For Quick Alerts
ALLOW NOTIFICATIONS  
For Daily Alerts

ಮುಖ ತುಂಬಾ ಜಿಡ್ಡು-ಜಿಡ್ಡಾಗುವುದೇ? ಹೀಗೆ ಮಾಡಿ ನೋಡಿ...

|

ಎಣ್ಣೆಯುಕ್ತ ತ್ವಚೆಯನ್ನ ಆರೈಕೆ ಮಾಡುವುದು ಸುಲಭದ ಕೆಲಸವಲ್ಲ. ಸದಾ ಜಿಡ್ಡಿನ ಮುಖವು ಮೊಡವೆಯಂತಹ ಚರ್ಮ ಸಂಬಂಧಿತ ಸಮಸ್ಯೆಗಳಿಗೆ ಕಾರಣವಾಗುತ್ತದೆ. ಇಂತಹ ಎಣ್ಣೆಯುಕ್ತ ಮುಖದಿಂದ ಬೇಸತ್ತಿದ್ದೀರಾ? ಎಣ್ಣೆಯನ್ನು ನೈಸರ್ಗಿಕವಾಗಿ ಕಡಿಮೆ ಮಾಡುವ ಮಾರ್ಗಗಳನ್ನು ಹುಡುಕುತ್ತಿದ್ದೀರಾ? ಸರಿ, ಹಾಗಾದ್ರೆ ಚಿಂತೆ ಬೇಡ. ಏಕೆಂದರೆ ಎಣ್ಣೆಯುಕ್ತ ಚರ್ಮವನ್ನು ಕಡಿಮೆ ಮಾಡಲು ನಿಮಗೆ ಸಹಾಯ ಮಾಡುವ ಕೆಲವು ಹಳೆಯ ನೈಸರ್ಗಿಕ ಹ್ಯಾಕ್‌ಗಳನ್ನು ನಾವು ನಿಮ್ಮ ಮುಂದೆ ತಂದಿದ್ದೇವೆ. ಅವುಗಳನ್ನು ಪರಿಶೀಲಿಸಿ.

ಎಣ್ಣೆಯುಕ್ತ ತ್ವಚೆಯನ್ನು ಕಡಿಮೆಮಾಡಲು ಬಯಸುವವರಿಗೆ ಈ ಕೆಳಗೆ ನೀಡಿರುವ ಹೋಮ್ ಹ್ಯಾಕ್ಸ್ ಗಳನ್ನು ಪ್ರಯತ್ನಿಸಬಹುದು:

ಜೇನುತುಪ್ಪ:

ಜೇನುತುಪ್ಪ:

ಜೇನುತುಪ್ಪವು ಚರ್ಮಕ್ಕೆ ಸಂಬಂಧಿಸಿದ ಎಲ್ಲಾ ಸಮಸ್ಯೆಗಳಿಗೆ ಪರಿಹಾರವಾಗಿದೆ. ಅಸಾಧಾರಣವಾದ ಬ್ಯಾಕ್ಟೀರಿಯಾ ವಿರೋಧಿ ಮತ್ತು ನಂಜುನಿರೋಧಕ ಗುಣಲಕ್ಷಣಗಳಿಗೆ ಹೆಸರುವಾಸಿಯಾದ ಜೇನುತುಪ್ಪವು ಮೊಡವೆ ಪೀಡಿತ ತ್ವಚೆಗೆ ಒಳ್ಳೆಯದು ಎಂದು ಪರಿಗಣಿಸಲಾಗಿದೆ. ಇದಕ್ಕಾಗಿ ನೀವು ನೈಸರ್ಗಿಕ ಜೇನುತುಪ್ಪವನ್ನು ತೆಗೆದುಕೊಂಡು ನಿಮ್ಮ ಮುಖದ ಮೇಲೆ ತೆಳುವಾದ ಪದರವಾಗಿ ಹಚ್ಚಿ. ಅದು ಒಣಗುವವರೆಗೆ ಹಾಗೆಯೇ ಬಿಡಿ ಮತ್ತು ನಂತರ ನೀರಿನಿಂದ ತೊಳೆಯಿರಿ.

