Just In
- 29 min ago ಮೊಲದ ಜೊತೆ ಓಡಿ ಮತ್ತೊಮ್ಮೆ ರೇಸ್ ಗೆದ್ದ ಆಮೆ..! ಈ ಕಥೆ ನಿಜವಾಗಿದ್ದು ಹೇಗೆ ನೋಡಿ.!
- 39 min ago ಗುರು ಸಂಚಾರ: ಮೇ 1ರಿಂದ 3ನೇ ಸ್ಥಾನದಲ್ಲಿರುವ ಗುರು ಮೀನ ರಾಶಿಯವರಿಗೆ ಅದೃಷ್ಟವೇ?
- 12 hrs ago ಗುರು ಸಂಚಾರದಿಂದ ಕುಂಭ ರಾಶಿಯವರ ಆರ್ಥಿಕ ಬದುಕು ಸುಧಾರಿಸಲಿದೆಯೇ?
- 13 hrs ago ಮೇ 1ರಿಂದ ಗುರು ಮಕರ ರಾಶಿಯಲ್ಲಿ ಪಂಚಮ ಸ್ಥಾನದಲ್ಲಿ ಇರುವುದರಿಂದ ಈ ರೀತಿಯೆಲ್ಲಾ ಪ್ರಯೋಜನಗಳಿವೆ
Don't Miss
- Sports T20 World Cup 2024: ಟಿ20 ವಿಶ್ವಕಪ್ನಲ್ಲಿ ಟೀಮ್ ಇಂಡಿಯಾ ಆರಂಭಿಕರನ್ನು ಸೂಚಿಸಿದ ಸೌರವ್ ಗಂಗೂಲಿ
- Automobiles ಫೋಕ್ಸ್ವ್ಯಾಗನ್ ವರ್ಟಸ್ ಕಾರಿಗೆ ಮನಸೋತ ಗ್ರಾಹಕರು: ಭಾರೀ ಬೇಡಿಕೆ
- News Bride Kidnap Video: ವರನ ಕಣ್ಣಿಗೆ ಮೆಣಸಿನ ಪುಡಿ ಹಾಕಿ ವಧುವಿನ ಅಪಹರಣಕ್ಕೆ ಯತ್ನ: ವಿಡಿಯೋ
- Technology Airtel: ಏರ್ಟೆಲ್ನಿಂದ ಹೊಸ ಅಂತಾರಾಷ್ಟ್ರೀಯ ರೋಮಿಂಗ್ ಪ್ಲ್ಯಾನ್ಗಳು! ಇವು ಹೇಗೆಲ್ಲಾ ಅನುಕೂಲ?
- Finance Bangalore Karaga: ಇಂದು ಈ ರಸ್ತೆಗಳಲ್ಲಿ ಸಂಚಾರ ಬಂದ್, ಬದಲಿ ಮಾರ್ಗ ವಿವರ
- Movies "ರಾಘವೇಂದ್ರ ಸ್ವಾಮಿಗಳು ನನ್ನ ತಾತ"; ರಾಯರ ನೆನೆದು ಭಾವುಕರಾಗಿದ್ದೇಕೆ ಬೇಬಿ ಇಂದಿರಾ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಳೆಗಾಲದಲ್ಲಿ ಉಲ್ಬಣವಾಗುವ ಅಸ್ತಮಾ ನಿಯಂತ್ರಣಕ್ಕೆ ಇಲ್ಲಿವೆ ಟಿಪ್ಸ್
ಆಸ್ತಮಾವು ದೀರ್ಘಕಾಲದ ಉಸಿರಾಟದ ಕಾಯಿಲೆಯಾಗಿದ್ದು, ಶ್ವಾಸಕೋಶಕ್ಕೆ ಗಾಳಿಯನ್ನು ಸಾಗಿಸುವ ವಾಯುಮಾರ್ಗಗಳಿಗೆ ಸಮಸ್ಯೆಗಳನ್ನು ಉಂಟುಮಾಡುತ್ತದೆ. ಸಾಮಾನ್ಯರ ಪರಿಭಾಷೆಯಲ್ಲಿ, ಆಸ್ತಮಾ ಎಂದರೆ ಉಸಿರಾಟದ ತೊಂದರೆ. ವಿಶ್ವ ಆರೋಗ್ಯ ಸಂಸ್ಥೆಯ (WHO) ವರದಿಯ ಪ್ರಕಾರ, ಭಾರತದಲ್ಲಿ ಸುಮಾರು 15-20 ಮಿಲಿಯನ್ ಆಸ್ತಮಾ ರೋಗಿಗಳಿದ್ದಾರೆ.
