Just In
- 50 min ago ಈರುಳ್ಳಿ ಹಾಕದೆ 3 ಪದಾರ್ಥ ಹಾಕಿ 5 ನಿಮಿಷದಲ್ಲಿ ಚಟ್ನಿ ಮಾಡಬಹುದು.! ಇಲ್ಲಿದೆ ರೆಸಿಪಿ
- 52 min ago ತಿಂಡಿ ಮಾಡಲು ಬಳಸಿದ ಎಣ್ಣೆಯನ್ನು ಮರು ಬಳಕೆ ಮಾಡುತ್ತೀರಾ? ಆರೋಗ್ಯಕ್ಕಾಗಿ ಈ ಟಿಪ್ಸ್ ಅನುಸರಿಸಿ
- 2 hrs ago ಕೊನೆಗೂ ಬೆಂಗಳೂರಿಗೆ ಮಳೆ ಭಾಗ್ಯ..! ಹವಾಮಾನ ಇಲಾಖೆ ಸೂಚಿಸಿದ ದಿನಾಂಕವಿದು..!
- 2 hrs ago ಮೂರು ಮಕ್ಕಳು ನನ್ನದ್ದಲ್ಲ ಎಂದು ಆತನಿಗೆ ತಿಳಿದಾಗ.... ಹೆಂಡತಿಯ ಮಹಾಮೋಸ
Don't Miss
- News ನಾನೊಬ್ಬ ಸ್ಟ್ರಾಂಗ್ ಸಿಎಂ, ನಿಮ್ಮ ಹಾಗೆ ವೀಕ್ ಪಿಎಂ ಅಲ್ಲ: ಸಿದ್ದರಾಮಯ್ಯ ಹೀಗೆ ಹೇಳಿದ್ಯಾಕೆ?
- Technology Airtel & Noise: ಇನ್ಮುಂದೆ ಏರ್ಟೆಲ್ ಪೇಮೆಂಟ್ ಬ್ಯಾಂಕ್ ಸ್ಮಾರ್ಟ್ವಾಚ್ನದ್ದೇ ಹವಾ! ಟ್ಯಾಪ್-ಟು-ಪೇ ಫೀಚರ್ಸ್..
- Finance ಬಾಬಾ ರಾಮ್ದೇವ್ಗೆ ಖುದ್ದು ಹಾಜರಾಗುವಂತೆ ಖಡಕ್ ಸೂಚನೆ ನೀಡಿದ ಸುಪ್ರೀಂ ಕೋರ್ಟ್
- Automobiles ಭರ್ಜರಿ ಮೈಲೇಜ್, ಬಹುಬೇಡಿಕೆಯ ಮಾರುತಿ ಕಾರಿನ ಮೇಲೆ ಭರ್ಜರಿ ಡಿಸ್ಕೌಂಟ್
- Sports ಜೆರ್ಸಿ ನಂ.18, ವಿರಾಟ್ ಕೊಹ್ಲಿ ಜೊತೆಗಿನ ಹೋಲಿಕೆ ಬಗ್ಗೆ ಸ್ಮೃತಿ ಮಂಧಾನ ಹೇಳಿದ್ದೇನು?
- Movies ಐಪಿಎಲ್ ಸೈಡ್ ಎಫೆಕ್ಟ್ ; ಅವತಾರ ಪುರುಷ 2 ಬಿಡುಗಡೆ ದಿನಾಂಕ ಮುಂದಕ್ಕೆ, ಛೂ ಮಂತರ್ ಕಥೆ ಏನು..?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೂದಲಿನ ಸರ್ವ ರೋಗಕ್ಕೂ ಸರಳವಾಗಿ ಮಾಡಬಹುದಾದ 'ಬೇವಿನ ಟಾನಿಕ್' !
