Just In
- 8 hrs ago ವೃಷಭ ರಾಶಿಗೆ ಗುರು ಸಂಚಾರ: ಗುರು ನಿಮ್ಮ ಲಗ್ನ ಮನೆಯಲ್ಲಿ ಇರುವುದರಿಂದ ಇದರ ಪ್ರಭಾವ ಹೇಗಿರಲಿದೆ?
- 9 hrs ago ವೃಷಭ ರಾಶಿಗೆ ದೇವಗುರುವಿನ ಸಂಚಾರ: ಮೇಷ ರಾಶಿಗಳಿಗೆ ಇದರ ಪ್ರಭಾವ ಹೇಗಿರಲಿದೆ?
- 9 hrs ago ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- 11 hrs ago ದಿನ ಭವಿಷ್ಯ ಏಪ್ರಿಲ್ 19: ಶುಕ್ರವಾರದ ಈ ಶುಭ ದಿನ ನಿಮ್ಮ ರಾಶಿಗೆ ಹೇಗಿರಲಿದೆ?
Don't Miss
- News ಹಳೇ ಹುಲಿ ಪಿಸಿ ಮೋಹನ್ ಎದುರು ಮನ್ಸೂರ್ ಅಲಿ ಖಾನ್ ಕಣಕ್ಕೆ; ಮತ್ತೊಮ್ಮೆ ಇತಿಹಾಸ ಬರೆಯುತ್ತಾರಾ ಬಿಜೆಪಿ ಕಲಿ?
- Finance ಜಗತ್ತಿಗೆ ಭಾರತವೇ ಬಾಸ್, ಅಂತಾರಾಷ್ಟ್ರೀಯ ಹಣಕಾಸು ನಿಧಿ ಹೇಳಿದ್ದು ಏನು?
- Movies 'ಮಾರ್ಟಿನ್' ಚಿತ್ರದ ನಿರ್ಮಾಪಕ- ನಿರ್ದೇಶಕರ ಮಧ್ಯೆ ಕಿರಿಕ್: ಕೊನೆಗೂ ಸಿಕ್ತು ಸ್ಪಷ್ಟನೆ
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕುತ್ತಿಗೆಯ ಸುತ್ತಲೂ ಮೂಡಿರುವ ನೆರಿಗೆಯ ಸಮಸ್ಯೆಗೆ ಸೂಕ್ತ ಪರಿಹಾರಗಳು
ಮುಖವು ಬಿಳಿಯಾಗಿ, ಕಾಂತಿಯಿಂದ ಹೊಳೆಯುತ್ತಲಿದ್ದು, ಅದರ ಕೆಳಗಿರುವ ಕುತ್ತಿಗೆಯು ಕಪ್ಪಾಗಿದ್ದರೆ ಆಗ ನಿಮ್ಮ ಸೌಂದರ್ಯವು ನೀರಿನಲ್ಲಿಟ್ಟ ಹೋಮದಂತೆ ಆಗುವುದು. ನೀವು ಮುಖಕ್ಕೆ ಎಷ್ಟೇ ಆರೈಕೆ, ಮೇಕಪ್ ಮಾಡಿದರೂ ನೆರಿಗೆಗಟ್ಟಿದ ಕುತ್ತಿಗೆಯ ಬಣ್ಣವು ಎಲ್ಲವನ್ನು ನುಂಗಿ ಹಾಕುವುದು. ಕುತ್ತಿಗೆಯ ಆರೈಕೆ ಮಾಡುವುದು ಕೂಡ ಅತೀ ಅಗತ್ಯವಾಗಿದೆ.
ಕುತ್ತಿಗೆಯಲ್ಲಿ ನೆರಿಗೆಗಳು ಬಂದಿದ್ದರೆ ಅದಕ್ಕೆ ಪ್ರಮುಖ ಕಾರಣ ವಯಸ್ಸಾಗುತ್ತಿದೆ ಎಂದಲ್ಲ. ನಿಮ್ಮ ಜೀವನಶೈಲಿ, ಸೂರ್ಯನ ಬಿಸಿಲಿಗೆ ಅತಿಯಾಗಿ ಮೈಯೊಡ್ಡುವುದು, ಧೂಮಪಾನ ಮತ್ತು ಮಧ್ಯಪಾನ, ರಾಸಾಯನಿಕ ಚಿಕಿತ್ಸೆ ಇತ್ಯಾದಿ ಪ್ರಮುಖವಾಗಿದೆ. ಹದಿಹರೆಯದವರಲ್ಲಿ ಕೂಡ ಇಂತಹ ಸಮಸ್ಯೆ ಕಂಡುಬರುವುದು. ಇಂತಹ ಸಮಸ್ಯೆ ನಿವಾರಣೆ ಮಾಡಲು ಕೆಲವೊಂದು ನೈಸರ್ಗಿಕ ವಿಧಾನಗಳು ಇವೆ. ಇದನ್ನು ನೀವು ಬಳಸಿಕೊಂಡರೆ ಆಗ ನೆರಿಗೆ ಮುಕ್ತ ಮತ್ತು ಯೌವನಯುತ ಕುತ್ತಿಗೆ ಪಡೆಯಲು ನೆರವಾಗುವುದು....