ಅನೇಕ ಆಸ್ತಮಾ ರೋಗಿಗಳು ಮಳೆಗಾಲದಲ್ಲಿ ಅಸ್ತಮಾ ದಾಳಿಯನ್ನು ಅನುಭವಿಸುತ್ತಾರೆ, ನಿಮ್ಮ ಆಸ್ತಮಾದ ಮೇಲೆ ಮಳೆ ಏಕೆ ಮತ್ತು ಹೇಗೆ ಪರಿಣಾಮ ಬೀರುತ್ತದೆ? ಹಾಗೂ ಮಳೆಗಾಲದಲ್ಲಿ ತೆಗೆದುಕೊಳ್ಳಬೇಕಾದ ಮುಂಜಾಗೃತಾ ಕ್ರಮಗಳು ಯಾವುವು ಎಂಬುದನ್ನು ಇಲ್ಲಿ ನೋಡೋಣ.
ಮಳೆಗಾಲದಲ್ಲಿ ಅಸ್ತಮಾ ಹೆಚ್ಚಾಗಲು ಕಾರಣವೇನು?:
ಹೆಚ್ಚಿದ ಪರಾಗ:
ಅಸ್ತಮಾದ ಪ್ರಮುಖ ಕಾರಣಗಳಲ್ಲಿ ಒಂದು, ಮಳೆಯಿಂದ ಹರಡಿದ ಪರಾಗ. ಮಳೆಗಾಲದಲ್ಲಿ, ಪರಿಸರದಲ್ಲಿ ಹಲವಾರು ಪರಾಗಗಳು ಹೆಚ್ಚಾಗುವುದರಿಂದ ಅಸ್ತಮಾ ದಾಳಿಗೆ ಕಾರಣವಾಗುತ್ತದೆ. ಗಾಳಿಯಲ್ಲಿ ತೇವ, ಶಿಲೀಂಧ್ರ, ಹವಾಮಾನ ವೈಪರೀತ್ಯದಂತಹ ವಿವಿಧ ಕಾರಣಗಳಿಂದ ಈ ಪರಾಗಗಳು ಹೆಚ್ಚಾಗುತ್ತವೆ. ಇದರ ಪ್ರತಿಕೂಲ ಪರಿಣಾಮವು ಹೆಚ್ಚಾಗಿ ರಾತ್ರಿಯಲ್ಲಿ ಕಂಡುಬರುತ್ತದೆ.
ವಿಷಕಾರಿ ಅನಿಲ:
ಮಳೆಗಾಲದಲ್ಲಿ, ವಿಷಕಾರಿ ಅನಿಲಗಳಾದ ಸಲ್ಫರ್, ಸಲ್ಫರ್ ಡೈಆಕ್ಸೈಡ್ ಮತ್ತು ನೈಟ್ರೋಜನ್ ಡೈಆಕ್ಸೈಡ್ ಬಿಡುಗಡೆಯಾಗುವ ಸಾಧ್ಯತೆಯಿದೆ. ಈ ವಿಷಕಾರಿ ಅನಿಲಗಳು ಆಸ್ತಮಾ ರೋಗಿಗಳಿಗೆ ಸರಿಯಾಗಿ ಉಸಿರಾಡಲು ತೊಂದರೆ ನೀಡುವುದು. ಅಂತಿಮವಾಗಿ ಆಸ್ತಮಾ ದಾಳಿಯನ್ನು ಉಂಟುಮಾಡುತ್ತದೆ.
ಹೆಚ್ಚಿದ ಶಿಲೀಂಧ್ರ:
ಕತ್ತಲೆಯಾದ ವಾತಾವರಣ ಮತ್ತು ನಿರಂತರ ಮಳೆಯಿಂದಾಗಿ ಉಂಟಾಗುವ ತೇವವು ಧೂಳಿನ ಜೊತೆಗೆ ಸುತ್ತಮುತ್ತಲಿನ ಶಿಲೀಂಧ್ರಗಳ ಬೆಳವಣಿಗೆಯನ್ನು ಹೆಚ್ಚಿಸುತ್ತದೆ. ಈ ಮಾಲಿನ್ಯಕಾರಕಗಳು ಆಸ್ತಮಾ ರೋಗಿಗಳಿಗೆ ಸಾಂಕ್ರಾಮಿಕವಾಗಿದ್ದು, ಅವು ಶ್ವಾಸನಾಳದ ಅಸ್ವಸ್ಥತೆಗಳನ್ನು ಉಂಟುಮಾಡುತ್ತವೆ.
