ಗಣೇಶ ಚತುರ್ಥಿಗೆ ತೆಂಗಿನಕಾಯಿ ಲಡ್ಡು

Posted by:
 

Coconut Laddu Recipe
ಗಣೇಶ ಚತುರ್ಥಿಗೆ ಒಂದು ವಾರದ ಮೊದಲೆ ಚಕ್ಕೂಲಿ, ಉಂಡೆ, ಮೋದಕ ತಿಂಡಿಗಳನ್ನು ತಯಾರಿಲಾಗುವುದು. ಗಣೇಶ ಹಬ್ಬಕ್ಕೆ ಲಂಬೋಧರನಿಗೆ ಪ್ರಿಯವಾದ ಅನೇಕ ಬಗೆಯ ಲಡ್ಡುಗಳನ್ನು ತಯಾರಿಸುತ್ತಾರೆ. ಇವತ್ತು ನಾವು ಸುಲಭವಾಗಿ ತಯಾರಿಸಬಹುದಾದ ತೆಂಗಿನಕಾಯಿ ಲಡ್ಡು ಮಾಡುವ ವಿಧಾನ ತಿಳಿಯೋಣ:

ಮಾಡುವ ವಿಧಾನ:

2 ಕಪ್ ತುರಿ ತೆಂಗಿನಕಾಯಿ
ಅರ್ಧ ಕಪ್ ಸಕ್ಕರೆ (ನಿಮಗೆ ಎಷ್ಟು ಸಿಹಿ ಬೇಕೊ ಅಷ್ಟು ಅಳತೆಯಲ್ಲಿ ಹಾಕಿ)
ಒಂದು ಲೀಟರ್ ಹಾಲು
ಒಣ ಕೊಬ್ಬರಿ ಅರ್ಧ ಕಪ್ (ಜಜ್ಜಿದ ಅಥವಾ ಚಿಕ್ಕದಾಗಿ ಕತ್ತರಿಸಿದ)
ಸ್ವಲ್ಪ ಬಾದಾಮಿ

ತಯಾರಿಸುವ ವಿಧಾನ:

1. ಪಾತ್ರೆಯನ್ನು ಬಿಸಿ ಮಾಡಿ ಅದರಲ್ಲಿ ಹಾಲು ಹಾಕಿ ಒಂದು ಲೀಟರ್ ಹಾಲು ಅರ್ಧ ಲೀಟರ್ ಬರುವವರೆಗೆ ಕುದಿಸಬೇಕು. ನಂತರ ಸಕ್ಕರೆ ಹಾಕಿ ಕುದಿಸಬೇಕು. ಸಕ್ಕರೆ ಚೆನ್ನಾಗಿ ಕರಗಿದ ನಂತರ ತುರಿದ ತೆಂಗಿನ ಕಾಯಿ ಹಾಕಿ 3-5 ನಿಮಿಷ ಕಲೆಸಬೇಕು (ಹೀಗೆ ಮಾಡುವಾಗ ಗ್ಯಾಸ್ ಅನ್ನು ಕಡಿಮೆ ಉರಿಯಲ್ಲಿ ಇಡಬೇಕು).

2. ನಂತರ ಈ ಮಿಶ್ರಣವನ್ನು ಉರಿಯಿಂದ ತೆಗೆದು ತಣ್ಣಗಾಗಲು ಬಿಡಬೇಕು. ನಂತರ ಸ್ವಲ್ಪ-ಸ್ವಲ್ಪ ಮಿಶ್ರಣವನ್ನು ತೆಗೆದುಕೊಂಡು ಉಂಡೆ ಕಟ್ಟಬೇಕು. ನಂತರ ಉಂಡೆಯನ್ನು ಒಣ ಕೊಬ್ಬರಿಯ ಮೇಲೆ ಹೊರಳಾಡಿಸಿ ಅದರ ಮೇಲೆ ಒಂದೊಂದು ಬಾದಾಮಿ ಇಟ್ಟರೆ ಸವೆಯಲು ರುಚಿಕರವಾದ ತೆಂಗಿನಕಾಯಿ ಲಡ್ಡು ರೆಡಿ.

ಮೋದಕದ ರೆಸಿಪಿ ತಿಳಿಯಲು ಮುಂದೆ ನೋಡಿ.

English summary

Coconut Laddu Recipe | Ganesh Festival Recipe | ತೆಂಗಿನ ಕಾಯಿ ಲಡ್ಡು ರೆಸಿಪಿ | ಗಣೇಶ ಹಬ್ಬಕ್ಕೆ ವಿಶೇಷ ರೆಸಿಪಿ

Laddu is a favourite food of Ganesha. During Ganesha Festival will prepare too many variety of laddu. Here we have given the recipe of coconut laddu.
Story first published: Thursday, September 13, 2012, 15:38 [IST]
Write Comments

Subscribe Newsletter
Boldsky ಈ-ಮಳಿಗೆ