Just In
- 1 hr ago ವಾರ ಭವಿಷ್ಯ (ಏಪ್ರಿಲ್20-27) : ಈ ವಾರ 12 ರಾಶಿಗಳ ರಾಶಿಫಲ ಹೇಗಿದೆ?
- 4 hrs ago ಗುರು ಸಂಚಾರ 2024: ಕನ್ಯಾ ರಾಶಿಯಲ್ಲಿ 12 ತಿಂಗಳು ಗುರುವಿನ ಪ್ರಭಾವ ಹೇಗಿರಲಿದೆ?
- 13 hrs ago ವಾರ ಭವಿಷ್ಯ: ಸಂಖ್ಯಾಶಾಸ್ತ್ರ ಪ್ರಕಾರ ಈ 7 ದಿನಗಳು ನಿಮಗೆ ಹೇಗಿರಲಿದೆ?
- 14 hrs ago ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
Don't Miss
- News ನೇಹಾ ಕೊಲೆಗೆ ಸಿಎಂ ತೀವ್ರ ಖಂಡನೆ: ಕೊಲೆಗಾರನಿಗೆ ಶಿಕ್ಷೆ ಕುರಿತು ಸಿದ್ದರಾಮಯ್ಯ ಹೇಳಿದ್ದೇನು?
- Automobiles Mahindra: ಫ್ಯಾಮಿಲಿ ಕಾರು ಮಹೀಂದ್ರಾ ಎಕ್ಸ್ಯುವಿ700 ಖರೀದಿಸುವವರಿಗೆ ಸಿಹಿಸುದ್ದಿ.. ಇನ್ನೂ ತಿಂಗಳೇ ಸಾಕು!
- Technology Vivo: ಶೀಘ್ರದಲ್ಲೇ ವಿವೋ Y38 5G ಸ್ಮಾರ್ಟ್ಫೋನ್; ವಿನ್ಯಾಸ ಮತ್ತು ಫೀಚರ್ಸ್ ಲೀಕ್
- Sports DC vs SRH: ಹೈದರಾಬಾದ್ ಬ್ಯಾಟರ್ಗಳನ್ನು ಕಟ್ಟಿಹಾಕಲಿದ್ದಾರಾ ಡೆಲ್ಲಿ ಬೌಲರ್ಸ್?; ಸಂಭಾವ್ಯ ಆಡುವ 11ರ ಬಳಗ
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Movies ಹಳೇ ಟ್ವೀಟ್ ಹಾಕಿ ರಕ್ಷಿತ್ ಶೆಟ್ಟಿ ಹೇಳಿದ್ದೇನು? 'ರಿಚರ್ಡ್ ಆಂಟನಿ' ಕಥೆ ಏನಾಯ್ತು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಿಮ್ಮಲ್ಲಿ ಈ ಲಕ್ಷಣಗಳು ಕಂಡುಬಂದರೆ ಕ್ಯಾನ್ಸರ್ನ ಮುನ್ಸೂಚನೆ ಇರಬಹುದು!
ಮನುಷ್ಯನನ್ನು ಬಾಧಿಸುವ ಮಾರಣಾಂತಿಕ ಕಾಯಿಲೆಗಳಲ್ಲಿ ಕ್ಯಾನ್ಸರ್ ಸಹ ಭೀಕರ ರೋಗವಾಗಿದೆ. ಹಂತ ಹಂತವಾಗಿ ಮನುಷ್ಯನನ್ನು ಕೊಲ್ಲು ಈ ಕಾಯಿಲೆ ದೈಹಿಕವಾಗಿ ಅಲ್ಲದೆ ಮಾನಸಿಕವಾಗಿಯೂ ಸಾಕಷ್ಟು ನರಳಾಟ ಪಡುವಂತೆ ಮಾಡುತ್ತದೆ.