ವೈರಾಣು ಸೋಂಕು:
ಮಳೆಗಾಲದಲ್ಲಿ ವಿವಿಧ ವೈರಸ್ಗಳು ಮತ್ತು ಬ್ಯಾಕ್ಟೀರಿಯಾಗಳು ಪರಿಸರವನ್ನು ಪ್ರವೇಶಿಸುತ್ತವೆ. ಈ ವೈರಸ್ಗಳು ಮತ್ತು ಬ್ಯಾಕ್ಟೀರಿಯಾಗಳು ಆಸ್ತಮಾ ರೋಗಿಗಳಿಗೆ ಅಲರ್ಜಿಯನ್ನು ಉಂಟುಮಾಡಿ, ಆಸ್ತಮಾ ಹದಗೆಡುವಂತೆ ಮಾಡುತ್ತದೆ.
ಇದರ ಹೊರತಾಗಿ ಕೋಪ, ಉತ್ಸಾಹ, ಭಯ ಅಥವಾ ಅತಿಯಾದ ವ್ಯಾಯಾಮದಂತಹ ಭಾವನಾತ್ಮಕ ಅಂಶಗಳು ಉಸಿರಾಟದ ತೊಂದರೆಗಳನ್ನು ಉಂಟುಮಾಡುತ್ತವೆ. ಆಸ್ತಮಾವನ್ನು ಗುಣಪಡಿಸಲಾಗುವುದಿಲ್ಲ ಎಂದು ಅರ್ಥಮಾಡಿಕೊಳ್ಳುವುದು ಬಹಳ ಮುಖ್ಯ; ಆದಾಗ್ಯೂ, ಅದನ್ನು ನಿಯಂತ್ರಿಸಬಹುದು. ಅದು ಹೇಗೆ ಎಂಬುದನ್ನು ಇಲ್ಲಿ ನೋಡೋಣ.
ಮಳೆಗಾಲದಲ್ಲಿ ಅಸ್ತಮಾವನ್ನು ಹೇಗೆ ನಿರ್ವಹಿಸುವುದು?:
ಆಸ್ತಮಾ ರೋಗಿಗಳು ಸಾಕುಪ್ರಾಣಿಗಳೊಂದಿಗೆ ಯಾವುದೇ ಸಂಪರ್ಕವನ್ನು ತಪ್ಪಿಸಬೇಕು.
ಮನೆಯಲ್ಲಿ ಯಾರಾದರೂ ಅನಾರೋಗ್ಯದಿಂದ ಬಳಲುತ್ತಿದ್ದರೆ, ಅವರು ಮಲಗುವ ಕೋಣೆಯಿಂದ ದೂರವಿರಬೇಕು.
ಶೌಚಾಲಯಗಳು, ಸ್ನಾನಗೃಹಗಳಂತಹ ಒದ್ದೆಯಾದ ಸ್ಥಳಗಳನ್ನು ಬ್ಲೀಚ್, ಸೋಂಕುನಿವಾರಕಗಳು, ಮಾರ್ಜಕಗಳು ಇತ್ಯಾದಿಗಳಿಂದ ಸ್ವಚ್ಛಗೊಳಿಸುವ ಮೂಲಕ ಶಿಲೀಂಧ್ರದಿಂದ ಮುಕ್ತವಾಗಿಡಿ.
ಅಸ್ತಮಾ ರೋಗಿಗಳು ತಮ್ಮ ಔಷಧಿಗಳನ್ನು ಬಿಡಬಾರದು. ತಜ್ಞ ಆಹಾರ ತಜ್ಞರ ಸಲಹೆಯೊಂದಿಗೆ ಸಮತೋಲಿತ ಆಹಾರವನ್ನು ಸೇವಿಸಿ.
ಎಲ್ಲಾ ರಗ್ಗಳು, ದಿಂಬಿನ ಕವರ್ಗಳು, ಬೆಡ್ ಶೀಟ್ಗಳನ್ನು ಬೆಚ್ಚಗಿನ ನೀರಿನಿಂದ ತೊಳೆಯಿರಿ.
