Just In
- 7 hrs ago ಮೀನ ರಾಶಿಗೆ ಮಂಗಳ ಸಂಚಾರ: ಈ 5 ರಾಶಿಯವರು ವೃತ್ತಿ ಬದುಕಿನಲ್ಲಿ ಜಾಗ್ರತೆ
- 7 hrs ago ಬೇಸಿಗೆಗೆ ಈ 3 ಸೊಪ್ಪಿನ ಚಟ್ನಿ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು
- 8 hrs ago ಬಿಲ್ಗೇಟ್ಸ್ ಟೀ ಕೇಳಿದ್ದಕ್ಕೆ ಟೀ ಮಾಡುತ್ತಿರುವ ನಾಯಿ: ಕ್ಯೂಟ್ ವೀಡಿಯೋ ವೈರಲ್
- 10 hrs ago ಬದಲಾಯ್ತು ಡಿಡಿ ಲೋಗೋ: ಕೇಸರಿ ಬಣ್ಣಕ್ಕೆ ತಿರುಗಿರುವುದಕ್ಕೆ ಕೆಲವರ ಮೆಚ್ಚುಗೆ, ಕೆಲವರ ಟೀಕೆ
Don't Miss
- News karnataka Rain: ಇಂದಿನಿಂದ ರಾಜ್ಯದಲ್ಲಿ ಜೋರು ಮಳೆ: ಬೆಂಗಳೂರಿನಲ್ಲಿ ಕೆಲವೆಡೆ ಮಾತ್ರ ವರಣ ಕೃಪೆ ತೋರುವ ಸಾಧ್ಯತೆ- ಐಎಂಡಿ ಅಲರ್ಟ್
- Finance ಮೊಮೊಸ್ ಮಾರುವ ಶಾಪ್ನಿಂದ ಜಾಬ್ ಆಫರ್ ಸಖತ್ ವೈರಲ್! ವೇತನವೆಷ್ಟು ಗೊತ್ತಾ?
- Movies Srirasthu Shubhamasthu ; ಶಾರ್ವರಿ ಹಿನ್ನೆಲೆ ಹೇಳಿದ ಮಹೇಶ : ಅತ್ತೆಯನ್ನು ಅನಾಥೆ ಎಂದ ದೀಪಿಕಾ..!
- Sports GT vs DC: ಐಪಿಎಲ್ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ದೊಡ್ಡ ಗೆಲುವು: ಗುಜರಾತ್ಗೆ ತವರಿನಲ್ಲಿ ಸೋಲು
- Automobiles ಸುಜುಕಿ ಹಯಬುಸಾ 25ನೇ ಆನಿವರ್ಸರಿ ಎಡಿಷನ್ ಬಿಡುಗಡೆ: ಬೆಲೆ ಎಷ್ಟು?
- Technology ಸದ್ಯ ಎಂಟ್ರಿ ಲೆವೆಲ್ನಲ್ಲಿ ಇವೇ ಬೆಸ್ಟ್ ಸ್ಮಾರ್ಟ್ಫೋನ್ಗಳು!..ಫೀಚರ್ಸ್ ಏನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಳೆಗಾಲದಲ್ಲಿ ಕೂದಲಿನ ಆರೈಕೆಗೆ ಒಂದಿಷ್ಟು ಸರಳ ಟಿಪ್ಸ್
