Just In
Don't Miss
- Sports Kohli vs Gambhir: ಹೈ-ವೋಲ್ಟೇಜ್ ಪಂದ್ಯದ ಬಗ್ಗೆ ಕೌಂಟರ್ ನೀಡಿದ ದಿನೇಶ್ ಕಾರ್ತಿಕ್
- News Raichur: ರಾಯಚೂರಿನಲ್ಲಿ ತಣ್ಣಗಾಗದ ಬಂಡಾಯದ ಬೆಂಕಿ: ಬಿವಿ ನಾಯಕ್, ತಿಪ್ಪರಾಜು ಜೊತೆ ಬಿಜೆಪಿ ಸಂಧಾನ ವಿಫಲ!
- Movies ಲಂಡನ್ನಲ್ಲಿ ಬಾಡಿಗೆಗೆ ಪಡೆದಿದ್ದ ಬಂಗಲೆಯನ್ನೇ ಖರೀದಿಸಿದ್ರಾ ಪ್ರಭಾಸ್?
- Technology Tecno: ಬಹುನಿರೀಕ್ಷಿತ ಟೆಕ್ನೋ ಪೋವಾ 6 ಪ್ರೊ ಲಾಂಚ್! 12GB RAM.. 6000mAh ಬ್ಯಾಟರಿ.. ಬೆಲೆ ಎಷ್ಟು?
- Finance ಮೃತರ ಖಾತೆಯಲ್ಲಿರುವ ಹಣವನ್ನು ಕುಟುಂಬಸ್ಥರು ಡ್ರಾ ಮಾಡಬಹುದಾ, ಬ್ಯಾಂಕ್ ನಿಯಮಾವಳಿ ಏನು ಹೇಳುತ್ತೆ?
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬೇಸಿಗೆಯಲ್ಲಿ ಆರೋಗ್ಯಕ್ಕಾಗಿ ಈ ಆಹಾರಗಳನ್ನು ಮಿಸ್ ಮಾಡದಿರಿ
ಕಾಲಕ್ಕೆ ತಕ್ಕಂತೆ ನಮ್ಮ ಆಹಾರಕ್ರಮ ಬದಲಾಯಿಸಬೇಕಾಗುತ್ತದೆ. ಅದರಲ್ಲೂ ಸೀಸನಲ್ ಫುಡ್ಸ್ ಅಂದರೆ ಆ ಸಮಯದಲ್ಲಿ ದೊರೆಯುವಂಥ ಹಣ್ಣು-ಹಂಪಲುಗಳ ಸೇವನೆ ತುಂಬಾ ಒಳ್ಳೆಯದು. ಇದೀಗ ಬೇಸಿಗೆ ಕಾಲ. ಈ ಕಾಲದಲ್ಲಿ ನಾವು ದೇಹವನ್ನು ತಂಪಾಗಿಡುವ ಆಹಾರಗಳ ಸೇವನೆ ಮಾಡುವುದು ಒಳ್ಳೆಯದು.
ಇದೀಗ ಎಲ್ಲರೂ ಬರೀ ಕೊರೊನಾವೈರಸ್ ತಡೆಗಟ್ಟುವುದು ಹೇಗೆ ಎಂದು ಯೋಚಿಸಿ, ಇತರ ಆರೋಗ್ಯ ಸಮಸ್ಯೆಗಳತ್ತ ಹೆಚ್ಚಿನ ಗಮನ ನೀಡುತ್ತಿಲ್ಲ, ಪರಿಣಾಮ ಆ ಆರೋಗ್ಯ ಸಮಸ್ಯೆಗಳು ಕಾಡಲಾರಂಭಿಸುತ್ತವೆ.
ಬೇಸಿಗೆಯಲ್ಲಿ ಕಾಡುವ ಆರೋಗ್ಯ ಸಮಸ್ಯೆಗಳನ್ನು ನಮ್ಮ ಆಹಾರಕ್ರಮದಲ್ಲಿ ಬದಲಾವಣೆ ತಂದು ಅಂದರೆ ದೇಹವನ್ನು ತಂಪಾಗಿಡುವ ಆಹಾರಗಳ ಸೇವನೆ ಮೂಲಕ ತಡೆಗಟ್ಟಬಹುದಾಗಿದೆ.
