For Quick Alerts
ALLOW NOTIFICATIONS  
For Daily Alerts

ಮುಖದ ಅಂದ ಹೆಚ್ಚಿಸಲು ವ್ಯಾಯಾಮ ಮಾಡುವುದು ಹೇಗೆ?

|

ಸುಂದರವಾಗಿರುವ ತ್ವಚೆ ತನ್ನ ಸೌಂದರ್ಯವನ್ನು ಕಳೆದುಕೊಳ್ಳಲು ಮುಖದಲ್ಲಿನ ಒಂದು ಕಲೆ ಸಾಕು.ಕಪ್ಪು ಕಲೆಗಳು, ಮೊಡವೆಗಳು ಮುಖವನ್ನು ವಿಕಾರಗೊಳಿಸುತ್ತವೆ. ಅದೆಷ್ಟೋ ಬಾರಿ ನಮ್ಮ ಮುಖವನ್ನು ನಾವೇ ನೋಡಿಕೊಳ್ಳುವುದಕ್ಕೂ ಇಷ್ಟವಾಗದಷ್ಟು ತ್ವಚೆ ಕಳೆಗುಂದಿರುತ್ತದೆ.

ವಾತಾವರಣಗಳು ಬದಲಾದ ಹಾಗೆ ಆಯಾ ಕಾಲಕ್ಕೆ ಹೊಂದಿಕೊಳ್ಳಲಾಗದೆ ತ್ವಚೆ ಕಾಂತಿ ರಹಿತವಾಗಿಬಿಡುತ್ತದೆ. ಆದರೆ ಇಂತಹ ಬದಲಾವಣೆಗಳಿಗೆ ತಕ್ಕ ಹಾಗೆ ಮುಖದಲ್ಲಿನ ಕಲೆಗಳನ್ನು ತೆಗೆಯಲು ಬಳಸುವ ಬೂಟೆಕ್ಸ್ ಚಿಕಿತ್ಸೆಗಳು ಹೆಚ್ಚು ದುಬಾರಿಯಾಗಿರುತ್ತವೆ. ಅದನ್ನು ಸಾಮಾನ್ಯವಾಗಿ ಎಲ್ಲರೂ ಅನುಸರಿಸಲು ಸಾಧ್ಯವೇ ಇಲ್ಲ. ಹಾಗೆಂದ ಮಾತ್ರಕ್ಕೆ ನೀವು ತ್ವಚೆಯನ್ನು ರಕ್ಷಿಸಲು ಸಾಧ್ಯವಿಲ್ಲವೆಂದಲ್ಲ. ಮನೆಯಲ್ಲಿಯೇ ಕುಳಿತು ಮಾಡುವಂತಹ ಕೆಲವು ಮಸಾಜ್ ಗಳನ್ನು ನಿಮ್ಮ ತ್ವಚೆಗೆ ನೀಡಬಹುದು. ಎಲ್ಲಕ್ಕಿಂತ ಹೆಚ್ಚಾಗಿ ಮುಖದ ವ್ಯಾಯಾಮ ಮಾಡುವುದರಿಂದ ಕ್ರಮೇಣ ನಿಮ್ಮ ತ್ವಚೆ ಸಮಸ್ಯೆಗಳಿಂದ ಮುಕ್ತಿ ಪಡೆಯಬಹುದು!

How to do Facial Exercises

ಹಣೆಯ ಭಾಗ ಸುಕ್ಕುಗಟ್ಟುವುದನ್ನು (Wrinkles) ತಡೆಯುವುದಕ್ಕೆ ವ್ಯಾಯಾಮ:

ಹುಬ್ಬುಗಳನ್ನು ಎತ್ತರಿಸುವಾಗ ಅಲ್ಲಿ ಸುಕ್ಕುಗಟ್ಟಿದ್ದರೆ ಅದು ನೋಡಲು ಚೆನ್ನಾಗಿರುವುದಿಲ್ಲ. ಅದರಲ್ಲೂ ಆಳವಾದ ನೆರಿಗೆಗಳು ಬಿದ್ದಿದ್ದರೆ ಅದು ನಿಮಗೆ ಮುಜುಗರವನ್ನು ತರಬಹುದು. ಆದ್ದರಿಂದ ಇದಕ್ಕೆ ವ್ಯಾಯಾಮವನ್ನು ಮಾಡುವುದು ಒಳ್ಳೆಯದು.

