ಮೈ ಮನಸ್ಸಿಗೆ ಮುದ ನೀಡುವ ಗೋಬಿ ಡ್ರೈ ರೆಸಿಪಿ

Snacks

oi-Manohar

By Manohar Shetty

| Updated: Monday, October 5, 2015, 18:04 [IST]

ಈ ಮಧ್ಯಾಹ್ನ ನಾವು ನಿಮಗಾಗಿ ಕೆಲವೊಂದು ವಿಶೇಷವಾದ ಮತ್ತು ಸ್ವಾದಿಷ್ಟವಾದ ಚಿಲ್ಲಿ ಗೋಬಿ ಡ್ರೈ ಫ್ರೈ ರೆಸಿಪಿಯನ್ನು ತಯಾರಿಸುವ ಬಗೆಯನ್ನು ಹೇಳಿ ಕೊಡುತ್ತಿದ್ದೇವೆ. ಈ ಗೋಬಿ ಡ್ರೈ ಫ್ರೈ ರೆಸಿಪಿ ಮಾಡುವ ಬಗೆಯನ್ನು ನಾವು ನಿಮಗಾಗಿ ತಿಳಿಸಿಕೊಡಲಿದ್ದೇವೆ. ಈ ಸ್ಟಾರ್ಟರ್ ರೆಸಿಪಿಯು ಗರಿ ಗರಿಯಾಗಿರುತ್ತದೆ ಮತ್ತು ನಿಮ್ಮ ಬಾಯಿಗೆ ಸ್ವಾದವನ್ನು ಸಹ ನೀಡುತ್ತದೆ. ರುಚಿಕರವಾದ ಈ ಡ್ರೈ ಫ್ರೈ ರೆಸಿಪಿಯನ್ನು ಸವಿಯಲು ಯಾವುದೇ ಗ್ರೇವಿಯ ಅಗತ್ಯವಿಲ್ಲ. ಮನೆಯಲ್ಲಿಯೆ ಆನಂದಿಸಿ ಗೋಬಿ ಮಂಚೂರಿ ರುಚಿ

*ಪ್ರಮಾಣ: ಮೂವರಿಗೆ ಬಡಿಸಬಹುದು.
*ತಯಾರಿಕೆಗೆ ತಗುಲುವ ಸಮಯ: 16 ನಿಮಿಷಗಳು
*ಅಡುಗೆಗೆ ತಗುಲುವ ಸಮಯ: 10 ನಿಮಿಷಗಳು

ಬೇಕಾಗುವ ಪದಾರ್ಥಗಳು
*ಗೋಬಿ - 1 (ಕತ್ತರಿಸಿದಂತಹುದು)
*ಕಡಲೆ ಹಿಟ್ಟು - 4 ಟೀ.ಚಮಚ
*ಕಾರ್ನ್ ಫ್ಲೋರ್- 1 ಟೀ.ಚಮಚ
*ಬೇಕಿಂಗ್ ಸೋಡಾ - ¼ ಟೀ.ಚಮಚ

*ಈರುಳ್ಳಿ ಹೂವು (ಸ್ಪ್ರಿಂಗ್ ಆನಿಯನ್) - 1 ಕಟ್ಟು (ಸಣ್ಣಗೆ ಕತ್ತರಿಸಿದಂತಹುದು)
*ಕೊತ್ತೊಂಬರಿ ಪುಡಿ - 1 ಟೀ.ಚಮಚ
*ಚಾಟ್ ಮಸಾಲ - 1 ಟೀ.ಚಮಚ
*ಜೀರಿಗೆ ಪುಡಿ - 1 ಟೀ.ಚಮಚ
*ಮೆಣಸಿನ ಕಾಯಿ ಪುಡಿ - 1 ಟೀ.ಚಮಚ
*ಸೋಯಾ ಸಾಸ್ - ½ ಟೀ.ಚಮಚ
*ವಿನಿಗರ್- ½ ಟೀ.ಚಮಚ
*ಬೆಳ್ಳುಳ್ಳಿ - 1 (ಟೀ.ಚಮಚ)
*ಶುಂಠಿ - 1 ಟೀ.ಚಮಚ(ಕತ್ತರಿಸಿದಂತಹುದು)
*ಎಣ್ಣೆ - 1 ಟೀ.ಚಮಚ
*ರುಚಿಗೆ ತಕ್ಕಷ್ಟು ಉಪ್ಪು
*ನೀರು - 2 ಕಪ್‍ಗಳು

