For Quick Alerts
ALLOW NOTIFICATIONS  
For Daily Alerts

ವಿಶ್ವ ಮಧುಮೇಹ ದಿನ 2019; ಮಧುಮೇಹ ನಿಯಂತ್ರಣಕ್ಕೆ ಸರ್ಕಾರ ತಂದ ಆ್ಯಪ್‌ ಇದು

|

ಮಧುಮೇಹ ಎನ್ನುವುದು ಸದ್ದಿಲ್ಲದೆ ಕೊಲ್ಲುವಂತ ಕಾಯಿಲೆ. ಇದು ಜೀವ ಹಾಗೂ ಜೀವನ ಎರಡನ್ನೂ ಹಿಂಡಿ ಹಿಪ್ಪೆ ಮಾಡಿ ಬಿಡುತ್ತದೆ. ಮಧುಮೇಹವು ಇಂದು ವಿಶ್ವದಾದ್ಯಂತ ಜನರಲ್ಲಿ ಕಾಣಿಸಿಕೊಳ್ಳುವ ಸಾಮಾನ್ಯ ಕಾಯಿಲೆಯಾಗಿದೆ. ಮಧುಮೇಹದ ಬಗ್ಗೆ ಜಾಗೃತಿ ಮೂಡಿಸುವ ಸಲುವಾಗಿ ವಿಶ್ವ ಮಧುಮೇಹ ದಿನವನ್ನು ವಿಶ್ವದ 160 ದೇಶಗಳಲ್ಲಿ ಆಚರಣೆ ಮಾಡಲಾಗುತ್ತದೆ. ಮಧುಮೇಹದ ಬಗ್ಗೆ ಇಲ್ಲಿ ವಿಶ್ವದ ಗಮನ ಸೆಳೆಯುವುದು ಇದರ ಪ್ರಮುಖ ಉದ್ದೇಶವಾಗಿದೆ. ಅದೇ ರೀತಿಯಾಗಿ ಸಾರ್ವಜನಿಕ ಹಾಗೂ ರಾಜಕೀಯವಾಗಿಯೂ ಇದರ ಬಗ್ಗೆ ಗಮನಿಸುವಂತೆ ಆಗಬೇಕು ಎನ್ನುವುದೇ ವಿಶ್ವ ಮಧುಮೇಹ ದಿನದ ಉದ್ದೇಶ.

ಪ್ರತೀ ವರ್ಷ ನವಂಬರ್ 14ರಂದು "ವಿಶ್ವ ಮಧುಮೇಹ ದಿನ'' ಆಚರಣೆ ಮಾಡುವರು. 1922ರಲ್ಲಿ ಚಾರ್ಲ್ಸ್ ಬೆಸ್ಟ್ ಜತೆಗೆ ಸೇರಿಸಿಕೊಂಡು ಇನ್ಸುಲಿನ್ ಕಂಡು ಹಿಡಿದ ಸರ್ ಫ್ರೆಡೆರಿಕ್ ಬ್ಯಾಂಟಿಂಗ್ ಅವರ ಜನ್ಮ ದಿನಾಚರಣೆಯನ್ನು ವಿಶ್ವ ಮಧುಮೇಹ ದಿನವನ್ನಾಗಿ ಆಚರಿಸಲಾಗುತ್ತದೆ.

1991ರಲ್ಲಿ ಐಡಿಎಫ್ (ಇಂಟರ್ ನ್ಯಾಷನಲ್ ಡಯಾಬಿಟಿಕ್ ಫೆಡರೇಷನ್) ಮತ್ತು ವಿಶ್ವ ಆರೋಗ್ಯ ಸಂಸ್ಥೆಯು ವಿಶ್ವ ಮಧುಮೇಹ ದಿನವನ್ನು ಆರಂಭಿಸಿತು. ಮಧುಮೇಹದಿಂದಾಗಿ ಕಾಣಿಸಿಕೊಳ್ಳುವ ಹಲವಾರು ರೀತಿಯ ಆರೋಗ್ಯ ಸಮಸ್ಯೆಗಳ ಬಗ್ಗೆ ಎಚ್ಚರಿಕೆ ಮೂಡಿಸುವುದೇ ಈ ದಿನಾಚರಣೆಯ ಉದ್ದೇಶವಾಗಿದೆ. 2006ರಲ್ಲಿ ವಿಶ್ವಸಂಸ್ಥೆ ಕೂಡ ವಿಶ್ವ ಮಧುಮೇಹ ದಿನವನ್ನು ಅಧಿಕೃತವಾಗಿ ಆಚರಿಸಲು ನಿರ್ಧರಿಸಿತು.