ನಿಮ್ಮ ತೋರುಬೆರಳು ಹಾಗೂ ಹೆಬ್ಬೆರಳುಗಳಿಂದ ಹಣೆಯ ಮೇಲೆ ಅಂದರೆ ಹುಬ್ಬಿನ ಮೇಲ್ಭಾಗದಲ್ಲಿ ಕಣ್ಣಿಸ ಕೆಳಭಾಗಕ್ಕೆ ಚರ್ಮ ತಳ್ಳುವಂತೆ ಉಜ್ಜಿ. ಜೊತೆಗೆ ಹೀಗೆ ಮಾಡುವಾಗ ನಿಮ್ಮ ಹುಬ್ಬುಗಳನ್ನು ಕನಿಷ್ಠ 10 ಬಾರಿಯಾದರೂ ಮೇಲೆ ಕೆಳಗೆ ಮಾಡಿ. ಇದರಿಂದ ನಿಮ್ಮ ಸುಕ್ಕು ಗಟ್ಟಿರುವ ಚರ್ಮ ಸರಿಯಾಗುವುದಲ್ಲದೆ ಹೊಸ ನೆರಿಗೆಗಳು ಬರುವುದನ್ನೂ ತಡೆಗಟ್ಟುತ್ತದೆ. ದಿನಕ್ಕೆ ಒಮ್ಮೆಯಾದರೂ ಈ ವ್ಯಾಯಾಮವನ್ನು ಮಾಡುವುದು ಉತ್ತಮ.

ಕಣ್ಣಿನ / ಗೆ ವ್ಯಾಯಾಮ:

ಕಣ್ಣಿನ ಮೇಲ್ಭಾಗದಲ್ಲಿ ಅಂದರೆ ರೆಪ್ಪೆಯ ಮೇಲ್ಗಡೆ ನೆರಿಗೆಗಳು ಬೀಳದಂತೆ ತಡೆಗಟ್ಟಲು, ನಿಮ್ಮ ಕಣ್ಣುಗಳನ್ನು ಗಟ್ಟಿಯಾಗಿ ಮುಚ್ಚಿ. ನಂತರ ಹುಬ್ಬುಗಳನ್ನು ಮೇಲಕ್ಕೇರಿಸಿ. ಹೀಗೆ 10 ಬಾರಿ ದಿನವೂ ಮಾಡಿದರೆ ಕಣ್ಣಿನ ಮೇಲ್ಭಾಗದಲ್ಲಿಯೂ ಯಾವುದೇ ನೆರಿಗೆಗಳಿಲ್ಲದೆ ಕಣ್ಣು ಆಕರ್ಷಕವಾಗಿ ಕಾಣಿಸುವುದು.

ಗಲ್ಲ ಮತ್ತು ಕುತ್ತಿಗೆ ವ್ಯಾಯಾಮ:

ಈ ವ್ಯಾಯಾಮನನ್ನು ನೀವು ನಿಂತುಕೊಂಡೆ ಮಾಡಬಹುದು. ನಿಂತುಕೊಂಡು ನಿಮ್ಮ ಕುತ್ತಿಗೆಯನ್ನು ಹಿಂದಕ್ಕೆ ಬಾಗಿಸಿ. ಮೇಲ್ಮುಖ ಮಾಡಿ ನಿಂತುಕೊಳ್ಳಿ. ತದ ನಂತರ ತುಟಿಯನ್ನು ಮುಂದಕ್ಕೆ ಮಾಡಿ (ಮುತ್ತು ಕೊಡುವ ಸ್ಥಿತಿಯಲ್ಲಿ ನಿಲ್ಲಿ)

5 ಸೆಕೆಂಡ್ ನಿಂತು ನಂತರ ಸಹಜ ಸ್ಥಿತಿಗೆ ಮರಳಿ. ಈ ವ್ಯಾಯಾಮನನ್ನು 5 ನಿಮಿಷಗಳ ಕಾಲ ಮತ್ತೆ ಮತ್ತೆ ಮಾಡಿ. ಇದರಿಂದ ಗಲ್ಲವೂ ಸುಕ್ಕುಗಟ್ಟದೇ ಚೆನ್ನಾಗಿ ಕಾಣಿಸುತ್ತದೆ.

English summary

How to do Facial Exercises | How To Do Tips | ಮುಖದ ಅಂದಕ್ಕೆ ವ್ಯಾಯಾಮ ಮಾಡುವುದು ಹೇಗೆ?

Botox injections and expensive cosmetic procedures, such as microdermabrasion, may not appeal to you or fit your budget when you want to reduce the appearance of wrinkles and attain a more youthful-looking face.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more