ಬೇಸಿಗೆಯಲ್ಲಿ ಬಾಡಿ ಹೀಟ್ ಅಂದರೆ ದೇಹದ ಉಷ್ಣತೆ ಹೆಚ್ಚಾಗುವ ಸಮಸ್ಯೆ ಕೆಲವರಲ್ಲಿ ಕಂಡು ಬರುತ್ತದೆ, ಹಾಗಂತ ಇದನ್ನು ನಿರ್ಲಕ್ಷ್ಯ ಮಾಡಿದರೆ ದೇಹದ ಅಂಗಾಂಗಗಳು, ಸ್ನಾಯುಗಳ ಸೆಳೆತ, ಬೆವರು ಸಾಲೆಗಳು, ಮೊಡವೆ, ತಲೆಸುತ್ತು, ವಾಂತಿ ಮುಂತಾದ ಗಂಭೀರವಾದ ಆರೋಗ್ಯ ಸಮಸ್ಯೆ ಉಂಟು ಮಾಡಬಹುದು.
ಬಿಸಿಲಿನಲ್ಲಿ ಹೊರಗಡೆ ತಿರುಗಾಡುವುದು, ಬಿಸಿಲಿನಲ್ಲಿ ಕೆಲಸ ಮಾಡುವುದು, ದೇಹದ ಉಷ್ಣತೆ ಹೆಚ್ಚು ಮಾಡುವ ಆಹಾರಗಳ ಸೇವನೆ, ಕಡಿಮೆ ಪ್ರಮಾಣದಲ್ಲಿ ನೀರು ಕುಡಿಯುವುದು ಇವೆಲ್ಲಾ ದೇಹದ ಉಷ್ಣತೆ ಹೆಚ್ಚು ಮಾಡುವುದು.
ದೇಹದ ಉಷ್ಣತೆ ಕಡಿಮೆ ಮಾಡಲು ದೇಹವನ್ನು ತಂಪಾಗಿಸುವ ಈ ಹಣ್ಣುಗಳನ್ನು ಸೇವಿಸಿ:
1. ಕಲ್ಲಂಗಡಿ ಹಣ್ಣು
ಇದು ಬೇಸಿಗೆ ಕಾಲದಲ್ಲಿ ತುಂಬಾ ದೊರೆಯುತ್ತದೆ. ಇದರಲ್ಲಿ ವಿಟಮಿನ್ ಎ, ವಿಟಮಿನ್ ಸಿ, ಆ್ಯಂಟಿಆಕ್ಸಿಡೆಂಟ್, ಅಮೈನೋ ಆಮ್ಲಗಳಿವೆ. ಇದರಲ್ಲಿ ನೀರಿನಂಶ ಕೂಡ ಅತ್ಯಧಿಕವಿದೆ. ಇದನ್ನು ತಿನ್ನುವುದರಿಂದ ದೇಹ ಉಷ್ಣತೆ ಕಾಪಾಡುವುದರ ಜೊತೆಗೆ ದೇಹದಲ್ಲಿ ನೀರಿನಂಶ ಕಡಿಮೆಯಾಗದಂತೆ ನೋಡಿಕೊಳ್ಳಬಹುದು.
2. ಕರ್ಬೂಜ
ಈ ಹಣ್ಣು ತಿಂದರೆ ದೇಹಕ್ಕೆ ತುಂಬಾ ತಂಪು, ಅಲ್ಲದೆ ನೀರಿನಂಶವೂ ಇದೆ. ಇದರಲ್ಲಿ ವಿಟಮನ್ಸ್, ಪೋಷಕಾಂಶಗಳು ಅದಿಕವಿದ್ದು ಬೇಸಿಗೆಕಾಲಕ್ಕೆ ಸೂಕ್ತವಾದ ಹಣ್ಣು ಇದಾಗಿದೆ.
3. ಸೌತೆಕಾಯಿ
ಸೌತೆಕಾಯಿ ಬೇಸಿಗೆಯಲ್ಲಿ ತಿನ್ನುವುದರಿಂದ ದೇಹವನ್ನು ತಂಪಾಗಿಡುವುದು ಮಾತ್ರವಲ್ಲ ತ್ವಚೆಯಲ್ಲಿ ಗುಳ್ಳೆಗಳು ಏಳುವುದನ್ನು ತಡೆಗಟ್ಟಬಹುದು. ಪ್ರತಿದಿನ ಎರಡು ಸೌತೆಕಾಯಿ ತಿನ್ನುವುದು ಒಳ್ಳೆಯದು.
