For Quick Alerts
ALLOW NOTIFICATIONS  
For Daily Alerts

ಬ್ರಹ್ಮಚಾರಿಗಳಿಗೆ ನೂಡಲ್ಸ್ ಸ್ಪೆಷಲ್

|

ದಿನ ಬೆಳಗಾದರೆ ಏನಪ್ಪ ತಿಂಡಿ ಮಾಡೋದು ಅಂತ ತಲೆಬಿಸಿಯಾಗುತ್ತೆ ಅಲ್ವಾ? ಈವತ್ತು ಸ್ವಲ್ಪ ಸ್ಪೆಷಲ್ ಆಗಿರೋ ತಿಂಡಿ ಟ್ರೈ ಮಾಡಲು ರೆಡಿಯಾಗಿ. ನಿಮಗೆ ನೂಡಲ್ಸ್ ಇಷ್ಟ ಅನ್ನೋದಾದ್ರೆ ಖಂಡಿತವಾಗಿ ಈ ತಿಂಡಿ ಇಷ್ಟವಾಗುತ್ತೆ.

ಇದು ಮನೆಯಲ್ಲಿ ಒಬ್ಬರೇ ಇರುವವರು ಸುಲಭವಾಗಿ ಮಾಡಿಕೊಳ್ಳಬಹುದಾದ ತಿಂಡಿ. ಈ ಬಿಸಿ ಬಿಸಿಯಾದ ಸಿಹಿ ಮಿಶ್ರಿತ ತಿಂಡಿ ನಿಮ್ಮ ನಾಲಿಗೆಯಲ್ಲಿ ನೀರೂರಿಸುತ್ತೆ ಅನ್ನೋದರಲ್ಲಿ ಅನುಮಾನವೇ ಇಲ್ಲ. ಹಾಗಿದ್ದರೆ ತಡಯಾಕೆ ಪ್ರಯತ್ನಸಿ.

Sweet N Hot Noodle Recipe For Bachelors

ಬೇಕಾದ ಸಾಮಗ್ರಿಗಳು
1. ನೂಡಲ್ಸ್- 500ಗ್ರಾಂ
2. ಈರುಳ್ಳಿ- 1 (ಹೆಚ್ಚಿಕೊಳ್ಳಿ)
3. ಟೊಮೊಟೊ- 1 (ಹೆಚ್ಚಿಕೊಳ್ಳಿ)
4. ಸಕ್ಕರೆ- 1/2 ಚಮಚ
5. ಬಟಾಣಿ ಕಾಳುಗಳು- 2 ಟೀಚಮಚ
6. ಕ್ಯಾರೆಟ್ಸ್- 1 (ತುರಿದುಕೊಳ್ಳಿ)
7. ಸೊಯಾ ಸಾಸ್- 1 ಟೀಚಮಚ
8. ನಿಂಬೆರಸ- 1/2 ಟೀಚಮಚ
9. ನೀರು - 1 ಕಪ್
10. ಹುರಿಯಲು ಎಣ್ಣೆ

ಮಾಡುವ ವಿಧಾನ
ಒಂದು ಬಾಣಲಿಯಲ್ಲಿ ಎಣ್ಣೆ ಹಾಕಿ ಬಿಸಿ ಮಾಡಿ. ಎಣ್ಣೆ ಕಾದನಂತರ ಅದಕ್ಕೆ ಕತ್ತರಿಸಿದ ಈರುಳ್ಳಿ ಹಾಕಿ ಕೆಂಪಾಗುವವರೆಗೆ ಹುರಿಯಿರಿ. ನಂತರ ಅದಕ್ಕೆ ಹಸಿಮೆಣಸಿನಕಾಯಿ ಸೇರಿಸಿ ಚೆನ್ನಾಗಿ ಹುರಿಯಿರಿ. ನಂತರ ಟೊಮೊಟೊ ಸೇರಿಸಿ ಮಂದ ಉರಿಯಲ್ಲಿ ಇವೆಲ್ಲ ಚೆನ್ನಾಗಿ ಬೇಯುವವರೆಗೆ ಹುರಿಯಿರಿ. ಇದಕ್ಕೆ ಸ್ವಲ್ಪ ನೀರು ಸೇರಿಸಿ 5 ನಿಮಿಷಗಳವರೆಗೆ ಕುದಿಸಿ. ನೀರು ಕುದಿ ಬಂದಾಗ ಅದಕ್ಕೆ ಬಟಾಣಿ ಮತ್ತು ಕ್ಯಾರೆಟ್ ಸೇರಿಸಿ 5 ನಿಮಿಷಗಳವರೆಗೆ ಬೇಯಲು ಬಿಡಿ. ಈಗ ನ್ಯೂಡಲ್ಸ್ ಹಾಕಿ ಇನ್ನೂ ಸ್ವಲ್ಪ ನೀರು ಹಾಕಿ. ನ್ಯೂಡಲ್ಸ್ ಬೆಂದ ನಂತರ ಸ್ವಲ್ಪ ಸಕ್ಕರೆ ಬೆರೆಸಿ ಚೆನ್ನಾಗಿ ಕಲಸಿ. ಮುಚ್ಚಳ ಮುಚ್ಚಿ ಬಿಡಿ. 6 ನಿಮಿಷದ ನಂತರ ಸೋಯಾ ಸಾಸ್ ಮತ್ತು ನಿಂಬೆ ರಸ ಅದಕ್ಕೆ ಸೇರಿಸಿ ಚೆನ್ನಾಗಿ ಬೆರೆಸಿ.

ನೂಡಲ್ಸ್ ಮೃದುವಾಗಿ ಪರಿಮಳ ಬೀರುತ್ತಿದ್ದರೆ ನಿಮ್ಮ ತಿಂಡಿ ಸಿದ್ಧವಾಯಿತೆಂದು ಅರ್ಥ. ನಿಮ್ಮ ಬಿಸಿ ಬಿಸಿಯಾದ ಸಿಹಿಯಾದ ನೂಡಲ್ಸ್ ಅನ್ನು ಟೊಮೊಟೊ ಅಥವ ಬೆಳ್ಳುಳ್ಳಿ ಸಾಸ್ ನೊಂದಿಗೆ ಸವಿಯಿರಿ.

English summary

Sweet N Hot Noodle Recipe For Bachelors

Each morning when you wake up, there is always a thought in your head as to what to eat for breakfast. Today, we would like you to try out something out of the extraordinary. How about you try this yummy and tangy sweet and hot noodle recipe.
Story first published: Monday, November 25, 2013, 14:53 [IST]
X
Desktop Bottom Promotion