ಎಲ್ಲರನ್ನೂ ನಿಬ್ಬೆರಗಾಗಿಸಿದ ಪರಿಣಿತಿ ಚೋಪ್ರಾ ಫ್ಯಾಷನ್ ಸೆನ್ಸ್

Fashion Trends

lekhaka-Jaya Subramanaya

By Jaya Subramanaya

| Updated: Tuesday, June 19, 2018, 11:24 [IST]

ಪರಿಣಿತಿ ಚೋಪ್ರಾ ಬಾಲಿವುಡ್‌ನಲ್ಲಿ ಹೆಚ್ಚು ಟೀಕೆಗೆ ಒಳಗಾದ ನಟಿಯಾಗಿದ್ದಾರೆ. ಫ್ಯಾಷನ್ ಮಾಡಲು ಹೋಗಿ ಮುಖಭಂಗಕ್ಕೆ ಒಳಗಾಗುವ ನಟಿ ಎಂಬ ಹೆಸರನ್ನು ಇವರು ಪಡೆದಿದ್ದಾರೆ. ಬಾಲಿವುಡ್‌ನಲ್ಲಿ ಖ್ಯಾತಿಯನ್ನು ಪರಿನೀತಿ ಗಳಿಸಿದ್ದರೂ ಕೂಡ ತಮ್ಮ ಫ್ಯಾಷನ್ ತಪ್ಪುಗಳಿಂದ ಆಕೆಗೆ ವಿವಾದಕ್ಕೆ ಟೀಕೆಗೆ ಒಳಗಾಗವುದೇ ಹೆಚ್ಚು. ಮೊದಲು ದಪ್ಪಗಿದ್ದ ಈ ನಟಿ ಬಹಳಷ್ಟು ಕಸರತ್ತನ್ನು ಮಾಡಿ ಸಣ್ಣಗಾಗಿದ್ದಾರೆ. ಆದರೆ ಫ್ಯಾಷನ್ ತಪ್ಪುಗಳನ್ನು ಮಾಡಿ ಎಡವುದರಲ್ಲೂ ಆಕೆ ನಿಸ್ಸೀಮರಾಗಿದ್ದಾರೆ.

ತಮ್ಮ ಫ್ಯಾಷನ್ ಪ್ರಿಯತೆಯಲ್ಲಿ ಪ್ರಯೋಗವನ್ನು ಮಾಡಿ ನೆಲಕ್ಕಚ್ಚುವ ಈ ನಟಿ ಅದಾಗ್ಯೂ ತಾನು ಸ್ಟೈಲಿಸ್ಟ್ ಆಗಿ ಕಾಣಬೇಕೆಂಬ ಬಯಕೆಯನ್ನು ಪ್ರದರ್ಶಿಸುತ್ತಿರುತ್ತಾರೆ. ಇತ್ತೀಚೆಗೆ ಪರಿಣಿತಿ ತಮ್ಮ ಉಡುಗೆಯ ಮೂಲಕ ಎಲ್ಲರನ್ನೂ ನಿಬ್ಬೆರಗಾಗಿಸಿದ್ದಾರೆ. ಆಕೆ ಕಪ್ಪು ಬಣ್ಣದ ದಿರಿಸು ಎಲ್ಲರನ್ನೂ ಹೌಹಾರುವಂತೆ ಮಾಡಿದೆ. ಆದರೆ ತನ್ನ ಈ ಉಡುಪನ್ನು ಆಕೆ ಸರಳವಾಗಿ ತೋರಿಸಿದ್ದು ಈ ರೀತಿಯ ಉಡುಗೆ ಧರಿಸಿ ಎಲ್ಲರೂ ನಡೆಯುವುದು ಕಷ್ಟವಾಗಿದ್ದರೂ ಪರಿಣಿತಿ ಈ ಸವಾಲನ್ನು ಗೆದ್ದಿದ್ದಾರೆ.

ಪರಿಣಿತಿ ಕಪ್ಪು ಬಣ್ಣದ ರೌಂಡ್ ಕುತ್ತಿಗೆಯ ಟಿಶರ್ಟ್ ಅನ್ನು ಧರಿಸಿದ್ದು ಅದು ಸ್ಲೀವ್‌ಗಳನ್ನು ಹೊಂದಿದೆ ಮತ್ತು ಐವಿಪಿ ಎಂದು ಬಿಳಿ ಬಣ್ಣದ ಪ್ರಿಂಟ್ ಅನ್ನು ಉಡುಗೆ ಹೊಂದಿದೆ. ಮ್ಯಾಚಿಂಗ್ ಸ್ಕರ್ಟ್‌ನಲ್ಲಿ ಆಕೆ ಆಳವಾದ ಸ್ಲಿಟ್ ಅನ್ನು ಹೊಂದಿದ್ದು ಸೆಕ್ಸಿಯಾಗಿ ಕಾಣುತ್ತಿದ್ದರು. ಆಕೆಯ ಕಪ್ಪು ಬಣ್ಣದ ಸ್ಕರ್ಟ್ ಕೂಡ ಐವಿಪಿ ಪಾರ್ಕ್ ಎಂದು ದಪ್ಪಕ್ಷರದಲ್ಲಿ ಬರೆದಿರುವುದನ್ನು ಹೊಂದಿದೆ.

ದೊಡ್ಡ ಬ್ಯಾಗ್ ಅನ್ನು ನಟಿ ಈ ಉಡುಗೆಯೊಂದಿಗೆ ತಂದಿದ್ದು, ಸಣ್ಣ ಪರ್ಸ್ ಬದಲಿಗೆ ಈ ದೊಡ್ಡ ಬ್ಯಾಗ್ ಆಕೆಯ ಸ್ಟೈಲ್ ಸೆನ್ಸ್ ಅನ್ನು ಹೆಚ್ಚಿಸಿತ್ತು. ಕಪ್ಪು ಮತ್ತು ಬಿಳಿ ಪ್ರಿಂಟ್‌ನ ಶೂವನ್ನು ಆಕೆ ಧರಿಸಿದ್ದರು. ಚಿನ್ನದ ಬಣ್ಣದ ಕಿವಿಯೋಲೆ ಮತ್ತು ಗುಲಾಬಿ ಬಣ್ಣದ ತುಟಿಯ ರಂಗು ಆಕೆಯನ್ನು ಇನ್ನಷ್ಟು ಸ್ಟೈಲಿಶ್ ಹಾಗೂ ಸೆಕ್ಸಿಯನ್ನಾಗಿ ಮಾಡಿದೆ.