For Quick Alerts
ALLOW NOTIFICATIONS  
For Daily Alerts

ಕಳೆದ 22 ವರ್ಷಗಳಿಂದ ಈ ದಂಪತಿ ಒಳಚರಂಡಿಯಲ್ಲಿ ವಾಸಿಸುತ್ತಿದ್ದಾರೆ!

ಇವರು ಹೊರಜೀವನದ ಐಷಾರಾಮಗಳಿಗೆ ತಮ್ಮನ್ನು ತಾವು ಹೋಲಿಸಿಕೊಳ್ಳದೇ ಒಳಚರಂಡಿಯೊಂದರಲ್ಲಿ ಕಳೆದ ಇಪ್ಪತ್ತೆರಡು ವರ್ಷಗಳಿಂದ ಸುಖಜೀವನ ಸಾಗಿಸುತ್ತಾ ಬಂದಿದ್ದಾರೆ. ಬನ್ನಿ, ಈ ದಂಪತಿಯ ಮನೆಗೊಮ್ಮೆ ಭೇಟಿ ನೀಡಿ ಬರೋಣ!

By Manu
|

ಮಾನವನಾಸೆಗೆ ಮಿತಿಯಿಲ್ಲ. ನಮಗೆ ಎಷ್ಟಿದ್ದರೂ ಸಾಲದು, ಇನ್ನೂ ಕೊಂಚ ಬೇಕು, ಇತರರಿಗಿಂತ ಕೊಂಚ ಮೇಲಿರಬೇಕು ಎಂಬುದೇ ನಮ್ಮೆಲ್ಲರ ಹಂಬಲವಾಗಿದೆ. ವಾಸ್ತವದಲ್ಲಿ ಈ ಹಂಬಲದಿಂದಲೇ ನಾಗರೀಕತೆ ಬೆಳೆದಿರುವುದು ಮಾತ್ರ ಸುಳ್ಳಲ್ಲ. ಹಿಂದಿನ ದಿನಗಳಲ್ಲಿ ಪಾಂಡಿತ್ಯಕ್ಕೆ ಹೆಚ್ಚು ಬೆಲೆ ನೀಡಲಾಗುತ್ತಿತ್ತು. ಇಂದು ಮನುಷ್ಯ ಹೊಂದಿರುವ ಹಣ ಮತ್ತು ಸವಲತ್ತುಗಳೇ ಬೆಲೆಬಾಳುತ್ತಿವೆ. ಈತನಿಗೆ ಎರಡೂ ಕೈಗಳಿಲ್ಲ, ಆದರೆ ತಾಯಿಯನ್ನು ಮಗುವಿನಂತೆ ಸಾಕುತ್ತಿದ್ದಾನೆ!

ಒಂದು ಖ್ಯಾತ ನಾಣ್ಣುಡಿಯಂತೆ ನಮಗೆ ನಮ್ಮ ತಟ್ಟೆಯಲ್ಲಿದ್ದುದಕ್ಕಿಂತ ಪಕ್ಕದವರ ತಟ್ಟೆಯಲ್ಲಿರುವ ಆಹಾರವೇ ಹೆಚ್ಚು ರುಚಿಕರ! ಇದೇ ರೀತಿ ನಮ್ಮ ಬಯಕೆಗಳು ಹಾಗೂ ಅಗತ್ಯತೆಗಳು ಕೂಡಾ. ನಾವೇಕೆ ಈ ಪರಿಯ ವೈಚಾರಿಕತೆಯ ಮಾತನಾಡುತ್ತಿದ್ದೇವೆ ಎಂದು ನೀವು ಅಚ್ಚರಿ ಪಡುತ್ತಿರಬಹುದು. ಇಂತಹ ಜನರೂ ಜಗತ್ತಿನಲ್ಲಿ ಇದ್ದಾರೆಯೇ? ಅಚ್ಚರಿಯಾಗುತ್ತಿದೆ!!

