Just In
- 1 hr ago ವಾರ ಭವಿಷ್ಯ: ಸಂಖ್ಯಾಶಾಸ್ತ್ರ ಪ್ರಕಾರ ಈ 7 ದಿನಗಳು ನಿಮಗೆ ಹೇಗಿರಲಿದೆ?
- 1 hr ago ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- 2 hrs ago ಪರಿಸರ ದಿನ: ಇಂದು ನೀವು ಹೀಗೆ ಮಾಡಿದರೆ ಮುಂದಿನ ಪೀಳಿಗೆಗೆ ನೀಡುವ ದೊಡ್ಡ ಆಸ್ತಿ
- 3 hrs ago ಲಿವರ್ ಸಮಸ್ಯೆಯಿದೆ ಎಂದು ಸೂಚಿಸುವ ಲಕ್ಷಣಗಳಿವು, ಕುಟುಂಬಸ್ಥರು ಲಿವರ್ ದಾನ ಮಾಡಿದರೆ ವ್ಯಕ್ತಿಯ ಪ್ರಾಣ ಉಳಿಸಬಹುದು
Don't Miss
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Movies ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕಪ್ಪು ಕಲೆಗಳನ್ನು ಕಡಿಮೆ ಮಾಡಲು ಪುರುಷರಿಗೆ ಸಲಹೆಗಳು
ಕಣ್ಣಿನ ಸುತ್ತಲು ಉಂಟಾಗುವ ಡಾರ್ಕ್ ಸರ್ಕಲ್ ಮಹಿಳೆಯರು ಮಾತ್ರವಲ್ಲದೆ ಪುರುಷರಲ್ಲೂ ಕಂಡು ಬರುತ್ತದೆ. ಇದು ಮುಖದ ಅಂದವನ್ನೇ ಕೆಡಿಸುತ್ತದೆ. ಕೆಲವೊಂದು ಸಲ ಡಾರ್ಕ್ ಸರ್ಕಲ್ ಅನಾರೋಗ್ಯಕರ ಜೀವನಶೈಲಿಯಿಂದ ಬರುತ್ತದೆ.
ಕೆಲವು ಮಂದಿಯಲ್ಲಿ ಇದು ವಂಶವಾಹಿನಿಂದ ಬರಬಹುದು, ಮತ್ತೆ ಕೆಲವರಲ್ಲಿ ಕಣ್ಣಿನ ಸುತ್ತ ಯಾವಾಗಲೂ ಉಜ್ಜುತ್ತಿದ್ದರೆ, ಬಿಸಿಲಿಗೆ ಹೋಗುವುದರಿಂದ ಉಂಟಾಗುವ ಹೈಪರ್ಪಿಗ್ಮೆಂಟೇಶನ್, ಸರಿಯಾಗಿ ನಿದ್ರೆ ಬಾರದೆ ಇರುವುದು, ಜಲಸಂಚಯದ ಕೊರತೆ ಇತ್ಯಾದಿ ಡಾರ್ಕ್ ಸರ್ಕಲ್ ಗೆ ಕಾರಣಗಳಾಗಬಹುದು.
ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ: ಹ್ಯಾಂಗ್ ಓವರ್ ಚರ್ಮ ಸರಿಪಡಿಸುವ ವಿಧಾನಗಳು
ಡಾರ್ಕ್ ಸರ್ಕಲ್ ಗಳಿಗೆ ಪರಿಣಾಮಕಾರಿಯಾಗಿ ಚಿಕಿತ್ಸೆ ನೀಡಲು ಅದಕ್ಕೆ ಕಾರಣವೇನೆಂದು ಕಂಡುಕೊಳ್ಳುವುದು ತುಂಬಾ ಮುಖ್ಯ. ಕೆಲವೊಂದು ಸಲ ಅತಿಯಾದ ಒತ್ತಡ ಮತ್ತು ನಿದ್ರೆಯ ಕೊರತೆ ಇದಕ್ಕೆ ಕಾರಣವಾಗಬಹುದು. ಇಂತಹ ಸಂದರ್ಭಗಳಲ್ಲಿ ನಿಮ್ಮ ಜೀವನಶೈಲಿ ಬದಲಾಯಿಸಬೇಕು.
ಡಾರ್ಕ್ ಸರ್ಕಲ್ನ್ನು ನಿವಾರಿಸುವುದು ಹೇಗೆಂದು ಪುರುಷರಿಗೆ ಇಲ್ಲಿ ಕೆಲವೊಂದು ಟಿಪ್ಸ್ ನೀಡಲಾಗಿದೆ.
ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ: ಶೇವಿಂಗ್ ನಂತರ ಕಂಡುಬರುವ ಸಮಸ್ಯೆಗೆ ಸಲಹೆಗಳು
1. ಸೌತೆಕಾಯಿ
ಇದು ಡಾರ್ಕ್ ಸರ್ಕಲ್ ಚಿಕಿತ್ಸೆಗೆ ಅತ್ಯಂತ ಪರಿಣಾಮಕಾರಿ ವಿಧಾನ. ಇದು ಒಳ್ಳೆಯ ಸಂಕೋಚನ ಮತ್ತು ತ್ವಚೆಯ ಕಾಂತಿವರ್ಧಕ. ಸೌತೆಕಾಯಿಯನ್ನು ತುಂಡು ಮಾಡಿ ಅಥವಾ ತುರಿದು 10 ನಿಮಿಷಗಳು ಕಣ್ಣಿನ ಮೇಲಿಡಬೇಕು. ಇದನ್ನು ದಿನದಲ್ಲಿ ಹಲವು ಸಲ ಮಾಡಬೇಕು. ಇದು ಕಣ್ಣಿಗೆ ಆರಾಮ ನೀಡುವುದು ಮಾತ್ರವಲ್ಲದೆ ಡಾರ್ಕ್ ಸರ್ಕಲ್ ನ್ನು ನಿವಾರಿಸುತ್ತದೆ.
2. ನೀರು
ಪ್ರತೀದಿನ ಸಾಕಷ್ಟು ಪ್ರಮಾಣದಲ್ಲಿ ನೀರು ಕುಡಿಯುವುದರಿಂದ ನೀವು ಯಾವುದೇ ಮದ್ದಿಗಿಂತ ಪರಿಣಾಮಕಾರಿಯಾಗಿ ಡಾರ್ಕ್ ಸರ್ಕಲ್ ನ್ನು ನಿವಾರಿಸಬಹುದು. ಇದು ತುಂಬಾ ಸರಳ ಮದ್ದು. ಡಾರ್ಕ್ ಸರ್ಕಲ್ ನಿವಾರಣೆ ಮತ್ತು ಬರದಂತೆ ತಡೆಯುತ್ತದೆ. ಇದು ನಿಮ್ಮ ತ್ವಚೆಗೆ ತೇವಾಂಶ ನೀಡಿ ಡಾರ್ಕ್ ಸರ್ಕಲ್ ವಿರುದ್ಧ ಹೋರಾಡುತ್ತದೆ.
3. ನಿದ್ರೆ
ದೀರ್ಘ ಸಮಯದವರೆಗೆ ನಿದ್ರೆ ಕಡಿಮೆಯಾದರೆ ಅದರ ಪರಿಣಾಮ ವಿವಿಧ ರೂಪಗಳಲ್ಲಿ ಕಾಣಿಸಿಕೊಳ್ಳುತ್ತದೆ. ನಿದ್ರೆ ಕಡಿಮೆಯಾದ ಪರಿಣಾಮ ನಿಮ್ಮ ಕಣ್ಣಿನ ಸುತ್ತ ಡಾರ್ಕ್ ಸರ್ಕಲ್ ಮೂಡುತ್ತದೆ. ಇದು ನಿಮ್ಮ ಕಣ್ಣಿನ ಸ್ನಾಯುಗಳು ಮತ್ತು ಅಂಗಾಂಶಗಳ ಮೇಲೆ ಉಂಟಾಗುವ ಒತ್ತಡದ ಪರಿಣಾಮವಾಗಿ ಡಾರ್ಕ್ ಸರ್ಕಲ್ ಗಳು ಉಂಟಾಗುತ್ತದೆ. ಆರೋಗ್ಯಕರ ಕಣ್ಣುಗಳನ್ನು ಮರಳಿ ಪಡೆಬೇಕಾದರೆ ಅದನ್ನು ಶಮನಗೊಳಿಸುವುದು ಮತ್ತು ಪುನರ್ಯೌವನಗೊಳಿಸುವುದು ಮುಖ್ಯ. ಕಣ್ಣಿನ ಸುತ್ತಲಿನ ಡಾರ್ಕ್ ಸರ್ಕಲ್ ನ್ನು ನಿವಾರಿಸಲು ಒಳ್ಳೆಯ ವಿಧಾನವೆಂದರೆ ಬೇಗನೆ ಮಲಗಿ ಸರಿಯಾಗಿ ನಿದ್ರೆ ಮಾಡುವುದು.