ಓಟ್ ಮೀಲ್:

ಓಟ್ ಮೀಲ್:

ಓಟ್ ಮೀಲ್ ನಿಮ್ಮ ಮುಖದಿಂದ ಹೆಚ್ಚುವರಿ ಎಣ್ಣೆಯನ್ನು ಹೀರಿಕೊಳ್ಳಲು ಸಹಾಯ ಮಾಡುವ ಉತ್ತಮ ನೈಸರ್ಗಿಕ ಹ್ಯಾಕ್ ಆಗಿದೆ. ಜೊತೆಗೆ ಇದು ಡೆಡ್ ಸೆಲ್ ಗಳನ್ನು ಹೊರಹಾಕಲು ಸಹಾಯ ಮಾಡುತ್ತದೆ. ನಿಮ್ಮ ಫೇಸ್ ಪ್ಯಾಕ್ ಗಳಿಗೆ ಗ್ರೌಂಡ್ ಓಟ್ ಮೀಲ್ ಕೂಡ ಸೇರಿಸಬಹುದು. ಇದನ್ನು ಮೊಸರು, ಜೇನುತುಪ್ಪ, ಅಥವಾ ಬಾಳೆಹಣ್ಣು, ಸೇಬು ಅಥವಾ ಪಪ್ಪಾಯದಂತಹ ಯಾವುದೇ ಹಿಸುಕಿದ ಹಣ್ಣುಗಳೊಂದಿಗೆ ಸೇರಿಸಬಹುದು.

ಇದಕ್ಕಾಗಿ 1/2 ಕಪ್ ಓಟ್ಸ್ ಅನ್ನು ಬಿಸಿ ನೀರಿನೊಂದಿಗೆ ಸೇರಿಸಿ ಪೇಸ್ಟ್ ಮಾಡಿ. ಅದಕ್ಕೆ 1 ಚಮಚ ಜೇನುತುಪ್ಪ ಸೇರಿಸಿ. ಈ ಓಟ್ ಮೀಲ್ ಮಿಶ್ರಣವನ್ನು ನಿಮ್ಮ ಮುಖಕ್ಕೆ ಹಚ್ಚಿ ಮತ್ತು ಸುಮಾರು ಮೂರರಿಂದ ಐದು ನಿಮಿಷಗಳ ಕಾಲ ಮಸಾಜ್ ಮಾಡಿ. ನಂತರ, ಬೆಚ್ಚಗಿನ ನೀರಿನಿಂದ ತೊಳೆಯಿರಿ.

ನಿಂಬೆ ಮತ್ತು ಮೊಟ್ಟೆಯ ಬಿಳಿ ಭಾಗ:

ನಿಂಬೆ ಮತ್ತು ಮೊಟ್ಟೆಯ ಬಿಳಿ ಭಾಗ:

ಮೊಟ್ಟೆಯ ಬಿಳಿಭಾಗ ಮತ್ತು ನಿಂಬೆ ಎರಡೂ ನಿಮ್ಮ ಚರ್ಮದ ಮೇಲಿನ ರಂಧ್ರಗಳ ಗಾತ್ರವನ್ನು ಕಡಿಮೆ ಮಾಡುತ್ತದೆ. ನಿಂಬೆಯಲ್ಲಿರುವ ಆಮ್ಲವು ಅಧಿಕ ಎಣ್ಣೆಯನ್ನು ಹೀರಿಕೊಳ್ಳುತ್ತದೆ. ಈ ಪದಾರ್ಥಗಳನ್ನು ಬಳಸಿ ಫೇಸ್ ಮಾಸ್ಕ ತಯಾರಿಸಲು, ಒಂದು ಮೊಟ್ಟೆಯ ಬಿಳಿಭಾಗವನ್ನು ಒಂದು ಚಮಚ ನಿಂಬೆ ರಸದೊಂದಿಗೆ ಬೆರೆಸಿ ನಿಮ್ಮ ಮುಖಕ್ಕೆ ಹಚ್ಚಿ. ಪ್ಯಾಕ್ ಒಣಗಿದ ನಂತರ, ಅದನ್ನು ಬೆಚ್ಚಗಿನ ನೀರಿನಿಂದ ತೊಳೆಯಿರಿ. ಶೀಘ್ರದಲ್ಲೇ, ನೀವು ಬದಲಾವಣೆಗಳನ್ನು ನೋಡುತ್ತೀರಿ.