ಈ ವಿಚಾರವನ್ನು ಪೀಠಿಕೆಯಾಗಿ ಏಕೆ ಬಳಸಲಾಯಿತೆಂದರೆ ನಮ್ಮ ನಡುವೆ ಒಂದು ದಂಪತಿ ಹೊರಜೀವನದ ಐಷಾರಾಮಗಳಿಗೆ ತಮ್ಮನ್ನು ತಾವು ಹೋಲಿಸಿಕೊಳ್ಳದೇ ಒಳಚರಂಡಿಯೊಂದರಲ್ಲಿ ಕಳೆದ ಇಪ್ಪತ್ತೆರಡು ವರ್ಷಗಳಿಂದ ಸುಖಜೀವನ ಸಾಗಿಸುತ್ತಾ ಬಂದಿದ್ದಾರೆ. ಬನ್ನಿ, ಈ ದಂಪತಿಯ ಮನೆಗೊಮ್ಮೆ ಭೇಟಿ ನೀಡಿ ಬರೋಣ....

ಯಾರಿವರು?

ಯಾರಿವರು?

ಕೊಲಂಬಿಯಾ ದೇಶದ ಮೆಡಿಲಿನ್ ಎಂಬ ನಗರ ವಾಸಿಗಳಾಗಿರುವ ಮಾರಿಯಾ ಗಾರ್ಸಿಯಾ ಮತ್ತು ಅವರ ಪತಿ ಮಿಗ್ಯುಯೆಲ್ ರೆಸ್ಟ್ರೆಪೋ ರವರೇ ಈ ದಂಪತಿಗಳಾಗಿದ್ದು ಇವರ ಸಮಾನ ಅಭಿರುಚಿ ಎಂದರೆ ಮಾದಕ ದ್ರವ್ಯ. ಮದುವೆಗೂ ಮುನ್ನ ಮಾದಕ ದ್ರವ್ಯ ಸೇವನೆಯ ಸಮಯದಲ್ಲಿಯೇ ಇವರಿಬ್ಬರೂ ಭೇಟಿಯಾಗಿ ಪರಸ್ಪರ ಪ್ರೀತಿಸಿ ಜೀವನಸಂಗಾತಿಗಳಾಗಲು ನಿರ್ಧರಿಸಿದರು.

ಆದರೆ ಈ ಜಗತ್ತು ಕ್ರೂರವಾಗಿದೆ

ಆದರೆ ಈ ಜಗತ್ತು ಕ್ರೂರವಾಗಿದೆ

ಪ್ರೀತಿಸಿ ಜೀವನಸಂಗಾತಿಗಳಾಗುವ ನಿರ್ಧಾರ ಪಡೆದದ್ದೇನೋ ಸರಿ, ಆದರೆ ಮುಂದಿನ ಜೀವನ ನಡೆಯುವುದು ಹೇಗೆ? ಇಬ್ಬರೂ ಮಾದಕ ದ್ರವ್ಯ ವ್ಯಸನಿಗಳು. ಈ ನಿಟ್ಟಿನಲ್ಲಿ ಇಬ್ಬರೂ ತೆಗೆದುಕೊಂಡ ನಿರ್ಧಾರವೆಂದರೆ ಮಾದಕ ವಸ್ತುಗಳ ಸೇವನೆಯನ್ನು ತ್ಯಜಿಸುವುದು. ಆದರೆ ಇವರ ವಿವಾಹಕ್ಕೆ ಇಬ್ಬರ ಮನೆಯವರಿಂದಲೂ ಭಾರೀ ವಿರೋಧ ವ್ಯಕ್ತವಾಗಿ ಇಬ್ಬರೂ ತಮ್ಮ ತಮ್ಮ ಕುಟುಂಬಗಳನ್ನು ತ್ಯಜಿಸಿ ಹೊರಬಂದರು.

ಆದಾಯವಿಲ್ಲದೆ ಮನೆಯೆಲ್ಲಿ?

ಆದಾಯವಿಲ್ಲದೆ ಮನೆಯೆಲ್ಲಿ?

