For Quick Alerts
ALLOW NOTIFICATIONS  
For Daily Alerts

ರುಚಿಯಾಗಿರುತ್ತೆ ಈ ಮೂಲಂಗಿ ಪಾಲಾಕ್ ಪಲ್ಯ

|

ಮೂಲಂಗಿ ಆರೋಗ್ಯಕ್ಕೆ ಒಳ್ಳೆಯದು, ಆದರೆ ಕೆಲವರಿಗೆ ಅದರ ವಾಸನೆ ಇಷ್ಟವಾಗುವುದಿಲ್ಲ, ಮತ್ತೆ ಕೆಲವರಿಗೆ ಮೂಲಂಗಿ ಅಡುಗೆ ರುಚಿ ಅನಿಸುವುದಿಲ್ಲ. ಅಂಥವರು ಈ ಅಡುಗೆ ಟ್ರೈ ಮಾಡಿ ಖಂಡಿತ ಇಷ್ಟವಾಗುವುದು. ಈ ಪಲ್ಯವನ್ನು ಮೂಲಂಗಿ ಜೊತೆ ಪಾಲಾಕ್ ಸೊಪ್ಪು ಹಾಕಿ ಮಾಡುವುದರಿಂದ ಮೂಲಂಗಿ ವಾಸನೆ ಮೂಗಿಗೆ ಬಡೆಯುವುದಿಲ್ಲ, ಪಲ್ಯವೂ ರುಚಿಯಾಗಿರುತ್ತದೆ.

ಬನ್ನಿ ಈ ಪಲ್ಯ ಮಾಡುವುದು ಹೇಗೆ ಎಂದು ನೋಡೋಣ:

Mooli-Palak Sabji

ಬೇಕಾಗುವ ಸಾಮಾಗ್ರಿಗಳು
ಮೂಲಂಗಿ 2(ಕತ್ತರಿಸಿದ್ದು)
ಪಾಲಾಕ್ ಸೊಪ್ಪು 2 ಕಟ್
ಬೆಳ್ಳುಳ್ಳಿ 3-4 ಎಸಳು
ಈರುಳ್ಳಿ 1
ಜೀರಿಗೆ 1 ಚಮಚ
ಅರಿಶಿಣ ಪುಡಿ ಅರ್ಧ ಚಮಚ
ಖಾರದ ಪುಡಿ 1 ಚಮಚ
ಚಿಟಿಕೆಯಷ್ಟು ಇಂಗು
ಒಣ ಮಾವಿನ ಪುಡಿ 1 ಚಮಚ
ಎಣ್ಣೆ

ತಯಾರಿಸುವ ವಿಧಾನ:

* ಪಾಲಾಕ್ ಸೊಪ್ಪನ್ನು ಚೆನ್ನಾಗಿ ತೊಳೆದು ಸ್ವಚ್ಛ ಮಾಡಿ, ಮೂಲಂಗಿಯನ್ನು ಕತ್ತರಿಸಿ ಕೂಡ ಸ್ವಚ್ಛ ಮಾಡಿ.

* ಪಾತ್ರೆಯಲ್ಲಿ ಎಣ್ಣೆ ಹಾಕಿ ಅದರಲ್ಲಿ ಸಾಸಿವೆ, ಜೀರಿಗೆ ಹಾಕಿ ಅದು ಚಟಾಪಟಾ ಶಬ್ದ ಮಾಡುವಾಗ ಕತ್ತರಿಸಿದ ಈರುಳ್ಳಿ ಮತ್ತು ಬೆಳ್ಳುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿಯಿರಿ. ನಂತರ ಇಂಗು ಹಾಕಿ ಅರಿಶಿಣ ಪುಡಿ ಮತ್ತು ಖಾರದ ಪುಡಿ, ಒಣ ಮಾವಿನ ಪುಡಿ ಹಾಕಿ ಮಿಕ್ಸ್ ಮಾಡಿ.

* ಈಗ ಕತ್ತರಿಸಿದ ಮೂಲಂಗಿ ಹಾಕಿ 5 ನಿಮಿಷ ಫ್ರೈ ಮಾಡಿ, ನಂತರ ಪಾಲಾಕ್ ಸೊಪ್ಪು ಹಾಕಿ ರುಚಿಗೆ ತಕ್ಕ ಉಪ್ಪು ಹಾಕಿ ಪಾತ್ರೆಯ ಬಾಯಿ ಮುಚ್ಚಿ ಬೇಯಿಸಿ, ಹೀಗೆ ಬೇಯಿಸುವಾಗ ಆಗಾಗ ಸೌಟ್ ನಿಂದ ಆಡಿಸುತ್ತಾ ಇರಿ. ಇಷ್ಟು ಮಾಡಿದರೆ ಮೂಲಂಗಿ ಪಾಲಾಕ್ ಸೊಪ್ಪಿನ ಪಲ್ಯ ರೆಡಿ.

English summary

Mooli-Palak Sabji

Rajasthani mooli palak sabji is a simple and quick recipe which goes well with rice as well as chapatis. The use of dry mango powder gives the dish a unique tangy flavour.
X
Desktop Bottom Promotion