ಮಾಡುವ ವಿಧಾನ
*ಒಂದು ಅಗಲ ತಳವಿರುವ ಮೈಕ್ರೋವೇವ್ ಓವೆನ್ ಬಟ್ಟಲನ್ನು ತೆಗೆದುಕೊಳ್ಳಿ. ಅದಕ್ಕೆ ಕಡಲೆ ಹಿಟ್ಟು, ಕಾರ್ನ್ ಸ್ಟಾರ್ಚ್, ಬೇಕಿಂಗ್ ಪುಡಿ, ಧನಿಯಾ ಪುಡಿ, ಮೆಣಸಿನ ಕಾಯಿ ಪುಡಿ, ಸೋಯಾ ಸಾಸ್, ವಿನೀಗರ್, ಕತ್ತರಿಸಿದ ಶುಂಠಿ, ಬೆಳ್ಳುಳ್ಳಿ ಮತ್ತು ರುಚಿಗೆ ತಕ್ಕಷ್ಟು ಉಪ್ಪನ್ನು ಹಾಕಿ.
*ಎಲ್ಲಾ ಪದಾರ್ಥಗಳನ್ನು ದೊಡ್ಡದಾದ ಚಮಚದ ಸಹಾಯದಿಂದ ಕಲೆಸಿ ಕೊಡಿ. ಈ ಬಟ್ಟಲಿಗೆ ಒಂದು ಕಪ್ ನೀರನ್ನು ಹಾಕಿ ಮತ್ತು ಪುಡಿಗಳನ್ನೆಲ್ಲವನ್ನು ಒಂದು ಮೃದುವಾದ ಬಜ್ಜಿ ಹಿಟ್ಟಿನಂತೆ ಕಲೆಸಿಕೊಳ್ಳಿ.
*ಈಗ ಇದಕ್ಕೆ ಒಂದು ಚಮಚ ಎಣ್ಣೆಯನ್ನು ಹಾಕಿ ಮತ್ತು ಮೊಟ್ಟೆಯನ್ನು ಕಲೆಸುವ ಸಾಧನದಿಂದ ಮಿಶ್ರಣವನ್ನು ಚೆನ್ನಾಗಿ ಕಲೆಸಿಕೊಡಿ.

*ಯಾವಾಗ ಈ ಪದಾರ್ಥಗಳೆಲ್ಲವನ್ನು ಸರಿಯಾಗಿ ಮಿಶ್ರಣ ಮಾಡಿದ ಮೇಲೆ ಅದಕ್ಕೆ ಕತ್ತರಿಸಿದ ಗೋಬಿಯನ್ನು ಹಾಕಿ. ನಂತರ ಅದನ್ನು ಮುಚ್ಚಿಡಿ. ಇದನ್ನು ಆದಷ್ಟು ಗಟ್ಟಿಯಾದ ಪೇಸ್ಟ್‌ನಂತೆ ಮಾಡಿಕೊಳ್ಳಬೇಡಿ.
*ಇನ್ನು ಒಂದು ದೊಡ್ಡದಾದ ಬಾಣಲೆಯನ್ನು ಗ್ಯಾಸ್ ಸ್ಟೌವ್ ಮೇಲೆ ಇಟ್ಟು, ಅದಕ್ಕೆ ಎಣ್ಣೆಯನ್ನು ಉಯ್ದುಕೊಳ್ಳಿ (ಡೀಪ್ ಫ್ರೈ ಮಾಡಿಕೊಳ್ಳಲು ಇದು ಅನುಕೂಲವಾಗಿರಲಿ)
*ಯಾವಾಗ ಎಣ್ಣೆಯು ಕಾಯುತ್ತದೆಯೋ, ಆಗ ಅದಕ್ಕೆ ನಿಧಾನವಾಗಿ ಗೋಬಿಯನ್ನು ಹಾಕಿ. ಈ ಗೋಬಿಯು ಹೊಂಬಣ್ಣಕ್ಕೆ ಬರುವವರೆಗೆ ಇದನ್ನು ಚೆನ್ನಾಗಿ ಡೀಪ್ ಫ್ರೈ ಮಾಡಿ.
*ಗೋಬಿಯಲ್ಲಿರುವ ಎಣ್ಣೆಯನ್ನು ಬಸಿಯಲು ಅದನ್ನು ಟಿಶ್ಯೂ ಪೇಪರ್ ಮೇಲೆ ಇಡಿ. 15 ನಿಮಿಷಗಳ ನಂತರ, ಗೋಬಿಯನ್ನು ಮತ್ತೆ ಡೀಪ್ ಫ್ರೈ ಮಾಡಿ. ಎಣ್ಣೆ ಬಸಿಯಲು ಪಕ್ಕದಲ್ಲಿಡಿ.
*ಇದರ ಮೇಲೆ ಈ*ಗ ಸ್ವಲ್ಪ ಚಾಟ್ ಮಸಾಲವನ್ನು ಹಾಕಿ. ಪದಾರ್ಥಗಳನ್ನು ಚೆನ್ನಾಗಿ ಮಿಶ್ರಣ ಮಾಡಿ. ಇದಕ್ಕೆ ಈರುಳ್ಳಿ ಹೂವಿನಿಂದ ಅಲಂಕಾರ ಮಾಡಿ. ಈಗ ಬಿಸಿ ಬಿಸಿಯಾದ ಗೋಬಿಯನ್ನು ಚಿಲ್ಲಿ ಸಾಸ್ ಜೊತೆಗೆ ಸವಿಯಲು ನೀಡಿ.

ಪೋಷಕಾಂಶದ ಸಲಹೆ
ಒಂದು ವೇಳೆ ನೀವು ತೂಕವನ್ನು ಇಳಿಸಿಕೊಳ್ಳಲು ಆಲೋಚಿಸಿದಲ್ಲಿ, ಈ ಪದಾರ್ಥವು ನಿಮಗೆ ಸೂಕ್ತವಲ್ಲ. ಇದು ಡೀಪ್ ಫ್ರೈ ಆದ ಪದಾರ್ಥವಾಗಿದ್ದು, ಇದು 100 ಕ್ಯಾಲೋರಿಗಿಂತ ಅಧಿಕ ಪೋಷಕಾಂಶವನ್ನು ಹೊಂದಿರುತ್ತದೆ.

ಸಲಹೆ
ಗೋಬಿಯನ್ನು ನೀವು ತಯಾರಿಸುವ ಮೊದಲು ಅದನ್ನು ಉಪ್ಪು ನೀರಿನಲ್ಲಿ ನೆನೆಸುವುದನ್ನು ಮರೆಯಬೇಡಿ.