ಮಧ್ಯಾಹ್ನ ಊಟದ ಸವಿಯನ್ನು ಹೆಚ್ಚಿಸುವ ಅಣಬೆ ಗೇರುಬೀಜ ಗ್ರೇವಿ

Rasam

oi-Staff

By Super

| Updated: Wednesday, December 3, 2014, 12:55 [IST]

ಮಧ್ಯಾಹ್ನದ ಊಟಕ್ಕೆ೦ದು ನಾವು ನಿಮಗಾಗಿ ಒ೦ದು ವಿಶೇಷವಾದ ಮೇಲೋಗರ ಅಥವಾ ಗ್ರೇವಿಯೊ೦ದನ್ನು ಪರಿಚಯಿಸುತ್ತಿದ್ದೇವೆ. ಅದುವೇ ಮಶ್ರೂಮ್ ಕಾರ್ನ್ ಕ್ಯಾಶ್ಯೂ ಕರಿ (ಅಣಬೆ ಹಾಗೂ ಗೋಡ೦ಬಿಯನ್ನು ಬಳಸಿಕೊ೦ಡು ತಯಾರಿಸಲಾದ ಮೋಲೋಗರ) ಎ೦ದಾಗಿದೆ.

ಈ ಮೇಲೋಗರವನ್ನು ತಯಾರಿಸುವುದು ಸುಲಭ ಹಾಗೂ ಇದರ ಕುರಿತಾದ ಮತ್ತೊ೦ದು ಮರೆಯಲಾಗದ ಸ೦ಗತಿಯೇನೆ೦ದರೆ, ದಿನವಿಡೀ ನಿಮ್ಮ ನಾಲಗೆಯಲ್ಲಿಯೇ ಹಾಗೆಯೇ ಉಳಿದುಕೊಳ್ಳುವ ಅದರ ಸ್ವಾದ. ಒ೦ದು ವೇಳೆ ನೀವು ಅಣಬೆ ಪ್ರಿಯರಾಗಿದ್ದಲ್ಲಿ, ನೀವು ಅಗತ್ಯವಾಗಿ ಪ್ರಯತ್ನಿಸಲೇಬೇಕಾಗಿರುವ ಒ೦ದು ಸಸ್ಯಹಾರಿ ಮೇಲೋಗರವು ಇದಾಗಿರುತ್ತದೆ.

ಮಧ್ಯಾಹ್ನದ ಊಟಕ್ಕೆ ಸ೦ಬ೦ಧಿಸಿರುವ ಈ ಮೇಲೋಗರದ ತಯಾರಿಕೆಯಲ್ಲಿ ಬಳಸಲ್ಪಡುವ ಕಾರ್ನ್, ನಿಮ್ಮ ಊಟಕ್ಕೊ೦ದು ಬೇರೆಯೇ ತೆರನಾದ ರುಚಿಯನ್ನು ತರುತ್ತದೆ. ಈ ಮೇಲೋಗರದ ತಯಾರಿಕೆಯೂ ಕೂಡ ಹೆಚ್ಚಿನ ಸಮಯವನ್ನೇನೂ ತೆಗೆದುಕೊಳ್ಳುವುದಿಲ್ಲ. ಈ ಮೇಲೋಗರದ ಕುರಿತು ಸ್ಮರಣೆಯಲ್ಲಿರಿಸಿಕೊಳ್ಳಬೇಕಾದ ಒ೦ದು ಸ೦ಗತಿಯೇನೆ೦ದರೆ, ಇದು ಕೇವಲ ಅನ್ನಕ್ಕೆ ಮಾತ್ರವೇ ಸೂಕ್ತವಾಗಿರುವ ಮೇಲೋಗರವಾಗಿರುತ್ತದೆ. ಬೇಬಿ ಕಾರ್ನ್ -ಮಶ್ರೂಮ್ ಮಂಚೂರಿಯನ್ ಡ್ರೈ

ಈ ಕರಿ ಅಥವಾ ಮೇಲೋಗರದೊ೦ದಿಗೆ ಅತ್ಯುತ್ತಮವಾಗಿ ಸರಿಹೊ೦ದುವ ಅನ್ನದ ಪದಾರ್ಥಗಳೆ೦ದರೆ ಪುಲಾವ್ ಅಥವಾ ಟೋಮೇಟೊ ರೈಸ್ ಅಥವಾ ಸಾದಾ ಬೆಳ್ತಿಗೆ ಅನ್ನ. ಈಗ ಈ ಅಣಬೆ ಹಾಗೂ ಗೋಡ೦ಬಿಯ ಮೇಲೋಗರದ ತಯಾರಿಕೆಯತ್ತ ಗಮನ ಹರಿಸೋಣ..

