For Quick Alerts
ALLOW NOTIFICATIONS  
For Daily Alerts

ಮಹಿಳೆಯರು ಎಂದೆಂದಿಗೂ ಬಳಸಲೇ ಬಾರದ ವಿಷಕಾರಿ ಕಾಸ್ಮೆಟಿಕ್ ಉತ್ಪನ್ನಗಳು

|

ಮೇಕ್ ಅಪ್ ಎಂದರೆ ಹೆಂಗಸರು . ಹೆಂಗಸರೆಂದರೆ ಮೇಕ್ ಅಪ್ . ಇದು ಈಗಿನ ಪ್ರಪಂಚ . ಕೆಲವು ವಿಶ್ಲೇಷಣೆಯ ಪ್ರಕಾರ ಅಮೆರಿಕಾದ ಶೇಖಡಾ 40 ರಷ್ಟು ಹೆಂಗಸರು ಮೇಕ್ ಅಪ್ ಇಲ್ಲದೆ ಮನೆ ಹೊರಗೆ ಬರುವುದೇ ಇಲ್ಲ . ಅದಕ್ಕೆ ಕಾರಣ ಇದೆ . ಏನೆಂದರೆ ಮೇಕ್ ಅಪ್ ಮಾಡಿಕೊಳ್ಳುವುದೇ ಹೊರಜಗತ್ತಿಗೆ ಚಂದ ಕಾಣಲು . ಮುಖದ ಮೇಲಿನ ಸಣ್ಣ ಸಣ್ಣ ಮಚ್ಚೆಗಳನ್ನು ಅದು ಮರೆಮಾಚುತ್ತದೆ . ಮೊದಲು ಇರುವುದಕ್ಕಿಂತ ಸುಂದರವಾಗಿ ಕಾಣಲು ಸಹಾಯ ಮಾಡುತ್ತದೆ . ಎಲ್ಲೇ ಹೋದರು ಧೈರ್ಯದಿಂದ ಆತ್ಮ ವಿಶ್ವಾಸದಿಂದ ಮುನ್ನುಗ್ಗಿ ಕೆಲಸವನ್ನು ಯಶಸ್ವಿಯಾಗಿ ಸಾಧಿಸಲು ಅದು ನೆರವಾಗುತ್ತದೆ.

ಇಂತಹ ಮೇಕ್ ಅಪ್ ಸಾಮಗ್ರಿಗಳಲ್ಲಿ ಅನೇಕ ರೀತಿಯ ವಸ್ತುಗಳು ಈಗ ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ . ಎಲ್ಲವೂ ಕೆಮಿಕಲ್ ಯುಕ್ತವೇ . ಅದರಲ್ಲೂ ಕೆಲವೊಂದರಲ್ಲಿ ನಂಬಲು ಅಸಾಧ್ಯವಾದ ವಿಷಕಾರಿ ಅಂಶಗಳು ಸಂಶೋಧನೆಯಿಂದ ಪತ್ತೆಯಾಗಿವೆ . ಎಷ್ಟು ವಿಷಕಾರಿ ಎಂದರೆ ಅವುಗಳು ಕೇವಲ ನಿಮ್ಮ ಚರ್ಮಕ್ಕೆ ಹಾನಿ ಮಾಡುವುದಷ್ಟೇ ಅಲ್ಲದೆ ಮುಂದೊಮ್ಮೆ ನಿಮ್ಮ ಜೀವಕ್ಕೆ ಆಪತ್ತು ತರುವಷ್ಟು !! ನಾವು ಇಲ್ಲಿ ಕೆಲವೊಂದು ವಿಷಕಾರಿ ಕೆಮಿಕಲ್ ಗಳ ಬಗ್ಗೆ ಮಾಹಿತಿ ನೀಡಿದ್ದೇವೆ . ಹೆಂಗೆಳೆಯರು ಇಂತಹ ಕಾಸ್ಮೆಟಿಕ್ ಉತ್ಪನ್ನಗಳನ್ನು ಉಪಯೋಗಿಸುವುದಕ್ಕೆ ಮುಂಚೆ ಆದಷ್ಟು ಅದರ ಬಗ್ಗೆ ಮತ್ತು ಅದರಲ್ಲಿರುವ ಕೆಮಿಕಲ್ ಅಂಶಗಳ ಬಗ್ಗೆ ತಿಳಿದುಕೊಂಡು ಮುನ್ನಡೆಯಬೇಕೆಂದು ನಮ್ಮ ಮನವಿ

