Just In
- 1 hr ago ಬೇಸಿಗೆಯಲ್ಲಿ ದಿನಾ ಎಳನೀರು ಕುಡಿದರೆ ಏನಾಗುತ್ತೆ? ಯಾವ ಸಮಯದಲ್ಲಿ ಎಳನೀರು ಕುಡಿಯಬೇಕು?
- 9 hrs ago ಮೀನ ರಾಶಿಗೆ ಮಂಗಳ ಸಂಚಾರ: ಈ 5 ರಾಶಿಯವರು ವೃತ್ತಿ ಬದುಕಿನಲ್ಲಿ ಜಾಗ್ರತೆ
- 9 hrs ago ಬೇಸಿಗೆಗೆ ಈ 3 ಸೊಪ್ಪಿನ ಚಟ್ನಿ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು
- 10 hrs ago ಬಿಲ್ಗೇಟ್ಸ್ ಟೀ ಕೇಳಿದ್ದಕ್ಕೆ ಟೀ ಮಾಡುತ್ತಿರುವ ನಾಯಿ: ಕ್ಯೂಟ್ ವೀಡಿಯೋ ವೈರಲ್
Don't Miss
- News Bengaluru-Mysuru Expressway: ಪ್ರಯಾಣಿಕರೇ ಗಮನಿಸಿ, ಏಪ್ರಿಲ್ 18 & 19ರಂದು ಈ ಮಾರ್ಗಗಳಲ್ಲಿ ಬರುವ ಮುನ್ನ ಎಚ್ಚರ..
- Technology ಅಗ್ಗದ ದರದಲ್ಲಿ 5G ಫೋನ್ ಖರೀದಿಸಬೇಕೆ?..ಈ ಆಫರ್ ಮಿಸ್ ಮಾಡ್ಕೋಬೇಡಿ!
- Automobiles Kia: ಬಹುನಿರೀಕ್ಷಿತ ಕಿಯಾ ಕ್ಲಾವಿಸ್ ಮೈಕ್ರೋ ಎಸ್ಯುವಿ ಶೀಘ್ರದಲ್ಲೇ ಬಿಡಗಡೆ
- Movies ಅನುಷ್ಕಾ ಶೆಟ್ಟಿ ಬ್ಯಾಕ್ ಟು ಬ್ಯಾಕ್ ಯಾಕೆ ಸಿನಿಮಾ ಮಾಡ್ತಿಲ್ಲಾ? ನಿರ್ದೇಶಕರಿ ಕಂಡೀಷನ್ ಹಾಕ್ತಿದ್ದಾರಾ?
- Finance Bullet train: ಮೇಡ್ ಇನ್ ಇಂಡಿಯಾ ಬುಲೆಟ್ ಟ್ರೈನ್ಗೆ ಶೀಘ್ರ ಚಾಲನೆ, ಗಂಟೆಗೆ 250 ವೇಗ
- Sports India's Squad For T20 World Cup: ಟಿ20 ವಿಶ್ವಕಪ್ಗೆ ಸಂಭಾವ್ಯ 20 ಸದಸ್ಯರ ಭಾರತ ತಂಡ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನೀವು ಧರಿಸುವ ಡ್ರೆಸ್ ಕಲರ್ಗಿದೆ ನಿಮ್ಮ ಮೂಡ್ ಸರಿ ಮಾಡುವ ಶಕ್ತಿ! ಮೂಡ್ ಸರಿಹೋಗಲು ಯಾವ ಬಣ್ಣದ ಬಟ್ಟೆ ಧರಿಸಬೇಕು?