ವಿಶ್ವ ಮಧುಮೇಹ ದಿನ ಅಭಿಯಾನದ ಉದ್ದೇಶ

ವಿಶ್ವ ಮಧುಮೇಹ ದಿನ ಅಭಿಯಾನದ ಉದ್ದೇಶ

ಐಡಿಎಫ್ ನ ಧೇಯ್ಯೋದ್ದೇಶಗಳಿಗೆ ಇದು ಒಂದು ವೇದಿಕೆಯಾಗಿದೆ. ವಿಶ್ವಮಟ್ಟದಲ್ಲಿ ಗಂಭೀರ ಆರೋಗ್ಯ ಸಮಸ್ಯೆಯಾಗಿರುವಂತಹ ಮಧುಮೇಹವನ್ನು ಎದುರಿಸಲು ಸೂಕ್ತ ರೀತಿಯ ಕ್ರಮ ತೆಗೆದುಕೊಳ್ಳಲು ಸಹಕಾರದ ಪ್ರಾಮುಖ್ಯತೆಯನ್ನು ಇಲ್ಲಿ ಹೇಳಲಾಗಿದೆ. ಮಧುಮೇಹದ ಬಗ್ಗೆ ವಿಶ್ವಸಂಸ್ಥೆಯಲ್ಲಿ ನಿರ್ಣಯ ಕೈಗೊಂಡ ಬಳಿಕ ನೀಲಿ ವೃತ್ತದ ಲೋಗೊವನ್ನು ಈ ದಿನವನ್ನು ಪ್ರತಿನಿಧಿಸುವ ಸಲುವಾಗಿ ಬಳಸಿಕೊಳ್ಳಲಾಗುತ್ತಿದೆ. ಮಧುಮೇಹದ ಬಗ್ಗೆ ಜಾಗೃತಿ ಮೂಡಿಸಲು ಈ ನೀಲಿ ವೃತ್ತವು ವಿಶ್ವಮಟ್ಟದ ಸಂಕೇತವಾಗಿದೆ. ಇದು ಮಧುಮೇಹದ ವಿರುದ್ಧವಾಗಿ ಜಗತ್ತಿನಾದ್ಯಂತ ಇರು ಮಧುಮೇಹಿಗಳ ಏಕತೆಯನ್ನು ಪ್ರದರ್ಶಿಸುತ್ತದೆ.

ಪ್ರತೀ ವರ್ಷ ವಿಶ್ವ ಮಧುಮೇಹ ದಿನಕ್ಕಾಗಿ ಒಂದು ಹೊಸ ಥೀಮ್(ಧ್ಯೇಯ) ಅಳವಡಿಸಿಕೊಳ್ಳಲಾಗುತ್ತದೆ.

ಮಧುಮೇಹ ದಿನದ ಧ್ಯೇಯ

ಮಧುಮೇಹ ದಿನದ ಧ್ಯೇಯ

2019ರ ಮಧುಮೇಹ ದಿನ ಹಾಗೂ ತಿಂಗಳಿನ ಪ್ರಮುಖ ಧ್ಯೇಯ ಎಂದರೆ ``ಕುಟುಂಬ ಮತ್ತು ಮಧುಮೇಹ''.

ವಿಶ್ವದಾದ್ಯಂತ ಸುಮಾರು 425 ಮಿಲಿಯನ್ ಜನರು ಮಧುಮೇಹದಿಂದ ಬಳಲುತ್ತಿದ್ದಾರೆ. ಇದರಲ್ಲಿ ಹೆಚ್ಚಿನವರು ಟೈಪ್ 2 ಮಧುಮೇಹಿಗಳಾಗಿರುವರು. ಈ ರೀತಿಯ ಮಧುಮೇಹವನ್ನು ದೈಹಿಕ ಚಟುವಟಿಕೆ, ಆರೋಗ್ಯಕಾರಿ ಮತ್ತು ಸಮತೋಲಿತ ಆಹಾರ ಕ್ರಮ ಮತ್ತು ಆರೋಗ್ಯಕರ ಜೀವನ ವಾತಾವರಣದಿಂದಾಗಿ ನಿಯಂತ್ರಣದಲ್ಲಿ ಇಡಬಹುದು.

ಟೈಪ್ 2 ಮಧುಮೇಹಿಗಳ ಕಾಳಜಿ ಹಾಗೂ ಅದನ್ನು ನಿಯಂತ್ರಣದಲ್ಲಿ ಇಡುವಲ್ಲಿ ಕುಟುಂಬದವರ ಪಾತ್ರವು ಅತೀ ಮಹತ್ವದ್ದಾಗಿರುವುದು. ಶಿಕ್ಷಣ, ಸಂಪನ್ಮೂಲ ಮತ್ತು ವಾತಾವರಣ ಪೂರೈಸಿದರೆ ಆಗ ಆರೋಗ್ಯಕಾರಿ ಜೀವನಶೈಲಿ ಅಳವಡಿಸಬಹುದು.

