Just In
Don't Miss
- Movies ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೂದಲು ಉದುರುತ್ತಿದೆಯೇ? ಮೆಂತೆ ಹಾಗೂ ಕರಿಬೇವಿನಿಂದ ಈ ರೀತಿ ಟ್ರೈ ಮಾಡಿದ್ದೀರಾ?
ನಿಮ್ಮ ಕೂದಲಿನ ಆರೋಗ್ಯದ ಬಗ್ಗೆ ಚಿಂತೆ ಮಾಡುತ್ತಿದ್ದೀರಾ? ಕೂದಲು ಉದುರಲು ದೂಳು, ಜೀವನಶೈಲಿ ಮಾತ್ರ ಕಾರಣವಲ್ಲ ನಮ್ಮಲ್ಲಿರುವ ಮಾನಸಿಕ ಒತ್ತಡ, ಕೂದಲಿನ ತುದಿ ಕವಲೊಡೆಯುವುದು ಇವೆಲ್ಲಾ ಕೂಡ ಒಂದು ಕಾರಣವಾಗಿದೆ.
ನೀವು ನಿಮ್ಮ ಕೂದಲಿನ ಆರೈಕೆ ಕಡೆಗೆ ಸ್ವಲ್ಪ ಗಮನ ನೀಡಿದರೆ ಕೂದಲು ಉದುರುವ ಸಮಸ್ಯೆಯನ್ನು ತಡೆಗಟ್ಟಬಹುದಾಗಿದೆ. ಅದಕ್ಕಾಗಿ ನೀವು ದುಬಾರಿ ಬೆಲೆಕೊಟ್ಟು ಎಣ್ಣೆ, ಶ್ಯಾಂಪೂ ಕೊಳ್ಳಬೇಕಾಗಿಲ್ಲ, ನಿಮ್ಮ ಅಡುಗೆ ಮನೆಯಲ್ಲಿರುವ ಮೆಂತೆಕಾಳು ಹಾಗೂ ಕರಿಬೇವಿನ ಎಲೆ ಸಾಕು ನಿಮ್ಮ ಕೂದಲು ಉದುರುವ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲು ಸಾಧ್ಯವಾಗುತ್ತದೆ.
ಇದರ ಪ್ರಯೋಜನವೇನು, ಬಳಸುವುದು ಹೇಗೆ ಎಂದು ನೋಡೋಣ:
ಕೂದಲಿಗೆ ಮೆಂತೆಯ ಪ್ರಯೋಜನಗಳು
* ಕೂದಲು ಉದುರುವುದನ್ನು ತಡೆಗಟ್ಟುತ್ತದೆ ಹಾಗೂ ಕೂದಲು ಮಂದವಾಗಿ ಬೆಳೆಯುವಂತೆ ಮಾಡುತ್ತದೆ.
* ಇದರಲ್ಲಿ ಫ್ಲೇವೋನಾಯ್ಡ್, ಆ್ಯಂಟಿಆಕ್ಸಿಡೆಂಟ್ ಅಂಶವಿದ್ದು, ಫೋಲಿಕ್ಲಿಸ್ ಅಂಶವಿದ್ದು ಇದು ಕೂದಲಿನ ಬುಡವನ್ನು ಬಲಪಡಿಸುತ್ತದೆ.
* ಅಲ್ಲದೆ ಇದು ಕೂದಲು ಡ್ರೈಯಾಗುವುದನ್ನು ತಪ್ಪಿಸುತ್ತದೆ ಹಾಗೂ ಕೂದಲಿಗೆ ಹೊಳಪು ಉಂಟಾಗುವುದು.
ಕರಿಬೇವಿನ ಗುಣಗಳು
* ಇದರಲ್ಲಿ ಆ್ಯಂಟಿಆಕ್ಸಿಡೆಂಟ್ ಅಂಶವಿದ್ದು ಇದು ಕೂದಲಿನಲ್ಲಿರುವ ಕಶ್ಮಲವನ್ನು ತೊಡೆದು ಹಾಕುತ್ತದೆ.
* ಇದರಲ್ಲಿರುವ ಬೀಟಾ ಕೆರೋಟಿನ್ ಕೂದಲನ್ನು ಬಲಪಡಿಸುತ್ತದೆ
* ಅಲ್ಲದೆ ಕೂದಲಿನ ಬುಡದಲ್ಲಿ ತುರಿಕೆ ಕಡಿಮೆ ಮಾಡುತ್ತದೆ.
ಮೆಂತೆ ಹಾಗೂ ಕರಿಬೇವಿನಿಂದ ಕೂದಲು ತೊಳೆಯುವ ನೀರು ಮಾಡುವುದು ಹೇಗೆ?
ಬೇಕಾಗುವ ಸಾಮಗ್ರಿ
1/4 ಕಪ್ ಮೆಂತೆ ಬೀಜ, 20 ಕರಿಬೇವಿನ ಎಲೆ
ಮಾಡುವ ವಿಧಾನ
ಮೆಂತೆಯನ್ನು ಪುಡಿ ಮಾಡಬೇಕು, ಕರಿಬೇವನ್ನು ಕೂಡ ಕೈಯಿಂದ ಹಿಸುಕಿ ಅಥವಾ ಮಿಕ್ಸಿಯಲ್ಲಿ ಹಾಕಿ ಒಂದು ರೌಂಡ್ ರುಬ್ಬಿದರೆ ಆಗುತ್ತೆ.
* ಈಗ ನೀರನ್ನು ಕುದಿಸಿ.
* ಈಗ ಕುದಿಯುವ ನೀರಿಗೆ ಈ ಎರಡು ಮಿಶ್ರಣ ಹಾಕಿ 5 ನಿಮಿಷ ಬಿಡಿ.
* ನಂತರ ತಣ್ಣಗಾಗಲು ಬಿಡಿ.
* ನಂತರ ಸೋಸಿ ಆ ನೀರನ್ನು ಒಂದು ಬಾಟಲಿನಲ್ಲಿ ಹಾಕಿಡಿ.
ಬಳಸುವುದು ಹೇಗೆ
* ನಿಮ್ಮ ತಲೆಯನ್ನು ಶ್ಯಾಂಪೂ ಹಚ್ಚಿ ತೊಳೆದ ಬಳಿಕ ನಂತರ ನೀರು ಹಾಕಿ ತೊಳೆಯಿರಿ.
* ನಂತರ ಈ ನೀರನ್ನು ತಲೆಗೆ ಹಾಕಿ. ನಂತರ ತಲೆ ಒರೆಸಿ ಕೂದಲು ಒಣಗಿಸಬಹುದು.
* ನಿಮಗೆ ಈ ನೀರನ್ನು ತಲೆಗೆ ಹಾಕಿದ ಬಳಿಕ ಒಂದು ಮಗ್ ನೀರು ಹಾಕ ಬಯಸುವುದಾದರೆ ಸರಿ, ಆದರೆ ಈ ನೀರು ಹಾಕಿದ ಬಳಿಕ ಕೂದಲಿಗೆ ಶ್ಯಾಂಪೂ ಹಚ್ಚಬೇಡಿ.
ಈ ವಿಧಾನ ವಾರದಲ್ಲಿ2-3 ಬಾರಿ ಮಾಡುತ್ತಾ ಬನ್ನಿ ಸೊಗಸಾದ ಕೂದಲಿನ ಸೌಂದರ್ಯವನ್ನು ಪಡೆಯಬಹುದು.