Just In
- 1 hr ago ಗುರು ಸಂಚಾರ 2024: ಕನ್ಯಾ ರಾಶಿಯಲ್ಲಿ 12 ತಿಂಗಳು ಗುರುವಿನ ಪ್ರಭಾವ ಹೇಗಿರಲಿದೆ?
- 10 hrs ago ವಾರ ಭವಿಷ್ಯ: ಸಂಖ್ಯಾಶಾಸ್ತ್ರ ಪ್ರಕಾರ ಈ 7 ದಿನಗಳು ನಿಮಗೆ ಹೇಗಿರಲಿದೆ?
- 11 hrs ago ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- 12 hrs ago ಪರಿಸರ ದಿನ: ಇಂದು ನೀವು ಹೀಗೆ ಮಾಡಿದರೆ ಮುಂದಿನ ಪೀಳಿಗೆಗೆ ನೀಡುವ ದೊಡ್ಡ ಆಸ್ತಿ
Don't Miss
- Finance Bengaluru Traffic Police: ಬೆಂಗಳೂರಿನ ಈ ರಸ್ತೆ ಸಂಚಾರ ಮಾರ್ಗ ಬದಲಾವಣೆ, ವಿವರ
- Technology Samsung: ಭಾರತದಲ್ಲಿ ಹೊಸ ವೇರಿಯಂಟ್ನಲ್ಲಿ ಸ್ಯಾಮ್ಸಂಗ್ ಗ್ಯಾಲಕ್ಸಿ F15 5G! ಬೆಲೆ ಎಷ್ಟು?
- News ನೇಹಾ ಹಿರೇಮಠ್ ಹತ್ಯೆ ಪ್ರಕರಣ; ನಟ ಧ್ರುವ ಸರ್ಜಾ ಏನಂದ್ರು?
- Sports RCB: 'ಗೋ ಗ್ರೀನ್' ಭಾಗವಾಗಿ 3 ಕೆರೆಗಳ ಅಭಿವೃದ್ಧಿಪಡಿಸಿದ ಆರ್ಸಿಬಿ
- Movies Amruthadhaare ; ಪಾರ್ಥ ಮತ್ತು ಅಪೇಕ್ಷಾ ಪ್ರೀತಿ, ಕೆಂಡಾಮಂಡಲಗೊಂಡ ಶಕುಂತಲಾ..!
- Automobiles Hyundai: ಹಳೆಯ ಹ್ಯುಂಡೈ ಕ್ರೆಟಾವನ್ನು ಮರೆತುಬಿಡಿ... ಹೊಸ ಕ್ರೆಟಾ ಈಗ ಮತ್ತಷ್ಟು ಪ್ರೀಮಿಯಂ SUV
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬ್ಯೂಟಿ ಟಿಪ್ಸ್: ತ್ವಚೆಯ ಅಂದ-ಚಂದ ಹೆಚ್ಚಿಸುವ 'ಸಾಸಿವೆ ಎಣ್ಣೆ'
