ವಾಸ್ತು ಪ್ರಕಾರ ಮನೆಯಲ್ಲಿ ಇಂತಹ ವಸ್ತುಗಳು ಇರಲೇಬಾರದು!

ತುಳಸಿ ಗಿಡ

ತುಳಸಿ ಗಿಡವು ಹಿಂದೂಗಳಿಗೆ ತುಂಬಾ ಪವಿತ್ರವೆಂದು ಹೇಳಲಾಗುತ್ತದೆ. ತುಳಸಿ ಗಿಡವನ್ನು ಮನೆಯ ಅಂಗಳದಲ್ಲಿ ಇಡಬೇಕು. ಮನೆಯ ಒಳಗಡೆ ಅದರಲ್ಲೂ ಮನೆಯ ದಕ್ಷಿಣ ಭಾಗದಲ್ಲಿ ಇದ್ದರೆ ಅದರಿಂದ ನಿಮಗೆ ಮತ್ತು ಕುಟುಂಬಕ್ಕೆ ದೊಡ್ಡ ಸಮಸ್ಯೆಯಾಗಬಹುದು. ದಕ್ಷಿಣ ಭಾಗದಲ್ಲಿ ತುಳಸಿ ಗಿಡವಿದ್ದರೆ ಅದನ್ನು ಈಗಲೇ ಅಲ್ಲಿಂದ ತೆಗೆಯಿರಿ.

ಶೂ ರ್ಯಾಕ್

ಮನೆಯ ಒಳಗಡೆ ಯಾವತ್ತೂ ಶೂ ಹಾಕಿಕೊಂಡು ಹೋಗಬೇಡಿ. ಶೂ ರ್ಯಾಕ್ ಇಡಲು ಮನೆಯ ಹೊರಗಡೆ ಜಾಗ ಮಾಡಿಕೊಳ್ಳಿ. ಇದರಿಂದ ಶೂವನ್ನು ಮನೆಯ ಒಳಗಡೆ ತರುವ ಪ್ರಮೇಯವೇ ಬರುವುದಿಲ್ಲ.

ಹಾಲಿನ ಪಾತ್ರೆ ಮುಚ್ಚಿಡಿ

ಹಾಲಿನ ಪಾತ್ರೆಯನ್ನು ಯಾವಾಗಲೂ ಮುಚ್ಚಿಡಬೇಕೆಂದು ನೆನಪಿಡಿ. ಹಾಲು ಅಥವಾ ಹಾಲಿನ ಯಾವುದೇ ಉತ್ಪನವನ್ನು ಬಾಯಿ ಮುಚ್ಚದೆ ಹಾಗೆ ಇಡಬೇಡಿ. ಹಾಲು ಬಿಸಿಯಾಗಿದ್ದರೆ ಫ್ರಿಡ್ಜ್ ನಲ್ಲಿ ಇಡುವ ಮೊದಲು ಪಾತ್ರೆಯ ಬಾಯಿಮುಚ್ಚಿಕೊಳ್ಳಿ.

ಸ್ವಚ್ಛತೆಗೆ ಆದ್ಯತೆ ನೀಡಿ...

ಮನೆಯನ್ನು ಯಾವಾಗಲೂ ಸ್ವಚ್ಛ ಮಾಡಿಕೊಳ್ಳುತ್ತಾ ಇರಿ ಮತ್ತು ಆದಷ್ಟು ಜೇಡ ಬಲೆಯನ್ನು ತೆಗೆಯಿರಿ. ಮನೆಯು ಅಸ್ತವ್ಯಸ್ತವಾಗಿರದಂತೆ ನೋಡಿಕೊಂಡರೆ ತುಂಬಾ ಒಳ್ಳೆಯದು.

ಬಾಡಿದ ಹೂಗಳು

ಬೆಳಿಗ್ಗೆ ನೀವು ದೇವರಿಗೆ ಹೂವಿನಿಂದ ಅಲಂಕಾರ ಮಾಡಿದ ಬಳಿಕ ಸಂಜೆ ವೇಳೆ ಆ ಹೂಗಳು ಬಾಡಿ ಹೋಗುತ್ತದೆ. ಇದರಿಂದ ಸಂಜೆಯಾದ ಬಳಿಕ ಹೂವುಗಳನ್ನು ತೆಗೆಯಿರಿ. ಬಾಡಿದ ಹೂವುಗಳು ಮನೆಯಲ್ಲಿ ನಕಾರಾತ್ಮಕ ಪರಿಣಾಮ ಉಂಟು ಮಾಡುತ್ತದೆ.

ಮುಳ್ಳಿನ ಗಿಡಗಳು

ಹೆಚ್ಚಿನವರು ಅಲಂಕಾರಕ್ಕಾಗಿ ಪಾಪಸು ಕಳ್ಳಿಯಂತಹ ಮುಳ್ಳಿನ ಗಿಡಗಳನ್ನು ಮನೆಯೊಳಗೆ ಇಡುತ್ತಾರೆ. ಇದರಿಂದ ಬಡತನ ಬರಬಹುದು ಮತ್ತು ಮನೆಯ ಸದಸ್ಯರಿಗೆ ಅನಾರೋಗ್ಯ ಉಂಟಾಗಬಹುದು. ಇದು ತುಂಬಾ ಅಸುರಕ್ಷಿತವೆಂದು ನಂಬಲಾಗಿದೆ.

ಅಶ್ವತ್ಥ ಮರ

ಅಶ್ವತ್ಥ ಮರದ ಕಟ್ಟೆಗೆ ಸುತ್ತು ಬರುತ್ತೇವೆ. ಇದರಿಂದ ಹಲವಾರು ರೀತಿಯ ಆರೋಗ್ಯ ಲಾಭಗಳು ಇವೆ. ಆದರೆ ಇದರಲ್ಲಿ ದುಷ್ಟಶಕ್ತಿಗಳು ಕೂಡ ನೆಲೆನಿಲ್ಲುತ್ತದೆಯಂತೆ. ಅಶ್ವತ್ಥ ಗಿಡವು ಮನೆಯೊಳಗೆ ಇದ್ದರೆ ಕುಟುಂಬದ ಸದಸ್ಯರಿಗೆ ಯಾವಾಗ ನೋಡಿದರೂ ಚಿಂತೆ ಮತ್ತು ಭಯ ಆವರಿಸಿಕೊಂಡಿರುತ್ತದೆ.