ಟೊಮ್ಯಾಟೋ:

ಟೊಮ್ಯಾಟೋ:

ಸ್ಯಾಲಿಸಿಲಿಕ್ ಆಮ್ಲದ ಜೊತೆಗೆ ಲಾಡೆನ್ ಅಂಶವಿರುವ ಟೊಮೆಟೊಗಳು ಮೊಡವೆಗಳನ್ನು ಗುಣಪಡಿಸಲು ಸಹಾಯ ಮಾಡುತ್ತದೆ. ಇದು ಹೆಚ್ಚುವರಿ ಎಣ್ಣೆಯನ್ನು ಹೀರಿಕೊಂಡು, ರಂಧ್ರಗಳನ್ನು ಮುಚ್ಚುತ್ತದೆ. ಇದಕ್ಕಾಗಿ ನೀವು ತಾಜಾ ಟೊಮೆಟೊವನ್ನು ತೆಗೆದುಕೊಂಡು ನಿಮ್ಮ ಮುಖದ ಮೇಲೆ ವೃತ್ತಾಕಾರದ ಚಲನೆಯಲ್ಲಿ ಸೂಕ್ಷ್ಮವಾಗಿ ಉಜ್ಜಬಹುದು ಅಥವಾ ಅದರ ತಿರುಳನ್ನು ಸಕ್ಕರೆಯೊಂದಿಗೆ ಬೆರೆಸಿ ನಿಮ್ಮ ಮುಖಕ್ಕೆ ಹಚ್ಚಬಹುದು. ಆದರೆ ಇದು ಉರಿಯಲು ಆರಂಭಿಸಿದರೆ, ತಕ್ಷಣ ಅದನ್ನು ತೊಳೆಯಲು ಮರೆಯಬೇಡಿ.

ಬಾದಾಮಿ:

ಬಾದಾಮಿ:

ಬಾದಾಮಿ ನಿಮ್ಮ ಚರ್ಮವನ್ನು ಎಫ್ಫೋಲಿಯೇಟ್ ಮಾಡುವುದರ ಜೊತೆಗೆ ಹೆಚ್ಚುವರಿ ಎಣ್ಣೆ ಮತ್ತು ಕಲ್ಮಶಗಳನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ. ಇದಕ್ಕಾಗಿ 3 ಚಮಚ ಹಸಿ ಬಾದಾಮಿಯನ್ನು ನುಣ್ಣಗೆ ರುಬ್ಬಿಕೊಳ್ಳಿ. ಇದಕ್ಕೆ 2 ಚಮಚ ಹಸಿ ಜೇನುತುಪ್ಪ ಸೇರಿಸಿ, ವೃತ್ತಾಕಾರದ ಚಲನೆಯಲ್ಲಿ ನಿಮ್ಮ ಮುಖಕ್ಕೆ ನಿಧಾನವಾಗಿ ಹಚ್ಚಿ. 10 ರಿಂದ 15 ನಿಮಿಷಗಳ ಕಾಲ ಹಾಗೆಯೇ ಬಿಡಿ ಮತ್ತು ಬೆಚ್ಚಗಿನ ನೀರಿನಿಂದ ತೊಳೆಯಿರಿ.

English summary

Natural Hacks to Get Rid of Oily Skin effectively in Kannada

Here we talking about Natural hacks to get rid of oily skin effectively in kannada, read on
X