ಪ್ರತಿಯೊಬ್ಬರಿಗೂ ಕೂದಲು ಉದುರುವ, ತುಂಡಾಗುವ ಸಮಸ್ಯೆಯು ಇರುವುದು. ಇಂತಹ ಸಮಸ್ಯೆಗಳು ತಲೆಬುರುಡೆಯಲ್ಲಿ ಮೊಶ್ಚಿರೈಸರ್ ಕಡಿಮೆಯಾಗುವುದರಿಂದ ಕಾಣಿಸಿಕೊಳ್ಳುವುದು. ಇದಕ್ಕಾಗಿ ಕೆಲವರು ಹೇರ್ ಟಾನಿಕ್ ಬಳಕೆ ಮಾಡುವರು. ಈ ಹೇರ್ ಟಾನಿಕ್ ಗಳು ಫ್ರೀ ರ್ಯಾಡಿಕಲ್ ಮತ್ತು ವಾತಾವರಣದಲ್ಲಿನ ಬದಲಾವಣೆಗಳಿಂದ ಕೂದಲಿನ ರಕ್ಷಣೆ ಮಾಡುವುದು. ಮಾರುಕಟ್ಟೆಯಲ್ಲಿ ಹಲವಾರು ರೀತಿಯ ಹೇರ್ ಟಾನಿಕ್ ಗಳು ಲಭ್ಯವಿದೆ. ಆದರೆ ಹೆಚ್ಚಿನ ಹೇರ್ ಟಾನಿಕ್ ಗಳಲ್ಲಿ ರಾಸಾಯನಿಕ ಬಳಕೆ ಮಾಡಲಾಗುತ್ತದೆ. ಇದರಿಂದ ದೀರ್ಘಾವಧಿಗೆ ಇದು ನಿಮ್ಮ ಕೂದಲಿನ ಮೇಲೆ ವ್ಯತಿರಿಕ್ತ ಪರಿಣಾಮ ಉಂಟು ಮಾಡಬಹುದು. ಇಂತಹ ರಾಸಾಯನಿಕಯುಕ್ತ ಹೇರ್ ಟಾನಿಕ್ ಬದಲಿಗೆ ಕೆಲವು ನೈಸರ್ಗಿಕವಾದ, ಮನೆಯಲ್ಲೇ ತಯಾರಿಸಿದ ಹೇರ್ ಟಾನಿಕ್ ಬಳಸಿದರೆ ಅದರಿಂದ ಕೂದಲು ಸುರಕ್ಷಿತವಾಗಿರುವುದು ಮತ್ತು ಯಾವುದೇ ಅಡ್ಡಪರಿಣಾಮಗಳು ಆಗದು. ನೀವೇ ತಯಾರಿಸಬಹುದಾದ ಹೇರ್ ಟಾನಿಕ್ ಬಗ್ಗೆ ಬೋಲ್ಡ್ ಸ್ಕೈ ನಿಮಗೆ ಈ ಲೇಖನದಲ್ಲಿ ಹೇಳಿಕೊಡಲಿದೆ.
ಕೂದಲಿನ ಸರ್ವ ರೋಗಕ್ಕೂ ಬೇವಿನ ಟಾನಿಕ್
ಬೇವಿನ ಎಲೆಗಳ ಹುಡಿಯಿಂದ ಮಾಡಿರುವ ಹೇರ್ ಟಾನಿಕ್ ಬಗ್ಗೆ ನಿಮಗೆ ತಿಳಿಸಲಿದ್ದೇವೆ. ಕೂದಲಿನ ಹಲವಾರು ಸಮಸ್ಯೆಗಳಿಗೆ ಮತ್ತು ಕೂದಲು ಆರೋಗ್ಯಕರ ಹಾಗೂ ಬಲಿಷ್ಠವಾಗಿ ಬೆಳೆಯಲು ಪ್ರಮುಖವಾದ ಸಾಮಗ್ರಿಯೇ ಬೇವಿನ ಎಲೆಗಳು. ನೈಸರ್ಗಿಕದತ್ತ ಬೇವಿನ ಎಲೆಗಳಿಂದ ಮಾಡುವಂತಹ ಹೇರ್ ಟಾನಿಕ್ ಯಾವುದೇ ಅಡ್ಡಪರಿಣಾಮ ಬೀರದು. ಇದು ತಲೆಬುರುಡೆಯ ಸಮತೋಲನ ಕಾಪಾಡಿಕೊಂಡು ಅದನ್ನು ಮೊಶ್ಚಿರೈಸ್ ಆಗಿ ಇಟ್ಟು, ಶಿಲೀಂಧ್ರಿಯ ಸೋಂಕಿನಿಂದ ಕಾಪಾಡುವುದು. ಈ ಹೇರ್ ಟಾನಿಕ್ ಕೂದಲಿನ ಕೋಶಗಳನ್ನು ಬಲಗೊಳಿಸಿ, ಹೊಸ ಕೂದಲು ಬೆಳೆಯಲು ನೆರವಾಗುವುದು.