ಕೆಲವೊಮ್ಮೆ ವಿನಾಕಾರಣ ನಮ್ಮ ಮೂಡ್ ಕೆಟ್ಟುಹೋಗುವುದನ್ನು ಕಂಡಿರುತ್ತೀರಿ. ಯಾವುದೇ ಕೆಲಸಕ್ಕೂ ಮನಸ್ಸಿರುವುದಿಲ್ಲ, ಒಂದು ರೀತಿಯ ಆಲಸ್ಯ ಮತ್ತು ಜಡತ್ವವನ್ನು ಅನುಭವಿಸುತ್ತೇವೆ. ಅಂತಹ ಪರಿಸ್ಥಿತಿಯಿಂದ ಹೊರಬರಲು ಸಹಾಯ ಮಾಡುವ ಒಂದು ಕಾರಣವೆಂದರೆ, ನಮ್ಮ ಪ್ರೀತಿಪಾತ್ರರ ಜೊತೆಗಿನ ಸಂವಹನ. ಅದನ್ನು ಹೊರತುಪಡಿಸಿ, ನಮ್ಮ ಮೂಡ್ ಸರಿಮಾಡುವ ಇನ್ನೊಂದು ವಿಧಾನವೆಂದರೆ, ನಾವು ಧರಿಸುವ ಬಟ್ಟೆ.
ಹೌದು, ಹಲವಾರು ಅಧ್ಯಯನಗಳ ಪ್ರಕಾರ, ನಾವು ಧರಿಸುವ ಬಟ್ಟೆಯ ಬಣ್ಣವು ನಿಮ್ಮ ಮನಸ್ಥಿತಿಯ ಮೇಲೆ ಗಮನಾರ್ಹ ಪರಿಣಾಮ ಬೀರುತ್ತದೆ. ಇವುಗಳು ನಿಮ್ಮ ಮನಸ್ಸನ್ನು ಸುಧಾರಿಸಬಹುದು ಅಥವಾ ನಮ್ಮ ಭಾವನೆಗಳ ಮೇಲೆ ಪರಿಣಾಮ ಬೀರಬಹುದು. ಹಾಗಾದರೆ, ಮೂಡ್ ಸರಿಹೋಗಲು ಯಾವ ಕಲರ್ ಬಟ್ಟೆ ಧರಿಸಬೇಕು ಎಂಬುದನ್ನು ಇಲ್ಲಿ ನೋಡೋಣ.
ಮೂಡ್ ಲಿಫ್ಟಿಂಗ್ನಂತೆ ಕಾರ್ಯನಿರ್ವಹಿಸುವ ಬಣ್ಣಗಳು ಯಾವುವು ಎಂಬುದನ್ನು ಈ ಕೆಳಗೆ ನೀಡಲಾಗಿದೆ:
1. ಹಳದಿ:
ಹಳದಿಯನ್ನು ಸಂತೋಷದ ಬಣ್ಣ ಎಂದೂ ಕರೆಯುತ್ತಾರೆ. ಇದು ಖುಷಿಯ ಕಂಪನವನ್ನು ಹೊರಹಾಕಿ, ಮಾನಸಿಕ ಆರೋಗ್ಯವನ್ನು ಉತ್ತೇಜಿಸುತ್ತದೆ. ನೀವು "ನಾನು ಇದನ್ನು ಖಂಡಿತವಾಗಿ ಮಾಡಬಲ್ಲೆ" ಎಂಬ ಆತ್ಮವಿಶ್ವಾಸವನ್ನು ಪಡೆಯಲು ಬಯಸಿದರೆ, ನಂತರ ಹಳದಿ ಬಟ್ಟೆಗಳನ್ನು ಧರಿಸಿ. ಅದರ ನಂತರ ಆಗುವ ಸಕಾರಾತ್ಮಕ ಬದಲಾವಣೆಗಳನ್ನು ನೀವು ಗಮನಿಸಬಹುದು. ನಿಂಬೆ ಹಳದಿ, ನಿಯಾನ್ ಹಳದಿ, ಡಾರ್ಕ್ ಹಳದಿ, ಪ್ರಕಾಶಮಾನವಾದ ಹಳದಿ, ಇತ್ಯಾದಿಗಳಂತಹ ಹಳದಿ ಬಣ್ಣದ ವಿವಿಧ ಶೇಡ್ಗಳನ್ನು ಆರಿಸಿಕೊಳ್ಳಬಹುದು.