ಇಂಥಾ ಭೀಕರ ಕಾಯಿಲೆಯನ್ನು ಪತ್ತೆ ಮಾಡಲು ವೈದ್ಯಕೀಯ ಲೋಕದಲ್ಲಿ ಸಾಕಷ್ಟು ಪರೀಕ್ಷೆಗಳನ್ನು ಮಾಡಿಸಬೇಕಾಗುತ್ತದೆ. ಆದರೆ ನಿಮಗೆ ತಿಳಿದಿರಲಿ ನಮ್ಮ ದೇಹದಲ್ಲಿ ಆಗುವ ಕೆಲವು ಬದಲಾವಣೆಗಳು ಕ್ಯಾನ್ಸರ್ನ ಮುನ್ಸೂಚನೆಯನ್ನು ನೀಡುತ್ತದೆ. ಈ ಬಗ್ಗೆ ನೀವು ನಿರ್ಲಕ್ಷ್ಯವಹಿಸದೆ ಹೆಚ್ಚು ಗಮನಹರಿಸಿದರೆ ಆರಂಭಿಕ ಹಂತದಲ್ಲೇ ಇದಕ್ಕೆ ನೀವು ಚಿಕಿತ್ಸೆ ಆರಂಭಿಸಬಹುದು.
ಯಾವುದು ಆ ಮುನ್ಸೂಚನೆ ಮುಂದೆ ನೋಡೋಣ:
1. ಎದೆ ನೋವು ಅಥವಾ ದೀರ್ಘಕಾಲದ ಕೆಮ್ಮು
ಬ್ರಾಂಕೈಟಿಸ್ ಮತ್ತು ಅತಿಯಾದ ಕೆಮ್ಮು ಕೆಲವು ಸಂದರ್ಭಗಳಲ್ಲಿ ಶ್ವಾಸಕೋಶದ ಗೆಡ್ಡೆಗಳು ಮತ್ತು ರಕ್ತಕ್ಯಾನ್ಸರ್ನ ರೋಗಲಕ್ಷಣಗಳಾಗಿರಬಹುದು. ಶ್ವಾಸಕೋಶದ ಕ್ಯಾನ್ಸರ್ನಿಂದ ಬಳಲುತ್ತಿರುವ ಕೆಲವರು ಸಾಮಾನ್ಯವಾಗಿ ಎದೆ ನೋವು ಹಾಗೂ ಅದು ತೋಳಿನ ಕೆಳಗೆ ಮತ್ತು ಭುಜದವರೆಗೆ ವಿಸ್ತರಿಸುವ ಬಗ್ಗೆ ವೈದ್ಯರಲ್ಲಿ ತಿಳಿಸಿರುವುದು ಕಂಡುಬಂದಿದೆ. ಆದ್ದರಿಂದ ಬ್ರಾಂಕೈಟಿಸ್, ಅತಿಯಾದ ಕೆಮ್ಮು, ಎದೆನೋವು, ತೋಳುಗಳ ನೋವು ನಿಮ್ಮನ್ನು ಎಡೆಬಿಡದೆ ಕಾಡಿದರೆ ಒಮ್ಮೆ ಪರೀಕ್ಷೆ ಮಾಡಿಸಿಕೊಳ್ಳುವುದು ಒಳಿತು.
2. ಉಸಿರಾಟ ಸಮಸ್ಯೆ ಅಥವಾ ಉಬ್ಬಸದ ಕೊರತೆ
ಆಗಾಗ್ಗೆ ಉಸಿರಾಟದ ಸಮಸ್ಯೆಯನ್ನು ಅನುಭವಿಸುತ್ತಿದ್ದರೆ ಅದು ಶ್ವಾಸಕೋಶ ಕ್ಯಾನ್ಸರ್ನ ಮುನ್ಸೂಚನೆ ಇರಬಹುದು. ಉಸಿರು ಬಿಗಿಹಿಡಿದಂಥ ಅನುಭವ, ಶಕ್ತಿಹೀನತೆ ಪದೇ ಪದೇ ಉಸಿರಾಡಲು ಕಷ್ಟವಾದರೆ ಇದು ಶ್ವಾಸಕೋಶದ ಕ್ಯಾನ್ಸರ್ನ ಮೊದಲ ಲಕ್ಷಣಗಳಲ್ಲಿ ಒಂದಾಗಿದೆ.
