Just In
Don't Miss
- Automobiles ಹೊಸ ಸುಜುಕಿ V-Strom 800 DE ಬೈಕ್ ಬಿಡುಗಡೆ: ಬೆಲೆ ರೂ.10.30 ಲಕ್ಷ
- Movies ಪುಟ್ಟಕ್ಕನ ಮನೆಗೆ ಕುಡಿದು ಬಂದ ಮುರಳಿಗೆ ಶಾಕ್; ಅಮ್ಮ ಅರೆಸ್ಟ್.. ಸಹನಾ ಮೇಲೆ ಗೂಬೆ ಕೂರಿಸಿದ ಪತಿ
- Sports RCB vs KKR: ಗೇಮ್ ಚೇಂಜರ್ ಆಗಬಹುದು ಈ ಪ್ಲೇಯರ್ಸ್; ಈ ಆಟಗಾರರ ಮೇಲೆ ಕಣ್ಣು
- News Acid Attack: ಆಸ್ತಿ ವಿವಾದ: ಮಗನ ಮೇಲೆ 'ಆಸಿಡ್' ಎರಚಿದ ತಂದೆ
- Finance 25ನೇ ವಯಸ್ಸಿನಲ್ಲಿ 25,000 ರೂ.ನಿಂದ 7,000 ಕೋಟಿ ಗಳಿಸಿದ ವ್ಯಕ್ತಿ ಬಗ್ಗೆ ತಿಳಿಯಿರಿ
- Technology ಬಜೆಟ್ ದರದಲ್ಲಿ ಬೆಸ್ಟ್ 5G ಫೋನ್ ಬೇಕಿದ್ರೆ, ಈ ಲಿಸ್ಟ್ ಒಮ್ಮೆ ಗಮನಿಸಿ!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸೀಸನಲ್ ಫ್ಲೂ, ವೈರಲ್ ಜ್ವರ: ಲಕ್ಷಣಗಳೇನು? ಬೇಗನೆ ಚೇತರಿಸಿಕೊಳ್ಳುವುದು ಹೇಗೆ?
ಈಗ ಎಲ್ಲಾ ಕಡೆ ಜ್ವರ ಹೆಚ್ಚಾಗಿದೆ, ಆಸ್ಪತ್ರೆಯಲ್ಲೇ ಜ್ವರ-ಶೀತ, ಕೆಮ್ಮು ಅಂತ ಬರುವವರ ಸಂಖ್ಯೆ ಹೆಚ್ಚುತ್ತಿದೆ. ಬದಲಾದ ವಾತಾವರಣ ಜನರ ಆರೋಗ್ಯದ ಮೇಲೆ ಪರಿಣಾಮ ಬೀರಿದೆ, ಬೆಳಗ್ಗೆ ನೋಡಿದರೆ ಮಂಜು ಸುರಿಯುತ್ತಿರುತ್ತದೆ, ಸಂಜೆ ಹೊತ್ತಿನಲ್ಲಿ ತಣ್ಣನೆಯ ಗಾಳಿ ಇದರಿಂದಾಗಿ ಜನರಲ್ಲಿ ಶೀತ-ಕೆಮ್ಮು ಹೆಚ್ಚಾಗಿ ಕಂಡು ಬರುತ್ತದೆ. ಮನೆಯಲ್ಲಿ ಒಬ್ಬರಿಗೆ ವೈರಲ್ ಜ್ವರ ಬಂದ್ರೆ ಮನೆಯಲ್ಲಿ ಇತರರಿಗೂ ಹರಡುವುದು.
ವೈರಲ್ ಜ್ವರ ಎಂದರೇನು, ಇದರ ಲಕ್ಷಣಗಳೇನು? ವೈರಲ್ ಜ್ವರಕ್ಕೆ ಚಿಕಿತ್ಸೆಯೇನು ಎಂದು ನೋಡೋಣ ಬನ್ನಿ:
ವೈರಲ್ ಜ್ವರ ಎಂದರೇನು?
ನಮ್ಮ ದೇಹ ಉಷ್ನತೆ ಸಾಮಾನ್ಯಕ್ಕಿಂತ ಹೆಚ್ಚಿದ್ದರೆ ಅದು ಜ್ವರ. ವೈರಲ್ ಸೋಂಕು ಉಂಟಾದಾಗ ನಮ್ಮ ದೇಹಕ್ಕೆ ಅದರ ವಿರುದ್ಧ ಹೋರಾಡಲು ಸಾಧ್ಯವಾಗದಿದ್ದಾಗ ಜ್ವರ ಉಂಟಾಗುವುದು.
ಸಾಮಾನ್ಯವಾಗಿ ವೈರಲ್ ಜ್ವರ ಉಂಟಾದಾಗ 3-4 ದಿನದಲ್ಲಿ ಕಡಿಮೆಯಾಗುವುದು, ಆದರೆ ಕೆಲವೊಂದು ವೈರಲ್ ಸೋಂಕು ಅಂದ್ರೆ ಡೆಂಗ್ಯೂ ಉಂಟಾದರೆ ತುಂಬಾ ಜ್ವರ ಇರುತ್ತದೆ.