Harmful make-up ingredients you must avoid

ಪರಾಬೆನ್ಸ್ : ಇದನ್ನು " ಎಂಡೋಕ್ರೈನ್ ಡಿಸ್ರಪ್ಟಾರ್ " ಎಂದು ಕರೆಯುತ್ತಾರೆ . ಇದರ ಮುಖೇನ ನಿಮ್ಮ ದೇಹದಲ್ಲಿನ ಲೈಂಗಿಕ ಹಾರ್ಮೋನ್ ಎಂದೇ ಹೆಸರಾಗಿರುವ ' ಈಸ್ಟ್ರೋಜೆನ್ ' ಮೇಲೆ ಇದರ ಪ್ರಭಾವ ಬೀರುತ್ತದೆ . ಈಸ್ಟ್ರೋಜೆನ್ ನಂತೆಯೇ ಕೆಲಸ ಮಾಡುವ ಇದು ಅದರ ಅಂಶ ದೇಹದಲ್ಲಿ ಹೆಚ್ಚಾಗುವಂತೆ ಮಾಡಿ ಹಾರ್ಮೋನ್ ಅಸಮತೋಲನ ಉಂಟಾಗುವಂತೆ ಮಾಡುತ್ತದೆ . ಇದು ಸಾಮಾನ್ಯವಾಗಿ ಶಾಂಪೂ , ಲೋಷನ್ ಹಾಗೆಯೆ ಕಂಡೀಷನರ್ ನಲ್ಲಿ ಉಪಯೋಗಿಸಲ್ಪಡುತ್ತದೆ .

ಡಿಬ್ಯುಟೈಲ್ ಪ್ತಾಲೇಟ್ಸ್ : ಇದು ನೇರವಾಗಿ ನಿಮ್ಮ ಜೆನೆಟಿಕ್ ಮ್ಯುಟೇಷನ್ ಮೇಲೆಯೇ ಇದರ ಪ್ರಭಾವ ಬೀರುತ್ತದೆ . ಚರ್ಮದ ಮೂಲಕ ದೇಹದ ಒಳಹೊಕ್ಕು ಅಲ್ಲಿರುವ ಕೆಮಿಕಲ್ ಅಂಶಗಳ ಜೊತೆ ಬೆರೆತು ದೇಹಕ್ಕೆ ಹಾನಿ ಉಂಟು ಮಾಡುತ್ತದೆ . ಡಿಬ್ಯುಟೈಲ್ ಪ್ತಾಲೇಟ್ಸ್ ಸಾಮಾನ್ಯವಾಗಿ ನೈಲ್ ಪೋಲಿಷ್ , ಐ ಶಾಡೋ , ಬ್ಲಶ್ ಮತ್ತು ಇನ್ನಿತರೇ ಹೇರ್ ಕೇರ್ ಉತ್ಪನ್ನಗಳಲ್ಲಿ ಹೇರಳವಾಗಿರುವುದು ಕಂಡುಬರುತ್ತದೆ .

Most Read: ಮೇಕಪ್ ಮಾಡುವಾಗ ಪದೇ ಪದೇ ಹಳೆಯ ಮೇಕಪ್‌ ಬ್ರಷ್‌ ಬಳಸುವುದು ತುಂಬಾನೇ ಅಪಾಯಕಾರಿ!

