ಮುಟ್ಟಿನಲ್ಲೂ ಗರ್ಭಧರಿಸಬಹುದು ಜೋಕೆ..!

Pre Natal

oi-Reena

By Hema S

| Published: Tuesday, January 24, 2012, 9:17 [IST]

ಮುಟ್ಟಿನ ಸಮಯದಲ್ಲಿ ಗರ್ಭಧಾರಣೆಯಾಗುವುದಿಲ್ಲ ಎಂದು ಅನೇಕ ಮಹಿಳೆಯರು ನಂಬುತ್ತಾರೆ. ಆದರೆ ಈ ಸಮಯದಲ್ಲೂ ಗರ್ಭಧರಿಸುವ ಸಾಧ್ಯತೆ ಇದೆ. ದೇಹದಲ್ಲಿ ಹಾರ್ಮೋನ್ ಗಳ ಬದಲಾವಣೆಗೆ ಅನುಸಾರವಾಗಿ ಕೆಲವರಿಗೆ ಗರ್ಭಧಾರಣೆಯಾಗಬಹುದು, ಇನ್ನು ಕೆಲವರಿಗೆ ಆಗುವುದಿಲ್ಲ.

ಸಾಮಾನ್ಯವಾಗಿ ಈ ಸಮಯದಲ್ಲಿ ಗರ್ಭಧಾರಣೆಯಾಗುವುದು ತುಂಬಾ ವಿರಳ. ಆದರೆ ಒವ್ಯೂಲೇಶನ್ ಸಮಯದಲ್ಲಿ ಗರ್ಭದಲ್ಲಿ ಅಧಿಕ ಅಂಡಾಣುಗಳು ಬಿಡುಗಡೆಯಾಗುತ್ತದೆ. ಮಹಿಳೆಯರಲ್ಲಿ ಈ ರೀತಿಯ ಒವ್ಯೂಲೇಶನ್ ಮುಟ್ಟುವಿಗೆ 14 ದಿನ ಮುಂಚಿತವಾಗಿ ಉಂಟಾಗುತ್ತದೆ. ಈ ಸಮಯದಲ್ಲಿ ಮಹಿಳೆ ಗರ್ಭಧಾರಣೆಯಾಗುವ ಸಾಧ್ಯತೆ ಹೆಚ್ಚು.

ಒವ್ಯೂಲೇಶನ್ ನಂತರ ಅಂಡಾಣುಗಳು ಯೂಟ್ರಸ್ ನಲ್ಲಿರುವ ವೀರ್ಯಾಣುನೊಂದಿಗೆ ಸೇರಿ ಭ್ರೂಣ ಉಂಟಾಗುತ್ತದೆ. ಕೆಲವರು ಮುಟ್ಟು ಆದ 28 ದಿನಕ್ಕೆ, ಇನ್ನು ಕೆಲವರು 22 ದಿನಕ್ಕೆ ಮುಟ್ಟಾಗುತ್ತಾರೆ. ಮುಟ್ಟಾಗುವ ಸ್ವಲ್ಪ ದಿನದ ಮುಂದೆ ಒವ್ಯೂಲೇಶನ್ ಪ್ರಾರಂಭವಾಗುತ್ತದೆ. ಈ ರೀತಿ ಉಂಟಾಗುವ ಸಮಯದಲ್ಲಿ ಯೂಟ್ರಸ್ ನಲ್ಲಿ ವೀರ್ಯಾಣುಗಳಿದ್ದರೆ ಮುಟ್ಟುವಿನ ಸಮಯದಲ್ಲೂ ಗರ್ಭ ಧರಿಸಬಹುದು.

ಆದ್ದರಿಂದ ಒವ್ಯೂಲೇಶನ್ ಮತ್ತು ಬಿಡುಗಡೆಯಾಗುವ ಅಡಾಣುಗಳ ಪ್ರೌಢತೆಗೆ ಅನುಸಾರವಾಗಿ ಮುಟ್ಟಿನಲ್ಲಿ ಕೂಡ ಗರ್ಭಧರಿಸಬಹುದು. ಗರ್ಭಿಣಿಯಾಗಲು ಬಯಸುವವರಿಗೆ ಈ ಒವ್ಯೂಲೇಶನ್ ಸಮಯ ಅತ್ಯುತ್ತಮವಾದ ಸಮಯವಾಗಿದೆ.