For Quick Alerts
ALLOW NOTIFICATIONS  
For Daily Alerts

ಈ ಹೋಮ್ ಮೇಡ್ ಪಾನೀಯಗಳ ಸೇವನೆಯಿಂದ ಮೊಡವೆಗಳು ಹೋಗುವುದರಲ್ಲಿ ಯಾವುದೇ ಸಂದೇಹವಿಲ್ಲ

|

ನಿಮ್ಮ ಮೊಡವೆ ಸಮಸ್ಯೆಗೆ ಸಾಕಷ್ಟು ಉತ್ಪನ್ನಗಳನ್ನು ಬಳಸಿ ಬೇಸತ್ತಿದ್ದೀರಾ? ಹಾಗಾದರೆ ಒಮ್ಮೆ ಇತ್ತ ನೋಡಿ. ಬಾಹ್ಯ ಉತ್ಪನ್ನಗಳಿಂದ ಮೊಡವೆ ಸಮಸ್ಯೆ ಹೋಗದಿದ್ದರೆ, ಅವುಗಳಿಗೆ ಆಂತರಿಕ ಚಿಕಿತ್ಸೆ ಮಾಡುವುದು ಒಳ್ಳೆಯದು. ಅದಕ್ಕಾಗಿ ನಾವಿಂದು ನಿಮ್ಮ ಮೊಡವೆ ಸಮಸ್ಯೆ ದೂರಮಾಡುವ ಟೇಸ್ಟಿ ಪಾನೀಯಗಳ ಬಗ್ಗೆ ಹೇಳುತ್ತಿದ್ದೇವೆ. ಇವುಗಳನ್ನು ನಿಮ್ಮ ದೈನಂದಿನ ಜೀವನದಲ್ಲಿ ಸೇರಿಸಿಕೊಂಡು, ಮೊಡವೆಗಳನ್ನು ತೆಗೆದುಹಾಕಬಹದು.

ಮೊಡವೆಗಳನ್ನು ದೂರಮಾಡುವ ವಿವಿಧ ಪಾನೀಯಗಳನ್ನು ಈ ಕೆಳಗೆ ನೀಡಲಾಗಿದೆ:

ಪುದಿನಾ ಟೀ:

ಪುದಿನಾ ಟೀ:

ಪುದಿನಾ ಉರಿಯೂತದ ಮತ್ತು ಬ್ಯಾಕ್ಟೀರಿಯಾ ವಿರೋಧಿ ಗುಣಗಳನ್ನು ಹೊಂದಿದ್ದು, ಇದು ಹಾರ್ಮೋನುಗಳ ಅಸಮತೋಲನವನ್ನು ಸರಿಪಡಿಸಲು ಸಹಾಯ ಮಾಡುತ್ತದೆ. ಇದರ ಚಹಾವನ್ನು ನಿಯಮಿತವಾಗಿ ಸೇವಿಸುವುದರಿಂದ ಮೊಡವೆ ಸಮಸ್ಯೆಗಳನ್ನು 25 ರಿಂದ 50% ರಷ್ಟು ಕಡಿಮೆ ಮಾಡಬಹುದು ಎಂದು ಅಧ್ಯಯನಗಳು ತೋರಿಸಿವೆ. ಜಲಸಂಚಯನ ಮತ್ತು ಆಂಟಿಆಕ್ಸಿಡೆಂಟ್‌ಗಳ ನಿಯಂತ್ರಿಸಲು ಪ್ರತಿದಿನ ಬೆಳಿಗ್ಗೆ ಅಥವಾ ಸಂಜೆ ಒಂದರಿಂದ ಎರಡು ಕಪ್ ಪುದಿನಾ ಚಹಾವನ್ನು ಸೇವಿಸಬಹುದು, ಅದು ನಿಮ್ಮ ಚರ್ಮವನ್ನು ಸ್ಪಷ್ಟವಾಗಿ ಮತ್ತು ಹೊಳೆಯುವಂತೆ ಮಾಡುತ್ತದೆ.