Harmful make-up ingredients you must avoid

ಟಾಲೀನ್ : ಇದೊಂದು ಪೆಟ್ರೋ ಕೆಮಿಕಲ್ ಸೊಲ್ವೆನ್ಟ್ ಎಂದೇ ಹೆಸರುವಾಸಿ . ಇದು ನಿಮ್ಮ ರೋಗ ನಿರೋಧಕ ಶಕ್ತಿಯನ್ನು ತಗ್ಗಿಸಿ ಮಕ್ಕಳಾಗುವುದನ್ನು ತಡೆಗಟ್ಟುತ್ತದೆ . ಇದನ್ನು ನೈಲ್ ಪೋಲಿಷ್ ಮತ್ತು ಹೇರ್ ಡೈ ಗಳಲ್ಲಿ ಉಪಯೋಗಿಸಿರುತ್ತಾರೆ .

ಟಾಲ್ಕ್ : ಪೌಡರ್ ನ ಸುವಾಸನೆ ನಿಜಕ್ಕೂ ಗಮಗಮಿಸುತ್ತದೆ . ಹಾಗೆಂದು ಅದರ ಘಮದ ಹಿಂದೆ ಹೋದರೆ ಎಷ್ಟೆಲ್ಲ ಷಡ್ಯಂತ್ರ ಅಡಗಿದೆ ಎಂದು ಕೇಳಿದರೆ ಬೆಚ್ಚಿ ಬೀಳುತ್ತೀರಿ . ಇದೊಂದು ಸುವಾಸನೆಯುಕ್ತ ಸೆಂಟ್ ಆಗಿದ್ದು ಇದರ ವಾಸನೆ ತೆಗೆದುಕೊಂಡರೆ ಮೂಗಿನ ಮುಖಾಂತರ ಶ್ವಾಸಕೋಶದ ಒಳಗೆ ಸೇರಿ ಉಸಿರಾಟದ ತೊಂದರೆ ಉಂಟು ಮಾಡುತ್ತವೆ . ಜೊತೆಗೆ ದೇಹದಲ್ಲಿ ಹರಿಯುವ ರಕ್ತದಲ್ಲೂ ಸೇರಿಕೊಂಡು ನೇರವಾಗಿ ನಿಮ್ಮ ಗರ್ಭಾಶಯದ ಒಳಗೆ ಹೋಗಿ ಅಲ್ಲಿರುವ ಅಂಡಾಶದ ಮೇಲೆ ಕುಳಿತುಕೊಳ್ಳುತ್ತದೆ . ಇದರಿಂದ ನೀವು ಅಂಡಾಶಯದ ಕ್ಯಾನ್ಸರ್ ನಿಂದ ಬಳಲುವ ಹಾಗೆ ಮಾಡುತ್ತದೆ . ಇದನ್ನು ಬೇಬಿ ಪೌಡರ್ , ಐ ಶಾಡೋ ಮತ್ತು ಫೌಂಡೇಶನ್ ಗಳಲ್ಲಿ ಉಪಯೋಗಿಸುತ್ತಾರೆ .

Most Read: ಮೇಕಪ್ ವಿಷಯಕ್ಕೆ ಬಂದಾಗ ಇಂತಹ ಬ್ರಷ್‌ಗಳು ನಿಮ್ಮಲ್ಲಿರಲೇಬೇಕು!

Harmful make-up ingredients you must avoid

ಲೆಡ್ ಮತ್ತು ಮರ್ಕ್ಯುರಿ : ಈ ಲೋಹಗಳನ್ನು ಹೊಂದಿರುವ ಉತ್ಪನ್ನಗಳನ್ನು ನೀವು ಧೀರ್ಘ ಕಾಲ ಬಳಸಿದ್ದೇ ಆದರೆ ನಿಮ್ಮ ದೇಹದ ಚರ್ಮದ ಮುಖಾಂತರ ಒಳಸೇರಿ ನಿಮಗೆ ಕ್ಯಾನ್ಸರ್ ತಂದೊಡ್ಡುತ್ತವೆ . ಇವು ಸಾಮಾನ್ಯವಾಗಿ ತುಟಿಗೆ ಹಚ್ಚುವ ಉತ್ಪನ್ನಗಳಲ್ಲಿ , ಐ ಲೈನರ್ ಗಳಲ್ಲಿ , ಕನ್ಸೀಲರ್ ಮತ್ತು ಫೌಂಡೇಶನ್ ಗಳಲ್ಲಿ ಹೆಚ್ಚಾಗಿ ಕಂಡು ಬರುತ್ತವೆ .

