Just In
Don't Miss
- Sports LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ
- News Annamalai: ಒಂದು ಲಕ್ಷ ಮತದಾರರ ಹೆಸರು ಪಟ್ಟಿಯಿಂದ ಕಾಣೆಯಾಗಿದೆ: ಅಣ್ಣಾಮಲೈ ಆರೋಪ
- Movies 3ನೇ ಬಾರಿ ಜೊತೆಯಾದ್ರು ಶಿವಣ್ಣ- ಜಾಕಿ ಭಾವನಾ; ಯಾವ ಸಿನಿಮಾ ಗೊತ್ತಾ?
- Automobiles ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಂಬುತ್ತೀರೋ ಬಿಡುತ್ತೀರೋ, ಇದು ಪಕ್ಕಾ ಚಿನ್ನದ ಶೌಚಾಲಯ!
ಚಿನ್ನವನ್ನು ಬಹಳ ಹಿಂದಿನ ಕಾಲದಿಂದಲೇ ಇದೊಂದು ಸಂಪತ್ತು ಎಂದು ಪರಿಗಣಿಸಲ್ಪಟ್ಟಿರುವುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಅದರಲ್ಲೂ ಸ್ವರ್ಣದ ಒಡೆಯರು ಶ್ರೀಮಂತರು ಹಾಗೂ ತಮ್ಮ ವರ್ಚಸ್ಸು, ಘನತೆ, ಗೌರವ ಮತ್ತು ಪ್ರತಿಷ್ಠೆಯನ್ನು ಪ್ರಕಟಿಸಲು ಬಳಸುತ್ತಾ ಬಂದಿದ್ದಾರೆ.
ಅಷ್ಟೇ ಅಲ್ಲದೇ ಇತ್ತೀಚಿನ ದಿನಗಳಲ್ಲಿ ದೇವಾಲಯಗಳಿಗೂ ಬಂಗಾರದ ಹೊದಿಕೆಮಾಡುವುದನ್ನು ಕೇಳಿದ್ದೇವೆ/ ನೋಡಿದ್ದೇವೆ... ಅದರಲ್ಲೂ ಭಾರತೀಯರು ಬಂಗಾರವನ್ನು ಹೆಚ್ಚು ಪವಿತ್ರವೆಂದು ಭಾವಿಸುತ್ತಾರೆ. ಆದರೆ ಇಟಲಿಯಲ್ಲಿ ಶೌಚಾಲಯವನ್ನು ಕೂಡ ಬಂಗಾರದಿಂದ ತಯಾರಿಸಲಾಗಿದೆ. ಇದನ್ನು ಕೇಳಿ ಸ್ವಲ್ಪ ಮಟ್ಟಿಗೆ ವಿಚಿತ್ರವೆನಿಸಬಹುದು..!
ಹೌದು,ಇಟಲಿಯ ಮೌರಿಝೊ ಕ್ಯಾಟ್ಟೆಲನ್ ಎನ್ನುವವರು ಸಂಪೂರ್ಣ ಸ್ವರ್ಣದಿಂದ ಮಾಡಿದ ಶೌಚಾಲಯವನ್ನು ನಿರ್ಮಾಣ ಮಾಡಿದ್ದಾರೆ. ಇದನ್ನು ನ್ಯೂಯಾರ್ಕ್ ನ ಗಗೆನ್ಹೇಮ್ ಮ್ಯೂಸಿಯಂನಲ್ಲಿಡಲಾಗಿದೆ. ಇದರಲ್ಲಿ ಗಮನಹರಿಸಬೇಕಾದ ಪ್ರಮುಖ ಅಂಶವೆಂದರೆ ಇದಕ್ಕೆ ಸಾರ್ವಜನಿಕರಿಗೆ ಪವೇಶ ನೀಡಲಾಗಿದೆ. ಬಂಗಾರ ಪ್ರಿಯರೇ, ತಿಳಿದಿರಲಿ ಚಿನ್ನದಂತಹ ಸಂಗತಿ...
ಇದನ್ನು ತಯಾರಿಸಿರುವ ಕಲಾಕಾರನ ಪ್ರಕಾರ ಇದು ಕೇವಲ ಕಲೆ ಮಾತ್ರವಲ್ಲ. ಇದು ಸಾರ್ವಜನಿಕರು ಬಳಸಬಹುದಾದ ಶೌಚಾಲಯವಾಗಿದೆ. ಜನರು ಇದನ್ನು ಬಳಸಿದಾಗ ಮಾತ್ರ ಕಲಾಕೃತಿಯು ಪೂರ್ಣವಾಗುತ್ತದೆ ಎನ್ನುತ್ತಾನೆ ಕಲಾಕಾರ.
ಸ್ವರ್ಣದ ಶೌಚಾಲಯಕ್ಕೆ ಅಮೆರಿಕಾ ಎಂದು ಹೆಸರನ್ನು ಇಡಲಾಗಿದೆ. ವಾಖ್ಯಾನಕ್ಕೆ ಮುಕ್ತವೆನ್ನುವುದು ಇದರ ಅರ್ಥವಾಗಿದೆ. ಅಲ್ಲಿನ ಅಗ್ರ ಮಾಧ್ಯಮವೊಂದು ಇದು ಸಂಪತ್ತನ್ನು ತೋರಿಸುವ ಪರಾಕಾಷ್ಠೆ ಎಂದು ಬಣ್ಣಿಸಿದೆ. ನಮ್ಮಲ್ಲಿ ಸಾಧಾರಣ ಶೌಚಾಲಯಗಳನ್ನು ಬಳಕೆ ಮಾಡಲು ಸರತಿ ಸಾಲಿನಲ್ಲಿ ನಿಲ್ಲುವಂತೆ ಅಲ್ಲಿ ಬಂಗಾರದ ಶೌಚಾಲಯವನ್ನು ಬಳಸಲು ಜನರು ಸರತಿಯಲ್ಲಿ ನಿಂತಿದ್ದಾರೆ.
ಶೌಚಾಲಯ ಇರುವ ಕಡೆ ಸುರಕ್ಷತೆಗೆ ಸಿಬ್ಬಂದಿಗಳನ್ನು ನೇಮಕ ಮಾಡಲಾಗಿದೆ. ಇದು ಕಳವಾಗದಂತೆ ತಡೆಯಲು ರಕ್ಷಣಾ ಸಿಬ್ಬಂದಿಗಳು ಹದ್ದಿನ ಕಣ್ಣಿಟ್ಟಿದ್ದಾರೆ. ಸಾಮಾನ್ಯವಾಗಿ ಸಾಧಾರಣ ಶೌಚಾಲಯವನ್ನು ಬಳಸಿದಾಗ ಅದು ಕಳೆಗುಂದುತ್ತಾ ಹೋಗುತ್ತದೆ.
ಆದರೆ ಬಂಗಾರದ ಶೌಚಾಲಯವು ಬಳಸಿದ ಬಳಿಕ ಹೆಚ್ಚಿನ ಕಾಂತಿ ಪಡೆಯುತ್ತದೆ. ಫ್ಲಶ್ ಮಾಡಿದಾಗ ಬಂಗಾರದ ಕಾಂತಿ ತೋರಿಸುತ್ತದೆ. ಆದರೆ ನಿಜವಾಗಿಯೂ ಇದು ಬೇಕೇ ಎನ್ನುವ ಪ್ರಶ್ನೆ ಎಲ್ಲರನ್ನು ಕಾಡುತ್ತಾ ಇರುತ್ತದೆ.