ರಾತ್ರಿ ಊಟ ಬೇಗ ಮಾಡಬೇಕು ಎನ್ನುವುದು ಇದೇ ಕಾರಣಕ್ಕೆ!

ಆಹಾರ ಶೈಲಿ ಹೇಗಿರಬೇಕು ಗೊತ್ತಾ?

ಬೆಳಗಿನ ಉಪಹಾರ ರಾಜನಂತಿರಬೇಕು, ರಾತ್ರಿ ಊಟ ಬಡವಂತಿರಬೇಕು ಎಂಬ ಮಾತಿದೆ. ಇದನ್ನು ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನವರು ಆರೋಗ್ಯವಾಗಿರಲು ಈ ಮಾದರಿಯನ್ನು ಅನುಸರಿಸುತ್ತಾರೆ. ಆದರೆ, ಬಹಳ ಹಿಂದಿನ ಕಾಲದಲ್ಲಿ ರಾತ್ರಿ ಊಟವೇ ಬಹುಮುಖ್ಯ ಎಂದು ನಂಬಿ, ಅದರಂತೆ ಜೀವಿಸುತ್ತಿದ್ದರು. ಆದರೆ ಕಾಲ ಬದಲಾದಂತೆ, ಜೀವನಶೈಲಿಯೂ ಬದಲಾವಣೆಯಾಗಿ, ಈಗ ರಾತ್ರಿ ಊಟ ಲಘುವಾಗಿರಬೇಕು ಎಂಬ ಕಲ್ಪನೆ ಬಂದಿದೆ. ಜೊತೆಗೆ ರಾತ್ರಿ ಊಟ ಯಾವಾಗ ಮಾಡಬೇಕು ಎಂಬ ಹಲವರಲ್ಲಿದೆ. ಕೆಲವರು ರಾತ್ರಿ ಬೇಗ ಊಟ ಮಾಡಬೇಕು ಎಂದರೆ, ಇನ್ನೂ ಕೆಲವರು ಇದನ್ನು ವಿರೋಧಿಸುತ್ತಾರೆ. ಹಾಗಾದರೆ, ರಾತ್ರಿ ಊಟದ ಸಮಯ ಯಾವುದು ಎಂಬುದನ್ನು ನೋಡೋಣ.

ತಜ್ಞರು ಹೇಳೋದೇನು?:

ತಜ್ಞರ ಪ್ರಕಾರ, ಒಳ್ಳೆಯ ನಿದ್ರೆ, ದೇಹಕ್ಕೆ ವಿಶ್ರಾಂತಿ ನೀಡುವ ಸಮಯ, ಬೆಳಗಿನ ಉಪಾಹಾರ. ಅದು ದಿನದ ಮೊದಲ ಊಟ ಮತ್ತು ಪ್ರಮುಖವಾದದ್ದು. ರಾತ್ರಿಯ ವಿಶ್ರಾಂತಿಯ ನಂತರ, ದೇಹವು ಆರೋಗ್ಯಕರ ಉಪಹಾರದೊಂದಿಗೆ ತನ್ನ ಉಪವಾಸವನ್ನು ಮುರಿಯಲು ಸಿದ್ಧವಾಗಿರುತ್ತದೆ. ಇದು ನಮ್ಮ ಶಕ್ತಿಯ ಮಟ್ಟವನ್ನು ಮತ್ತು ಉಲ್ಲಾಸನವನ್ನು ಪುನಃ ತುಂಬಿಸುವ ಗ್ಲೂಕೋಸ್ ನೀಡುವ ಊಟವಾಗಿದೆ. ಬೆಳಗ್ಗಿನ ಉಪಹಾರವು ಉತ್ತಮ ಆರೋಗ್ಯವನ್ನು ಉತ್ತೇಜಿಸುವ ಅಗತ್ಯ ಪೋಷಕಾಂಶಗಳನ್ನು ದೇಹಕ್ಕೆ ಒದಗಿಸುತ್ತದೆ. ನಂತರ ಮಧ್ಯಾಹ್ನದ ಊಟವು ಪ್ರತಿಯೊಬ್ಬರಿಗೂ ಒಂದು ಪ್ರಮುಖ ಊಟವಾಗಿದೆ, ಏಕೆಂದರೆ ಅದು ಶಕ್ತಿ ಮತ್ತು ಪೋಷಕಾಂಶಗಳ ಮೂಲವಾಗಿದ್ದು, ರಾತ್ರಿಯ ಊಟದವರೆಗೂ ದೇಹ ಮತ್ತು ಮೆದುಳು ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸುವಂತೆ ಮಾಡುತ್ತದೆ. ಆದರೆ, ರಾತ್ರಿ ಲಘು ಊಟವು ನಿಮ್ಮ ಆರೋಗ್ಯವನ್ನು ಸಮತೋಲನದಲ್ಲಿಡಲು ಸಹಕಾರಿ.