ಅಲ್ಯೂಮಿನಿಯಂ : ಇದು ಚರ್ಮದ ಮೇಲಿನ ಬೆವರು ನಾಳಗಳನ್ನು ತನ್ನದೇ ಆದ ಒಂದು ಪದರ ನಿರ್ಮಿಸಿ ಮುಚ್ಚುತ್ತದೆ . ಇದರಿಂದ ಮೈ ಮೇಲೆ ಬರಬೇಕಿದ್ದ ಬೆವರು ಮತ್ತೆ ರಕ್ತ ನಾಳಕ್ಕೆ ವಾಪಾಸ್ ಹೋಗುತ್ತದೆ . ವಿಷಕಾರಿ ಅಂಶಗಳೆಲ್ಲ ದೇಹದಲ್ಲೇ ಉಳಿಯುವಂತೆ ಮಾಡುತ್ತದೆ . ಡಿಯೋಡ್ರ್ಯಾಂಟ್ ಗಳಲ್ಲಿ ಹೆಚ್ಚಾಗಿ ಇದನ್ನು ಬಳಸುತ್ತಾರೆ .

Harmful make-up ingredients you must avoid

ಮಿನರಲ್ ಆಯಿಲ್ ಗಳು : ಇವುಗಳು ಪೆಟ್ರೋಲಿಯಂ ನಿಂದ ತಯಾರಿಸಲ್ಪಟ್ಟಿರುತ್ತವೆ . ಆದ್ದರಿಂದ ಇವುಗಳನ್ನು ಪಿ ಎ ಹೆಚ್( ಗ್ಯಾಸೊಲೀನ್ ನಿಂದ ಬರುವ ಅಪಾಯಕಾರಿ ಕೆಮಿಕಲ್ ಗಳು ) ನಿಂದ ಕಲುಷಿತಗೊಳಿಸಿರುತ್ತಾರೆ . ಇವುಗಳೂ ಸಹ ಚರ್ಮದ ಮೇಲಿನ ಪದರಕ್ಕೆ ಕಾರಣವಾಗುತ್ತವೆ ಮತ್ತು ವಿಷಕಾರಿ ಅಂಶಗಳು ನಿಮ್ಮ ದೇಹದಲ್ಲೇ ಉಳಿಯುವಂತೆ ಮಾಡುತ್ತವೆ . ಇವು ಸಾಮಾನ್ಯವಾಗಿ ಬೇಬಿ ಲೋಷನ್ ಗಳು , ಬೇಬಿ ಆಯಿಲ್ ಮತ್ತು ಮೇಕ್ ಅಪ್ ರಿಮೂವರ್ ನಲ್ಲಿ ಹೆಚ್ಚಾಗಿ ಅಡಗಿರುತ್ತವೆ .

ಬಿ ಹೆಚ್ ಎ ಅಥವಾ ಬಿ ಹೆಚ್ ಟಿ :

ಬ್ಯುಟಿಲೇಟೆಡ್ ಹೈಡ್ರಾಕ್ಸಿ ಅನಿಸೋಲ್ ( ಬಿ ಹೆಚ್ ಎ ) ಮತ್ತು ಬ್ಯುಟಿಲೇಟೆಡ್ ಹೈಡ್ರಾಕ್ಸಿ ಟಾಲೀನ್ ( ಬಿ ಹೆಚ್ ಟಿ ) ಗಳ ಪ್ರಭಾವ ಸಂಪೂರ್ಣ ದೇಹದ ಮೇಲೆಯೇ ಆಗುತ್ತದೆ . ದೇಹದ ಅಂಗಗಳ ವೈಫಲ್ಯ , ಚರ್ಮದ ತುರಿಕೆ ಮತ್ತು ಹಾರ್ಮೋನ್ ಅಸಮತೋಲನ ಮಾಡುವುದು ಇವುಗಳ ಗುಣ ಲಕ್ಷಣ . ಇವುಗಳು ಸಾಮಾನ್ಯವಾಗಿ ಸನ್ ಸ್ಕ್ರೀನ್ , ತುಟಿಯ ಉತ್ಪನ್ನಗಳು ಮತ್ತು ಕೂದಲಿನ ಉತ್ಪನ್ನಗಳಲ್ಲಿ ಹೆಚ್ಚಾಗಿ ಕಂಡು ಬರುತ್ತವೆ .