2. ಕೆಂಪು:
ಕೆಂಪು ಬಣ್ಣವು ನಿಮ್ಮನ್ನು ಚೈತನ್ಯಗೊಳಿಸುತ್ತದೆ ಎಂದು ಹೇಳಲಾಗುತ್ತದೆ. ಆದ್ದರಿಂದ, ನಿಮಗೆ ಆಯಾಸವಾಗಿದ್ದರೆ, ಬೇಗನೆ ಎದ್ದೇಳಿ, ಸ್ನಾನ ಮಾಡಿ ಮತ್ತು ಪ್ರಕಾಶಮಾನವಾದ ಕೆಂಪು ಬಟ್ಟೆ ಧರಿಸಿ. ಕೆಂಪು ಬಣ್ಣವು ಚಿತ್ತ-ವರ್ಧಕ ಬಣ್ಣವಾಗಿದ್ದು, ನಿಮಗೆ ಸಂತೋಷವನ್ನು ನೀಡುತ್ತದೆ ಜೊತೆಗೆ ಆತ್ಮವಿಶ್ವಾಸವನ್ನು ತುಂಬುತ್ತದೆ.
3. ಕಿತ್ತಳೆ ಬಣ್ಣ:
ಕಿತ್ತಳೆ ಬಣ್ಣವು ಪ್ರಕಾಶಮಾನವಾದ ಮತ್ತು ಆಕರ್ಷಕ ಬಣ್ಣವಾಗಿದ್ದು, ಇದು ಶಕ್ತಿ ಮತ್ತು ಉತ್ಸಾಹಕ್ಕೆ ಸಂಬಂಧಿಸಿದೆ. ಇದು ಸಂತೋಷವನ್ನು ತರುವ ಸಾಮರ್ಥ್ಯವನ್ನು ಹೊಂದಿದೆ. ನೀವು ಸಾಮಾಜಿಕ ಚಿಟ್ಟೆಯಂತೆ ಬಹಿರ್ಮುಖಿಯಾಗಲು ಬಯಸಿದಾಗ, ಕಿತ್ತಳೆ ಬಣ್ಣವನ್ನು ಧರಿಸಿ.
4. ಗುಲಾಬಿ ಅಥವಾ ಪಿಂಕ್:
ಗುಲಾಬಿ ಬಣ್ಣದ ಉಡುಪುಗಳು ನಿಮಗೆ ಶಾಂತ ಪ್ರಜ್ಞೆಯನ್ನು ನೀಡಲು ಹಾಗೂ ಸಂತೋಷವನ್ನು ಉತ್ತೇಜಿಸಲು ಅತ್ಯುತ್ತಮವಾಗಿವೆ. ಇದು ಸಾಮಾನ್ಯವಾಗಿ ಸ್ವ-ಪ್ರೀತಿಗೆ ಸಂಬಂಧಿಸಿದೆ. ಬಬಲ್ಗಮ್ ಗುಲಾಬಿ, ನಿಯಾನ್ ಗುಲಾಬಿ, ತಿಳಿ ಗುಲಾಬಿ, ಬೇಬಿ ಪಿಂಕ್ ಸೇರಿದಂತೆ ಹಲವಾರು ಶೇಡ್ಗಳು ಲಭ್ಯವಿದ್ದರೂ, ಡಾರ್ಕ್ ಪಿಂಕ್ ಉತ್ತಮ ಆಯ್ಕೆಯಾಗಿದೆ. ಏಕಕಾಲದಲ್ಲಿ ಹೆಚ್ಚು ಆತ್ಮವಿಶ್ವಾಸ, ಹರಟೆ ಮತ್ತು ಸ್ನೇಹಪರತೆಯನ್ನು ಅನುಭವಿಸಲು ಬಯಸಿದರೆ ಈ ಬಣ್ಣವನ್ನು ಧರಿಸಿ.