ಊಟದ ನಡುವಿನ ಅಂತರ ಎಷ್ಟಿರಬೇಕು?:

ದಿನವಿಡೀ ಚಟುವಟಿಕೆಯಲ್ಲಿ ನಿರತರಾಗಿದ್ದರೂ, ಊಟ ಬಿಡುವುದು ಒಳ್ಳೆಯದಲ್ಲ. ಊಟದ ಪ್ರಮಾಣ ಚಿಕ್ಕದಾಗಿರಲಿ ಅಥವಾ ಹಗುರವಾಗಿರಲಿ, ಊಟದ ನಡುವೆ ಅಂತರವಿರಬೇಕು ಮತ್ತು ತಪ್ಪದೆ ಸೇವಿಸಬೇಕು. ಹೆಚ್ಚಿನವರು ತಮ್ಮ ಊಟದ ನಡುವೆ ಮೂರರಿಂದ ಐದು ಗಂಟೆಗಳ ಅಂತರವನ್ನು ಅನುಸರಿಸುತ್ತಾರೆ, ಅದು ಆರೋಗ್ಯಕರ ಜೀವನಶೈಲಿಗೆ ಒಳ್ಳೆಯದು. ಹೆಚ್ಚಿನ ಪರಿಣಿತರು ಉತ್ತಮವಾದ ಉಪಹಾರವನ್ನು ಸೂಚಿಸುತ್ತಾರೆ, ಇದರಿಂದ ನಮ್ಮ ದಿನವನ್ನು ಉತ್ತಮವಾಗಿ ಆರಂಭ ಮಾಡಬಹುದು.

ಆದರೆ ನಮ್ಮ ಶಕ್ತಿಯ ಬ್ಯಾಟರಿಗಳನ್ನು ಚಾರ್ಜ್ ಮಾಡಲು, ಊಟಕ್ಕೆ ಸಲಹೆ ನೀಡಲಾಗುತ್ತದೆ. ಮಧ್ಯಾಹ್ನದ ಊಟವು ದಿನದ ಮಧ್ಯದಲ್ಲಿ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಹೆಚ್ಚಿಸುತ್ತದೆ ಮತ್ತು ರಾತ್ರಿಯ ಊಟದವರೆಗೆ ದೇಹಕ್ಕೆ ಅಗತ್ಯವಿರುವ ಎಲ್ಲಾ ಶಕ್ತಿಯನ್ನು ನೀಡುತ್ತದೆ. ಇದು ದಿನದಲ್ಲಿ ಮಾಡಬೇಕಾದ ವಿವಿಧ ಕೆಲಸಗಳ ಮೇಲೆ ಕೇಂದ್ರೀಕರಿಸಲು ಸಹಾಯ ಮಾಡುತ್ತದೆ. ಆದರೆ ರಾತ್ರಿ ಊಟವನ್ನು ಬಿಟ್ಟುಬಿಡುವುದು, ಎರಡು ಊಟಗಳ ನಡುವೆ ದೊಡ್ಡ ಅಂತರವು ಆರೋಗ್ಯದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ ಮತ್ತು ಪೌಷ್ಟಿಕಾಂಶದ ಕೊರತೆಗಳಿಗೆ ಆಹ್ವಾನವಾಗುವುದು.

ತೀರ್ಮಾನ:

ರಾತ್ರಿಯ 7 ರಿಂದ 8 ಗಂಟೆಯ ಸಮಯದಲ್ಲಿ ಅಥವಾ ಸ್ವಲ್ಪ ಮುಂಚಿತವಾಗಿ ರಾತ್ರಿ ಊಟದ ಸೇವನೆಯು ಒಟ್ಟಾರೆ ಕ್ಯಾಲೋರಿ ಸೇವನೆಯನ್ನು ಬಹಳವಾಗಿ ಕಡಿಮೆ ಮಾಡುತ್ತದೆ. ನಾವು ದಿನವಿಡೀ ಸಕ್ರಿಯರಾಗಿರುವುದರಿಂದ, ಸಂಜೆಯ ವೇಳೆಗೆ ಸೇವಿಸಿರುವ ಎಲ್ಲಾ ಕ್ಯಾಲೊರಿಗಳು ಸುಡುತ್ತವೆ. ಆದರೆ, ರಾತ್ರಿಯಲ್ಲಿ ಯಾವುದೇ ಚಟುವಟಿಕೆ ಮಾಡದಿರುವುದರಿಂದ ಜೀರ್ಣಕ್ರಿಯೆ ನಿಧಾನವಾಗುತ್ತದೆ. ಇದರಿಂದ ರಾತ್ರಿ ಅತಿಯಾಗಿ ಸೇವಿಸಿದ ಆಹಾರವು ಕೊಬ್ಬಿನ ರೂಪದಲ್ಲಿ ಶೇಖರಣೆಯಾಗುತ್ತವೆ. ಆದ್ದರಿಂದ ಮಲಗುವ 2-3 ಗಂಟೆಗಳ ಒಳಗೆ ಆಹಾರ ಸೇವಿಸಿದರೆ, ಅದು ದೇಹದಲ್ಲಿ ಕೊಬ್ಬಿನಂತೆ ಶೇಖರಗೊಳ್ಳುತ್ತವೆ ಎಂಬುದನ್ನು ಗಮನದಲ್ಲಿಡಿ.

ದಿನವಿಡೀ ದಣಿದಿರುವುದರಿಂದ, ದೇಹಕ್ಕೆ ಶಕ್ತಿ ತುಂಬಿಸಲು ಊಟದ ಅಗತ್ಯವಿದೆ. ಆದ್ದರಿಂದ ರಾತ್ರಿಯ ಊಟವನ್ನು ಸಂಪೂರ್ಣವಾಗಿ ತ್ಯಜಿಸುವುದು ಅಥವಾ ರಾತ್ರಿಯ ಊಟದಲ್ಲಿ ಹೆಚ್ಚು ತಿನ್ನುವುದು ಎರಡೂ ಪ್ರಯೋಜನಕಾರಿಯಲ್ಲ. ಇದಕ್ಕಾಗಿ ರಾತ್ರಿ ಲಘುವಾಗಿ ಸೇವಿಸಲು ಪ್ರಯತ್ನಿಸಿ, ಹಾಗಂತ ರಾತ್ರಿ ಹಸಿವಿನಿಂದ ಎಚ್ಚರವಾಗುವಂತೆ ಇರಬಾರದು.

ನೆನಪಿಡಬೇಕಾದ ವಿಚಾರಗಳು:

ರಾತ್ರಿಯ ಊಟದಲ್ಲಿ ಲಘು ಆಹಾರವನ್ನು ಅಭ್ಯಾಸ ಮಾಡುವಾಗ, ನಿಮ್ಮ ದೇಹವು ಏನು ಹೇಳುತ್ತಿದೆ ಎಂಬುದನ್ನು ಆಲಿಸಿ. ನಮ್ಮಲ್ಲಿ ಕೆಲವರು ಭಾರೀ ಉಪಹಾರ ಮತ್ತು ರುಚಿಕರವಾದ ಮಧ್ಯಾಹ್ನ ಊಟದಿಂದ ರಾತ್ರಿ ಹಸಿವನ್ನು ಅನುಭವಿಸುವುದಿಲ್ಲ.

ಆದ್ದರಿಂದ, ಲಘುವಾಗಿ ತಿನ್ನುವುದರ ಜೊತೆಗೆ ಒಳ್ಳೆಯದು, ನೀವು ಏನು ತಿನ್ನುತ್ತೀರಿ ಎಂಬುದು ಸಹ ಮುಖ್ಯವಾಗಿದೆ. ಪಿಷ್ಟಯುಕ್ತ ತರಕಾರಿಗಳು, ಮೀನು, ಮೊಟ್ಟೆಗಳು, ಕ್ವಿನೋವಾ ಅಥವಾ ರಾಗಿಗಳೊಂದಿಗೆ ಲಘು ಭೋಜನವು ಒಳ್ಳೆಯ ಉಪಾಯವಾಗಿದ್ದರೂ ಸಹ, ಇನ್ನೊಂದು ವಿಷಯವೆಂದರೆ ಊಟಕ್ಕೆ ಸೇವಿಸುವ ಪ್ರೋಟೀನ್ ಪ್ರಮಾಣವನ್ನು ಅರ್ಧಕ್ಕೆ ಇಳಿಸುವುದು ಮತ್ತು ನಿಮ್ಮ ಲಘು ಭೋಜನದ ಅನುಭವವು ಹೇಗಿದೆ ಎಂಬುದನ್ನು ನೋಡುವುದು ಮುಖ್ಯವಾಗಿದೆ.