ಸಮಸ್ಯೆಗಳನ್ನು ದೂರ ಮಾಡುವ ವಿಘ್ನ ಗಣಪತಿಯ 12 ಶಕ್ತಿಗಳು

ಸಂಭ್ರಮಿಸುವ ಮಗುವಿನಂತೆ ಅಥವಾ ಸಂಗೀತ ಸಾಧನ ನುಡಿಸುವ ಹಾಗೆ ನಿಮಗೆ ಗಣಪತಿಯು ಕಾಣಿಸಿಕೊಳ್ಳ ಬಹುದು. ಗಣಪತಿಗೆ ತಿಂಡಿ ಎಂದರೆ ಪಂಚಪ್ರಾಣ. ಇದರಿಂದ ಗಣಪತಿ ಪೂಜೆಗೆ ವಿವಿಧ ರೀತಿಯ ಭಕ್ಷ್ಯಗಳನ್ನು ಅರ್ಪಿಸಲಾಗುವುದು. ಕೆಲವೊಂದು ಹಣ್ಣುಗಳಾಗಿರುವ ಹಲಸು, ಬಾಳೆಹಣ್ಣು, ದಾಳಿಂಬೆ ಇತ್ಯಾದಿಗಳೊಂದಿಗೆ ಸಿಹಿ ತಿನಿಸುಗಳನ್ನು ನೀಡಲಾಗುತ್ತದೆ. ಅದರಲ್ಲೂ ಗಣಪನಿಗೆ ಮೋದಕವೆಂದರೆ ಅಚ್ಚುಮೆಚ್ಚು. ಗಣಪತಿ ದೇವರನ್ನು ಹೆಚ್ಚಾಗಿ ಜನರು ತಮ್ಮ ಆಪ್ತ ಸ್ನೇಹಿತನಂತೆ ಬರಮಾಡಿಕೊಳ್ಳುವರು. ಗಣಪತಿಯನ್ನು ಗಣಗಳ ದೇವನೆಂದು ಕರೆಯಲಾಗುತ್ತದೆ. 1995ರಲ್ಲಿ ಭಾರತದಲ್ಲಿ ಗಣಪತಿ ಮೂರ್ತಿ ಹಾಲು ಕುಡಿದ ಎನ್ನುವ ಪವಾಡವು ನಡೆದಿತ್ತು. ಈ ಸಮಯದಲ್ಲಿ ಹೆಚ್ಚಿನ ಎಲ್ಲಾ ಮನೆ ಹಾಗೂ ದೇವಾಲಯಗಳಿದ್ದ ಗಣಪತಿಯ ಮೂರ್ತಿಯು ಹಾಲು ಕುಡಿದಿತ್ತು. ಇದರ ಬಗ್ಗೆ ಹೆಚ್ಚಿನವರಿಗೆ ತಿಳಿದೇ ಇದೆ.

ಗಣಪತಿ ದೇವರನ್ನು ಬೇರೆ ಯಾವುದೇ ದೇವರು ಅಥವಾ ದೇವತೆಯೊಂದಿಗೆ ಪೂಜಿಸಬಹುದು. ಮನೆ ಹಾಗೂ ದೇವಾಲಯಗಳಲ್ಲಿ ಹೆಚ್ಚಾಗಿ ಗಣಪತಿ ದೇವರೊಂದಿಗೆ ಬೇರೊಂದು ದೇವರು ಇದ್ದೇ ಇರುವರು. ಯಾಕೆಂದರೆ ಗಣಪತಿಯ ಆಶೀರ್ವಾದವಿಲ್ಲದೆ ನಿಮಗೆ ಯಾವುದೇ ರೀತಿಯ ಯಶಸ್ಸು ಸಿಗದು. ಶಿವನ ಗಣಗಳ ಸೇನೆಯ ನಾಯಕನಾಗಿರುವ ಗಣಪತಿಯಲ್ಲಿ ಅದ್ಭುತ ಶಕ್ತಿಯಿದೆ. ಗಣಪತಿ ದೇವರು ಸಾಮಾನ್ಯ ಕಣ್ಣಿಗೆ ಕಾಣಿಸದೆ ಇರುವಂತಹ ಹಲವಾರು ದುಷ್ಟಶಕ್ತಿಗಳು ಮತ್ತು ಅಡೆತಡೆಗಳನ್ನು ದೂರ ಮಾಡುವರು.