ಅರಿಶಿನ ಹಾಲು:

ಅರಿಶಿನ ಹಾಲು:

ಅರಿಶಿನವು ನಿಮ್ಮ ಚರ್ಮಕ್ಕೆ ಹಲವಾರು ಪ್ರಯೋಜನಗಳನ್ನು ಹೊಂದಿದ್ದು, ಅನಾದಿ ಕಾಲದಿಂದಲೂ ಸಾಂಪ್ರದಾಯಿಕವಾಗಿ ಚರ್ಮದ ಆರೈಕೆಯಲ್ಲಿ ಬಳಸಲಾಗುತ್ತದೆ. ಅರಿಶಿನದಲ್ಲಿರುವ ಕರ್ಕ್ಯುಮಿನ್ ಅಂಶವು ಆಂಟಿಮೈಕ್ರೊಬಿಯಲ್ ಮತ್ತು ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿದ್ದು, ಮೊಡವೆಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದಕ್ಕಾಗಿ ನೀವು ಒಂದು ಕಪ್ ಬೆಚ್ಚಗಿನ ನೀರು ಅಥವಾ ಹಾಲಿಗೆ ಒಂದು ಚಮಚ ಅರಿಶಿನ ಪುಡಿಯನ್ನು ಸೇರಿಸಿ. ಅದಕ್ಕೆ ಒಂದು ಚಿಟಿಕೆ ಕರಿ ಮೆಣಸು ಹುಡಿ, ಸ್ವಲ್ಪ ಶುಂಠಿ ಅಥವಾ ದಾಲ್ಚಿನ್ನಿ ಪುಡಿಯನ್ನು ಸೇರಿಸಿ, ಪ್ರತಿದಿನ ಬೆಳಗ್ಗೆ ಕುಡಿಯಿರಿ.

ಮಾಚ ಟೀ:

ಮಾಚ ಟೀ:

ಮಾಚ ಟೀಯಲ್ಲಿ ಆಂಟಿಆಕ್ಸಿಡೆಂಟ್ ಗಳು ಅಧಿಕವಾಗಿದ್ದು, ಉರಿಯೂತದ ಜೊತೆಗೆ, ಮಚ್ಚಾ ಚಹಾದಲ್ಲಿನ ಇಜಿಸಿಜಿ (ಎಪಿಗಲ್ಲೊಕಾಟೆಚಿನ್ ಗ್ಯಾಲೇಟ್) ಬ್ಯಾಕ್ಟೀರಿಯಾ ವಿರೋಧಿ ಕೂಡ ಆಗಿದೆ. ಆದ್ದರಿಂದ ನಿಮ್ಮ ಮೊಡವೆಗಳು ಮಾಯಾಜಾಲದಂತೆ ಮಾಯವಾಗುವುದನ್ನು ನೀವು ಕಾಣಬಹುದು. ಮಚ್ಚಾ ಚಹಾವನ್ನು ತಯಾರಿಸಲು, ಮೊದಲು ಒಂದು ಟೀಚಮಚ ಮಚ್ಚಾ ಪುಡಿಯನ್ನು ಸ್ವಲ್ಪ ಕುದಿಯುವ ನೀರಿನಲ್ಲಿ ಬೆರೆಸಿ. ಈ ಮಿಶ್ರಣವನ್ನು ಒಂದು ಕಪ್ ಬೆಚ್ಚಗಿನ ಹಾಲಿನೊಂದಿಗೆ ಸೇರಿಸಿ. ಪರಿಮಳಕ್ಕಾಗಿ ನೀವು ಸ್ವಲ್ಪ ವೆನಿಲ್ಲಾ ಸಾರ ಅಥವಾ ದಾಲ್ಚಿನ್ನಿ ಕೂಡ ಸೇರಿಸಬಹುದು.

