For Quick Alerts
ALLOW NOTIFICATIONS  
For Daily Alerts

ಪನ್ನೀರ್ ಟೊಮೆಟೊ ಗ್ರೇವಿ -ಸೈಡ್ ಡಿಶ್ ರೆಸಿಪಿ

|

ಈ ಟೊಮೆಟೊ ಪನ್ನೀರ್ ತುಂಬಾ ಸ್ವಾದಿಷ್ಟಕರವಾಗಿದ್ದು ಚಪಾತಿ, ಪರೋಟ, ಅನ್ನ ಇವುಗಳಿಗೆ ಸೈಡ್ ಡಿಶ್ ಆಗಿ ಬಳಸಬಹುದು. ಈ ಸೈಡ್ ಡಿಶ್ ಅನ್ನು ಮಾಡಲು ಕೂಡ ಹೆಚ್ಚಿನ ಶ್ರಮವೇನು ಪಡಬೇಕಾಗಿಲ್ಲ, ಟೊಮೆಟೊ ಗೊಜ್ಜಿನಷ್ಟೇ ಸುಲಭವಾಗಿ ಇದನ್ನೂ ಮಾಡಬಹುದು.

ಬನ್ನಿ ಈ ಸೈಡ್ ಡಿಶ್ ಮಾಡುವುದು ಹೇಗೆ ಎಂದು ನೋಡೋಣ:

Paneer Tomato Gravy Recipe

ಬೇಕಾಗುವ ಸಾಮಾಗ್ರಿಗಳು
ಪನ್ನೀರ್ 250 ಗ್ರಾಂ
ಟೊಮೆಟೊ 3-4
ಈರುಳ್ಳಿ 2
ಅರಿಶಿಣ ಅರ್ಧ ಚಮಚ
ಖಾರದ ಪುಡಿ (ನಿಮ್ಮ ರುಚಿಗೆ ತಕ್ಕಷ್ಟು)
ಗರಂ ಮಸಾಲ ಅರ್ಧ ಚಮಚ
ಹಸಿ ಮೆಣಸಿನಕಾಯಿ 3
ಟೊಮೆಟೊ ಸಾಸ್ 1 ಚಮಚ
ಸ್ವಲ್ಪ ಕರಿಬೇವಿನ ಎಲೆ
ಜೀರಿಗೆ ಅರ್ಧ ಚಮಚ
ರುಚಿಗೆ ತಕ್ಕ ಉಪ್ಪು
ಎಣ್ಣೆ 2 ಚಮಚ

ತಯಾರಿಸುವ ವಿಧಾನ:

* ಪ್ಯಾನ್ ನಲ್ಲಿ ಎಣ್ಣೆ ಹಾಕಿ ಬಿಸಿ ಮಾಡಿ, ನಂತರ ಅದರಲ್ಲಿ ಪನ್ನೀರ್ ತುಂಡುಗಳನ್ನು ಹಾಕಿ 5-10 ನಿಮಿಷ ಫ್ರೈ ಮಾಡಬೇಕು. ನಂತರ ಪನ್ನೀರ್ ಅನ್ನು ತೆಗೆದು ಒಂದು ಬದಿಯಲ್ಲಿಡಿ.

* ಈರುಳ್ಳಿ ಮತ್ತು ಹಸಿ ಮೆಣಸಿನಕಾಯಿಯ ಪೇಸ್ಟ್ ಮಾಡಿ ಇಡಿ.

* ಟೊಮೆಟೊವನ್ನು ಪೇಸ್ಟ್ ಮಾಡಿ ಬದಿಯಲ್ಲಿಡಿ.

* ಈಗ ಅದೇ ಎಣ್ಣೆಗೆ ಜೀರಿಗೆ ಮತ್ತು ಕರಿಬೇವಿನ ಎಲೆ ಹಾಕಿ. ಈಗ ರುಬ್ಬಿದ ಈರುಳ್ಳಿ ಮತ್ತು ಹಸಿ ಮೆಣಸಿನಕಾಯಿಯ ಪೇಸ್ಟ್ ಹಾಕಿ 3-4 ನಿಮಿಷ ಫ್ರೈ ಮಾಡಿ. ಈಗ ಟೊಮೆಟೊ ಹಾಕಿ ಸಾಧಾರಣ ಉರಿಯಲ್ಲಿ ಮತ್ತೆ 5 ನಿಮಿಷ ಫ್ರೈ ಮಾಡಿ.

* ಈಗ ಅರಿಶಿಣ ಪುಡಿ, ರುಚಿಗೆ ತಕ್ಕ ಉಪ್ಪು ಹಾಕಿ ಮತ್ತೆ 5 ನಿಮಿಷ ಫ್ರೈ ಮಾಡಿ, ಖಾರದ ಪುಡಿ, ಗರಂ ಮಸಾಲ ಪುಡಿ, ಟೊಮೆಟೊ ಸಾಸ್ ಸೇರಿಸಿ 2-3 ನಿಮಿಷ ಫ್ರೈ ಮಾಡಿ, ನಂತರ ಫ್ರೈ ಮಾಡಿಟ್ಟ ಪನ್ನೀರ್ ಹಾಕಿ ಸೌಟ್ ನಿಂದ ಆಡಿಸುತ್ತಾ 5 ನಿಮಿಷ ಬೇಯಿಸಿದರೆ ಸವಿರುಚಿಯ ಟೊಮೆಟೊ ಪನ್ನೀರ್ ಗ್ರೇವಿ ರೆಡಿ.

English summary

Paneer Tomato Gravy Recipe

We often think that paneer recipes require time as they need to be rich and spicy. However, this paneer in tomato gravy recipe can be prepared in just 30 minutes! Also the ingredients used in the preparation of this main course side dish recipe is easily available in your kitchen. Check out the recipe.
X
Desktop Bottom Promotion