ಬೇಕಾಗಿರುವ ಸಾಮಗ್ರಿಗಳು
- 1 ಕಪ್ ಶುದ್ಧೀಕರಿಸಿದ ನೀರು
- 1 ಚಮಚ ಬೇವಿನ ಎಲೆ ಹುಡಿ
- 1 ಚಮಚ ಚೆಂಡುಹೂವಿನ ಹುಡಿ
- 5-6 ಚಮಚ ರೋಸ್ಮೆರಿ ಎಣ್ಣೆ
- 5-6 ಚಮಚ ಮಿರ್ಹ್ ಸಾರಭೂತ ತೈಲ
- 1 ಚಮಚ ಬಾದಾಮಿ ಎಣ್ಣೆ
ತಯಾರಿಸುವ ವಿಧಾನ
* ಒಂದು ಪಾತ್ರೆಯಲ್ಲಿ ನೀರು ಹಾಕಿ ಮತ್ತು ಕುದಿಸಿ
* ಬೇವಿನ ಎಲೆಗಳ ಮತ್ತು ಚೆಂಡುಹೂವಿನ ಹುಡಿ ಹಾಕಿ.
* ಪಾತ್ರೆಗೆ ಮುಚ್ಚಲ ಹಾಕಿ, ಕುದಿಯಲು ಬಿಡಿ.
* 5-10 ನಿಮಿಷ ಬಳಿಕ ಪಾತ್ರೆಯನ್ನು ಬೆಂಕಿಯಿಂದ ತೆಗೆಯಿರಿ.
* ಇದು ತಣ್ಣಗಾಗಲು ಬಿಡಿ.
* ತಯಾರಾದ ಬಳಿಕ ಸಾರಭೂತ ತೈಲ ಮತ್ತು ಬಾದಾಮಿ ತೈಲ ಹಾಕಿ.
* ಸರಿಯಾಗಿ ಕಲಸಿಕೊಂಡು ಟಾನಿಕ್ ನ್ನು ಗಾಜಿನ ಬಾಟಲಿಗೆ ಹಾಕಿಡಿ.
ಬಳಸುವುದು ಹೇಗೆ
* ಸ್ವಚ್ಛ ಹಾಗೂ ಒಣ ಕೂದಲಿಗೆ ಈ ಟಾನಿಕ್ ಹಚ್ಚಿ.
* 2-3 ಹನಿ ಟಾನಿಕ್ ನ್ನು ನಿಮ್ಮ ಅಂಗೈಗೆ ಹಾಕಿಕೊಳ್ಳಿ.
* ಸರಿಯಾಗಿ ಉಜ್ಜಿಕೊಂಡ ಬಳಿಕ ತಲೆಬುರುಡೆಗೆ ಮಸಾಜ್ ಮಾಡಿ.
* ನಿಧಾನವಾಗಿ ಮಸಾಜ್ ಮಾಡಿದ ಬಳಿಕ ಕೂದಲು ಬಾಚಿಕೊಳ್ಳಿ.
* ದಿನಪೂರ್ತಿ ಟಾನಿಕ್ ಕೂದಲಿನಲ್ಲಿ ಹಾಗೆ ಇರಲಿ.
ವಾರದಲ್ಲಿ 3-4 ಸಲ ಇದನ್ನು ಬಳಸಿ
ಪರಿಣಾಮಕಾರಿ ಮತ್ತು ವೇಗದ ಫಲಿತಾಂಶಕ್ಕಾಗಿ ವಾರದಲ್ಲಿ 3-4 ಸಲ ಇದನ್ನು ಬಳಸಿ.
ಬಳಸಿದ ಸಾಮಗ್ರಿಗಳ ಲಾಭಗಳು
ಬೇವಿನ ಎಲೆ
ತಲೆಬುರುಡೆಯ ಸ್ವಚ್ಛಗೊಳಿಸಲು ಬಳಸುವಂತಹ ನೈಸರ್ಗಿಕ ಸಾಮಗ್ರಿಯಾಗಿರುವ ಬೇವಿನ ಎಲೆಗಳು ಕೂದಲು ಆರೋಗ್ಯಕರ ಹಾಗೂ ಬಲವಾಗಿ ಬೆಳೆಯಲು ಇದು ನೆರವಾಗುವುದು. ಇದು ಕೂದಲಿಗೆ ಆಳವಾಗಿ ಮೊಶ್ಚಿರೈಸ್ ನೀಡುವುದು. ಇದರಿಂದ ಒಣ ಹಾಗೂ ಗಡಸು ತಲೆಬುರುಡೆ ಸಮಸ್ಯೆ ಕಾಡದು. ಬೇವಿನಲ್ಲಿ ಇರುವಂತಹ ಬ್ಯಾಕ್ಟೀರಿಯಾ ವಿರೋಧಿ ಗುಣಗಳು ತಲೆಬುರುಡೆಯನ್ನು ಸೋಂಕಿನಿಂದ ದೂರವಿಡುವುದು.