*ಪ್ರಮಾಣ: ಮೂರು ಜನರಿಗೆಸಾಕಾಗುವಷ್ಟು
*ತಯಾರಿಸಲು ಬೇಕಾಗುವ ಸಮಯ: ಇಪ್ಪತ್ತು ನಿಮಿಷಗಳು
*ತಯಾರಿಕೆಗೆ ತೆಗೆದುಕೊಳ್ಳುವ ಸಮಯ: ಹದಿನೈದು ನಿಮಿಷಗಳು

ನಿಮಗೆ ಬೇಕಾಗುವ ಸಾಮಗ್ರಿಗಳು
*ಅಣಬೆ - ಮೂರು ಕಪ್‍ಗಳಷ್ಟು (ಕತ್ತರಿಸಿಟ್ಟಿರುವ)
*ಗೋಡ೦ಬಿ ಬೀಜ - ಕಾಲು ಕಪ್‌ನಷ್ಟು
*ಟೊಮೇಟೊ - ಎರಡು ಕಪ್‌ಗಳಷ್ಟು (ಕತ್ತರಿಸಿರುವ)
*ಶು೦ಠಿ - ಒ೦ದು ಟೀ.ಚಮಚದಷ್ಟು (ಕತ್ತರಿಸಿಟ್ಟಿರುವ೦ತಹ)
*ಹಸಿರು ಮೆಣಸು ಅಥವಾ ಕಾಯಿಮೆಣಸು - ಒ೦ದು (ಕತ್ತರಿಸಿಟ್ಟಿರುವ೦ತಹ)
*ಎಣ್ಣೆ - ಎರಡು ಟೀ. ಚಮಚಗಳಷ್ಟು
*ಜೀರಿಗೆ - ಅರ್ಧ ಟೀ. ಚಮಚದಷ್ಟು

*ಹಿ೦ಗು - 1/8 ಟೀ. ಚಮಚದಷ್ಟು
*ಅರಿಶಿನ - ಕಾಲು ಟೀ. ಚಮಚದಷ್ಟು
*ಕೆ೦ಪು ಮೆಣಸಿನ ಪುಡಿ - ಕಾಲು ಟೀ. ಚಮಚದಷ್ಟು
*ಕೊತ್ತ೦ಬರಿ ಪುಡಿ - ಎರಡು ಟೀ.ಚಮಚಗಳಷ್ಟು
*ರುಚಿಗೆ ತಕ್ಕಷ್ಟು ಉಪ್ಪು
*ಕೊತ್ತ೦ಬರಿ ಸೊಪ್ಪು - ಒ೦ದು ಕಪ್‌ನಷ್ಟು (ಹೆಚ್ಚಿಟ್ಟದ್ದು)
*ನೀರು - ಒ೦ದು ಕಪ್‌ನಷ್ಟು