4. ಪುದೀನಾ
ಪುದೀನಾ ಕೂಡ ದೇಹವನ್ನು ತಂಪಾಗಿ ಇಡುವುದು. ನೀರಿಗೆ ಸ್ವಲ್ಪ ಸೌತೆಕಾಯಿ, ಎರಡು ಎಲೆ ಪುದೀನಾ ಸ್ವಲ್ಪ ನಿಂಬೆ ರಸ ಹಾಕಿ ಕುಡಿಯಿರಿ, ದೇಹದ ಉಷ್ಣತೆ ಕಡಿಮೆಯಾಗುವುದು. ಇದನ್ನು ಜ್ಯೂಸ್ ಮಾಡಿದಾಗ ಕೂಡ ಹಾಕಿ ಕುಡಿಯಬಹುದು. ಟೀ ಜೊತೆ ಹಾಕಿ ಕುಡಿಯಿರಿ.
5. ಸೊಪ್ಪು ಮತ್ತು ತರಕಾರಿ
ನಿಮ್ಮ ಆಹಾರದ ಪ್ಲೇಟ್ ಸೊಪ್ಪು ಹಾಗೂ ತರಕಾರಿ ಹೆಚ್ಚಿರಲಿ. ಸೊಪ್ಪುಗಳು ಹಾಗೂ ಹಸಿರು ತರಕಾರಿಗಳನ್ನು ತಿನ್ನುವುದರಿಂದ ದೇಹ ತಂಪಾಗಿರುವುದು ಮಾತ್ರವಲ್ಲ ದೇಹಕ್ಕೆ ಅಗ್ಯತವಾದ ಪೋಷಕಾಂಶ ದೊರೆಯುವುದು ಹಾಗೂ ರೋಗ ನಿರೋಧಕ ಶಕ್ತಿಯೂ ಹೆಚ್ಚಾಗುವುದು.
6. ಎಳನೀರು
ಬೇಸಿಗೆಯಲ್ಲಿ ಪ್ರತಿದಿನ ಒಂದು ಎಳನೀರು ಕುಡಿದರೆ ದೇಹಕ್ಕೆ ಖನಿಜಾಂಶಗಳು ದೊರೆಯುವುದರ ಜೊತೆಗೆ ಬೇಸಿಗೆಯಲ್ಲಿ ಹೆಚ್ಚಾಗಿ ಬರುವ ಚಿಕನ್ಪಾಕ್ಸ್ ಕೂಡ ತಡೆಗಟ್ಟಬಹುದು. ಎಳನೀರು ದೇಹದ ಉಷ್ಣತೆ ಕಡಿಮೆ ಮಾಡುವುದು.
7. ದಾಳಿಂಬೆ
ದಾಳಿಂಬೆಯಲ್ಲಿ ವಿಟಮನ್ಸ್ ಹಾಗೂ ಪೋಷಕಾಂಶಗಳು ಹಾಗೂ ಆ್ಯಂಟಿಆಕ್ಸಿಡೆಂಟ್ ಅಂಶಗಳಿವೆ, ಇದನ್ನು ತಿನ್ನುವುದು, ಇದರ ಜ್ಯೂಸ್ ಮಾಡಿ ಕುಡಿಯುವುದು ಮಾಡಿದರೆ ದೇಹ ತಂಪಾಗಿರುತ್ತದೆ.
8. ಈರುಳ್ಳಿ
ಈರುಳ್ಳಿಗೆ ದೇಹದ ಉಷ್ಣತೆ ಕಡಿಮೆ ಮಾಡುವ ಗುಣವಿದೆ. ತುಂಬಾ ಸೆಕೆ ಅನಿಸಿದಾಗ ಸ್ವಲ್ಪ ಮಜ್ಜಿಗೆಗೆ ಈರುಳ್ಳಿ ಕತ್ತರಿಸಿ ಹಾಕಿ, ಸ್ವಲ್ಪ ಉಪ್ಪು ಹಾಗೂ ಬೇಕಿದ್ದರೆ ಹಸಿ ಮೆಣಸಿನಕಾಯಿ ಕತ್ತರಿಸಿ ಹಾಕಿ ಸವಿಯಿರಿ ತುಂಬಾ ಹಿತ ಅನಿಸುವುದು.
9. ಮೆಂತೆ
ಇದನ್ನು ದೇಹದ ಉಷ್ಣತೆ ಕಡಿಮೆ ಮಾಡಲು ಮನೆಮದ್ದಾಗಿ ಬಳಸುತ್ತಾರೆ. ಯಾರಿಗೆ ಬಾಡ್ ಹೀಟ್ ಸಮಸ್ಯೆ ಇರುತ್ತದೆಯೋ ಅವರು ಒಂದು ಚಮಚ ಮೆಂತೆ ರಾತ್ರಿ ನೆನೆಹಾಕಿ ಬೆಳಗ್ಗೆ ಸೇವಿಸುವುದು ಒಳ್ಲೆಯದು. ಇದನ್ನು ಸೇವಿಸುವುದರಿಂದ ದೇಹದ ಉಷ್ಣತೆ ಹೆಚ್ಚಾಗಿ ಕಾಲು ಉರಿ ಉಂಟಾಗುವುದನ್ನು ತಡೆಗಟ್ಟಬಹುದು.