ಚೆಂಡು ಹೂ
ಈ ಹೂ ಪುನರ್ ಶ್ಚೇತನಗೊಳಿಸುವ ಗುಣ ಹೊಂದಿದೆ. ಇದು ಕೂದಲು ಉದುರುವಿಕೆಗೆ ಮಾತ್ರವಲ್ಲದೆ ಹೊಸ ಹಾಗೂ ಆರೋಗ್ಯಕರ ಕೂದಲು ಬೆಳೆಯಲು ನೆರವಾಗುವುದು. ತಲೆಹೊಟ್ಟು ಮತ್ತು ತಲೆಬುರುಡೆಯ ಸೋಂಕನ್ನು ಇದು ನಿವಾರಣೆ ಮಾಡುವುದು. ಇದು ಕೂದಲಿನ ಕೋಶಗಳನ್ನು ಬಲಗೊಳಿಸಿ, ತುಂಡಾಗುವುದನ್ನು ತಡೆಯುವುದು. ಅಷ್ಟೇ ಅಲ್ಲ ಚೆಂಡು ಹೂವುಗೆ ವೊಲಾಟೈಲ್ ಎಣ್ಣೆ, ಸಾವಯವ ಆಮ್ಲಗಳು ಮತ್ತು ಸ್ಟಿರೋಲ್ಗಳು ಇರುತ್ತವೆ. ಇವು ಒಳ್ಳೆಯ ಉಪಶಮನಕಾರಿ ಗುಣಗಳನ್ನು ಹೊಂದಿರುತ್ತವೆ. ತ್ವಚೆಯ ಮೇಲೆ ಕೀಟಾಣುಗಳು ಕಡಿತದಿಂದ, ಸುಟ್ಟ ಗಾಯದಿಂದ ಅಥವಾ ಗಾಯದಿಂದ ತುರಿಕೆ ಉಂಟಾದಲ್ಲಿ ಕ್ಯಾಲೆಂಡುಲದ ಕ್ರೀಮನ್ನು ಹಚ್ಚಿ ತಕ್ಷಣ ಉಪಶಮನವನ್ನು ಪಡೆಯಿರಿ. ಇದರಿಂದ ಗಾಯವು ಬೇಗ ಮಾಯುತ್ತದೆ.
ರೋಸ್ಮೆರಿ ಎಣ್ಣೆ
ಕೂದಲಿನ ಆರೈಕೆಗೆ ರೋಸ್ಮೆರಿ ಎಣ್ಣೆ ಬಳಸಲಾಗುವುದು. ಇದನ್ನು ತಲೆಬುರುಡೆಗೆ ಹಚ್ಚಿಕೊಂಡರೆ ರಕ್ತಸಂಚಾರವು ಉತ್ತಮವಾಗುವುದು ಮತ್ತು ಆರೋಗ್ಯಕರ ಕೂದಲಿನ ಬೆಳವಣಿಗೆಗೆ ನೆರವಾಗುವುದು. ಕೂದಲು ತೆಳುವಾಗುವುದಕ್ಕೆ ಇದು ಒಳ್ಳೆಯ ಪರಿಹಾರ. ಇದು ಕೂದಲನ್ನು ದಪ್ಪಗೊಳಿಸುವುದು. ತಲೆಬುರುಡೆ ಕೆಂಪಾಗಿಸಿ, ತುರಿಕೆ ಉಂಟುಮಾಡುವ ಇಸಬುನಂತಹ ಶಿಲೀಂಧ್ರ ಸೋಂಕಿಗೆ ಇದು ಪರಿಣಾಮಕಾರಿ.
ಮಿರ್ಹ್ ಸಾರಭೂತ ತೈಲ
ಒಣ ಕೂದಲಿಗೆ ಹೇಳಿ ಮಾಡಿಸಿದಂತಿರುವ ಮಿರ್ಹ್ ಸಾರಭೂತ ತೈಲವು ಕೂದಲಿನ ಬುಡಕ್ಕೆ ಆಳವಾದ ಪೋಷಣೆ ನೀಡಿ, ಮೊಶ್ಚಿರೈಸ್ ಇರುವಂತೆ ನೋಡಿಕೊಳ್ಳುವುದು. ಈ ಎಣ್ಣೆ ಬಳಸುವುದರಿಂದ ತಲೆಬುರುಡೆಯು ಆರೋಗ್ಯಕರ ಮತ್ತು ಎಲ್ಲಾ ಸಮಯದಲ್ಲೂ ಮೊಶ್ಚಿರೈಸ್ ಆಗಿರುವುದು.