ನಗರದ ಯಾವುದೇ ಮೂಲೆಗೆ ಹೋದರೂ ಹಣವಿಲ್ಲದೇ ಮನೆ ಸಿಗುವ ಮಾತೇ ಇಲ್ಲ. ಹಣವಿಲ್ಲದ ಈ ದಂಪತಿ ತಮ್ಮ ತಮ್ಮ ಮನೆಗಳಿಂದ ಪರಿತ್ಯಕ್ತರಾಗಿ ಅಲೆಯುತ್ತಿದ್ದಾಗ ಅವರಿಗೆ ತಾತ್ಕಾಲಿಕವಾಗಿಯಾದರೂ ಆಶ್ರಯ ಪಡೆದುಕೊಳ್ಳಲು ಸೂಕ್ತ ಎಂದು ಅನ್ನಿಸಿದ್ದು ನಗರದ ಒಳಚರಂಡಿಯ ಭಾಗ. ಈ ಭಾಗ ಕೊಂಚ ಒಣದಾಗಿದ್ದು ಇಬ್ಬರಿಗೂ ಸಾಕಷ್ಟು ಸ್ಥಳಾವಕಾಶವಿತ್ತು. ಅಂದಿನಿಂದ ಅವರಿಗೆ ಆಶ್ರಯ ಕೊಟ್ಟ ಈ ಒಳಚರಂಡಿ ಇಂದಿನವರೆಗೂ ಶಾಶ್ವತವಾದ ಮನೆಯೇ ಆಗಿಬಿಟ್ಟಿದೆ. ಈ ಮನೆಯ ಪ್ರಮುಖ ದ್ವಾರವಿರುವುದು ಎಲ್ಲಿ ಅಂದರೆ ಸೂರಿನಲ್ಲಿ, ನೇರವಾಗಿ ತಲೆಯ ಮೇಲೆ.

ಈ ಮನೆಯಲ್ಲಿ ಹಲವು ಸವಲತ್ತುಗಳಿವೆ!!

ಈ ಮನೆಯಲ್ಲಿ ಹಲವು ಸವಲತ್ತುಗಳಿವೆ!!

ಮನೆ ಎಂದ ಬಳಿಕ ಮನೆಯ ಒಡತಿಗೆ ಮನೆಯ ಹಲವು ಸವಲತ್ತುಗಳು ಬೇಕೇ ಬೇಕು. ಮುಖ್ಯವಾಗಿ ಅಡುಗೆ ಮನೆ. ಈ ಮನೆಯಲ್ಲಿಯೂ ಅವೆಲ್ಲವೂ ಇದೆ. ಪುಟ್ಟ ಅಡುಗೆ ಕೋಣೆ, ವಿದ್ಯುತ್ ಸಂಪರ್ಕ, ನೇತುಹಾಕಿದ ಟೀವಿ, ನೀರಿನ ಸಂಪರ್ಕ, ಒಟ್ಟಾರೆ ಒಂದು ಮನೆಯಲ್ಲಿ ಏನಿರಬೇಕೋ ಅವೆಲ್ಲಾ. ಅದರೆ ಕಿಟಕಿ ಮಾತ್ರ ಇಲ್ಲ.

ಇವರಿಗೊಂದು ಸಾಕುನಾಯಿಯೂ ಇದೆ

ಇವರಿಗೊಂದು ಸಾಕುನಾಯಿಯೂ ಇದೆ

ಇವರ ಪ್ರೀತಿಪಾತ್ರ ನಾಯಿ 'ಬ್ಲಾಕೀ' ಸಹಾ ಇವರೊಂದಿಗೆ ಈ ಮನೆಯಲ್ಲಿಯೇ ಆಶ್ರಯ ಪಡೆದಿದ್ದು ಇಬ್ಬರೂ ಮನೆಯಲ್ಲಿ ಇಲ್ಲದ ಸಮಯದಲ್ಲಿ ಯಾರೂ ಮನೆಯ ಬಳಿ ಸುಳಿಯದಂತೆ ಕಾವಲು ಕಾಯುತ್ತದೆ.

