Just In
Don't Miss
- Automobiles ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- Sports LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ
- News Annamalai: ಒಂದು ಲಕ್ಷ ಮತದಾರರ ಹೆಸರು ಪಟ್ಟಿಯಿಂದ ಕಾಣೆಯಾಗಿದೆ: ಅಣ್ಣಾಮಲೈ ಆರೋಪ
- Movies 3ನೇ ಬಾರಿ ಜೊತೆಯಾದ್ರು ಶಿವಣ್ಣ- ಜಾಕಿ ಭಾವನಾ; ಯಾವ ಸಿನಿಮಾ ಗೊತ್ತಾ?
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಗುವಿನ ನಿದ್ದೆಯ ಅವಧಿ-ತಾಯಿ ತಿಳಿಯಲೇಬೇಕಾದ ಸತ್ಯ ಸಂಗತಿ
ಮಗು ದಿನಕ್ಕೆ ಎಷ್ಟು ಗಂಟೆ ನಿದ್ರಿಸಬೇಕು, ಮಗು ಬೆಳೆಯುತ್ತಾ ಹೋದಂತೆ ಈ ನಿದ್ದೆಯ ಪ್ರಮಾಣ ಎಷ್ಟಿರಬೇಕು ಎಂಬ ಬಗ್ಗೆ ತಾಯಿಯಾದವಳು ತಿಳಿದುಕೊಂಡಿರಬೇಕು....
ಮಗುವಿನ ಆಗಮನವಾದ ಬಳಿಕ ಮೊದಲ ಕೆಲವು ದಿನಗಳ ಕಾಲ ಮಗುವಿನ ಮತ್ತು ಬಾಣಂತಿಯ ಆರೈಕೆ ಮಾಡಲು ಯಾರಾದರೂ ಹತ್ತಿರವಿರುತ್ತಾರೆ. ಬಳಿಕ ಮಗುವಿನ ಯೋಗಕ್ಷೇಮಗಳನ್ನೆಲ್ಲಾ ತಾಯಿಯಾದವಳೇ ನಿರ್ವಹಿಸಬೇಕು. ಕಂದಮ್ಮನ ನಿದ್ದೆಯ ಅವಧಿ ಹೇಗಿರಬೇಕು? ಇತ್ತ ಗಮನಿಸಿ...
ಸಾಮಾನ್ಯವಾಗಿ ಇಂತಹ ಸಮಯದಲ್ಲಿ ಮಕ್ಕಳು ಹೆಚ್ಚು ಸಮಯ ನಿದ್ದೆ ಮಾಡುತ್ತವೆ. ಆದರೆ ದಿನಕ್ಕೆ ಎಷ್ಟು ಗಂಟೆ ನಿದ್ರಿಸಬೇಕು, ಮಗು ಬೆಳೆಯುತ್ತಾ ಹೋದಂತೆ ಈ ನಿದ್ದೆಯ ಪ್ರಮಾಣ ಎಷ್ಟಿರಬೇಕು ಎಂಬ ಬಗ್ಗೆ ತಾಯಿಯಾದವಳು ತಿಳಿದುಕೊಂಡಿರಬೇಕು. ಒಂದು ವೇಳೆ ನೀವು ಮಗುವಿನ ತಾಯಿಯಾಗಿದ್ದು ಈ ಬಗ್ಗೆ ಹೆಚ್ಚಿನ ಮಾಹಿತಿ ಪಡೆಯಬಯಸುವಿರಾದರೆ ಕೆಳಗಿನ ವಿವರಗಳು ನಿಮ್ಮ ನೆರವಿಗೆ ಬರಬಲ್ಲವು...
0-2 ತಿಂಗಳು
ಈ ಅವಧಿಯಲ್ಲಿ ಮಕ್ಕಳು ದಿನದ ಸಮಯದಲ್ಲಿ ಮೂರರಿಂದ ಐದು ಚಿಕ್ಕ ಚಿಕ್ಕ ನಿದ್ದೆಯನ್ನು ಪಡೆಯುತ್ತಾರೆ. ರಾತ್ರಿ ಸುಮಾರು ಎಂಟರಿಂದ ಒಂಬತ್ತು ಗಂಟೆ ನಿದ್ರಿಸುತ್ತಾರೆ. ಒಟ್ಟಾರೆ ದಿನದ ಹದಿನಾರು ಗಂಟೆ ಸೊಂಪಾಗಿ ನಿದ್ರಿಸುತ್ತಾರೆ. ಹೇಗಿದ್ದರೂ ಒಂದು ಎರಡು ಕೆಲಸಗಳಿಗೆಲ್ಲಾ ಅಮ್ಮ ಇದ್ದಾರಲ್ಲಾ!