ಹಿತ್ತಲ ಗಿಡ ಮದ್ದು ಎಂಬ ಗಾದೆ ಮಾತಿನಂತೆ ನಿಮ್ಮ ಸೌಂದರ್ಯದ ಸರ್ವ ಸಮಸ್ಯೆಗಳಿಗೆ ಅಡುಗೆ ಮನೆ ಉತ್ತಮ ಔಷಧವೆಂಬುದು ನಿಮಗೆ ತಿಳಿದಿದೆಯೇ? ಹೌದು ಓದುಗರೇ, ನಿಮ್ಮ ಸೌಂದರ್ಯದ ಯಾವುದೇ ಸಮಸ್ಯೆಗಳಿಗೆ ವೈದ್ಯರನ್ನು ಕಾಣುವ ಮುನ್ನ ನಿಮ್ಮ ಪಾಕಶಾಲೆಯಲ್ಲೊಮ್ಮೆ ಚಿತ್ತ ಹಾಯಿಸಿ. ಇದರಿಂದ ನಿಮ್ಮ ಸಮಯ, ದುಡ್ಡು ಉಳಿತಾವಾಗುವುದರ ಜೊತೆಗೆ ಸಮಸ್ಯೆ ಪರಿಹಾರವಾಗಿ ಇನ್ನಷ್ಟು ವರ್ಧಿತ ಸೊಬಗನ್ನು ನೀವು ಪಡೆದುಕೊಳ್ಳುವುದಂತೂ ಗ್ಯಾರಂಟಿ. ಸಾಸಿವೆ ಎಣ್ಣೆ- ಆರೋಗ್ಯಕ್ಕೂ ಸೈ, ಅಡುಗೆಗೂ ಜೈ
ಅಡುಗೆ ಮನೆಯಲ್ಲಿ ಬಳಕೆಯಾಗುವ ಸಾಸಿವೆ ಎಣ್ಣೆ ನಿಮ್ಮ ಮುಖದ ಕಾಂತಿಯನ್ನು ಹೇಗೆ ದ್ವಿಗುಣಗೊಳಿಸಬಲ್ಲುದು ಅಂತೆಯೇ ಚರ್ಮದ ಆರೈಕೆಯನ್ನು ಎಷ್ಟು ಅಸ್ಥೆಯಿಂದ ಮಾಡುತ್ತದೆ ಎಂಬುದನ್ನೇ ಇಂದಿನ ಲೇಖನದಲ್ಲಿ ನಾವು ತಿಳಿಸಲಿದ್ದೇವೆ. ಸಾಸಿವೆ ಎಣ್ಣೆ: ಕೂದಲಿನ ಸಮಸ್ಯೆಗಳಿಗೆ ಹೇಳಿ ಮಾಡಿಸಿದ ಮನೆಮದ್ದು
ಹೆಚ್ಚು ವೈವಿಧ್ಯಮಯವಾಗಿರುವ ಅಂಶಗಳನ್ನು ತನ್ನಲ್ಲಿ ಹುದುಗಿಸಿಟ್ಟುಕೊಂಡಿರುವ ಸಾಸಿವೆ ಎಣ್ಣೆಯ ಅದ್ಭುತ ಕರಾಮತ್ತಿಗೆ ನೀವು ತಲೆದೂಗಲೇಬೇಕು. ಆಂಟಿಬ್ಯಾಕ್ಟೀರಿಯಲ್ ಮತ್ತು ಆಂಟಿಫಂಗಲ್ ಅಂಶಗಳನ್ನು ಒಳಗೊಂಡಿದ್ದು ನಿಮ್ಮ ತ್ವಚೆಯ ಯಾವುದೇ ಸಮಸ್ಯೆಗಳಿಗೆ ಉತ್ತಮ ಔಷಧ ಎಂದೆನಿಸಿದೆ. ಹಾಗಿದ್ದರೆ ಈ ಕೆಳಗಿನ ಅಂಶಗಳ ಮೂಲಕ ಸಾಸಿವೆ ಎಣ್ಣೆಯ ಮಹತ್ವವೇನು ಎಂಬುದನ್ನು ಅರಿತುಕೊಳ್ಳೋಣ....
ನೈಸರ್ಗಿಕ ಕ್ಲೆನ್ಸರ್
ನೀವು ನಿಯಮಿತವಾಗಿ ಸಾಸಿವೆ ಎಣ್ಣೆಯನ್ನು ಬಳಸಿದಲ್ಲಿ ನಿಮಗೆ ಈ ಅಂಶ ಮನದಟ್ಟಾಗುವುದುಖಂಡಿತ. ನಿಮ್ಮ ತ್ವಚೆಗೆ ಇದು ನೈಸರ್ಗಿಕ ಕ್ಲೆನ್ಸರ್ ಆಗಿ ಕಾರ್ಯನಿರ್ವಹಿಸಲಿದೆ. ನೀವು ದಟ್ಟವಾದ ಮೇಕಪ್ ಮಾಡಿಕೊಂಡು ಅದನ್ನು ಹೋಗಲಾಡಿಸುವಲ್ಲಿ ಕಷ್ಟಪಡುತ್ತೀರಿ ಎಂದಾದಲ್ಲಿ ಸಾಸಿವೆ ಎಣ್ಣೆ ನಿಮಗೆ ಉಪಯೋಗಕಾರಿ ಎಂದೆನಿಸಲಿದೆ.
