For Quick Alerts
ALLOW NOTIFICATIONS  
For Daily Alerts

ಡೈಮಂಡ್ ಬಿಸ್ಕೆಟ್ ಬೇಕಾ ನಿಮಗೆ?

|
ಮಳೆಗಾಲದಲ್ಲಿ ಹೊಟ್ಟೆ ಹಸಿದಿಲ್ಲದಿದ್ದರೂ ಏನಾದರೂ ತಿನ್ನಬೇಕೆಂದು ಅನಿಸುವುದು ಸಹಜ. ಅದರಲ್ಲೂ ಹಣ್ಣು-ಹಂಪಲು ತಿನ್ನಬೇಕೆಂದು ಅನಿಸುವ ಬದಲು ಏನಾದರೂ ಕುರುಕಲು ತಿಂಡಿಗಳನ್ನು ಜಗಿಯಬೇಕೆಂದು ಆಸೆಯಾಗುವುದು. ಇಲ್ಲಿ ನಾವು ಡೈಮಂಡ್ ಬಿಸ್ಕೆಟ್ ರೆಸಿಪಿ ನೀಡಿದ್ದೇವೆ.

ಇದನ್ನು ಒಮ್ಮೆ ಮಾಡಿ ಡಬ್ಬದಲ್ಲಿಟ್ಟು ವಾರಗಳವರೆಗೆ ಇಟ್ಟು ತಿನ್ನಬಹುದು, ಇದನ್ನು ಮಾಡುವ ವಿಧಾನವಂತೂ ತುಂಬಾ ಸರಳವಾಗಿದ್ದು ರೆಸಿಪಿ ನೋಡಿ ನಿಮ್ಮ ಮುಂದಿದೆ.

ಬೇಕಾಗುವ ಸಾಮಾಗ್ರಿಗಳು
ಮೈದಾ 1 ಕಪ್
ಸಕ್ಕರೆ ಅರ್ಧ ಕಪ್( ನಿಮಗೆ ಸಿಹಿ ಎಷ್ಟು ಬೇಕೋ ಅಷ್ಟು ಹಾಕಿ ಕೊಳ್ಳಿ)
ಬೆಣ್ಣೆ 5 ಚಮಚ
ಏಲಕ್ಕಿ ಅರ್ಧ ಚಮಚ
ನೀರು 1 ಕಪ್
ಎಣ್ಣೆ (ಡೀಪ್ ಫ್ರೈ ಮಾಡಲು)

ಮಾಡುವ ವಿಧಾನ:

* ಈ ಮೇಲಿನ ಎಲ್ಲಾ ಸಾಮಾಗ್ರಿಗಳನ್ನು ಒಂದು ಪಾತ್ರೆಗೆ ಹಾಕಿ (ಎಣ್ಣೆ ಹಾಕಬೇಡಿ), ಸ್ವಲ್ಪವೇ ಸ್ವಲ್ಪ ನೀರು ಹಾಕಿ ಮಿಕ್ಸ್ ಮಾಡಿ.

* ನಂತರ ಅವುಗಳಿಂದ ಚಿಕ್ಕ-ಚಿಕ್ಕ ಉಂಡೆ ಕಟ್ಟಿ. ನಂತರ ದಪ್ಪವಾಗಿ ಚಪಾತಿಗೆ ತಟ್ಟಿದ ರೀತಿ ತಟ್ಟಿ.

* ನಂತರ ತಟ್ಟಿದ ಮಿಶ್ರಣವನ್ನು ಚಾಕು ಬಳಸಿ, ಚಿಕ್ಕ-ಚಿಕ್ಕ ತುಂಡುಗಳಾಗಿ ಕತ್ತರಿಸಿ. ಕತ್ತರಿಸುವಾಗ ತ್ರಿಭುಜಾಕಾರದಲ್ಲಿ ಕತ್ತರಿಸಿ.

* ಬಾಣಲೆಯಲ್ಲಿ ಎಣ್ಣೆ ಹಾಕಿ ಕಾಯಿಸಿ.

* ಈಗ ಕಾದ ಎಣ್ಣೆಗೆ ಕತ್ತರಿಸಿದ ತುಂಡುಗಳನ್ನು ಹಾಕಿ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ, ನಂತರ ಅವುಗಳನ್ನು ಎಣ್ಣೆಯಿಂದ ತೆಗೆದು ಎಣ್ಣೆ ಹೋಗಲು ಪೇಪರ್ ಮೇಲೆ ಹಾಕಿ. ನಂತರ ಗಾಳಿಯಾಡದ ಡಬ್ಬದಲ್ಲಿ ಹಾಕಿಟ್ಟರೆ ಎರಡು ವಾರಗಳಿಗಿಂತಲೂ ಅಧಿಕ ಕಾಲ ಇಡಬಹುದು.

English summary

Diamond Biscuits Recipe

In this rainy season even thought you are not hungry you feel to eat some thing crispy food. Here we have give the diamond biscuits recipe. If you prepare this you can store this up to couple of week, can eat whenever you feel to taste.
X
Desktop Bottom Promotion