2-4 ತಿಂಗಳು
ದಿನದ ಅವಧಿಯಲ್ಲಿ ಸುಮಾರು ಮೂರು ಚಿಕ್ಕ ಚಿಕ್ಕ ನಿದ್ದೆಯನ್ನು ನಿದ್ರಿಸುತ್ತಾರೆ. ಆದರೆ ರಾತ್ರಿಯ ನಿದ್ದೆ ಒಂಬತ್ತರಿಂದ ಹತ್ತು ಗಂಟೆಯಷ್ಟು ದೀರ್ಘವಾಗಿರುತ್ತದೆ. ಒಟ್ಟಾರೆ ದಿನದ ಹದಿನಾಲ್ಕಕ್ಕೂ ಹೆಚ್ಚು ಗಂಟೆ ಮಲಗುತ್ತಾರೆ.
4-6 ತಿಂಗಳು
ದಿನದ ಅವಧಿಯಲ್ಲಿ ಎರಡರಿಂದ ಮೂರು ಚಿಕ್ಕ ಚಿಕ್ಕ ನಿದ್ದೆಯನ್ನು ನಿದ್ರಿಸುತ್ತಾರೆ. ರಾತ್ರಿಯ ಹೊತ್ತು ಸುಮಾರು ಹತ್ತು ಗಂಟೆಗಳ ಕಾಲ ನಿದ್ರಿಸುತ್ತಾರೆ. ಒಟ್ಟಾರೆ ಹದಿನಾಲ್ಕರಿಂದ ಹದಿನೈದು ಗಂಟೆ ನಿದ್ರಿಸುತ್ತಾರೆ.
6-9 ತಿಂಗಳು
ಈ ಅವಧಿಯಲ್ಲಿ ಮಕ್ಕಳು ದಿನದಲ್ಲಿ ಎರಡು ಚಿಕ್ಕ ಚಿಕ್ಕ ನಿದ್ದೆ ನಿದ್ರಿಸುತ್ತಾರೆ. ಆದರೆ ರಾತ್ರಿಯ ನಿದ್ದೆ ಕೊಂಚ ಕಡಿಮೆಯಾಗಿ ಹತ್ತರಿಂದ ಹನ್ನೊಂದು ಗಂಟೆಯ ಕಾಲ ನಿದ್ರಿಸುತ್ತಾರೆ. ಎಚ್ಚರಿದ್ದಾಗ ಮಗ್ಗುಲು ಬದಲಿಸಲು, ಅಂಬೆಗಾಲಿಕ್ಕಲು ಯತ್ನಿಸುತ್ತಾರೆ. ಒಟ್ಟಾರೆ ದಿನದ ಹದಿನಾಲ್ಕು ಗಂಟೆ ಕಾಲ ನಿದ್ರಿಸುತ್ತಾರೆ.
9-12 ತಿಂಗಳು
ದಿನದ ಹೊತ್ತಿನಲ್ಲಿ ಎರಡು ಚಿಕ್ಕ ಚಿಕ್ಕ ನಿದ್ದೆ ತೆಗೆದರೂ ರಾತ್ರಿ ಹೊತ್ತು ಹತ್ತರಿಂದ ಹನ್ನೆರಡು ಗಂಟೆ ಕಾಲ ನಿದ್ರಿಸುವ ಮೂಲಕ ತಮ್ಮ ಹದಿನಾಲ್ಕು ಗಂಟೆಗಳ ನಿಗದಿತ ನಿದ್ದೆಯನ್ನು ಪಡೆಯುತ್ತಾರೆ.
12-18 ತಿಂಗಳು
ಒಂದು ವರ್ಷದ ಬಳಿಕ ಮಕ್ಕಳು ದಿನದ ಅವಧಿಯಲ್ಲಿ ಹೆಚ್ಚು ಚುರುಕಾಗುತ್ತಾ ಚಿಕ್ಕ ಚಿಕ್ಕ ಒಂದು ಅಥವಾ ಎರಡು ನಿದ್ದೆಗಳನ್ನು ತೆಗೆಯುತ್ತಾರೆ. ರಾತ್ರಿ ಮಾತ್ರ ಹನ್ನೊಂದರಿಂದ ಹನ್ನೆರಡು ಗಂಟೆಗಳಷ್ಟು ಹೆಚ್ಚು ನಿದ್ರಿಸುತ್ತಾರೆ. ಒಟ್ಟಾರೆ ಹರಿಮೂರರಿಂದ ಹದಿನಾಲ್ಕು ಗಂಟೆಗಳ ಕಾಲ ನಿದ್ರಿಸುತ್ತಾರೆ.