ನೆರಿಗೆಗಳ ನಿವಾರಿಸುತ್ತದೆ
ವಿಟಮಿನ್ ಇ ಅಂಶವನ್ನು ಸಾಸಿವೆ ಎಣ್ಣೆ ಪಡೆದುಕೊಂಡಿದ್ದು ಸಣ್ಣಗೆರೆಗಳು ಮತ್ತು ನೆರಿಗೆಗಳನ್ನು ಹೋಗಲಾಡಿಸಲು ಸ್ವಲ್ಪ ಎಣ್ಣೆಯಿಂದ ಮುಖಕ್ಕೆ ಮಸಾಜ್ ಮಾಡಿಕೊಳ್ಳಿ. ಅಂತೆಯೇ ನವಜಾತ ಶಿಶುವಿಗೆ ಈ ಎಣ್ಣೆಯಿಂದ ಮಸಾಜ್ ಮಾಡುವುದು ಕೂಡ ಉತ್ತಮ ಆರೋಗ್ಯದ ಗುಟ್ಟಾಗಿದೆ.
ತ್ವಚೆಯ ಕಾಂತಿಯನ್ನು ಹೆಚ್ಚಿಸುತ್ತದೆ
ಇದೊಂದು ಉತ್ತಮ ಸನ್ಸ್ಕ್ರೀನ್ ಲೋಶನ್ನಂತೆ ಕಾರ್ಯನಿರ್ವಹಿಸುತ್ತದೆ. ನಿಮ್ಮದು ಎಣ್ಣೆಯುಕ್ತ ತ್ವಚೆಯಾದಲ್ಲಿ ಸಾಸಿವೆ ಎಣ್ಣೆ ಕಿರಿಕಿರಿಯನ್ನುಂಟು ಮಾಡಬಹುದು ಇದಕ್ಕಾಗಿ ಸಮ ಪ್ರಮಾಣದಲ್ಲಿ ತೆಂಗಿನೆಣ್ಣೆಯನ್ನು ಸೇರಿಸಿ ನಂತರ ಮುಖಕ್ಕೆ ಮಸಾಜ್ ಮಾಡಿಕೊಳ್ಳಿ. ಸೂರ್ಯನ ಅತಿ ಪ್ರಬಲ ಕಿರಣಗಳಿಂದ ಸಾಸಿವೆ ಎಣ್ಣೆ ನಿಮ್ಮ ಮುಖ ಕಾಂತಿಯನ್ನು ರಕ್ಷಿಸಲಿದೆ. ಇದರಲ್ಲಿ ವಿಟಮಿನ್ ಇ ಅಂಶ ಇರುವುದರಿಂದ ಸೂರ್ಯನ ಹಾನಿಕಾರಕ ಕಿರಣಗಳಿಂದ ತ್ವಚೆಯನ್ನು ಸಂರಕ್ಷಿಸುತ್ತದೆ.