ಮಳೆಗಾಲದಲ್ಲಿ ವಾತಾವರಣವು ಹಿತಕರ ಹಾಗೂ ಚಳಿಯಿಂದ ಕೂಡಿರುತ್ತದೆ. ಕೆಲವರು ಈ ಹವಾಮಾನವನ್ನು ಇಷ್ಟಪಟ್ಟರೆ, ಇತರರಿಗೆ ಇದು ಇಷ್ಟವಾಗದು. ಅದರಲ್ಲೂ ಎಣ್ಣೆಯುಕ್ತ ಕೂದಲು ಇರುವಂತಹ ಜನರು ಮಳೆಗಾಲವನ್ನು ಇಷ್ಟಪಡಲಾರರು. ಯಾಕೆಂದರೆ ತಲೆಬುರುಡೆಯಲ್ಲಿ ಬೆವರು ಮತ್ತಷ್ಟು ಧೂಳು ಮತ್ತು ಕಲ್ಮಷವನ್ನು ಸೆಳೆಯುತ್ತದೆ. ಇದರಿಂದ ಕೂದಲಿಗೆ ಹಾನಿ ಆಗುವುದು. ಶಾಂಪೂ ಹಾಕಿದ ಬಳಿಕ ಇದು ತನ್ನ ಕಾಂತಿ ಕಳೆದುಕೊಳ್ಳುವುದು. ಆರ್ದ್ರ ಹವಾಮಾನದಲ್ಲಿ ಕೂದಲು ಬೆವರುವುದು ಮತ್ತು ಒರಟಾಗುವುದು. ಬೆವರು ಮತ್ತು ಬೆವರಿಗೆ ಸ್ರವಿಸುವಿಕೆಯಿಂದ ಹೀಗೆ ಆಗುವುದು. ಬೆವರಿನಲ್ಲಿ ಇರುವಂತಹ ಉಪ್ಪು ವಾತಾವರಣದಲ್ಲಿ ಇರುವಂತಹ ಇತರ ಕಲ್ಮಷಗಳೊಂದಿಗೆ ಸೇರಿಕೊಂಡು ಕೂದಲು ತುಂಬಾ ಒರಟಾಗುವಂತೆ ಮಾಡುವುದು. ಇದರಿಂದಾಗಿ ಮಳೆಗಾಲದಲ್ಲಿ ಕೂದಲಿನ ಆರೈಕೆಯನ್ನು ತುಂಬಾ ಎಚ್ಚರಿಕೆಯಿಂದ ಮಾಡಬೇಕು.
ಆಗಾಗ ಶಾಂಪೂ ಹಾಕುವುದು ನೆರವಾಗುವುದು
ಮಳೆಗಾಲದಲ್ಲಿ ನೀವು ಸಾಮಾನ್ಯಕ್ಕಿಂತ ಹೆಚ್ಚು ಸಲ ಕೂದಲಿಗೆ ಶಾಂಪೂ ಹಾಕಿಕೊಂಡರೆ ಅದರಿಂದ ನೆರವಾಗುವುದು. ಕೂದಲು ಎಣ್ಣೆಯಂಶದಿಂದ ಕೂಡಿದ್ದರೆ ಆಗ ನೀವು ಇನ್ನು ಹೆಚ್ಚು ಸಲ ಮಾಡಿ. ದಿನಿನಿತ್ಯವೂ ಕೂದಲಿಗೆ ಶಾಂಪೂ ಹಾಕಿದರೆ ಒಳ್ಳೆಯದು. ಗಿಡಮೂಲಿಕೆಯ ಲಘು ಶಾಂಪೂ ಬಳಸಿಕೊಳ್ಳಿ. ಶಾಂಪೂವನ್ನು ಸರಿಯಾದ ರೀತಿಯಲ್ಲಿ ಬಲಸಿಕೊಂಡು ಕೂದಲಿಗೆ ನೀರು ಹಾಕಿ ಸಂಪೂರ್ಣವಾಗಿ ಶಾಂಪೂವನ್ನು ತೊಳೆದು ತೆಗೆಯಿರಿ. ಸಣ್ಣ ಕೂದಲಿಗೆ ಕೂಡ ಆಗಾಗ ಶಾಂಪೂ ಹಾಕಿದರೆ ಅದು ತನ್ನ ವಿನ್ಯಾಸವನ್ನು ಉಳಿಸಿಕೊಳ್ಳುವುದು.
