Just In
Don't Miss
- News Siddaramaiah: ಹುಬ್ಬಳ್ಳಿಯ ನೇಹಾ ಹಿರೇಮಠ ನಿವಾಸಕ್ಕೆ ಸಿಎಂ ಭೇಟಿ: ಸಿದ್ದರಾಮಯ್ಯ ಕೊಟ್ಟ ಭರವಸೆ ಏನು?
- Movies ''ಹೆಣ್ಮಕ್ಕಳು ಎಲ್ಲೆಲ್ಲೋ ಹೋದರು'' ಎಂದ ಶ್ರುತಿಗೆ ಮಹಿಳಾ ಆಯೋಗ ನೋಟಿಸ್ ; 07 ದಿನದ ಗಡುವು..!
- Sports IPL 2024: ಹೈದರಾಬಾದ್ ಅಂಗಳದಲ್ಲಿ ಗೆಲ್ಲುವುದೆ ಆರ್ಸಿಬಿ: ಟಾಸ್ ವರದಿ ಹೀಗಿದೆ
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ದೇಹದ ಮೇಲಿರುವ ಗುರುತು ನಿಮ್ಮ 'ಸ್ವಭಾವಕ್ಕೆ' ಕುರುಹು!
ಹುಟ್ಟುವಾಗ ಇಲ್ಲದಿದ್ದ ಚರ್ಮದಲ್ಲಿ ಕಾಲಕಳೆದಂತೆ ಹೊಸದಾಗಿ ಕಲೆಗಳು ಅಥವಾ ವರ್ತುಲಗಳು ಕಂಡುಬರುತ್ತವೆ. ಇಂದಿನ ಲೇಖನದಲ್ಲಿ ಈ ಕಲೆಗಳು ಅಥವಾ ಗುರುತುಗಳ ಬಗ್ಗೆ ಕೆಲವು ಅಮೂಲ್ಯ ಮಾಹಿತಿಗಳನ್ನು ಸಂಗ್ರಹಿಸಲಾಗಿದೆ...
ನಮ್ಮ ಚರ್ಮದ ಜೀವಕೋಶಗಳು ಸತತವಾಗಿ ಸಾಯುತ್ತಾ, ಹೊಸದಾಗಿ ಹುಟ್ಟುತ್ತಾ ಹೋಗುತ್ತವೆ. ಇದರಿಂದಾಗಿ ಕೆಲವು ಕಲೆಗಳು ಮಾಯವಾಗುತ್ತವೆ ಹಾಗೂ ಗಾಯದ ಗುರುತುಗಳು ಪೇಲವವಾಗುತ್ತಾ ಹೋಗುತ್ತವೆ. ಕೇವಲ ಹುಟ್ಟುಮಚ್ಚೆಗಳು ಮಾತ್ರ ಹೆಚ್ಚು ಕಡಿಮೆ ಹಾಗೇ ಇರುತ್ತವೆ ಅಥವಾ ದೊಡ್ಡದಾಗುತ್ತಾ ಹೋಗುತ್ತವೆ.
ಆದರೆ ಹುಟ್ಟುವಾಗ ಇಲ್ಲದಿದ್ದ ಚರ್ಮದಲ್ಲಿ ಕಾಲಕಳೆದಂತೆ ಹೊಸದಾಗಿ ಕಲೆಗಳು ಅಥವಾ ವರ್ತುಲಗಳು ಕಂಡುಬರುತ್ತವೆ. ಇಂದಿನ ಲೇಖನದಲ್ಲಿ ಈ ಕಲೆಗಳು ಅಥವಾ ಗುರುತುಗಳ ಬಗ್ಗೆ ಕೆಲವು ಅಮೂಲ್ಯ ಮಾಹಿತಿಗಳನ್ನು ಸಂಗ್ರಹಿಸಲಾಗಿದೆ. ಸಾಮಾನ್ಯವಾಗಿ ನೋವು ಅಥವಾ ತುರಿಕೆ ಇಲ್ಲದಿದ್ದಲ್ಲಿ ನಾವೆಲ್ಲಾ ಈ ಗುರುತುಗಳನ್ನು ಅಲಕ್ಷಿಸುತ್ತೇವೆ. ಒಂದೇ ತಿಂಗಳಲ್ಲಿ ಮಾಯವಾಗುವ ತ್ವಚೆಯ ಕಪ್ಪು ಕಲೆ!