ಎಕ್ಸ್ಫೊಲಿಯೆಟ್
ಎಕ್ಸ್ಫೊಲಿಯೆಟ್ ನಿಂದ ಸತ್ತ ಚರ್ಮದ ಕೋಶಗಳನ್ನು ತೆಗೆಯಲು ನೆರವಾಗುವುದು. ಇದರಿಂದ ಚರ್ಮವು ಬಿಳಿ ಮತ್ತು ಯೌವನಯುತವಾಗುವುದು. ಇದು ಮೊಡವೆ ಬರುವುದನ್ನು ತಡೆಯುವುದು.
ಬೇಕಾಗುವ ಸಾಮಗ್ರಿಗಳು
2 ಚಮಚ ಲಿಂಬೆರಸ
1 ಟೊಮೆಟೊ
5 ಚಮಚ ಓಟ್ ಮೀಲ್
ಬಳಸುವ ವಿಧಾನ
ಟೊಮೆಟೊವನ್ನು ರುಬ್ಬಿಕೊಂಡು ಪೇಸ್ಟ್ ಮಾಡಿಕೊಳ್ಳಿ. ಈ ಪ್ಯೂರಿಗೆ ಎರಡು ಚಮಚ ಲಿಂಬೆರಸ ಹಾಕಿ. ಬಳಿಕ ಐದು ಚಮಚ ಓಟ್ ಮೀಲ್ ಹಾಕಿಕೊಳ್ಳಿ. ಈ ಮಿಶ್ರಣವನ್ನು ಕುತ್ತಿಗೆಗೆ ಹಚ್ಚಿಕೊಂಡು ವೃತ್ತಾಕಾರದಲ್ಲಿ ಮಸಾಜ್ ಮಾಡಿ. ತುಂಬಾ ಗಡುಸಾಗಿ ಸ್ಕ್ರಬ್ ಮಾಡಬೇಡಿ. 15 ನಿಮಿಷ ಇದನ್ನು ಹಾಗೆ ಬಿಟ್ಟು ಬಳಿಕ ತಣ್ಣೀರಿನಿಂದ ತೊಳೆಯಿರಿ.
ಮಸಾಜ್
ಸ್ಕ್ರಬ್ ಮತ್ತು ಮಾಸ್ಕ್ ನೊಂದಿಗೆ ಮಸಾಜ್ ಕೂಡ ತುಂಬಾ ಪ್ರಾಮುಖ್ಯತೆ ಪಡೆಯುವುದು. ಮಸಾಜ್ ನಿಂದ ಕುತ್ತಿಗೆಯಲ್ಲಿ ರಕ್ತಪರಿಚಲನೆಯು ಹೆಚ್ಚಾಗಿ ನೆರಿಗೆಯು ಕಡಿಮೆಯಾಗುವಂತೆ ಮಾಡುವುದು.
ರಾತ್ರಿ ಮಲಗುವ ಮೊದಲು ಸ್ವಲ್ಪ ಮೊಶ್ಚಿರೈಸರ್ ನ್ನು ಕುತ್ತಿಗೆಗೆ ಹಚ್ಚಿಕೊಳ್ಳಿ. ಮೇಲ್ಮುಖವಾಗಿ ಮೊಶ್ಚಿರೈಸರ್ ಹಚ್ಚಿಕೊಂಡು ಭುಜದ ಭಾಗದಿಂದ ದವಡೆ ಭಾಗಕ್ಕೆ ಮಸಾಜ್ ಮಾಡುತ್ತಾ ಹೋಗಿ. ನೀವು ಮೇಲ್ಮುಖವಾಗಿಯೇ ಮಸಾಜ್ ಮಾಡಿ.
ಮಾಸ್ಕ್
ಸುಂದರ ಹಾಗೂ ಕಾಂತಿಯುತ ಚರ್ಮವನ್ನು ನಿರ್ವಹಣೆ ಮಾಡಲು ಮಾಸ್ಕ್ ತುಂಬಾ ಮುಖ್ಯ. ಸುಂದರ ಹಾಗೂ ಯೌವನಭರಿತ ಕುತ್ತಿಗೆ ಪಡೆಯಲು ಇದನ್ನು ಹಚ್ಚಿಕೊಳ್ಳಿ.
