For Quick Alerts
ALLOW NOTIFICATIONS  
For Daily Alerts

ಮಕ್ಕಳನ್ನು ದಿಕ್ಕು ತಪ್ಪಿಸುತ್ತಿರುವ ವಿಡಿಯೋ ಗೇಮ್ ಎಂಬ ವೈರಸ್!

By Arshad
|

ಒಂದು ನೂತನ ಸಮೀಕ್ಷೆಯ ಪ್ರಕಾರ ಅತಿಹೆಚ್ಚು ವೀಡಿಯೋ ಆಟಗಳನ್ನು ಆಡುವ ಮಕ್ಕಳ ಕಲಿಕಾ ಸಾಮರ್ಥ್ಯ ಕುಂಠಿತಗೊಂಡು ಅವರ ಅಂಕಗಳಲ್ಲಿ ಭಾರೀ ಬದಲಾವಣೆ ಕಂಡುಬರುತ್ತದೆ. ಅದೇ ಹೊತ್ತಿನಲ್ಲಿ ಮಕ್ಕಳು ತಮ್ಮ ವಯಸ್ಸಿಗನುಗುಣವಾಗಿ ತೋರಬೇಕಾದ ಆಸಕ್ತಿಯನ್ನು ಇತರ ವಿಷಯಗಳತ್ತ ತೋರದೇ ಕೇವಲ ಆಟ ಮತ್ತು ಆಟದಲ್ಲಿ ಬರುವ ಪಾತ್ರಗಳತ್ತಲೇ ಕೇಂದ್ರೀಕರಿಸುವ ಮೂಲಕ ಸಮಾಜದಿಂದಲೂ ದೂರಾಗುತ್ತಾ ಬರುತ್ತಾರೆ.

Do Videogames Hamper Kid's Academics

ಈ ವಿಷಯವನ್ನು ಅಭ್ಯಸಿಸಿದ ಸಂಶೋಧಕರು ಮಕ್ಕಳು ತಮ್ಮ ಗೇಮ್‌ಗಳಲ್ಲಿ ಕಳೆಯುವ ಸಮಯಕ್ಕೂ ಅವರ ಅಭ್ಯಾಸದ ಮೂಲಕ ಕಲಿಯಬೇಕಾದ ವಿಷಯಗಳಲ್ಲಿ ಕಡಿಮೆಯಾಗಿರುವುದಕ್ಕೂ ನೇರ ಸಂಬಂಧವಿರುವುದನ್ನು ದೃಢೀಕರಿಸಿದ್ದಾರೆ. ವಿಡಿಯೋ ಗೇಮ್‌ಗಳಿಗೆ ವ್ಯಸನರಾಗಿರುವ ಸುಮಾರು ಅದು ಸಾವಿರಕ್ಕೂ ಹೆಚ್ಚು ಮಕ್ಕಳನ್ನು ಸಂಶೋಧಕರು ಅಭ್ಯಸಿಸಿ ಅವರ ಪರೀಕ್ಷೆಯ ಅಂಕಗಳನ್ನೂ ಇತರ ಚಟುವಟಿಕೆಗಳನ್ನೂ ಮತ್ತು ಸ್ವತಃ ಇತರ ವಿಷಯಗಳ ಕುರಿತಾದ ಪ್ರಶ್ನೆಗಳನ್ನು ಕೇಳುವ ಮೂಲಕ ಅಪಾರ ಮಾಹಿತಿ ಕಲೆಹಾಕಿ ಅಮೂಲ್ಯ ಮಾಹಿತಿಗಳನ್ನು ನೀಡಿದ್ದಾರೆ. ಆಧುನಿಕ ತಂತ್ರಜ್ಞಾನ ಮಕ್ಕಳನ್ನು ದಿಕ್ಕು ತಪ್ಪಿಸುತ್ತಿದೆಯೇ?