ಆದರೆ ಈ ಗುರುತುಗಳಿಗೆ ತಮ್ಮದೇ ಆದ ವ್ಯಾಖ್ಯಾನ ಮತ್ತು ಅರ್ಥಗಳಿವೆ. ಇವುಗಳು ಸಾಮಾನ್ಯವಾಗಿ ಸಹಜವರ್ಣಕ್ಕೂ ಕೊಂಚ ಗಾಢವಾಗಿ, ತಿಳಿಯಾಗಿ, ಗುಲಾಬಿ ಅಥವಾ ಗಾಢನೀಲಿ ಬಣ್ಣ ಬೆರೆಸಿದಂತಿರುತ್ತವೆ. ಇವುಗಳ ನಿಜವಾದ ಅರ್ಥವೇನು? ವ್ಯಕ್ತಿಯ ವ್ಯಕ್ತಿತ್ವದ ಬಗ್ಗೆ ಇವೇನು ಹೇಳುತ್ತವೆ ನೋಡೋಣ...
ಬೆನ್ನಿನಲ್ಲಿರುವ ಗುರುತುಗಳು
ಯಾವಾಗ ಬೆನ್ನಿನ ಮೇಲ್ಭಾಗದಲ್ಲಿ ಗುರುತುಗಳು ಮೂಡಲು ಪ್ರಾರಂಭವಾಯಿತೋ ಆಗ ಆ ವ್ಯಕ್ತಿಗೆ ಭಾವನಾತ್ಮಕ ನೆರವು ದೊರಕುವುದು ಕಡಿಮೆಯಾಗುತ್ತದೆ. ಬೆನ್ನಿನ ಮಧ್ಯಭಾಗದಲ್ಲಿದ್ದರೆ ಈ ವ್ಯಕ್ತಿ ಮಾಡುವ ಒಂದು ತಪ್ಪಿನಿಂದಾಗಿ ಇಡಿಯ ಜೀವಮಾನ ಕೊರಗುವಂತಾಗುತ್ತದೆ. ಕೆಳಬೆನ್ನಿನ ಮೇಲೆ ಮೂಡಿರುವ ಗುರುತುಗಳು ಅತಿ ಹೆಚ್ಚಿನ ಒತ್ತಡದ ಜೀವನ ಮತ್ತು ಅನಿಶ್ಚಿತತೆಯನ್ನು ತೋರುತ್ತದೆ.
ಕುತ್ತಿಗೆಯ ಹಿಂಭಾಗದ ಗುರುತುಗಳು
ಈ ಭಾಗದಲ್ಲಿ ಗುರುತು ಇರುವ ವ್ಯಕ್ತಿಗಳು ಹಿಂದುಮುಂದು ನೋಡದೆ ನುಗ್ಗುವ ಮತ್ತು ತಕ್ಷಣವೇ ನಿರ್ಧಾರವನ್ನು ತೆಗೆದುಕೊಳ್ಳುವ ವ್ಯಕ್ತಿಗಳಾಗಿದ್ದಾರೆ. ಇದರಿಂದ ಈ ವ್ಯಕ್ತಿಗಳು ಅಥವಾ ಇವರ ಆಪ್ತರು ಮತ್ತು ಒಡನಾಟದಲ್ಲಿರುವವರು ಭಾರೀ ತೊಂದರೆಯನ್ನು ಎದುರಿಸುವಂತಾಗುತ್ತದೆ.
ಕುತ್ತಿಗೆಯ ಮುಂಭಾಗದ ಗುರುತುಗಳು
ಕುತ್ತಿಗೆಗೆ ಸರ ಹಾಕಿದಾಗ ಪೆಂಡೆಂಟ್ ತಾಕುವ ಭಾಗದಲ್ಲಿರುವ ಗುರುತುಗಳು ಥೈರಾಯ್ಡ್ ಅಥವಾ ಹಾರ್ಮೋನುಗಳ ತೊಂದರೆಯ ಪರಿಣಾಮಗಳಾಗಿವೆ. ಇವು ವ್ಯಕ್ತಿತ್ವದ ಮೇಲೆ ಯಾವ ಪರಿಣಾಮವನ್ನೂ ಬೀರುವುದಿಲ್ಲ.