3. ನುಂಗಲು ತೊಂದರೆ
ನೀವು ಆಹಾರ ಸೇವಿಸುವಾಗ ಆಹಾರ ನಿಮ್ಮ ಗಂಟಲಿನಿಂದ ಇಳಿಯಲು ಕಷ್ಟವಾಗುತ್ತಿದ್ದರೆ ಇದು ಸಹ ಶ್ವಾಸಕೋಶದ ಕ್ಯಾನ್ಸರ್ನ ಮೊದಲ ರೋಗಲಕ್ಷಣಗಳಲ್ಲಿ ಒಂದಾಗಿದೆ. ಇದನ್ನು ಗಂಟಲು ಕ್ಯಾನ್ಸರ್ ಮತ್ತು ಅನ್ನನಾಳದ ಕ್ಯಾನ್ಸರ್ ಸಹ ಆಗರಬಹುದು.
4. ಸೋಂಕು, ಆಗಾಗ್ಗೆ ಜ್ವರ, ನಿಲ್ಲದ ರಕ್ತಸ್ರಾವ ಅಥವಾ ಅತಿಯಾದ ಮೂಗೇಟುಗಳು
ನಿಮಗೆ ಸೋಂಕಿನ ಸಮಸ್ಯೆ ಇದ್ದರೆ, ಆಗಾಗ್ಗೆ ಜ್ವರ ಕಾಡುತ್ತಿದ್ದರೆ, ನಿಲ್ಲದ ರಕ್ತಸ್ರಾವ ಹಾಗೂ ಮೂಗೇಟುಗಳು ಆಗುತ್ತಿದ್ದರೆ ಇದು ರಕ್ತ ಕಣಗಳ ಕ್ಯಾನ್ಸರ್ನ ಲಕ್ಷಣಗಳಾಗಿರಬಹುದು-ಲ್ಯುಕೇಮಿಯಾ. ಈ ರೋಗವು ದೇಹವು ಸೋಂಕಿನ ವಿರುದ್ಧ ಹೋರಾಡುವ ಸಾಮರ್ಥ್ಯವನ್ನು ಕ್ಷೀಣಿಸುತ್ತದೆ. ಇದಕ್ಕೆ ಆರಂಭಿಕ ಹತಂದಲ್ಲೇ ಪರೀಕ್ಷೆ ಮಾಡಿಸುವುದೇ ಸೂಕ್ತ ಚಿಕಿತ್ಸೆ.
5. ಅನಗತ್ಯ ಗಂಟುಗಳು
ನಿಮ್ಮ ದೇಹದಲ್ಲಿ ಅದರಲ್ಲೂ ಕಂಕುಳು, ಕುತ್ತಿಗೆ ಅಥವಾ ತೊಡೆಸಂದುಗಳಲ್ಲಿ ಅಥವಾ ದುಗ್ಧರಸ ಗ್ರಂಥಿಗಳ ಮೇಲೆ ಅನಗತ್ಯ ಗಂಟುಗಳು ಕಂಡುಬಂದರೆ ಇದನ್ನು ನಿರ್ಲಕ್ಷಿಸಬೇಡಿ. ದುಗ್ಧರಸ ವ್ಯವಸ್ಥೆಯಲ್ಲಿನ ಬದಲಾವಣೆಗಳು ಕ್ಯಾನ್ಸರ್ನ ಲಕ್ಷಣಗಳಾಗಿರಬಹುದು.