ಬೇಕಾಗುವ ಸಾಮಗ್ರಿಗಳು
ಬಾಳೆಹಣ್ಣು
1 ಚಮಚ ಜೇನುತುಪ್ಪ
ಮೊಟ್ಟೆ ಬಿಳಿಭಾಗ
ಬಳಸುವ ವಿಧಾನ
ಹಣ್ಣಾದ ಬಾಳೆಹಣ್ಣನ್ನು ಸರಿಯಾಗಿ ಹಿಚುಕಿಕೊಂಡು ಪೇಸ್ಟ್ ಮಾಡಿ. ಮೊಟ್ಟೆಯಿಂದ ಅದರ ಬಿಳಿ ಭಾಗವನ್ನು ತೆಗೆಯಿರಿ ಮತ್ತು ಇದನ್ನು ಬಾಳೆಹಣ್ಣಿಗೆ ಸೇರಿಸಿ. ಇದನ್ನು ಸರಿಯಾಗಿ ಕಲಸಿಕೊಳ್ಳಿ. ಬಳಿಕ ಒಂದು ಚಮಚ ಜೇನುತುಪ್ಪ ಹಾಕಿಕೊಂಡು ಮಿಶ್ರಣ ಮಾಡಿ. ದಪ್ಪಗಿನ ಪೇಸ್ಟ್ ನ್ನು ಕುತ್ತಿಗೆಗೆ ಹಚ್ಚಿಕೊಂಡು 15-20 ನಿಮಿಷ ಕಾಲ ಹಾಗೆ ಬಿಡಿ. ತಣ್ಣೀರಿನಿಂದ ಇದನ್ನು ತೊಳೆಯಿರಿ. ಈಗ ನಿಮಗೆ ಬದಲಾವಣೆ ಕಂಡುಬರುವುದು. ತಿಂಗಳ ಕಾಲ ವಾರದಲ್ಲಿ ಒಂದು ಸಲ ಈ ಪ್ಯಾಕ್ ನ್ನು ಹಚ್ಚಿಕೊಂಡರೆ ಫಲಿತಾಂಶ ಖಚಿತ.
ಮಲಗುವ ಭಂಗಿ ಬದಲಾಯಿಸಿಕೊಳ್ಳಿ
ಮುಖವು ತಲೆದಿಂಬಿಗೆ ಒತ್ತಿಹೋಗುವಂತಹ ಭಂಗಿಯಲ್ಲಿ ನೀವು ಮಲಗಬೇಡಿ. ಇದರಿಂದಾಗಿ ನಿಮ್ಮ ಮುಖ ಹಾಗೂ ಕುತ್ತಿಗೆಯಲ್ಲಿ ನೆರಿಗೆ ಕಾಣಿಸುವುದು. ನೆರಿಗೆ ಬರದಂತೆ ತಡೆಯಲು ಯಾವಾಗಲೂ ಬೆನ್ನ ಮೇಲೆ ಮಲಗಿ.
ನೇರವಾಗಿ ಕುಳಿತುಕೊಳ್ಳಿ
ಕುತ್ತಿಗೆಯಲ್ಲಿ ನೆರಿಗೆ ಬರಲು ನಮ್ಮ ದೇಹದ ಭಂಗಿಯು ಪ್ರಮುಖ ಪಾತ್ರ ವಹಿಸುವುದು. ಮೊಬೈಲ್ ಅಥವಾ ಲ್ಯಾಪ್ ಟಾಪ್ ಹಿಡಿದುಕೊಂಡು ಬಗ್ಗಿ ಕುಳಿತು ಕೆಲಸ ಮಾಡಿದರೆ ಆಗ ಚರ್ಮದಲ್ಲಿ ನೆರಿಗೆ ಮೂಡುವುದು ಮಾತ್ರವಲ್ಲದೆ, ಬೆನ್ನು ನೋವು ಕೂಡ ಕಾಣಿಸಿಕೊಳ್ಳುವುದು. ಇದರಿಂದ ಯಾವಾಗಲೂ ನೀವು ನೇರವಾಗಿ ಕುಳಿತುಕೊಳ್ಳಿ ಮತ್ತು ದೇಹಕ್ಕೆ ಒತ್ತಡ ಹಾಕಬೇಡಿ.
ಐಸ್ ಥೆರಪಿ
ಐಸ್ ನ್ನು ಕುತ್ತಿಗೆ ಉಜ್ಜಿಕೊಳ್ಳುವುದರಿಂದ ನೆರಿಗೆಗಳು ಕಡಿಮೆಯಾಗುವುದು ಮತ್ತು ಯೌವನಯುತವಾಗಿ ಕಾಣುವುದು. ಯಾಕೆಂದರೆ ಇದು ರಕ್ತಪರಿಚಲನೆ ಹೆಚ್ಚಿಸುವುದು. ಇದು ಚರ್ಮದಲ್ಲಿನ ಉರಿಯೂತವನ್ನು ಕಡಿಮೆ ಮಾಡುವುದರಿಂದ ಚರ್ಮವು ಹೆಚ್ಚು ಸ್ಥಿರವಾಗುವುದು.