ಡಾರ್ಕ್ ಸ್ಪಾಟ್ಸ್ ನಿವಾರಿಸುತ್ತದೆ
ನಿಮ್ಮ ಮುಖಕಾಂತಿಯನ್ನು ಆರೋಗ್ಯಪೂರ್ಣವಾಗಿ ನಳನಳಿಸುವಂತೆ ಮಾಡುವಲ್ಲಿ ಸಾಸಿವೆ ಎಣ್ಣೆ ಅತ್ಯದ್ಭುತ ಎಂದೆನಿಸಿದೆ. ಡಾರ್ಕ್ ಸ್ಪಾಟ್ಗಳ ನಿವಾರಣೆಯನ್ನು ಮಾಡುವಲ್ಲಿ ಸಾಸಿವೆ ಎಣ್ಣೆ ಸಿದ್ಧ ಹಸ್ತ ಎಂದೆನಿಸಿದೆ. ಬ್ಯೂಟಿ ಟಿಪ್ಸ್: ಸೌಂದರ್ಯದ ವಿಷಯದಲ್ಲಿ 'ಸಾಸಿವೆ ಎಣ್ಣೆ' ಎತ್ತಿದ ಕೈ!
ಒಣ ತ್ವಚೆಯನ್ನು ಮಾಯಿಶ್ಚರೈಸ್ ಮಾಡುತ್ತದೆ
ಚಳಿಗಾಲದಲ್ಲಿ ನಿಮ್ಮ ತ್ವಚೆ ಒಣಗಿರುತ್ತದೆ ಮತ್ತು ತೇವಾಂಶದ ಅಗತ್ಯತೆ ಮುಖಕ್ಕೆ ಬೇಕಾಗಿರುತ್ತದೆ. ಸಾಸಿವೆ ಎಣ್ಣೆಯಿಂದ ನಯವಾಗಿ ಮಸಾಜ್ ಮಾಡುವುದು ಚಳಿಗಾಲದ ಒಣತ್ವವನ್ನು ದೂರಮಾಡುತ್ತದೆ.
ಟ್ಯಾನ್ ನಿವಾರಣೆಯಲ್ಲಿ ಸಿದ್ಧಹಸ್ತ
ಟ್ಯಾನ್ ನಿವಾರಿಸಲು ಸ್ವಲ್ಪ ಮೊಸರು, ಒಂದೆರಡು ಬೊಟ್ಟು ಸಾಸಿವೆ ಎಣ್ಣೆ ಮತ್ತು ಲಿಂಬೆ ರಸವನ್ನು ಬಳಸಿಕೊಳ್ಳಿ. ನಿಮ್ಮ ಕುತ್ತಿಗೆ ಮತ್ತು ಮುಖಕ್ಕೆ ಈ ಮಿಶ್ರಣವನ್ನು ಹಚ್ಚಿಕೊಳ್ಳಿ. ಹದಿನೈದು ನಿಮಿಷಗಳ ತರುವಾಯ ನಿಮ್ಮ ಮುಖವನ್ನು ತಣ್ಣೀರಿನಿಂದ ತೊಳೆದುಕೊಳ್ಳಿ.
ಹೊಳೆಯುವ ಕಾಂತಿಗಾಗಿ
ಒಂದು ಬೌಲ್ನಲ್ಲಿ ಸಾಸಿವೆ ಎಣ್ಣೆಯನ್ನು ತೆಗೆದುಕೊಂಡು ಅದಕ್ಕೆ ಕಡಲೆಹಿಟ್ಟನ್ನು ಸೇರಿಸಿ. ಇದಕ್ಕೆ ಸ್ವಲ್ಪ ಹನಿ ನಿಂಬೆ ರಸವನ್ನು ಹಿಂಡಿಕೊಳ್ಳಲು ಮರೆಯದಿರಿ. ಹಚ್ಚಿಕೊಂಡು ಇಪ್ಪತ್ತು ನಿಮಿಷಗಳ ತರುವಾಯ ತಣ್ಣೀರಿನಿಂದ ಮುಖವನ್ನು ತೊಳೆದುಕೊಳ್ಳಿ. ಆರೋಗ್ಯ ಟಿಪ್ಸ್: ಸಾಸಿವೆ ಎಣ್ಣೆಯ ತಾಕತ್ತಿಗೆ, ತಲೆಬಾಗಲೇಬೇಕು!