Just In
- 59 min ago ವಿಭಿನ್ನ ಶೈಲಿಯಲ್ಲಿ ಮೊಟ್ಟೆ ಸಾಂಬಾರ್ ಮಾಡಿ..! ಇಲ್ಲಿದೆ ಸಿಂಪಲ್ ಅಡುಗೆ
- 2 hrs ago ವಿಶ್ವದಲ್ಲೇ ಅತೀ ಹೆಚ್ಚು ಬಾರಿ ಚುನಾವಣೆ ಸೋತ ವ್ಯಕ್ತಿ..! ಯಾರು ಈ ಸೋಲುವ ಸರದಾರ ಗೊತ್ತಾ?
- 3 hrs ago ಮದ್ಯದ ಅಮಲಲ್ಲಿ ತೇಲಾಡುತ್ತಿದ್ದ ಶಿಕ್ಷಕನಿಗೆ ಮಕ್ಕಳಿಂದಲೇ ಚಪ್ಪಲಿ ಏಟು..!
- 5 hrs ago ವಿಶ್ವದ ದುಬಾರಿ ಹಣ್ಣುಗಳಿವು..! ನೀವು ಊಹಿಸದ ಬೆಲೆ ಈ ಹಣ್ಣುಗಳಿಗಿದೆ..!
Don't Miss
- News DK Shivakumar: ಕಾಂಗ್ರೆಸ್ ಭವಿಷ್ಯದಲ್ಲಿ ನನ್ನನ್ನು ಸಿಎಂ ಮಾಡಲಿದೆ
- Automobiles ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Movies STD ಬೂತ್ನಲ್ಲಿ ಕೆಲಸ ಮಾಡುವಾಗ 500 ರೂ. ಸಂಬಳ; ಶೋ ಆರಂಭಿಸಿದ ಮೇಲೆ ಗಳಿಸಿದ್ದೆಷ್ಟು ಕೋಟಿ?
- Sports IPL 2024: ಕೆಕೆಆರ್ ವಿರುದ್ಧದ ಪಂದ್ಯಕ್ಕೂ ಮುನ್ನ ಕ್ರಿಕೆಟ್ ಬಿಟ್ಟು ಆರ್ಸಿಬಿ ಆಟಗಾರರು ಮಾಡಿದ್ದೇನು?
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಉಗುರುಗಳು ಹಾಳಾಗಿದೆಯೇ? ಹೀಗೆ ಮಾಡಿ ನಿಮ್ಮ ಉಗುರುಗಳು ಆಕರ್ಷಕವಾಗುವುದು
ಕೆಲವರ ಉಗುರು ನೋಡಿದರೆ ತುಂಬಾನೇ ಆಕರ್ಷಕವಾಗಿರುತ್ತದೆ, ಇನ್ನು ಕೆಲವರದ್ದು ಬಿರುಕು ಬಿಟ್ಟಿರುತ್ತದೆ, ಉಗುರು ಸ್ವಲ್ಪ ಹಳದಿ ಬಣ್ಣಕ್ಕೆ ತಿರುಗಿರುತ್ತದೆ. ಉಗುರು ಬಿಳಿಯಾಗಿ ಕಂಡರೆ ನೋಡಲು ಆಕರ್ಷಕವಾಗಿ ಕಾಣುವುದು.
ಕೆಲವರು ಉಗುರಿಗೆ ಒಂದು ದಿನ ತಪ್ಪದೆ ನೇಲ್ ಪಾಲಿಷ್ ಬಳಸುತ್ತಾರೆ, ಇನ್ನು ದಿನಾ ಶೂ ಹಾಕುವವರು ಉಗುರುಗಳ ಆರೈಕೆ ಬಗ್ಗೆ ಗಮನ ಹರಿಸದಿದ್ದರೆ ಕಾಲಿನ ಉಗುರುಗಳು ಹಾಳಾಗುವುದು. ಹಾಗಂತ ಉಗುರುಗಳ ಆರೈಕೆಯನ್ನು ಪಾರ್ಲರ್ಗೆ ಹೋಗಿ ಮಾಡುವುದಾದರೆ ದುಡ್ಡು ಖರ್ಚಾಗುವುದು. ನಾವಿಲ್ಲಿ ಹೆಚ್ಚೇನು ಖರ್ಚು ಇಲ್ಲದೆ ನೀವೇ ನಿಮ್ಮ ಕೂದಲಿನ ಆರೈಕೆ ಮಾಡುವುದು ಹೇಗೆ ಎಂದು ಹೇಳಿದ್ದೇವೆ. ನಿಮ್ಮ ಬಹುತೇಕ ಉಗುರಿನ ಸಮಸ್ಯೆಗೆ ಇಲ್ಲಿ ನಿಮಗೆ ಸಿಗಬಹುದು ಪರಿಹಾರ:
ಉಗುರುಗಳು ಸ್ವಲ್ಪ ಹಳದಿ ಬಣ್ಣಕ್ಕೆ ತಿರುಗಿದೆಯೇ?