ಮಧುಮೇಹ ತಡೆ ಮತ್ತು ನಿಯಂತ್ರಣಕ್ಕೆ ರಾಷ್ಟ್ರೀಯ ಕಾರ್ಯಕ್ರಮಗಳು

ಮಧುಮೇಹ ತಡೆ ಮತ್ತು ನಿಯಂತ್ರಣಕ್ಕೆ ರಾಷ್ಟ್ರೀಯ ಕಾರ್ಯಕ್ರಮಗಳು

ಹೃದಯರಕ್ತನಾಳದ ಕಾಯಿಲೆ ಮತ್ತು ಪಾರ್ಶ್ವವಾಯು(ಎನ್‌ಪಿಸಿಡಿಸಿಎಸ್) ನ್ನು ಎಂಒಎಚ್ ಎಫ್‌ಡಬ್ಲ್ಯೂ 2010ರಲ್ಲಿ ಆರಂಭಿಸಿದೆ. ಪ್ರಮುಖ ಎನ್‌ಸಿಡಿಯನ್ನು ನಿಯಂತ್ರಿಸುವುದು ಇದರ ಪ್ರಮುಖ ಉದ್ದೇಶವಾಗಿದೆ. ಈ ಕಾರ್ಯಕ್ರಮದ ಪ್ರಮುಖ ಧ್ಯೇಯವೆಂದರೆ ಆರೋಗ್ಯದ ವೃದ್ಧಿ, ಆರಂಭದಲ್ಲೇ ಪತ್ತೆ ಹಚ್ಚುವಿಕೆ, ನಿರ್ವಹಣೆ ಮತ್ತು ಪ್ರಕರಣಗಳ ಉಲ್ಲೇಖದೊಂದಿಗೆ ಮೂಲಭೂತ ಸೌಕರ್ಯಗಳನ್ನು ಬಲಪಡಿಸುವುದು.

2017ರಲ್ಲಿ ಎನ್‌ಎಚ್‌ಎಂನ ಪ್ರಾಥಮಿಕ ಆರೋಗ್ಯದಡಿಯಲ್ಲಿ ಮಧುಮೇಹ, ಅಧಿಕ ರಕ್ತದೊತ್ತಡ ಮತ್ತು ಸಾಮಾನ್ಯ ಕ್ಯಾನ್ಸರ್‌ಗಳಾದ (ಬಾಯಿ, ಸ್ತನ ಮತ್ತು ಗರ್ಭಕಂಠ) ಬಗ್ಗೆ ಜನಸಂಖ್ಯೆ ಆಧಾರಿತ ಸ್ಕ್ರೀನಿಂಗ್ ಕೂಡ ಆರಂಭವಾಗಿದೆ.

ಮಧುಮೇಹದ ಮೊಬೈಲ್ ಆಪ್

ಮಧುಮೇಹದ ಮೊಬೈಲ್ ಆಪ್

ಭಾರತದ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ(ಎಂಒಎಚ್ ಎಫ್ ಡಬ್ಲ್ಯೂ), ವಿಶ್ವ ಆರೋಗ್ಯ ಸಂಸ್ಥೆಯ ಭಾರತದ ಕಚೇರಿ ಜತೆಗೆ ಸೇರಿಕೊಂಡು ಮಧುಮೇಹ ತಡೆ ಹಾಗೂ ಅದನ್ನು ನಿಯಂತ್ರಣದಲ್ಲಿ ಇಡುವ ಸಲುವಾಗಿ mDiabetes ಎನ್ನುವ ಮೊಬೈಲ್ ಆಪ್ ನ್ನು ಜಾರಿ ಮಾಡಿದೆ. ಮಧುಮೇಹ ಕಾರ್ಯಕ್ರಮದ ಬಗ್ಗೆ ಹೆಚ್ಚಿನ ಮಾಹಿತಿ/ನೋಂದಣಿಗಾಗಿ 011-22901701ಗೆ ಮಿಸ್ ಕಾಲ್ ಕೊಡಬಹುದು ಅಥವಾ http://mdiabetes.nhp.gov.in/ ಗೆ ಲಾಗಿನ್ ಆಗಬಹುದು.

English summary

World Diabetes Day 2019 Theme, Significance And National Activities

World Diabetes Day is the world’s largest diabetes awareness campaign reaching a global audience of over 1 billion people in more than 160 countries. The campaign draws attention to issues of paramount importance to the diabetes world and keeps diabetes firmly in the public and political spotlight. It is marked every year on 14 November, the birthday of Sir Frederick Banting, who co-discovered insulin along with Charles Best in 1922.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more