Most Read: ಮದುಮಗಳ ಮೇಕಪ್ ಕಿಟ್ ನಲ್ಲಿರಬೇಕಾದ ಸಾಮಗ್ರಿಗಳು

Harmful make-up ingredients you must avoid

ಪಾಲಿ ಇಥಿಲೀನ್ ಗ್ಲೈಸೋಲ್ (ಪಿ ಈ ಜಿ ) :

ಪಾಲಿ ಇಥಿಲೀನ್ ಗ್ಲೈಸೋಲ್ ಅಂಶ ಹಾಳಾದ ಅಥವಾ ಸೀಳು ಬಿಟ್ಟುಕೊಂಡಿರುವ ಚರ್ಮದ ಮೇಲೆ ಉಪಯೋಗಿಸಿದರೆ ನವೆ ಹಾಗು ಕೆರೆತ ಶುರುವಾಗುತ್ತದೆ . ಇದು ದೇಹದ ಒಳಸೇರಿ ವಿಷಕಾರಿಯಾಗಿ ಬದಲಾಗುವ ಸಾಧ್ಯತೆ ಕೂಡ ಹೆಚ್ಚು . ಪಿ ಈ ಜಿ ಅಂಶವನ್ನು ಹೊಂದಿರುವ ವಸ್ತುಗಳನ್ನು ಅತಿಯಾಗಿ ಉಪಯೋಗಿಸಿದರೆ ದೇಹದ ನರ ಮಂಡಲದ ಮೇಲೂ ಅತಿ ಕೆಟ್ಟ ಪರಿಣಾಮ ಬೀರುತ್ತದೆ . ಇದು ಸಾಮಾನ್ಯವಾಗಿ ಶಾಂಪೂ , ಕಂಡೀಷನರ್ ಮತ್ತು ಮೊಯಿಶ್ಚರೈಸರ್ ನಲ್ಲಿ ಉಪಯೋಗಿಸಲ್ಪಡುತ್ತದೆ .

ಒಕ್ಸಿ ಬೆಂಝೋನ್ : ಒಕ್ಸಿ ಬೆಂಝೋನ್ ಕೂಡ ಒಂದು " ಎಂಡೋಕ್ರೈನ್ ಡಿಸ್ರಪ್ಟಾರ್ " ಆಗಿ ನಿಮ್ಮ ಥೈರೊಯ್ಡ್ ನ ಕಾರ್ಯಕ್ಷಮತೆಯನ್ನು ಕಡಿಮೆ ಮಾಡುತ್ತದೆ .ಇದರಿಂದ ಚರ್ಮದ ಅಲರ್ಜಿ ಕೂಡ ಉಂಟಾಗುತ್ತದೆ . ಇದನ್ನು ಸಾಮಾನ್ಯವಾಗಿ ಕೆಮಿಕಲ್ ಸನ್ ಸ್ಕ್ರೀನ್ , ಲಿಪ್ ಬಾಮ್ ಮತ್ತು ಮೊಯಿಶ್ಚರೈಸರ್ ನಲ್ಲಿ ಹೆಚ್ಚಾಗಿ ಉಪಯೋಗಿಸಿರುತ್ತಾರೆ .

English summary

Harmful make-up ingredients you must avoid

Makeup is a woman’s close companion. But some toxic ingredients are hidden in many of your favourite your make-up products. They not only harm your skin but also impact your health negatively in more ways than one. So, it is essential to use cosmetic products judiciously. Her are the chemicals and components that you should watch out for in the ingredients’ list of a beauty product before picking it up.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more