18-24 ತಿಂಗಳು
ಈ ವಯಸ್ಸಿನಲ್ಲಿ ಕೀಟಲೆ ಹೆಚ್ಚುವ ಮೂಲಕ ದಿನದ ನಿದ್ದೆಯೂ ಕಡಿಮೆಯಾಗುತ್ತದೆ. ದಿನದ ಹೊತ್ತಿನಲ್ಲಿ ಒಂದು ಚಿಕ್ಕ ನಿದ್ದೆ ತೆಗೆದರೆ ಹೆಚ್ಚು. ಆದರೆ ರಾತ್ರಿ ಸುಮಾರು ಹನ್ನೊಂದು ಗಂಟೆಗಳ ಕಾಲ ನಿದ್ರಿಸುತ್ತಾರೆ. ಒಟ್ಟಾರೆ ಹರಿಮೂರರಿಂದ ಹದಿನಾಲ್ಕು ಗಂಟೆಗಳ ಕಾಲ ನಿದ್ರಿಸುತ್ತಾರೆ
2-3 ವರ್ಷಗಳು
ಈ ವಯಸ್ಸಿನಲ್ಲಿ ಹಿರಿಯರಿಂದ ಮಾತು ಮೊದಲಾದವುಗಳನ್ನು ಕಲಿಯುವ ಮೂಲಕ ದಿನವಿಡೀ ವ್ಯಸ್ತರಿರುತ್ತಾರೆ. ದಿನದ ಹೊತ್ತಿನಲ್ಲಿ ಒಂದು ಚಿಕ್ಕ ನಿದ್ದೆ, ರಾತ್ರಿ ಹೊತ್ತು ಹತ್ತರಿಂದ ಹನ್ನೊಂದು ಗಂಟೆ, ಒಟ್ಟಾರೆ ಹನ್ನೆರಡರಿಂದ ಹದಿನಾಲ್ಕು ಗಂಟೆಗಳ ಕಾಲ ನಿದ್ರಿಸುತ್ತಾರೆ.
3-5 ವರ್ಷಗಳು
ಈ ವಯಸ್ಸಿನಲ್ಲಿ ದಿನದಲ್ಲಿ ಒಂದು ಹೊತ್ತು ಮಾತ್ರ ನಿದ್ರಿಸಿ ರಾತ್ರಿ ಹತ್ತರಿಂದ ಹನ್ನೊಂದು ಗಂಟೆಗಳ ಕಾಲ ನಿದ್ರಿಸುತ್ತಾರೆ. ಒಟ್ಟಾರೆ ಹನ್ನೊಂದರಿಂದ ಹದಿಮೂರು ಗಂಟೆಗಳ ಕಾಲ ನಿದ್ರಿಸುತ್ತಾರೆ.
5-12 ವರ್ಷಗಳು
ಈ ಸಮಯದಲ್ಲಿ ಮಕ್ಕಳು ಶಾಲೆಗೆ ಹೋಗುವುದರಿಂದ ನಿದ್ದೆಗೆ ಕಡಿವಾಣ ಬೀಳುತ್ತದೆ. ಕೆಲವು ಶಾಲೆಗಳಲ್ಲಿ ಕೊಂಚ ಕಾಲ ನಿದ್ರಿಸಲು ಅನುವು ಮಾಡಿಕೊಟ್ಟರೂ ಇದು ಎಲ್ಲಾ ದಿನ ಸಾಧ್ಯವಾಗದು. ಬದಲಿಗೆ ರಾತ್ರಿ ಸೊಂಪಾಗಿ ಹತ್ತು ಗಂಟೆಗಳ ಕಾಲ ನಿದ್ರಿಸುತ್ತಾರೆ. ಒಟ್ಟಾರೆ ನಿದ್ದೆ ಹತ್ತು ಗಂಟೆಗಳಷ್ಟಿರುತ್ತದೆ.