ಉಗುರುಗಳು ಕಂದು ಅಥವಾ ಹಳದಿ ಬಣ್ಣಕ್ಕೆ ತಿರುಗಿದ್ದರೆ ಆ ಉಗುರುಗಳನ್ನು ಬೆಳಗ್ಗೆ ಸುಂದರವಾಗಿ ಕಾಣುವಂತೆ ಮಾಡುವುದು ತುಂಬಾನೇ ಸುಲಭ. ಒಂದು ಕಪ್ಗೆ 1 ಚಮಚ ಅಡುಗೆ ಸೋಡಾ ಹಾಕಿ ಅದಕ್ಕೆ ಅರ್ಧ ಚಮಚ ಆಲೀವ್ ಎಣ್ಣೆ ಅಥವಾ ತೆಂಗಿನೆಣ್ಣೆ ಹಾಕಿ, ಅರ್ಧ ನಿಂಬೆರಸ ಹಿಂಡಿ ಮಿಕ್ಸ್ ಮಾಡಿ. ನಂತರ ಹಳೆಯ ಟೂತ್ ಪೇಸ್ಟ್ ತೆಗೆದು ಈ ಪೇಸ್ಟ್ ಹಾಕಿ ಉಗುರುಗಳನ್ನು ಮೆಲ್ಲನೆ ತಿಕ್ಕಿದರೆ ಉಗುರುಗಳು ಬೆಳ್ಳಗೆ ಆಕರ್ಷಕವಾಗಿ ಕಾಣುವುದು.
ನಿಮ್ಮ ಉಗುರಿನಲ್ಲಿ ಬಿರುಕಿದ್ದರೆ
ಉಗುರಿನಲ್ಲಿ ಬಿರುಕು ಕಂಡು ಬಂದರೆ ನೇಲ್ ಪಾಲೀಷ್ ಹಚ್ಚಲು ಹೋಗಬೇಡಿ, ನಿಮ್ಮ ಉಗುರು ಉಸಿರಾಡಲು ಅವಕಾಶ ನೀಡಿ. ದಿನಾ ಎಣ್ಣೆಯಿಂದ ಮಸಾಜ್ ಮಾಡಿ, ಕೆಲವೇ ದಿನಗಳಲ್ಲಿ ಉಗುರು ಮೊದಲಿನಂತೆ ಸರಿ ಹೋಗುವುದು.
ನಿಮ್ಮ ಉಗುರುಗಳು ಬೇಗನೆ ಮುರಿದು ಹೋಗುವುದೇ?
ಕೆಲವರಿಗೆ ಉಗುರು ಸ್ವಲ್ಪ ಉದ್ದ ಬಿಟ್ಟು ಚೆನ್ನಾಗಿ ಶೇಪ್ ನೀಡಬೇಕೆಂಬ ಆಸೆ ಇರುತ್ತದೆ, ಆದರೆ ಸ್ವಲ್ಪ ಉದ್ದ ಬರುವಷ್ಟರಲ್ಲಿ ತನ್ನಿಷ್ಟಕ್ಕೆ ಮುರಿದು ಹೋಗುವುದು. ಉಗುರು ಬಲವಿಲ್ಲದ ಕಾರಣ ಬೇಗನೆ ಮುರಿದು ಹೋಗುವುದು. ನೀವು ಒಂದು ಚಿಕ್ಕ ಕಪ್ಗೆ ಆಲೀವ್ ಎಣ್ಣೆ ಅಥವಾ ತೆಂಗಿನೆಣ್ಣೆ ಹಾಕಿ ಅದರಲ್ಲಿ ಬೆರಳುಗಳನ್ನು 15 ನಿಮಿಷ ಅದ್ದಿ ಇಡಿ. ನೀವು ಟಿವಿ ನೋಡುವಾಗ ಈ ರೀತಿ ಮಾಡಬಹುದು. ಈ ರೀತಿ ಪ್ರತೀದಿನ ಮಾಡುತ್ತಿದ್ದರೆ ಉಗುರುಗಳು ಬಲವಾಗುವುದು.
ಬೇಗನೆ ಒಣಗುವ ನೇಲ್ ಪಾಲಿಷ್ ಬಳಸಬೇಡಿ
ನಮಗೆ ನೇಲ್ ಪಾಲಿಷ್ ಹಾಕಿದ ತಕ್ಷಣ ಬೇಗನೆ ಒಣಗಿದರೆ ತುಂಬಾನೇ ಇಷ್ಟವಾಗುವುದು. ಆದರೆ ಅಂಥ ನೇಲ್ ಪಾಲಿಷ್ಗಳು ಉಗುರುಗಳ ಆರೋಗ್ಯದ ದೃಷ್ಟಿಯಿಂದ ಒಳ್ಳೆಯದಲ್ಲ. ಇಂಥ ನೇಲ್ ಪಾಲಿಷ್ಗಳಲ್ಲಿ ಆಲ್ಕೋಹಾಲ್ ಹಾಗೂ ಫಾರ್ಮಲ್ಡೀಹೈಡ್ ಅಧಿಕವಿರುತ್ತದೆ. ಆದ್ದರಿಂದ ಗುಣಮಟ್ಟದ ನೇಲ್ ಪಾಲಿಷ್ ಬಳಸಿ.
ಕೆಲಸ ಮಾಡುವಾಗ ಕೈ ಗ್ಲೌಸ್ ಅಥವಾ ಕವರ್ ಧರಿಸಿ
ಮನೆಯಲ್ಲಿ ಒರೆಸುವುದು, ಪಾತ್ರೆ ತೊಳೆಯುವುದು ಮುಂತಾದ ಕೆಲಸ ಮಾಡುವಾಗ ಕೈಗಳಿಗೆ ಗ್ಲೌಸ್ ಧರಿಸಿದರೆ ಉಗುರುಗಳಿಗೆ ಪಾತ್ರೆ ಥವಾ ಬಟ್ಟೆ ಉಜ್ಜುವ ಸೋಪ್, ಮತ್ತಿತರ ವಸ್ತುಗಳು ತಾಗಿ ಉಗುರುಗಳು ಹಾಳಾಗದಂತೆ ತಡೆಗಟ್ಟಬಹುದಾಗಿದೆ.