4. ಟೀ ಬ್ಯಾಗ್
ಡಾರ್ಕ್ ಸರ್ಕಲ್ ಹೋಗಲಾಡಿಸಲು ಇದು ಮತ್ತೊಂದು ಪರಿಣಾಮಕಾರಿ ವಿಧಾನ. ಬೆಳಗ್ಗಿನ ಟೀ ಕುಡಿದ ಬಳಿಕ ಟೀ ಬ್ಯಾಗ್ ನ್ನು ಉಪಯೋಗಿಸಲು ಅದನ್ನು ಪ್ರಿಡ್ಜ್ ನಲ್ಲಿಡಿ. ನಿಮಗೆ ಸಮಯ ಸಿಕ್ಕಿದಾಗ ಟೀ ಬ್ಯಾಗ್ ನ್ನು ಹೊರಗಿಡಿ, ಅದು ಕೋಣೆಯ ತಾಪಮಾನಕ್ಕೆ ಸರಿಹೊಂದಲಿ ಮತ್ತು ಇದರ ಬಳಿಕ ಅದನ್ನು ಕಣ್ಣಿನ ಮೇಲಿಡಿ.
5 ಟೊಮೆಟೊ
ಟೊಮೆಟೊದಲ್ಲಿ ನಿಮ್ಮ ತ್ವಚೆಯ ಬಣ್ಣವನ್ನು ಲಘುವಾಗಿಸುವ ಗುಣವಿದೆ. ಒಂದು ಚಮಚದಷ್ಟು ಟೊಮೆಟೊ ಹಾಗೂ ನಿಂಬೆರಸರನ್ನು ಮಿಶ್ರಣ ಮಾಡಿ. ಡಾರ್ಕ್ ಸರ್ಕಲ್ ಗೆ ಇದನ್ನು ಹಚ್ಚಿ ಮತ್ತು ಹತ್ತು ನಿಮಿಷಗಳ ತನಕ ಹಾಗೆ ಇರಲಿ. ಅಂತಿಮವಾಗಿ ಶುದ್ದ ನೀರಿನಿಂದ ತೊಳೆಯಿರಿ. ಇದು ಕಣ್ಣಿನ ಸುತ್ತಲು ಇರುವ ಡಾರ್ಕ್ ಸರ್ಕಲ್ ನ್ನು ಕಡಿಮೆ ಮಾಡಲು ಪರಿಣಾಮಕಾರಿಯಾಗಿ ಬಳಸುವಂತಹ ಮದ್ದು.
6. ಬಾದಾಮಿ ಎಣ್ಣೆ
ನೈಸರ್ಗಿಕ ಪದಾರ್ಥವಾಗಿರುವ ಬಾದಾಮಿ ಎಣ್ಣೆಯು ಕಣ್ಣಿನ ಸುತ್ತಲು ಇರುವ ಸೂಕ್ಷ್ಮ ಚರ್ಮಕ್ಕೆ ತುಂಬಾ ಲಾಭಕಾರಿ. ನಿಯಮಿತವಾಗಿ ಬಾದಾಮಿ ಎಣ್ಣೆ ಬಳಸುವುದರಿಂದ ಅದು ಕಣ್ಣಿನ ಸುತ್ತಲು ಇರುವ ಚರ್ಮದ ಬಣ್ಣವನ್ನು ಲಘುವಾಗಿಸುತ್ತದೆ. ಮಲಗುವ ಮೊದಲು ಬಾದಾಮಿ ಎಣ್ಣೆಯನ್ನು ನಿಮ್ಮ ಕಣ್ಣಿನ ಸುತ್ತ ಹಚ್ಚಿ ಲಘುವಾಗಿ ಮಸಾಜ್ ಮಾಡಬೇಕು. ರಾತ್ರಿಯಿಡಿ ಅದು ಹಾಗೆ ಇರಲಿ ಮತ್ತು ಬೆಳಿಗ್ಗೆ ಎದ್ದ ಬಳಿಕ ತಂಪಾದ ನೀರಿನಿಂದ ಅದನ್ನು ತೊಳೆಯಿರಿ. ನೀವು ಆಲೀವ್ ಎಣ್ಣೆ ಅಥವಾ ಆಲಿವ್ ಎಣ್ಣೆ ಮತ್ತು ಬಾದಾಮಿ ಎಣ್ಣೆಯ ಮಿಶ್ರಣವನ್ನು ಪರಿಣಾಮಕಾರಿ ಫಲಿತಾಂಶಕ್ಕೆ ಬಳಸಬಹುದು.