ಕಂಡೀಷನರ್ ಬಗ್ಗೆ ಎಚ್ಚರವಿರಲಿ
ತುಂಬಾ ಒಣ ಕೂದಲಿನ ಹೊರತಾಗಿ ನೀವು ರಿಚ್ ಕಂಡೀಷನರ್ ಬಳಸಬೇಡಿ. ಕಂಡೀಷನರ್ ಬಳಸಲು ಇಲ್ಲಿ ಕೆಲವೊಂದು ಸಲಹೆಗಳು ಇವೆ. ಒಂದು ತಟ್ಟೆ ನೀರಿಗೆ ಲಿಂಬೆರಸ ಹಾಕಿಕೊಳ್ಳಿ ಮತ್ತು ಅದನ್ನು ಅಂತಿಮವಾಗಿ ಕೂದಲು ತೊಳೆಯಲು ಬಳಸಿಕೊಳ್ಳಿ. ಲಿಂಬೆಯು ಕೂದಲಿನ ಜಿಡ್ಡು ತೆಗೆಯುವುದು ಮತ್ತು ಕೂದಲಿನಲ್ಲಿ ಸಾಮಾನ್ಯ ಸಮತೋಲನ ಕಾಪಾಡುವುದು. ಮೂರು ಕಪ್ ಬಿಸಿ ನೀರಿಗೆ ತಾಜಾ ಅಥವಾ ಒಣಗಿಸಿದ ಚೆಂಡು ಮಲ್ಲಿಗೆ ಹೂಗಳನ್ನು ಹಾಕಿಕೊಳ್ಳಿ. ಒಂದು ಗಂಟೆ ಕಾಲ ಹಾಗೆ ಇರಲಿ. ಇದರ ಬಳಿಕ ಸೋಸಿಕೊಳ್ಳಿ ಮತ್ತು ನೀರು ತಣ್ಣಗಾಗಲು ಬಿಡಿ ಮತ್ತು ಬಳಿಕ ಇದನ್ನು ಅಂತಿಮವಾಗಿ ಕೂದಲು ತೊಳೆಯಲು ಬಳಸಿ. ತಲೆಹೊಟ್ಟು ಇರುವಂತಹ ಎಣ್ಣೆಯುಕ್ತ ಕೂದಲಿಗೆ ಇದು ನೆರವಾಗುವುದು. ಶಾಂಪೂ ಹಾಕಿಕೊಳ್ಳುವ ಮೊದಲು ಮೊಟ್ಟೆಯ ಬಿಳಿ ಭಾಗವನ್ನು ಹಾಕಿ ಮತ್ತು ಒಂದು ಅರ್ಧ ಗಂಟೆ ಕಾಲ ಹಾಗೆ ಬಿಡಿ. ಇದು ಕೂದಲಿಗೆ ಒಳ್ಳೆಯ ವಿನ್ಯಾಸ ನೀಡುವುದು ಮಾತ್ರವಲ್ಲದೆ, ಸ್ವಚ್ಛಗೊಳಿಸುವ ಗುಣ ಇರುವ ಕಾರಣದಿಂದಾಗಿ ಎಣ್ಣೆಯುಕ್ತ ಕೂದಲಿನ ಸಮಸ್ಯೆ ನಿವಾರಣೆ ಮಾಡುವುದು. ಗೋರಂಟಿ ಕಂಡೀಷನರ್ ತುಂಬಾ ಒಳ್ಳೆಯದು. ಇದು ಎಲ್ಲಾ ರೀತಿಯ ಕೂದಲಿಗೆ ಒಳ್ಳೆಯದು ಮತ್ತು ಕೂದಲಿಗೆ ವಿನ್ಯಾಸ ಮತ್ತು ಕಾಂತಿ ನೀಡುವುದು. ಕೂದಲು ಹಾಗೂ ತಲೆಬುರುಡೆಯನ್ನು ಶುದ್ಧಗೊಳಿಸಲು ಇದು ನೆರವಾಗುವುದು. ಕಲ್ಮಷ ಹಾಗೂ ತ್ಯಾಜ್ಯವನ್ನು ಇದು ತೆಗೆಯುವುದು. ವಾರದಲ್ಲಿ ಒಂದು ಸಲ ಕೂದಲಿಗೆ ಗೋರಂಟಿ ಹಚ್ಚಿಕೊಳ್ಳಿ. ಇದಕ್ಕೆ ನಾಲ್ಕು ಚಮಚ ಲಿಂಬೆ ರಸ, ಕಾಫಿ, ಎರಡು ಹಸಿ ಮೊಟ್ಟೆ ಮತ್ತು ಚಹಾ ನೀರು ಹಾಕಿ ಮಿಶ್ರಣ ಮಾಡಿಕೊಂಡು ಹಚ್ಚಿಕೊಳ್ಳಿ.
ಈಜುತ್ತಿದ್ದರೆ...