ಬಿಯರ್, ವೈನ್, ಹಾರ್ಡ್ ಸೈಡರ್ ವಿನೆಗರ್, ಹೆಪ್ಪುಗಟ್ಟಿದ ಸೀಗಡಿ, ಹೆಪ್ಪುಗಟ್ಟಿದ ಆಲೂಗಡ್ಡೆ, ಉಪ್ಪಿನಕಾಯಿ, ಕೃತಕ ನಿಂಬೆ ರಸ ಬೇಡ.
ಅಲರ್ಜಿಯನ್ನು ಪ್ರಚೋದಿಸುವ ಆಹಾರಗಳನ್ನು ತಪ್ಪಿಸಿ.
ಹೆಚ್ಚು ಉಪ್ಪು ಸೇವನೆಯು ಶ್ವಾಸಕೋಶದಲ್ಲಿ ದ್ರವದ ಧಾರಣಕ್ಕೆ ಕಾರಣವಾಗಬಹುದು. ಇದು ಉಸಿರಾಟದ ತೊಂದರೆ ಸೃಷ್ಟಿಸುತ್ತದೆ.
ಈ ಆಹಾರ ಸೇವಿಸಿ:
ಧಾನ್ಯ, ಹಣ್ಣು, ತರಕಾರಿಗಳು, ನೇರ ಪ್ರೋಟಿನ್, ಕಡಿಮೆ ಕೊಬ್ಬು ಒಳಗೊಂಡಿರುವ ಸಮತೋಲಿತ ಆಹಾರವನ್ನು ತೆಗೆದುಕೊಳ್ಳಬೇಕು.
ವಿಟಮಿನ್ ಸಿ, ಡಿ, ಇ ಹಾಲು, ಮೊಟ್ಟೆ ಮತ್ತು ಸಿಟ್ರಸ್ ಹಣ್ಣುಗಳನ್ನು ತೆಗೆದುಕೊಳ್ಳಲು ಅತ್ಯಗತ್ಯ. ಕಡಿಮೆ ವಿಟಮಿನ್ ಡಿ ಮಟ್ಟಗಳು ತೀವ್ರ ಆಸ್ತಮಾದ ಅಪಾಯವನ್ನು ಹೆಚ್ಚಿಸುತ್ತವೆ.
ಬೀಟಾ ಕ್ಯಾರೋಟಿನ್ ಮತ್ತು ಮೆಗ್ನೀಷಿಯಂ ಸಮೃದ್ಧ ಆಹಾರಗಳಾದ ಪಾಲಕ್, ಕ್ಯಾರೆಟ್, ಎಲೆ ತರಕಾರಿಗಳು, ಕುಂಬಳಕಾಯಿ ಬೀಜ ಇತ್ಯಾದಿಗಳನ್ನು ಸೇವಿಸಿ.
ಬೆಳ್ಳುಳ್ಳಿ, ಶುಂಠಿ, ಅರಿಶಿನ ಬಳಕೆ ಉತ್ತಮ.
ಒಮೆಗಾ 3 ಕೊಬ್ಬಿನಾಮ್ಲ ಸಮೃದ್ಧ ಆಹಾರಗಳು, ಆವಕಾಡೊ, ಬಾದಾಮಿ, ವಾಲ್ನಟ್ ಅಸ್ತಮಾದ ದಾಳಿಯನ್ನು ತಡೆಗಟ್ಟಲು ಸಹಾಯಕ.
ಅಸ್ತಮಾ ಒಂದು ದೀರ್ಘಕಾಲದ ಕಾಯಿಲೆಯಾಗಿದ್ದು, ಇದನ್ನು ಕೆಲವು ಅಗತ್ಯ ಸಲಹೆಗಳ ಸಹಾಯದಿಂದ ಮಾತ್ರ ನಿಯಂತ್ರಿಸಬಹುದು. ಮಳೆಗಾಲದ ಸಮಯದಲ್ಲಿ, ಅಸ್ತಮಾ ರೋಗಿಗಳು ತೊಂದರೆಗಳನ್ನು ಅನುಭವಿಸುವ ಸಾಧ್ಯತೆಯಿದೆ, ಆದರೆ, ಈ ಮುನ್ನೆಚ್ಚರಿಕೆಗಳೊಂದಿಗೆ , ಖಂಡಿತವಾಗಿಯೂ ಅದರ ಪರಿಣಾಮವನ್ನು ಕಡಿಮೆ ಮಾಡಬಹುದು. ಅಗತ್ಯವಿದ್ದರೆ ವೈದ್ಯರನ್ನು ಸಂಪರ್ಕಿಸಿ ಮತ್ತು ವೈದ್ಯಕೀಯ ತಪಾಸಣೆ ಮಾಡಿ.