Just In
Don't Miss
- Movies ಮಾನ್ವಿತಾ ಮದುವೆಯಾಗ್ತಿರೋ ಆ ಅದೃಷ್ಟವಂತ ಇವ್ರೇ; ಟಗರು ಪುಟ್ಟಿ ಲೈಫ್ ಪಾರ್ಟನರ್ ಫುಲ್ ಡೀಟೆಲ್ಸ್
- News ಆಕ್ಸಿಸ್ ಬ್ಯಾಂಕ್ಗೆ ಬರೋಬ್ಬರಿ 7,129 ಕೋಟಿ ರೂಪಾಯಿ ಲಾಭ!
- Sports IPL 2024: ಆರ್ಸಿಬಿಗೆ ವಿರಾಟ್, ಪಾಟಿದಾರ್ ಆಸರೆ: ಹೈದರಾಬಾದ್ಗೆ ಸವಾಲಿನ ಟಾರ್ಗೆಟ್
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಾತ್ರಿ ಇವುಗಳನ್ನು ಹಚ್ಚಿದರೆ ತ್ವಚೆಯ ತುಂಬಾನೇ ಕಾಂತಿಯುತವಾಗುವುದು
ನೀವು ತುಂಬಾ ಚೆನ್ನಾಗಿ ಕಾಣಬೇಕೆಂದರೆ ದುಬಾರಿ ಕ್ರೀಮ್, ಫೇಶಿಯಲ್ ಅಂತ ತುಂಬಾ ಖರ್ಚು ಮಾಡಬೇಕಾಗಿಲ್ಲ. ನೀವು ತ್ವಚೆ ಆರೈಕೆ ಕಡೆಗೆ ಸ್ವಲ್ಪ ಗಮನ ನೀಡಿದರೆ ಸಾಕು.
ಏಕೆಂದರೆ ವಾತಾವರಣದಲ್ಲಿರುವ ಮಾಲಿನ್ಯ (ವಾಯು, ನೀರು, ಕೆಮಿಕಲ್), ಮೇಕಪ್ ಇವೆಲ್ಲಾ ತ್ವಚೆಯ ಮೇಲೆ ಗಂಭೀರ ಪರಿಣಾಮ ಬೀರುವುದು. ಆದರೆ ಇವುಗಳಿಂದ ತ್ವಚೆಯನ್ನು ರಕ್ಷಣೆ ಮಾಡಲು ನೀವು ತ್ವಚೆ ಆರೈಕೆ ಕಡೆಗೆ ಸ್ವಲ್ಪ ಗಮನ ಕೊಟ್ಟರೆ ಸಾಕಾಗುತ್ತದೆ.
ಅದರಲ್ಲೂ ಮುಖದ ಗ್ಲೋ ಹೆಚ್ಚಲು ರಾತ್ರಿ ಹೊತ್ತಿನಲ್ಲಿ ಮಾಡುವ ಆರೈಕೆ ತುಂಬಾನೇ ಮುಖ್ಯ. ಮುಖದ ಕಾಂತಿ ಹೆಚ್ಚಲು ಮಲಗುವ ಮುಂಚೆ ಯಾವ ರೀತಿ ತ್ವಚೆ ಆರೈಕೆ ಮಾಡಬೇಕು ಎಂದು ಹೇಳಲಾಗಿದೆ ನೋಡಿ:
ಮಲಗುವ ಮುನ್ನ ಮುಖವನ್ನು ತೊಳೆಯಿರಿ
ದಿನವಿಡೀ ದುಡಿದು ದಣಿದಾಗ ರಾತ್ರಿ ಒಮ್ಮೆ ದಿಂಬಿಗೆ ತಲೆಕೊಟ್ಟರೆ ಸಾಕು ಎಂದೆನಿಸುವುದು, ಆದರೆ ಹಾಗೇ ಮಲಗಬೇಡಿ ನಿಮ್ಮ ತ್ವಚೆಗೆ ಹಾನಿಯುಂಟಾಗುವುದು. ಹದ ಬಿಸಿ ನೀರಿನಲ್ಲಿ ಮುಖ ತೊಳೆಯಿರಿ.
ರೆಟಿನೋಲ್ ಬಳಸಿ
ನಿಮ್ಮ ವಯಸ್ಸು 30 ದಾಟಿದರೆ ಮಲಗುವ ಮುಂಚೆ ರೆಟಿನೋಲ್ ಬಳಸಿ. ಇದು ಮುಖದಲ್ಲಿ ಬೇಗನೆ ನೆರಿಗೆ ಬೀಳುವುದನ್ನು ತಡೆಗಟ್ಟುತ್ತೆ. ರೆಟಿನೋಲ್ನಲ್ಲಿರುವ ವಿಟಮಿನ್ ಎ ತ್ವಚೆಯಲ್ಲಿ ಕೊಲೆಜಿನ್ ಉತ್ಪತ್ತಿ ಹೆಚ್ಚಿ ನೆರಿಗೆ ಬೀಳುವುದನ್ನು ತಡೆಗಟ್ಟಲು ಸಹಕಾರಿ.
ನೀವು ರೆಟಿನೋಲ್ ಹಚ್ಚುವ ಮುನ್ನ ನಿಮ್ಮ ತ್ವಚೆಗೆ ಹಚ್ಚಿ ಪರೀಕ್ಷಿಸಿ. ನಿಮ್ಮದು ತುಂಬಾ ಸೂಕ್ಷ್ಮ ತ್ವಚೆಯಾದರೆ ತ್ವಚೆ ಕೆಂಪಾಗುವುದು, ಉರಿ ಕಂಡು ಬರಬಹುದು ಅಂಥವರು ಬಳಸಬೇಡಿ.
ಸರಿಯಾದ ಆ್ಯಂಟಿಆಕ್ಸಿಡೆಂಟ್ ಬಳಸಿ
ವಿಟಮಿನ್ ಸಿ ಆ್ಯಂಟಿಆಕ್ಸಿಡೆಂಟ್ ಸೆರಮ್ ಬಳಸಿದರೆ ನಿಮ್ಮ ತ್ವಚೆ ತುಂಬಾನೇ ಚೆನ್ನಾಗಿರುತ್ತದೆ. ರಾತ್ರಿ ಹೊತ್ತಿನಲ್ಲಿ ಬಳಸಲು ಆ್ಯಂಟಿಆಕ್ಸಿಡೆಂಟ್ ಸೆರಮ್ ಸಿಗುತ್ತದೆ, ಅದನ್ನು ಬಳಸಿ.
ಮುಖವನ್ನು ಸ್ಕ್ರಬ್ ಮಾಡಬೇಡಿ
ಇದರ ಬಗ್ಗೆ ನೀವು ತುಂಬಾನೇ ಗಮನ ನೀಡಬೇಕು. ತುಂಬಾ ಸ್ಕ್ರಬ್ ಮಾಡಿದರೆ ತ್ವಚೆಗೆ ಒಳ್ಳೆಯದಲ್ಲ. ವಾರಕ್ಕೊಮ್ಮೆ ಸ್ಕ್ರಬ್ ಮಾಡಿದರೆ ಒಕೆ,ಆದರೆ ಪ್ರತಿದಿನ ಮಾಡಬೇಡಿ.