ವೈರಲ್ ಜ್ವರದ ಲಕ್ಷಣಗಳೇನು?
* ಚಳಿಯಾಗುವುದು
* ಬೆವರುವುದು
* ನಿರ್ಜಲೀಕರಣ
* ತಲೆನೋವು
* ಮೈಕೈ ನೋವು
* ತುಂಬಾ ಸುಸ್ತಾಗುವುದು
* ಹಸಿವು ಇಲ್ಲದಿರುವುದು
ವೈರಲ್ ಜ್ವರ ಹೇಗೆ ಹರಡುವುದು?
* ಜ್ವರ ಇರುವ ವ್ಯಕ್ತಿ ಕೆಮ್ಮಿದಾಗ, ಸೀನಿದಾಗ ಒಬ್ಬರಿಂದ ಮತ್ತೊಬ್ಬರಿಗೆ ಹರಡುವುದು.
* ಆಹಾರ ಅಥವಾ ನೀರಿನಲ್ಲಿ ಸೋಂಕು ಇದ್ದರೆ ಆ ಆಹಾರವನ್ನು ಸೇವಿಸಿದಾಗ ಸೋಂಕು ಹರಡುವುದು.
* ಸೊಂಕು ಇರುವ ವ್ಯಕ್ತಿಗೆ ಸೊಳ್ಳೆ ಕಚ್ಚಿ ಆ ಸೊಳ್ಳೆ ಮತ್ತೊಬ್ಬರಿಗೆ ಕಚ್ಚಿದಾಗ ಸೊಂಕು ಹರಡುವುದು ಉದಾಹರಣೆಗೆ ಡೆಂಗ್ಯೂ ಅಥವಾ ಮಲೇರಿಯಾ.
* ದೇಹದ ಬೆವರು ಅಥವಾ ರಕ್ತದ ಮೂಲಕ ಕೂಡ ಸೋಂಕು ಹರಡುವುದು. ಹೆಚ್ಐವಿ, ಹೆಪಟೈಟಿಸ್ ಬಿ ಇವೆಲ್ಲಾ ದೇಹದ ಮೂಲಕ ಮತ್ತೊಬ್ಬರಿಗೆ ಹರಡುವುದು.
ವೈರಲ್ ಜ್ವರ ಇದೆಯೆಂದು ತಿಳಿಯುವುದು ಹೇಗೆ?
* ಗಂಟಲು ಕೆರೆತ, ಸೀತ, ಕೆಮ್ಮು ಇದ್ದರೆ ಸ್ವ್ಯಾಬ್ ಪರೀಕ್ಷೆ ಮಾಡಿಸಿ, ಅದು ನೆಗೆಟಿವ್ ಬಂದ್ರೆ ಕೊರೊನಾ ಅಲ್ಲ ವೈರಲ್ ಜ್ವರ ಎಂದು ಹೇಳಬಹುದು.
* ರಕ್ತ ಪರೀಕ್ಷೆ ಮಾಡಿಸಿದಾಗ ದೇಹದಲ್ಲಿ ಬಿಳಿ ರಕ್ತಕಣಗಳು ಕಡಿಮೆಯಾದರೆ ವೈರಲ್ ಸೋಂಕು ತಗುಲಿದೆ ಎಂದು ತಿಳಿಯುವುದು.
ವೈರಲ್ ಜ್ವರದಿಂದ ಬೇಗನೆ ಚೇತರಿಸಿಕೊಳ್ಳಲು ಏನು ಮಾಡಬೇಕು?
* ವೈದ್ಯರು ನೀಡಿರುವ ಮಾತ್ರೆಗಳನ್ನು ಸೇವಿಸಿ.
* ಸಾಕಷ್ಟು ವಿಶ್ರಾಂತಿ ಪಡೆಯಿರಿ
* ಸಾಕಷ್ಟು ನೀರು ಕುಡಿಯಿರಿ
* ತುಂಬಾ ಜ್ವರ ಇದ್ದರೆ ಉಗುರು ಬೆಚ್ಚಗಿನ ನೀರಿಗೆ ಟವಲ್ ಅದ್ದಿ ಮೈ ಒರೆಸಿ, ಹೀಗೆ ಮಾಡುವುದರಿಂದ ಮೈ ಉಷ್ಣತೆ ಕಡಿಮೆಯಾಗುವುದು.
* ವಿಟಮಿನ್ ಸಿ ಇರುವ ಆಹಾರ ಸೇವಿಸಿ.
* ಬಿಸಿ ನೀರಿಗೆ ನಿಂಬೆರಸ ಹಾಕಿ ಕುಡಿಯಿರಿ
* ಚಿಕನ್ ಸೂಪ್ ಮಾಡಿ ಕುಡಿಯಿರಿ.
ಇವೆಲ್ಲಾ ಜ್ವರದಿಂದ ಬೇಗನೆ ಚೇತರಿಸಿಕೊಳ್ಳಲು ಸಹಾಯ ಮಾಡುವುದು.