ಮಳೆಗಾಲದಲ್ಲಿ ಕಾಯಿಲೆ ಬೀಳುವುದನ್ನು ತಪ್ಪಿಸುತ್ತೆ ವಿಟಮಿನ್ ಸಿ, ಇದರ ಸಪ್ಲಿಮೆಂಟ್‌ ತೆಗೆದುಕೊಳ್ಳಬಹುದಾ?

| Published: Wednesday, May 18, 2022, 17:58 [IST]

ಈ ವರ್ಷ ಮಳೆಗಾಲ ತುಸು ಬೇಗನೆ ಪ್ರಾರಂಭವಾಗಿದೆ. ಜೂನ್‌ ತಿಂಗಳಿನಲ್ಲಿ ಚಿರಿಪಿರಿ ಬರುತ್ತಿದ್ದ ಮಳೆ ಇದೀಗ ಮೇ ತಿಂಗಳಿನಲ್ಲಿಯೇ ಧೋ ಅಂತ ಸುರಿಯಲಾರಂಭಿಸಿದೆ. ಮಳೆಗಾಲ ಶುರುವಾಯ್ತು ಅಂದರೆ ನೆಗಡಿ, ಕೆಮ್ಮು, ಜ್ವರ ಈ ಬಗೆಯ ಸಾಮಾನ್ಯ ಸಮಸ್ಯೆಗಳು ಶುರುವಾಗುವುದು.

ಮಳೆಗಾಲದಲ್ಲಿ ರೋಗ ನಿರೋಧಕ ಶಕ್ತಿ ಕಡಿಮೆಯಾಗುವುದು ಜೊತೆಗೆ ಜೀರ್ಣಶಕ್ತಿಯ ಸಾಮರ್ಥ್ಯ ಕೂಡ ನಿಧಾನವಾಗಿರುತ್ತೆ. ಇದರಿಂದಾಗಿ ತ್ವಚೆ ಅಲರ್ಜಿ, ಗಂಟಲಿನಲ್ಲಿ ಕೆರೆತ ಕೂದಲು ಉದುರುವುದು, ಹೊಟ್ಟೆ ಸಂಬಂಧಿತ ಸಮಸ್ಯೆ ಇವೆಲ್ಲಾ ಕಾಣಿಸಿಕೊಳ್ಳುತ್ತದೆ.

ಮಳೆಗಾಲದಲ್ಲಿ ನಮ್ಮ ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಿಸಿ, ಕಾಯಿಲೆ ಬೀಳುವುದನ್ನು ತಡೆಗಟ್ಟಲು ವಿಟಮಿನ್‌ ಸಿ ತುಂಬಾನೇ ಸಹಕಾರಿಯಾಗಿದೆ. ವಿಟಮಿನ್‌ ಸಿ ಮಳೆಗಾಲದಲ್ಲಿ ಸಾಮಾನ್ಯವಾಗಿ ಕಾಡುವ ಹಲವಾರು ಆರೋಗ್ಯ ಸಮಸ್ಯೆಗಳನ್ನು ತಡೆಗಟ್ಟಲು ರಾಮಬಾಣವಾಗಿದೆ.