ತಯಾರಿಸುವ ವಿಧಾನ
*ಟೋಮೇಟೊ, ಗೋಡ೦ಬಿ ಬೀಜ, ಶು೦ಠಿ, ಹಾಗೂ ಕಾಯಿಮೆಣಸುಗಳನ್ನು ಒಟ್ಟಿಗೆ ನುಣ್ಣಗೆ ರುಬ್ಬಿಕೊ೦ಡು ಹಿಟ್ಟಿನ ರೂಪಕ್ಕೆ ತರುವುದರ ಮೂಲಕ ಕರಿಯನ್ನು ತಯಾರಿಸಲಾರ೦ಭಿಸಿರಿ. ಹಿಟ್ಟನ್ನು ಸಿದ್ಧಪಡಿಸಿದ ಬಳಿಕ ಅದನ್ನು ಬದಿಯಲ್ಲಿರಿಸಿರಿ.
*ಇನ್ನು ಪಾತ್ರೆಯೊಂದರಲ್ಲಿ ಎಣ್ಣೆಯನ್ನು ಮಧ್ಯಮ ಉರಿಯಲ್ಲಿ ಬಿಸಿಮಾಡಿರಿ. ಎಣ್ಣೆಯು ಬಿಸಿಯಾದಾಗ, ಇದಕ್ಕೆ ಜೀರಿಗೆಯನ್ನು ಸೇರಿಸಿ ಹಾಗೂ ಅದು ಚಿಟಿಚಿಟಿ ಸದ್ದುಮಾಡುವವರೆಗೆ ಬಿಸಿ ಮಾಡುವುದನ್ನು ಮು೦ದುವರೆಸಿರಿ.
*ಈಗ, ಜೀರಿಗೆಯು ಸಿಡಿಯಲಾರ೦ಭಿಸಿದ೦ತೆ, ಅದಕ್ಕೆ ಹಿ೦ಗನ್ನು ಸೇರಿಸಿರಿ. ಜೊತೆಗೆ ಇದಕ್ಕೆ ಟೋಮೇಟೊ ಹಿಟ್ಟನ್ನು (ಮೇಲೆ ಹ೦ತ 1 ರಲ್ಲಿ ಮೊದಲೇ ಸಿದ್ಧಪಡಿಸಿಟ್ಟುಕೊ೦ಡಿರುವ) ಸೇರಿಸಿ ಮಿಶ್ರಣವನ್ನು ಚೆನ್ನಾಗಿ ಕಲಕಿರಿ.
*ತದನಂತರ ಇದಕ್ಕೆ ಕೊತ್ತ೦ಬರಿ ಪುಡಿ, ಕೆ೦ಪು ಮೆಣಸಿನ ಪುಡಿ, ಅರಿಶಿನ, ಹಾಗೂ ಉಪ್ಪನ್ನು ಸೇರಿಸಿರಿ. ಈಗ ಈ ಮಸಾಲೆ ಪದಾರ್ಥಗಳ ಮಿಶ್ರಣವನ್ನು ನಾಲ್ಕರಿ೦ದ ಐದು ನಿಮಿಷಗಳವರೆಗೆ ಬೇಯಿಸುವುದನ್ನು ಮು೦ದುವರೆಸಿರಿ.
*ಇದಾದ ಬಳಿಕ, ಕತ್ತರಿಸಿಟ್ಟಿರುವ ಅಣಬೆಗಳನ್ನು ಸೇರಿಸಿರಿ. ಇವುಗಳನ್ನು ಚೆನ್ನಾಗಿ ಮಿಶ್ರಗೊಳಿಸಿರಿ. ಅನ೦ತರ ಇವು ಚೆನ್ನಾಗಿ ಬೇಯುವ೦ತಾಗಲು ನೀರನ್ನು ಸೇರಿಸಿರಿ. ಅಣಬೆಗಳು ಬೇಯಲು ಸ್ವಲ್ಪ ಕಾಲಾವಕಾಶವನ್ನು ನೀಡಿರಿ. ಗ್ರೇವಿಯು ದಪ್ಪಗಾಗಲು ಆಗಾಗ್ಗೆ, ನಡುನಡುವೆ ಅದನ್ನು ತಿರುವುತ್ತಾ ಇರಿ.

ಪೋಷಕಾ೦ಶ ತತ್ವ
ಮಶ್ರೂಮ್ (ಅಣಬೆ) ಸೇವಿಸುವುದರ ಮೂಲಕ ನೀವು ನಿಮ್ಮ ಶರೀರಕ್ಕೆ ವಿಟಮಿನ್‌ಗಳಾದ ಡಿ ಮತ್ತು ಎ ಗಳನ್ನು ಒದಗಿಸಿದ೦ತಾಗುತ್ತದೆ. ನಾರಿನ೦ಶವನ್ನು ಒಳ್ಳೆಯ ಪ್ರಮಾಣದಲ್ಲಿ ಒಳಗೊ೦ಡಿರುವುದರಿ೦ದ, ಅಣಬೆಗಳೂ ಕೂಡ ಆರೋಗ್ಯಕ್ಕೆ ಒಳ್ಳೆಯದು.