ಮೂಲಾಧಾರ ಚಕ್ರದಲ್ಲಿ ಗಣಪತಿ ದೇವರಿರುವರು. ಇದನ್ನೇ ಕುಂಡಲಿನಿ ಶಕ್ತಿ ಎಂದು ಕರೆಯಲಾಗುತ್ತದೆ. ಗಣೇಶ ದೇವರನ್ನು ಎಬ್ಬಿಸದೆ ನಿಮ್ಮ ದೈಹಿಕ ಅಥವಾ ಸಿದ್ಧಿಯ ಶಕ್ತಿಯು ಲಭಿಸದು. ಈ ಚಕ್ರವು ಸೃಷ್ಟಿಗೆ ಧ್ವನಿ ಕಂಪನ ಉಂಟು ಮಾಡುವ ಸಾಮರ್ಥ್ಯ ಹೊಂದಿದೆ. ಪ್ರಬಲ ನೆನಪಿನ ಶಕ್ತಿ ಬೆಳವಣಿಗೆ ಮತ್ತು ಅಂತಃದೃಷ್ಟಿಯ ಕಲಿಕೆಯು ಉಂಟಾಗುವುದು. ದೇಹದ ಚಕ್ರದಲ್ಲಿ ಗಣೇಶನು ನೆಲೆನಿಂತಿರುವ ಕಾರಣದಿಂದ ಆತ ನಿಮ್ಮ ಅಸೂಹೆ, ಕ್ರೋಧ, ಭೀತಿ ಮತ್ತು ಗೊಂದಲವನ್ನು ದೂರ ಮಾಡುವನು.

ತಪ್ಪುತಿಳುವಳಿಕೆಯ ಕಾರ್ಮೋಡವನ್ನು ದೂರ ಮಾಡಲು ಮತ್ತು ಯಾವುದೇ ಕಠಿಣ ಪರಿಸ್ಥಿತಿ ವಿರುದ್ಧ ಹೋರಾಡಲು ಗಣಪತಿ ದೇವರು ನೆರವಾಗುವರು. ಸ್ನೇಹಪರವಾಗಿರುವ ದೇವರಾಗಿರುವ ಗಣಪತಿ ದೇವರು ನೆರವಿಗೆ ಲಭ್ಯವಿರುವರು ಮತ್ತು ಅವರನ್ನು ನಂಬಿದವರ ಸಮಸ್ಯೆಗಳನ್ನು ದೂರ ಮಾಡುವರು. ನಿಮ್ಮ ಶತ್ರುವನ್ನು ದೂರ ಮಾಡಲು ಗಣಪತಿ ದೇವರ ಧ್ಯಾನ ಮಾಡಬಹುದು. ಗಣಪತಿ ದೇವರು ಯಾವುದೇ ಸಂಕಷ್ಟ ಮತ್ತು ಸಮಸ್ಯೆಯಲ್ಲಿ ನಿಮಗೆ ನೆರವಾಗುವ ಕಾರಣದಿಂದ ಯಶಸ್ಸು ಮತ್ತು ಸಂತೋಷವು ನಿಮಗೆ ಸಿಗುವುದು. ಗಣಪತಿ ದೇವರ ಈ 12 ಶಕ್ತಿಗಳ ಧ್ಯಾನ ಮಾಡಿ ಮತ್ತು ನಿಮಗೆ ಜೀವನದಲ್ಲಿ ಯಾವ ರೀತಿಯಿಂದ ಇದು ನೆರವಾಗುವುದು ಎಂದು ತಿಳಿಯಿರಿ.