6. ಕಿಬ್ಬೊಟ್ಟೆ ನೋವು, ತೂಕ ಹೆಚ್ಚಳ ಮತ್ತು ದೌರ್ಬಲ್ಯ
ಅಂಡಾಶಯದ ಕ್ಯಾನ್ಸರ್ ನಿಂದ ಬಳಲುತ್ತಿರುವ ಹೆಚ್ಚಿನ ಮಹಿಳೆಯರಿಗೆ ಹೊಟ್ಟೆ ಉಬ್ಬುವುದು ಹೆಚ್ಚು ವರದಿಯಾಗಿದೆ. ಹೊಟ್ಟೆಯಲ್ಲಿ ಮತ್ತು ಸೊಂಟದಲ್ಲಿ ಸೆಳೆತ ಮತ್ತು ನೋವು ಕಾಣಿಸಿಕೊಳ್ಳುವುದು ಸಾಮಾನ್ಯವಾಗಿ ಅಂಡಾಶಯದ ಕ್ಯಾನ್ಸರ್ನ ಸೂಚನೆಯಾಗಿದೆ. ಅಲ್ಲದೆ ಅನಗತ್ಯವಾಗಿ ನೀವು ಪದೇ ಪದೇ ದಣಿಯುವುದು ಸಹ ಕೆಲವು ಕ್ಯಾನ್ಸರ್ನ ಲಕ್ಷಣಗಳಾಗಿದೆ.
7. ಹಠಾತ್ ತೂಕ ನಷ್ಟ
ಕರುಳಿನ ಕ್ಯಾನ್ಸರ್ನಿಂದ ಬಳಲುವವರಿಗೆ ಆರಂಭಿಕ ಹಂತದಲ್ಲಿ ಕಾಣಿಸಿಕೊಳ್ಳುವ ಲಕ್ಷಣವೇ ಹಠಾತ್ ತೂಕ ಇಳಿಕೆಯಾಗುವುದು. ಇದು ಯಕೃತ್ತಿನ ಕ್ಯಾನ್ಸರ್ ಲಕ್ಷಣವಾಗಿರಬಹುದು, ಇದು ತ್ಯಾಜ್ಯ ಮತ್ತು ಹಸಿವು ಬರದಂತೆ ತಡೆಯುವ ದೇಹದ ಸಾಮರ್ಥ್ಯದ ಮೇಲೆ ಪರಿಣಾಮ ಬೀರುತ್ತದೆ.
8. ಸ್ತನದಲ್ಲಿ ಬದಲಾವಣೆ
ಮಹಿಳೆಯರಿಗೆ ಸ್ತನಗಳಲ್ಲಿ ಯಾವುದೇ ವಿಚಿತ್ರ ಬದಲಾವಣೆಗಳು ಕಂಡುಬಂದರೂ ನಿರ್ಲಕ್ಷ್ಯ ಮಾಡದೇ ವೈದ್ಯರನ್ನು ಸಂಪರ್ಕಿಸಿ. ತಲೆಕೆಳಗಾದ, ಚಪ್ಪಟೆಯಾದ ಅಥವಾ ಪಕ್ಕಕ್ಕೆ ತಿರುಗಲು ಪ್ರಾರಂಭಿಸಿದ ಮೊಲೆತೊಟ್ಟು ಸಹ ಸ್ತನ ಕ್ಯಾನ್ಸರ್ನ ಲಕ್ಷಣವಾಗಿರಬಹುದು.
9. ಉಗುರುಗಳಲ್ಲಿ ಬದಲಾವಣೆಗಳು
ಬೆರಳಿನ ಉಗುರುಗಳಲ್ಲಿ ಕೆಲವು ವಿಚಿತ್ರ ಅಥವಾ ಅಪರೂಪದ ಬದಲಾವಣೆಗಳನ್ನು ಹೊಂದಿದ್ದರೆ ಹಲವಾರು ರೀತಿಯ ಕ್ಯಾನ್ಸರ್ ಅನ್ನು ಇದು ಸೂಚಿಸಬಹುದು. ಕಪ್ಪು ಗೆರೆ, ಕಂದು ಅಥವಾ ನಿಮ್ಮ ಉಗುರುಗಳ ಕೆಳಗೆ ಒಂದು ಚುಕ್ಕೆ ಸಾಮಾನ್ಯವಾಗಿ ಚರ್ಮದ ಕ್ಯಾನ್ಸರ್ಗೆ ಕಾರಣವಾಗುತ್ತದೆ. ಉಗುರುಗಳಲ್ಲಿನ ಬದಲಾವಣೆ ಕೆಲವು ಬಾರಿ ಯಕೃತ್ತಿನ ಕ್ಯಾನ್ಸರ್ನ ಲಕ್ಷಣಗಳೂ ಆಗಿರಬಹುದು.