ಈಜುಕೊಳದಲ್ಲಿ ಈಜುತ್ತಿದ್ದರೆ ಆಗ ಕೂದಲು ನೇರವಾಗಿ ಸೂರ್ಯನ ಬಿಸಿಲಿಗೆ ಒಡ್ಡಲ್ಪಡುವುದು ಮತ್ತು ಕೂದಲು ಒಣಗುವುದು. ಈಜು ಕೊಳದಲ್ಲಿ ಇರುವಂತಹ ಕ್ಲೋರಿನ್ ಮತ್ತು ಸಮುದ್ರದ ನೀರಿನಲ್ಲಿ ಇರುವ ಉಪ್ಪಿನಾಂಶವು ಕೂದಲನ್ನು ಒಣಗುವಂತೆ ಮಾಡಿ, ನಿಸ್ತೇಜವಾಗಿಸುವುದು. ಈಜುವ ಮೊದಲು ಮತ್ತು ಬಳಿಕ ಕೂದಲನ್ನು ಸರಿಯಾಗಿ ಒದ್ದೆ ಮಾಡಿ. ಕೂದಲನ್ನು ಈಜುವ ಮೊದಲು ಒದ್ದೆ ಮಾಡಿದರೆ ಆಗ ತುಂಬಾ ನೆರವಾಗುವುದು. ಇದು ಕೂದಲನ್ನು ರಕ್ಷಿಸುವುದು. ಈಜಿನ ಬಳಿಕ ಸಾಮಾನ್ಯ ನೀರಿನಿಂದ ಕೂದಲು ತೊಳೆಯಿರಿ.
ಬೆವರುವ ತಲೆಬುರುಡೆಗೆ
ಕೆಲವು ಜನರ ತಲೆಬುರುಡೆಯಲ್ಲಿ ಬೆವರು ಮತ್ತು ಎಣ್ಣೆಯು ಸ್ರವಿಸುವಿಕೆಯಿಂದಾಗಿ ತುಂಬಾ ಕೆಟ್ಟ ವಾಸನೆ ಕೂಡ ಬರುತ್ತದೆ. ಇದಕ್ಕಾಗಿ ನೀವು ಒಂದು ಲಿಂಬೆ ರಸವನ್ನು ಅರ್ಧ ಕಪ್ ರೋಸ್ ವಾಟರ್ ಜತೆಗೆ ಸೇರಿಸಿ ಅದನ್ನು ಒಂದು ತಟ್ಟೆ ನೀರಿಗೆ ಹಾಕಿ. ಅಂತಿಮವಾಗಿ ಈ ಮಿಶ್ರಣದಿಂದ ಕೂದಲು ತೊಳೆಯಿರಿ. ಯೂ ಡಿ ಕಲೋನ್ ನ್ನು ಒಂದು ತಟ್ಟೆ ನೀರಿಗೆ ಹಾಕಿಕೊಂಡು ಬಳಸಿಕೊಳ್ಳಬಹುದು. ಇದು ತಂಪಾದ ಪರಿಣಾಮ ನೀಡುವುದು. ಕೂದಲು ತುಂಬಾ ಎಣ್ಣೆಯುಕ್ತವಾಗಿದ್ದು, ಶಾಂಪೂ ಮಾಡಿಕೊಳ್ಳಲು ಸಮಯವಿಲ್ಲದೆ ಇದ್ದರೆ ಆಗ ನೀವು ಸ್ವಲ್ಪ ಯೂ ಡಿ ಕಲೋನ್ ನ್ನು ಒಂದು ಸ್ವಚ್ಛ ಬಟ್ಟೆಗೆ ಹಾಕಿಕೊಂಡು ಅದರಿಂದ ಕೂದಲನ್ನು ಒರೆಸಿಕೊಳ್ಳಿ. ಇದನ್ನು ಬ್ರಷ್ಟಗೆ ಕಟ್ಟಿಕೊಂಡು ಅದರಿಂದಲೂ ಕೂದಲು ಬಾಚಿಕೊಂಡರೆ ಆಗ ಎಣ್ಣೆಯುಕ್ತ ಅಂಶವು ನಿವಾರಣೆ ಆಗುವುದು ಮತ್ತು ಸುವಾಸನೆ ಸಿಗುವುದು.