ಈ ಮನೆ ಪ್ರಶಾಂತ ವಾತಾವರಣದಲ್ಲಿದೆ

ಈ ಮನೆ ಪ್ರಶಾಂತ ವಾತಾವರಣದಲ್ಲಿದೆ

ನಗರದ ಗಡಿಬಿಡಿ ಸ್ಥಳದಿಂದ ಈ ಮನೆ ಕೊಂಚ ದೂರದಲ್ಲಿರುವ ಕಾರಣ ಇವರ ಮನೆಯಲ್ಲಿ ಸದಾ ಶಾಂತಿ ಇದ್ದು ನೆಮ್ಮದಿ ತುಳುಕಾಡುತ್ತಿದೆ. ಅಷ್ಟೇ ಅಲ್ಲ, ಪ್ರತಿ ಹಬ್ಬಗಳಂದು ಇವರು ತಮ್ಮ ಮನೆಯನ್ನು ಒಳಗಿನಿಂದ ಸುಂದರವಾಗಿ ಸಿಂಗರಿಸುತ್ತಾರೆ ಸಹಾ.

ಈ ಮನೆಯನ್ನು ಬಿಡಲು ಅವರಿಗೆ ಇಷ್ಟವೇ ಇಲ್ಲ

ಈ ಮನೆಯನ್ನು ಬಿಡಲು ಅವರಿಗೆ ಇಷ್ಟವೇ ಇಲ್ಲ

ಇವರ ಇರುವಿಕೆಯನ್ನು ಕಂಡುಕೊಂಡ ಕೆಲವು ಸಹೃದಯಿಗಳು ಬೇರೆ ಮನೆ ಮಾಡಿಕೊಳ್ಳಲು ಸಲಹೆ ನೀಡಿದರೆ ಈ ಮನೆಯನ್ನು ಬಿಡಲೊಪ್ಪದ ಅವರು ತಮ್ಮ ನೆಮ್ಮದಿಯನ್ನು ಈ ಮನೆಯಲ್ಲಿಯೇ ಕಂಡುಕೊಂಡಿದ್ದು ನಾವಿಲ್ಲಿ ಸುಖವಾಗಿದ್ದೇವೆ. ಇದಕ್ಕಿಂತಲೂ ಹೆಚ್ಚಿನ ಸುಖ ಬೇರೆ ಮನೆಯಲ್ಲಿ ಸಿಗುತ್ತದೆ ಎಂದು ನಾವು ಭಾವಿಸುವುದಿಲ್ಲ ಎಂದು ನೇರವಾಗಿ ಈ ದಂಪತಿ ಹೇಳಿ ಬೆರಗು ಮೂಡಿಸುತ್ತಾರೆ. ನಿಮಗೆ ಮನೆಯನ್ನು ಪುಕ್ಕಟೆಯಾಗಿ ನೀಡುತ್ತೇವೆ ಬನ್ನಿ ಎಂದು ಕರೆದರೂ ಇವರು ಇಲ್ಲಿಂದ ಗುಳೆಹೋಗಲು ಒಪ್ಪಿಲ್ಲ. ಏನೇ ಆಗಲಿ, ಎಲ್ಲಿ ನೆಮ್ಮದಿ ಇದೆಯೋ ನಿಜವಾಗಿಯೂ ಅದೇ ನಿಮ್ಮ ಮನೆ.

All ImagesSource

English summary

Couple Lives In A Sewer Since 22 Years!

A man has never-ending needs and desires. The more we get in our lives, our craving and thirst for things increase. Just the way the famous saying goes, "The Food on the next table is always tasty", so are the human needs and desires! If you are wondering what we are discussing, then it is about a couple who has been living in a sewer and they are content in life! This is a story of an elderly couple who is happily staying in this sewer and is leading a regular life with all amenities. Check out their unique story...
X
Desktop Bottom Promotion