ಬಾದಾಮಿ ಎಣ್ಣೆ
ಒಮೆಗಾ-3 ಕೊಬ್ಬಿನಾಮ್ಲ ಹೊಂದಿರುವ ಬಾದಾಮಿ ಎಣ್ಣೆಯು ಕೂದಲಿನ ಕೋಶಗಳನ್ನು ಪರಿಣಾಮಕಾರಿಯಾಗಿ ಬಲಗೊಳಿಸುವುದು ಮತ್ತು ತುಂಡಾಗದಂತೆ ತಡೆಯುವುದು. ಕೂದಲು ಉದುರುವಿಕೆಗೆ ಇದು ತುಂಬಾ ಪರಿಣಾಮಕಾರಿ ಔಷಧಿ. ಬಾದಾಮಿಯಲ್ಲಿರುವ ವಿಟಮಿನ್ ಹಾಗೂ ಖನಿಜಾಂಶಗಳು ಕೂದಲು ದಪ್ಪ ಹಾಗೂ ಕಾಂತಿಯುತವಾಗುವಂತೆ ಮಾಡುವುದು. ಕೂದಲಿನ ಆರೈಕೆಗೆ ನೀವು ಮನೆಯಲ್ಲೇ ತಯಾರಿಸಿದ ಈ ಹೇರ್ ಟಾನಿಕ್ ಬಳಕೆ ಮಾಡಿಕೊಂಡು ಒಳ್ಳೆಯ ಫಲಿತಾಂಶ ಪಡೆಯಿರಿ. ಬಾದಾಮಿ ಎಣ್ಣೆಯ ಇನ್ನಷ್ಟು ಪ್ರಯೋಜನಗಳು ಸ್ವಲ್ಪ ಬಾದಾಮಿ ಎಣ್ಣೆಯನ್ನು ತೆಗೆದುಕೊಳ್ಳಿ ಮತ್ತು ಅದನ್ನು ನಿಮ್ಮ ಕೂದಲಿಗೆ ಹಚ್ಚಿ ಮಸಾಜ್ ಮಾಡಿ. 30 ನಿಮಿಷ ಹಾಗೆಯೇ ಬಿಡಿ ನಂತರ ತಣ್ಣೀರಿನಿಂದ ಮೃದುವಾದ ಶ್ಯಾಂಪೂ ಬಳಸಿ ಕೂದಲು ತೊಳೆದುಕೊಳ್ಳಿ. ರೇಷ್ಮೆಯಂತಹ ಕೂದಲನ್ನು ಪಡೆಯಲು ವಾರಕ್ಕೊಮ್ಮೆ ಈ ವಿಧಾನವನ್ನು ಅನುಸರಿಸಿ. ಕೂದಲ ಹೊಳಪನ್ನೂ ಹೆಚ್ಚಿಸುತ್ತದೆ!... ಹೌದು, ಕೂದಲ ಹೊಳಪು ಹೆಚ್ಚಿಸಲು ಇದುವರೆಗೆ ಹಲವು ಚಿಕಿತ್ಸೆ ಅಥವಾ ಸೀರಂಗಳನ್ನು ನೀವು ಉಪಯೋಗಿಸಿದ್ದಿರಬಹುದು. ಆದರೆ ಇದಕ್ಕೂ ಉತ್ತಮ ಪೋಷಣೆಯನ್ನು ಬಾದಾಮಿ ಎಣ್ಣೆ ನೀಡುತ್ತದೆ. ಇದಕ್ಕಾಗಿ ಸ್ನಾನದ ಬಳಿಕ ಕೂದಲು ಒದ್ದೆ ಇದ್ದಂತೆಯೇ ಕೆಲವು ಹನಿ ಬಾದಾಮಿ ಎಣ್ಣೆಯನ್ನು ಕೂದಲ ಬುಡದಿಂದ ತುದಿಯವರೆಗೂ ನಯವಾಗಿ ಹಚ್ಚಿ. ಇದರಿಂದ ಕೂದಲು ರೇಶ್ಮೆಯಂತೆ ಹೊಳೆಯುತ್ತದೆ ಹಾಗೂ ದೃಢವಾಗುತ್ತದೆ.