5. ನೇರಳೆ:
ನೇರಳೆ ಒಂದು ರಾಯಲ್ ಬಣ್ಣವಾಗಿದ್ದು, ಅದು ಐಷಾರಾಮಿ ಮತ್ತು ಸೃಜನಶೀಲತೆಗೆ ಸಂಬಂಧಿಸಿದೆ. ಕೆನ್ನೇರಳೆ ಬಣ್ಣವು ತುಂಬಾ ರೋಮಾಂಚನಕಾರಿ ಬಣ್ಣವಾಗಿದ್ದು, ಅದನ್ನು ನೋಡಿದಾಗ ನಿಮಗೆ ಹೆಚ್ಚು ಚೈತನ್ಯ ಸಿಗುತ್ತದೆ. ಜೊತೆಗೆ ಈ ಬಣ್ಣವು ಆಧ್ಯಾತ್ಮಿಕತೆ ಮತ್ತು ಅಂತಃಪ್ರಜ್ಞೆಯೊಂದಿಗೆ ಸಂಪರ್ಕ ಹೊಂದಿದ್ದು, ಯಾವುದಾದರೂ ನಿರ್ಧಾರವನ್ನು ತೆಗೆದುಕೊಳ್ಳಲು ಕಷ್ಟವಾದರೆ, ಈ ಬಣ್ಣದ ಬಟ್ಟೆಯನ್ನು ಧರಿಸಿ, ಉತ್ತರವನ್ನು ನೋಡಿ.
6. ಹಸಿರು:
ಹಸಿರು ನಿಮಗೆ ಶಾಂತಿಯ ಭಾವನೆಯನ್ನು ನೀಡುತ್ತದೆ. ಇದು ಸಾಮಾನ್ಯವಾಗಿ ಪ್ರಕೃತಿಯ ಚೈತನ್ಯದೊಂದಿಗೆ ಸಂಬಂಧಿಸಿದ್ದು, ಸಾಮರಸ್ಯ ಮತ್ತು ನವೀಕರಣವನ್ನು ಉತ್ತೇಜಿಸುತ್ತದೆ . ನೀವು ರಿಫ್ರೆಶ್ ಆಗಲು ಬಯಸಿದಾಗ, ಹಸಿರು ಬಣ್ಣದ ಬಟ್ಟೆ ಧರಿಸಿ. ಇದು ಹೊಸ ಜನರನ್ನು ಭೇಟಿ ಮಾಡಲು ಹೋಗುವಾಗ ಸೂಕ್ತವಾದ ಬಣ್ಣವಾಗಿದೆ.
7. ನೀಲಿ:
ನೀವು ಯಾವುದರಿಂದಾದರೂ ಋಣಾತ್ಮಕ ಭಾವನೆಗಳನ್ನು ಪಡೆಯುತ್ತಿದ್ದರೆ, ಅದನ್ನು ಹೋಗಲಾಡಿಸಲು ನೀಲಿ ಬಣ್ಣವು ಉತ್ತಮ ಆಯ್ಕೆ. ತಜ್ಞರ ಪ್ರಕಾರ, ಇದು ಅಂತಃಪ್ರಜ್ಞೆಗೆ ಸಹಾಯ ಮಾಡುವುದಲ್ಲದೇ, ನೆಮ್ಮದಿಯನ್ನು ನೀಡುತ್ತದೆ. ನೀರು, ಸಾಗರಗಳು ಮತ್ತು ಆಕಾಶದೊಂದಿಗೆ ಸಂಬಂಧಿಸಿರುವ ನೀಲಿ ಬಣ್ಣದ ಬಟ್ಟೆ ಧರಿಸುವುದರಿಂದ, ಆಕಾಶವನ್ನು ನೋಡುವ ಅದೇ ಅನುಭವವನ್ನು ನೀಡುತ್ತದೆ. ಶಾಂತವಾಗಿ ಮತ್ತು ಸಂಯೋಜಿತವಾಗಿರಲು, ಆಕಾಶ ನೀಲಿ ಅಥವಾ ತಿಳಿ ನೀಲಿ ಬಣ್ಣದ ಬಟ್ಟೆಗಳನ್ನು ಧರಿಸಿ.