್ಡ್ ಸಮಸ್ಯೆ 7.61 ಪ್ಟು ಅಧಿಕ ಎಂದು ಅಧ್ಯಯನ ವರದಿ ಹೆಳಿದೆ.
4. ನರದ ಸಮಸ್ಯೆ
ಹೈಫೋಥೈರಾಯ್ಡ್ ಸಮಸ್ಯೆಯಿದ್ದರೆ ಅವರಿಗೆ ಮೈ, ಕೈ ನೋವು ಸ್ನಾಯುಗಳು ದುರ್ಬಲವಾಗುವುದು, ದೇಹದಲ್ಲಿ ನಿಶ್ಯಕ್ತಿ ಮುಂತಾದ ಸಮಸ್ಯೆ ಕಂಡು ಬರುವುದು.
5. ಖಿನ್ನತೆ ಕಾಡುವುದು
ಹೈಪೋಥೈರಾಯ್ಡ್ ಸಮಸ್ಯೆ ಇರುವವರಿಗೆ ಖಿನ್ನತೆ ಉಂಟಾಗುವುದು, ಥೈರಾಯ್ಡ್ ಹಾರ್ಮೋನ್ಗೆ ಚಿಕಿತ್ಸೆ ತೆಗೆದುಕೊಂಡರೆ ಖಿನ್ನತೆ ಕಡಿಮೆಯಾಗುವುದು.
6. ಬಂಜೆತನ ಸಮಸ್ಯೆ ಕಾಣುತ್ತೆ
ಹೈಪೋಥೈರಾಯ್ಡ್ ಸಮಸ್ಯೆ ಇರುವವರಿಗೆ ಬಂಜೆತನದ ಸಮಸ್ಯೆ ಕಾಣುತ್ತೆ, ಒಂದು ವೇಳೆ ಮಗುವಾದರೂ ಆ ಮಗುವಿನಲ್ಲಿ ದೈಹಿಕ ಹಾಗೂ ಮಾನಸಿಕ ನ್ಯೂನ್ಯತೆ ಕಂಡು ಬರುವ ಸಾಧ್ಯತೆ ಇದೆ. ಇನ್ನು ಕೆಲವರಿಗೆ ಗರ್ಭಪಾತವಾಗುವುದು.
7. ಕೋಮಾಕ್ಕೆ ಜಾರುವುದು (Myxedema)
ಇದು ಬಲು ಅಪರೂಪವಾಗಿದೆ, ಈ ಸಮಸ್ಯೆ ಮಾನಸಿಕ ಒತ್ತಡ ಹೆಚ್ಚಾದಾಗ ಅಥವಾ ಖಿನ್ನತೆಗೆ ಮಾತ್ರೆ ತೆಗೆದುಕೊಂಡಾಗ, ಏನಾದರೂ ಸೋಂಕು ತಗುಲಿದಾಗ ಉಂಟಾಗುವುದು.