ಹೊಟ್ಟೆಯ ಮೇಲಿನ ಗುರುತುಗಳು
ಈ ಗುರುತುಗಳೂ ವ್ಯಕ್ತಿತ್ವದ ಬಗ್ಗೆ ಯಾವುದೇ ಪರಿಣಾಮವನ್ನು ಬೀರುವುದಿಲ್ಲ ಆದರೆ ಈ ಗುರುತುಗಳು ಯಕೃತ್ ಅಥವಾ ಮಹಿಳೆಯರಲ್ಲಿ ಗರ್ಭಕೋಶದ ತೊಂದರೆಯ ಗುರುತುಗಳಾಗಿರಬಹುದು. ತಕ್ಷಣವೇ ವೈದ್ಯರಲ್ಲಿ ತಪಾಸಣೆಗೊಳಗಾಗುವುದು ಅಗತ್ಯ.
ತೊಡೆಯ ಮೇಲಿನ ಗುರುತುಗಳು
ಈ ಭಾಗದಲ್ಲಿ ಗುರುತು ಇರುವ ವ್ಯಕ್ತಿಗಳು ಮಹತ್ವಾಕಾಂಕ್ಷಿಗಳಾಗಿದ್ದು ಶ್ರಮಜೀವಿಗಳೂ ಆಗಿರುತ್ತಾರೆ. ಆದರೆ ಕೆಲವೊಮ್ಮೆ ಇವರು ಯೋಚಿಸಿದಂತೆ ಆಗದೇ ಹೋದರೆ ಇವರು ಭಾವನಾತ್ಮಕವಾಗಿ ಖಿನ್ನರಾಗುತ್ತಾರೆ.
ಮೊಣಗಂಟಿನ ಹಿಂಭಾಗದ ಗುರುತುಗಳು
ಮೊಣಗಂಟಿನ ಹಿಂಭಾಗ ಅಂದರೆ ಮಡಚಿದಾಗ ಮರೆಯಾಗುವ ಭಾಗದಲ್ಲಿರುವ ಗುರುತುಗಳಿರುವ ವ್ಯಕ್ತಿಗಳ ಜೀವನದಲ್ಲಿ ತುಂಬಾ ಕಷ್ಟವಿದ್ದು ಸದಾ ಒತ್ತಡದಲ್ಲಿಯೇ ಇರುತ್ತಾರೆ. ಇವರು ಸಾಮಾನ್ಯವಾಗಿ ಸುಲಭವಾಗಿ ರೋಗಕ್ಕೆ ತುತ್ತಾಗುತ್ತಾರೆ. ಆದ್ದರಿಂದ ಆರೋಗ್ಯದ ಕಾಳಜಿ ಇವರ ಪ್ರಾಮುಖ್ಯತೆಯಾಗಬೇಕು.
ಕಣ್ಣಿನ ಕೆಳಭಾಗದ ಗುರುತುಗಳು
ಈ ಗುರುತುಗಳು ಖಿನ್ನತೆಯ ಸ್ಪಷ್ಟ ಸಂಕೇತವಾಗಿದೆ. ಇವು ಆತ್ಮವಿಶ್ವಾಸದ ಕೊರತೆ ಮತ್ತು ಏಕಾಂಗಿಜೀವನವನ್ನು ಪ್ರಕಟಿಸುತ್ತವೆ. ಈ ವಕ್ತಿಗಳಿಗೆ ಮದುವೆಯ ಭಾಗ್ಯ ತುಂಬಾ ತಡವಾಗಿ ಆಗುತ್ತದೆ. ಇವರು ಸಂಗಾತಿಯಲ್ಲಿ ಭಿನ್ನಾಭಿಪ್ರಾಯ ಹೊಂದಿದ್ದು, ಮನೆಯವರೊಂದಿಗೂ ಆಗಾಗ ಜಗಳ ಕಾಯುತ್ತಿರುತ್ತಾರೆ.