ವಿಟಮಿನ್‌ ಸಿ ಪ್ರಯೋಜನಗಳು

ಗಂಭೀರ ಆರೋಗ್ಯ ಸಮಸ್ಯೆ ತಡೆಗಟ್ಟುತ್ತೆ

ವಿಟಮಿನ್ ಸಿಯಲ್ಲಿ ಆ್ಯಂಟಿಆಕ್ಸಿಡೆಂಟ್‌ ಅಧಿಕವಿರುತ್ತದೆ, ಇದು ಜೀವಕಣಗಳನ್ನು ಅಪಾಯಕಾರಿ ಕಣಗಳಿಂದ ರಕ್ಷಣೆ ಮಾಡುತ್ತೆ ಅಲ್ಲದೆ ದೇಹದಲ್ಲಿರುವ ಕಶ್ಮಲವನ್ನು ಹೊರ ಹಾಕಲು ಸಹಕಾರಿಯಾಗಿದೆ. ಯಾರು ವಿಟಮಿನ್‌ ಸಿ ಇರುವ ಆಹಾರ ಅಧಿಕ ಸೇವಿಸುತ್ತಾರೋ ಅವರ ರಕ್ತದಲ್ಲಿ ಆ್ಯಂಟಿಆಕ್ಸಿಡೆಂಟ್‌ ಶೇ. 30ರಷ್ಟು ಅಧಿಕವಿರುತ್ತದೆ, ಇದರಿಂದ ದೇಹವು ಸ್ವಾಭಾವಿಕವಾಗಿ ಸಾಮಾನ್ಯ ವೈರಸ್ ಹಾಗೂ ಬ್ಯಾಕ್ಟಿರಿಯಾ ವಿರುದ್ಧ ಹೋರಾಡಿ ಕಾಯಿಲೆ ಬೀಳುವುದನ್ನು ತಡೆಗಟ್ಟುತ್ತೆ.

ರೋಗ ನಿರೊಧಕ ಶಕ್ತಿ ಹೆಚ್ಚಿಸುತ್ತೆ

* ಜನರು ವಿಟಮಿನ್‌ ಸಿ ಸಪ್ಲಿಮೆಂಟ್‌ ತೆಗೆದುಕೊಳ್ಳಲು ಪ್ರಮುಖ ಕಾರಣ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತೆ.

* ರೋಗಾಣುಗಳ ವಿರುದ್ಧ ಹೋರಾಡುವ ಬಿಳಿ ರಕ್ತಕಣಗಳ ಉತ್ಪತ್ತಿಗೆ ವಿಟಮಿನ್‌ ಸಿ ಸಹಕಾರಿಯಾಗಿದೆ.

* ವಿಟಮಿನ್‌ ಸಿ ರೋಗಾಣುಗಳು ಬಿಳಿ ರಕ್ತ ಕಣದ ಮೇಲೆ ದಾಳಿ ಮಾಡದಂತೆ ಅದಕ್ಕೆ ರಕ್ಷಣೆಯನ್ನು ಒದಗಿಸುತ್ತೆ

* ವಿಟಮಿನ್‌ ಸಿ ದೇಹದ ಒಳಗಡೆ ಇರುವ ಕಶ್ಮಲವನ್ನು ಹೊರಹಾಕುವುದರಿಂದ ರೋಗ ನಿರೋಧಕ ಶಕ್ತಿ ಹೆಚ್ಚುವುದು.

* ವಿಟಮಿನ್ ಸಿ ಕೊರತೆಯಾದರೆ ಕಳಪೆ ಆರೋಗ್ಯ ಇರುತ್ತದೆ. ಯಾರಲ್ಲಿ ವಿಟಮಿನ್‌ ಸಿ ಕಡಿಮೆ ಇರುತ್ತದೋ ಅವರಲ್ಲಿ ಆರೋಗ್ಯ ಸಮಸ್ಯೆ ಕೂಡ ಇರುತ್ತದೆ. ಯಾರು ವಿಟಮಿನ್‌ ಸಿ ಕಡಿಮೆ ಸೇವಿಸುತ್ತಾರೋ ಅವರಿಗೆ ನ್ಯೂಮೋನಿಯಾ ಅಪಾಯ ಹೆಚ್ಚು.

ತ್ವಚೆ ಹಾಗೂ ಕೂದಲಿನ ಆರೋಗ್ಯಕ್ಕೂ ವಿಟಮಿನ್‌ ಸಿ ಅವಶ್ಯಕ

ವಿಟಮಿನ್ ಸಿ ತ್ವಚೆಯ ಆರೋಗ್ಯಕ್ಕೆ ತುಂಬಾನೇ ಅವಶ್ಯಕ. ತ್ವಚೆಯಲ್ಲಿ ಕೊಲೆಜಿನ್ ಉತ್ಪತ್ತಿಗೆ ವಿಟಮಿನ್‌ ಸಿ ಅವಶ್ಯಕ.