10 ಕಾಮಕಸ್ತೂರಿ
ಕಾಮಕಸ್ತೂರಿ ಕೂಡ ದೇಹವನ್ನು ತಂಪಾಗಿ ಇಡುತ್ತದೆ. ಇದನ್ನು ರಾತ್ರಿ ನೆನೆ ಹಾಕಿ ಬೆಳಗ್ಗೆ ಕುಡಿದರೆ ದೇಹದ ಉಷ್ಣತೆ ಹೆಚ್ಚಾಗಿ ಉಂಟಾಗುವ ಮಲಬದ್ಧತೆ ಸಮಸ್ಯೆ ಕೂಡ ಹೋಗಲಾಡಿಸಬಹುದು. ಇದು ದೇಹದ ತೂಕ ಇಳಿಸುವಲ್ಲಿಯೂ ಸಹಕಾರಿ.
11. ಸೋಂಪು ಮತ್ತು ಜೀರಿಗೆ
ಸೋಂಪು ಮತ್ತು ಜೀರಿಗೆ ಕೂಡ ದೇಹದ ಉಷ್ಣತೆ ಕಡಿಮೆ ಮಾಡುತ್ತದೆ. ಕೆಲವರಿಗೆ ದೇಹದ ಉಷ್ಣತೆ ಹೆಚ್ಚಾದಾಗ ಹೊಟ್ಟೆ ನೋವು ಉಂಟಾಗುವುದು, ಆಗ ಜೀರಿಗೆ ನೀರು ಮಾಡಿ ಕುಡಿಯಿರಿ, ತಕ್ಷಣ ಕಡಿಮೆಯಾಗುವುದು. ಇನ್ನು ಆಹಾರದ ಬಳಿಕ ಸ್ವಲ್ಪ ಸೋಂಪು ಬಾಯಿಗೆ ಹಾಕಿದರೆ ಜೀರ್ಣಕ್ರಿಯೆಗೆ ಕೂಡ ಒಳ್ಳೆಯದು.
12. ಮಜ್ಜಿಗೆ
ಬೇಸಿಗೆಯಲ್ಲಿ ದೇಹವನ್ನು ತಂಪಾಗಿಡಲು ಮಜ್ಜಿಗೆ ತುಂಬಾ ಸಹಕಾರಿ. ದಿನದಲ್ಲಿ 2-3 ಲೋಟ ಮಜ್ಜಿಗೆ ಕುಡಿಯಿರಿ, ದೇಹಕ್ಕೆ ತುಂಬಾ ಒಳ್ಳೆಯದು. ಕೆಲವರು ಮಜ್ಜಿಗೆ ಸ್ವಲ್ಪ ರಾಗಿ ಹಾಕಿ ಅಂಬಳಿ ಮಾಡಿ ಕುಡಿಯಿರಿ. ಇದರಿಂದ ದೇಹ ತಂಪಾಗಿ ಇರುತ್ತದೆ.
ಸಲಹೆ: ಬಾಡಿ ಹೀಟ್ ಸಮಸ್ಯೆ ಇದ್ದರೆ ನಿರ್ಲಕ್ಷ್ಯ ಮಾಡಬೇಡಿ. ಇನ್ನು ಮೈ ಮೇಲೆ ಬೊಬ್ಬೆಗಳು ಎದ್ದಿದ್ದರೆ ವೈದ್ಯರನ್ನು ಭೇಟಿ ಮಾಡಿ ಚಿಕಿತ್ಸೆ ಪಡೆಯಿರಿ. ಬಿಸಿಲಿನಲ್ಲಿ ಓಡಾಡಬೇಡಿ. ಕೆಲಸ-ಕಾರ್ಯಗಳನ್ನು ಮುಂಜಾನೆಯಿಂದ 10 ಗಂಟೆಯವರೆಗೆ ನಮತರ ಸಂಜೆ 4 ಗಂಟೆಯ ಬಳಿಕ ಮಾಡಿ. ತುಂಬಾ ಬಿಸಿಲು ಇರುವಾಗ ಮನೆಯಲ್ಲಿಯೇ ಇರಿ.