Just In
Don't Miss
- Movies ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೂದಲು ಬೆಳವಣಿಗೆಗೆ ಬೇವಿನ ಬಾಚಣಿಗೆ ಯಾಕೆ ಬಳಸಬೇಕು?
ನಾವೆಲ್ಲಾ ಸಾಮಾನ್ಯವಾಗಿ ಕೂದಲ ಆರೈಕೆಯಲ್ಲಿ ಪ್ರಾಮುಖ್ಯತೆ ನೀಡೋದು ಕೂದಲಿಗೆ ಬಳಸುವ ಎಣ್ಣೆ, ಆ ಎಣ್ಣೆ ತೆಗೆಯಲು ಬಳಸುವ ಶಾಂಪೂ, ಕಂಡೀಷನರ್, ಹೇರ್ ಮಾಸ್ಕ್ ಬಗ್ಗೆ ಅಷ್ಟೇ. ಆದರೆ ಕೂದಲ ರಕ್ಷಣೆಗೆ ನೀವು ಬಳಸುವ ಬಾಚಣಿಗೆಯೂ ಅಷ್ಟೇ ಮುಖ್ಯ ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ? ಹೌದು, ನಮ್ಮ ಕೂದಲ ಆರೋಗ್ಯಕ್ಕೆ ನಾವು ಬಳಸುವ ಬಾಚಣಿಗೆಯೂ ಸಹ ಪ್ರಮುಖವಾಗಿರುತ್ತದೆ. ಅದು ಹೇಗೆ? ಯಾವ ಬಾಚಣಗೆ ಬಳಸಿದರೆ ಉತ್ತಮ ಎಂಬುದನ್ನು ಈ ಲೇಖನದಲ್ಲಿ ವಿವರಿಸಲಾಗಿದೆ.
ಕೂದಲ ಆರೋಗ್ಯಕ್ಕೆ ಬಳಸಿ ಬೇವಿನ ಬಾಚಣಿಗೆ:
ನಮ್ಮ ಬಾಚಣಿಗೆಗಳು ಕೂದಲನ್ನು ಬೇರ್ಪಡಿಸಲು ನಮಗೆ ಸಹಾಯ ಮಾಡುವ ಸಾಧನವಾಗಿ ಕಾರ್ಯನಿರ್ವಹಿಸುತ್ತವೆ ಎಂದು ನಮಗೆಲ್ಲ ತಿಳಿದಿದೆ. ಆದರೆ ಅದಕ್ಕಿಂತ ಹೆಚ್ಚಿನ ಪ್ರಯೋಜನಗಳನ್ನು ಈ ಬಾಚಣಿಗೆಗಳಿಂದ ಇವೆ. ಆದ್ದರಿಂದ ಹೆಚ್ಚಿನ ಲಾಭಕ್ಕಾಗಿ ನಿಮ್ಮ ಬಾಚಣಿಗೆಗಳನ್ನು ಬೇವಿನ ಬಾಚಣಿಗಗೆ ಬದಲಾಯಿಸುವ ಸಮಯ. ಇದು ಕೂದಲನ್ನು ನೈಸರ್ಗಿಕವಾಗಿ ರಿಪೇರಿ ಮಾಡಲು ಸಹಾಯ ಮಾಡುತ್ತದೆ ಎಂಬುದು ತಜ್ಞರ ಅಭಿಪ್ರಾಯ ಆಗಿದೆ.
ಬೇವಿನ ಬಾಚಣಿಗೆ ಏಕೆ ಉತ್ತಮ?:
ಕೂದಲಿಗೆ ಹಾನಿ ಮಾಡುವುದಿಲ್ಲ:
ಪ್ಲಾಸ್ಟಿಕ್ ಬಾಚಣಿಗೆ ಪಾಸಿಟಿವ್ ಎಲೆಕ್ಟ್ರಿಕ್ ಚಾರ್ಜ್ ಹೊಂದಿದ್ದರೆ, ಕೂದಲು ನೆಗೆಟಿವ್ ಎಲೆಕ್ಟ್ರಿಕ್ ಚಾರ್ಜ್ ಅನ್ನು ಹೊಂದಿರುತ್ತದೆ. ಇದರಿಂದ ಬಾಚಣಿಗೆ ಕೂದಲನ್ನು ಆಕರ್ಷಿಸುತ್ತದೆ. ಇದು ಫ್ರಿಜೀ ಕೂದಲನ್ನು ಸೃಷ್ಠಿಸುತ್ತದೆ. ಈ ಫ್ರೀಜಿ ಅಥವಾ ಒರಟಾದ ಕೂದಲು ಶುಷ್ಕ ಮತ್ತು ಕೂದಲ ತೆಳುವಾಗುವಿಕೆಗೆ ಕಾರಣವಾಗುವುದು. ಇದರಿಂದ ಕೂದಲು ಉದುರುವುದು ಹೆಚ್ಚಾಗುತ್ತದೆ. ಆದರೆ ಬೇವಿನ ಮರದಿಂದ ಮಾಡಿದ ಬಾಚಣಿಕೆಯಲ್ಲಿ ಯಾವುದೇ ವಿದ್ಯುತ್ ಸಂಚಾರವಾಗುವುದಿಲ್ಲ. ಇದು ಕೂದಲಿಗೆ ಯಾವುದೇ ಹಾನಿ ಮಾಡುವುದಿಲ್ಲ. ಆದ್ದರಿಂದ ಇದು ನಿಮ್ಮ ಕೂದಲಿನ ಆರೋಗ್ಯಕ್ಕೆ ಉತ್ತಮ.