ಇದರ ಫಲಿತಾಂಶವೇನೆಂದರೆ ಕಂಪ್ಯೂಟರ್ ಮತ್ತು ವಿಡಿಯೋ ಗೇಮ್ ಗಳಲ್ಲಿ ಕೊಂಚಕಾಲ, ಅಂದರೆ ಪಾಲಕರು ನಿಗದಿಪಡಿಸಿದಷ್ಟು ಕಾಲ ಮಾತ್ರ ಆಡಿದ ಮಕ್ಕಳು ಉತ್ತಮ ಸಾಧನೆ ತೋರಿದ್ದು ಅತಿಹೆಚ್ಚು ಆಟ ಆಡಿದವರೂ, ಕೊಂಚವೂ ಆಡದೇ ಇದ್ದವರೂ ಕಳಪೆ ಸಾಧನೆ ತೋರಿದ್ದಾರೆ.

ವ್ಯತಿರಿಕ್ತವಾಗಿ ತಮ್ಮ ಸ್ವಂತ ವಿಡಿಯೋ ಗೇಮ್‌ಗಳನ್ನು ಹೊಂದಿರುವ ಮಕ್ಕಳಿಗೆ ಅವರ ಪಾಲಕರೇ ಪರೋಕ್ಷವಾಗಿ ಪ್ರೋತ್ಸಾಹ ನೀಡುತ್ತಿದ್ದರೆ (ಅಂದರೆ ಒಂದು ಲೆವೆಲ್ ಗೆದ್ದಾಗ ಮಕ್ಕಳೊಂದಿಗೆ ತಾವೂ ಸಂಭ್ರಮಿಸಿ ಮುಂದಿನ ಲೆವೆಲ್‌ಗೆ ಹೋಗಲು ಪ್ರೋತ್ಸಾಹಿಸಿದರೆ) ಇಂತಹ ಮಕ್ಕಳ ಕಲಿಕೆಯಲ್ಲಿ ಭಾರೀ ಪ್ರಮಾಣದ ಇಳಿಕೆ ಕಂಡುಬಂದಿದೆ.

ಅಲ್ಲದೇ ಮನೆಯಲ್ಲಿ ಕಂಪ್ಯೂಟರ್ ಇಲ್ಲದೇ ಇರುವ ಅಥವಾ ಇದ್ದರೂ ಆಡಲಿಕ್ಕೆ ಅವಕಾಶವೇ ಇಲ್ಲದ ಮಕ್ಕಳೂ ಅತಿ ಕಳಪೆ ಅಂಕಗಳನ್ನು ಪಡೆದಿದ್ದಾರೆ. ಅದರಲ್ಲೂ ಯಾವ ಆಟದಲ್ಲಿ ಕೊಲ್ಲುವ ಮೂಲಕ ಗೆಲುವನ್ನು ಸಾಧಿಸಲಾಗುತ್ತದೋ ಆ ಮಕ್ಕಳಲ್ಲಿ ಕೋಪ, ಸೇಡಿನ ಮನೋಭಾವಗಳೇ ತುಂಬಿಕೊಳ್ಳುತ್ತಾ ದೊಡ್ಡವರಾದ ಬಳಿಕ ಭಿನ್ನವಾಗಿ ಯೋಚಿಸುವಂತೆ, ತನ್ಮೂಲಕ ಸಮಾಜಘಾತುಕರಾಗಲೂ ಕಾರಣವಾಗುತ್ತದೆ ಎಂದು ಒಂದು ಸಮೀಕ್ಷೆ ತಿಳಿಸುತ್ತದೆ.


ಆದ್ದರಿಂದ ಮಕ್ಕಳಿಗೆ ಕಂಪ್ಯೂಟರ್ ಆಟವೂ ಇತರ ಆಟಗಳಂತೆ ಒಂದು ನಿರ್ದಿಷ್ಟ ಸಮಯದವರೆಗೆ ಮಾತ್ರ ಆಡಲು ನೀಡಿ ಇತರ ಚಟುವಟಿಕೆಗಳಲ್ಲಿಯೂ ಭಾಗಿಯಾಗುವಂತೆ ಮಾಡುವ ಮೂಲಕ ಉತ್ತಮ ಭಾವನಾತ್ಮಕ ಸಂಬಂಧ ಹೊಂದಲು ಸಾಧ್ಯ.
English summary

Do Videogames Hamper Kid's Academics?

A new study claims that kids who are into too much of videogames or gadgets tend to fail in their academics. At the same time, kids who aren't tech savvy may also find it tough to perform well in academics. Researchers noted a direct link between the time spent with gadgets and academic failure. Researchers measured the total time spent by kids on gaming and observed their academic performance for some time.
X
Desktop Bottom Promotion