ಕಾಡುಸೇವಂತಿಗೆ ಟೀ:

ಕಾಡುಸೇವಂತಿಗೆ ಟೀ:

ಕಾಡುಸೇವಂತಿಗೆ ಬೇರುಗಳಲ್ಲಿ ವಿಟಮಿನ್, ಸತು, ಕಬ್ಬಿಣ ಮತ್ತು ಪೊಟ್ಯಾಸಿಯಮ್ ಸಮೃದ್ಧವಾಗಿದೆ. ಅಮೇರಿಕದ ಮೇರಿಲ್ಯಾಂಡ್ ವಿಶ್ವವಿದ್ಯಾಲಯದ ಅಧ್ಯಯನವು ನಿಮ್ಮ ಪಿತ್ತಜನಕಾಂಗ ಮತ್ತು ಮೂತ್ರಪಿಂಡಗಳ ನಿರ್ವಿಶೀಕರಣ ಪ್ರಕ್ರಿಯೆಯಲ್ಲಿ ಕಾಡುಸೇವಂತಿಗೆ ಬೇರುಗಳು ಸಹಾಯ ಮಾಡುತ್ತವೆ ಎಂದು ಹೇಳಿದೆ. ಇದು ಮೂತ್ರಜನಕಾಂಗದ ಅಸಮರ್ಪಕ ಕ್ರಿಯೆಯಿಂದಾಗಿ ಹಾರ್ಮೋನುಗಳ ಅಸಮತೋಲನವನ್ನು ಸರಿಪಡಿಸಲು ಸಹಾಯ ಮಾಡುತ್ತದೆ. ಜೊತೆಗೆ ಮೊಡವೆಗಳಿಗೆ ಕಾರಣವಾಗುವ ಉರಿಯೂತವನ್ನು ಕಡಿಮೆ ಮಾಡುವುದು. ಇದಕ್ಕಾಗಿ ಕುದಿಸಿದ ನೀರಿನಲ್ಲಿ ಒಂದು ಚಮಚ ಕಾಡುಸೇವಂತಿಗೆ ಟೀ ಪುಡಿಯನ್ನು ಹಾಕಿ. 10 ರಿಂದ 15 ನಿಮಿಷಗಳ ಕಾಲ ಬಿಟ್ಟು ಕುಡಿಯಿರಿ.

 ಟಾರ್ಟ್ ಚೆರ್ರಿ ಜ್ಯೂಸ್:

ಟಾರ್ಟ್ ಚೆರ್ರಿ ಜ್ಯೂಸ್:

ಚೆರ್ರಿಗಳಲ್ಲಿ ವಿಟಮಿನ್ ಮತ್ತು ಆಂಟಿಆಕ್ಸಿಡೆಂಟ್‌ಗಳು ಸಮೃದ್ಧವಾಗಿದ್ದು, ಸ್ವಚ್ಛ ಚರ್ಮವನ್ನು ಪಡೆಯಲು ಸಹಾಯ ಮಾಡುತ್ತದೆ. ಆದರೆ ಟಾರ್ಟ್ ಚೆರ್ರಿಗಳಲ್ಲಿ ಮೆಲಟೋನಿನ್ ಇದ್ದು, ನಿಮ್ಮ ನಿದ್ರೆಯ ಮಾದರಿಯನ್ನು ಸುಧಾರಿಸುತ್ತದೆ ಎಂದು ನಿಮಗೆ ತಿಳಿದಿದೆಯೇ? ಆರೋಗ್ಯಕರ, ಹೊಳೆಯುವ ಚರ್ಮಕ್ಕೆ ಉತ್ತಮ ನಿದ್ರೆ ಬಹಳ ಅವಶ್ಯಕ. ಚೆರ್ರಿಗಳ ಪಿಹೆಚ್ ಬ್ಯಾಲೆನ್ಸಿಂಗ್ ಗುಣಲಕ್ಷಣಗಳು ಬ್ಯಾಕ್ಟೀರಿಯಾದ ಬೆಳವಣಿಗೆಯನ್ನು ತಡೆಯುತ್ತದೆ. ಮಾರುಕಟ್ಟೆಯಿಂದ ಈ ಜ್ಯೂಸ್ ಖರೀದಿಸುವುದನ್ನು ತಪ್ಪಿಸಿ, ಏಕೆಂದರೆ ಅವುಗಳು ಹೆಚ್ಚಿನ ಮಟ್ಟದ ಸಕ್ಕರೆ ಹೊಂದಿರಬಹುದು.

English summary

Amazing Anti Acne Drinks To Achieve Glowing Skin in Kannada

Here we talking about Amazing Anti Acne Drinks To Achieve Glowing skin in kannada, read on
Story first published: Monday, June 21, 2021, 15:00 [IST]
X