ಪರಿಸರ ಸ್ನೇಹಿ:
ಪರಿಸರದ ವಿಚಾರಕ್ಕೆ ಬಂದರೆ ಪ್ಲಾಸ್ಟಿಕ್ ಬಾಚಣಿಗೆ ಪರಿಸರಕ್ಕೆ ಕೆಟ್ಟದ್ದು. ಇದು ಸುಲಭವಾಗಿ ಪರಿಸರದಲ್ಲಿ ವಿಲೀನವಾಗುವುದಿಲ್ಲ. ಆದರೆ ಬೇವಿನ ಬಾಚಣಿಗೆ ಪರಿಸರ ಸ್ನೇಹಿಯಾಗಿದ್ದು, ಸುಲಭವಾಗಿ ವಿಘಟಣೆ ಮಾಡಬಹುದು. ಇದರಿಂದ ಪರಿಸರಕ್ಕೆ ಯಾವುದೇ ಹಾನಿ ಸಂಭವಿಸುವುದಿಲ್ಲ. ಆರಾಮವಾಗಿ ನಿಮ್ಮ ಕೂದಲಿನ ಆರೋಗ್ಯ ಕಾಪಾಡಲು ಈ ಬೇವಿನ ಬಾಚಣಿಗೆ ಬಳಸಬಹುದು.
ಕೂದಲು ಸ್ನೇಹಿ:
ಎಲ್ಲಕ್ಕಿಂತ ಹೆಚ್ಚಾಗಿ ಬೇವಿನ ಮರದ ಬಾಚಣಿಗೆಯ ಮೃದುವಾದ, ದುಂಡಾದ ಹಲ್ಲುಗಳು ನೆತ್ತಿಯನ್ನು ಚುಚ್ಚುವುದಿಲ್ಲ. ನಿಮ್ಮ ಪ್ಲಾಸ್ಟಿಕ್ ಬಾಚಣಿಗೆಯಾದರೆ ಕೂದಲು ಬಾಚುವಾಗ ನೆತ್ತಿಯನ್ನು ಚುಚ್ಚಿದಂತಾಗುವುದು ಸಾಮಾನ್ಯ. ಇದರಿಂದ ಮಕ್ಕಳು ಕೆಲವೊಮ್ಮೆ ಕಿರಿಕಿರಿಯಾಗಿರುವುದಿದೆ. ಆದರೆ ಈ ಬೇವಿನ ಬಾಚಣಿಗೆ ಅಂತಹ ಯಾವುದೇ ಕಿರಿಕಿರಿ ಉಂಟುಮಾಡುವುದಿಲ್ಲ. ಇದು ನೆತ್ತಿ ಮತ್ತು ಕೂದಲಿನ ಮೇಲೆ ಎಣ್ಣೆಯನ್ನು ಒಟ್ಟಾರೆಯಾಗಿ ವಿತರಿಸುವುದಿಲ್ಲ. ನೀವು ಹಾಕಿದ ಎಣ್ಣೆ ಸಮಾನವಾಗಿ ಹಂಚಿಕೆಯಾಗುತ್ತವೆ. ಇದರಿಂದಾಗಿ ತಲೆಹೊಟ್ಟು ಬರುವ ಸಾಧ್ಯತೆಗಳು ಕಡಿಮೆ.
ಅಲರ್ಜಿಯಿಂದ ದೂರವಿರಿಸುತ್ತದೆ:
ನಿಮ್ಮ ಕೂದಲು, ಚರ್ಮ ಮತ್ತು ನೆತ್ತಿಯಂತೆಯೇ ಬೇವಿನ ಮರದ ಬಾಚಣಿಗೆ ಇಂಗಾಲ ಆಧಾರಿತವಾಗಿದೆ. ಅಲ್ಲದೆ, ಬೇವಿನ ಮರ ಸಾವಯವವಾಗಿರುವುದರಿಂದ ಪ್ಲಾಸ್ಟಿಕ್ ಮತ್ತು ಲೋಹದ ಬಾಚಣಿಗೆಗಳನ್ನು ಬಳಸುವುದರಿಂದ ಉಂಟಾಗುವ ಅಲರ್ಜಿ ಅಥವಾ ಇತರೆ ಚರ್ಮದ ಸಮಸ್ಯೆಗಳನ್ನು ಉತ್ತೇಜಿಸುವುದಿಲ್ಲ. ನಿಮ್ಮ ಕೂದಲನ್ನು ಮತ್ತು ನೆತ್ತಿಯನ್ನು ಉತ್ತಮವಾಗಿ ರಕ್ಷಿಸುತ್ತದೆ.
ರಕ್ತ ಪರಿಚಲನೆಯನ್ನು ಹೆಚ್ಚಿಸುವುದು:
ಬೇವಿನ ಬಾಚಣಿಗೆಯ ಮಸಾಜ್ ಕ್ರಿಯೆಯು ಕಿರುಚೀಲಗಳನ್ನು ಮತ್ತು ಹೆಚ್ಚು ಕೂದಲಿನ ಎಳೆಗಳನ್ನು ಉತ್ಪಾದಿಸಲು ಉತ್ತೇಜಿಸುತ್ತದೆ. ಜೊತೆಗೆ ಕೂದಲಿನ ಬೆಳವಣಿಗೆಯನ್ನು ಹೆಚ್ಚಿಸುತ್ತದೆ. ಪ್ಲಾಸ್ಟಿಕ್ ಬಾಚಣಿಗೆಗಳು ಕೂದಲಿನ ಕೊನೆಯಲ್ಲಿ ಗೋಜಲುಗಳನ್ನು ಸೃಷ್ಟಿಸುತ್ತವೆ. ಆದರೆ ಮರದ ಬಾಚಣಿಗೆ ಅದನ್ನು ಮಾಡುವುದಿಲ್ಲ .