ಅಯ್ಯೋ ರಾಮ, ನಾಯಿ ಮರಿ ಕೊನೆಗೆ ತೋಳವಾಗಿ ಬಿಟ್ಟಿತು!

By: manu
Subscribe to Boldsky

ನಾಯಿ ಮನುಷ್ಯನ ಆಪ್ತಮಿತ್ರನಾಗಿದ್ದು ಸಾವಿರಾರು ವರ್ಷಗಳಿಂದ ಒಡನಾಡಿಯಾಗಿದೆ. ಇಂದಿನ ದಿನಗಳಲ್ಲಂತೂ ಸಾಕು ನಾಯಿಯನ್ನು ಕೆಲವರು ಮನೆಯ ಸದಸ್ಯನೆಂದೇ ಪರಿಗಣಿಸುತ್ತಾರೆ. ಎಷ್ಟೋ ದೇಶಗಳಲ್ಲಿ ನಾಯಿಗಳನ್ನು ದತ್ತು ತೆಗೆದುಕೊಳ್ಳುವ, ಅಂದರೆ ಕಾನೂನುಬದ್ಧನಾದ ಪಾಲಕನಾಗುವ ಅವಕಾಶವೂ ಇದೆ. ನಾಯಿಯ ದೇಹದಲ್ಲಿ ಮೈಕ್ರೋ ಚಿಪ್ ಅಳವಡಿಸಿ ನಾಯಿಯ ಚಲನವಲನಗಳನ್ನು ಗಮನಿಸುವ ಅವಕಾಶವೂ ಇದೆ. 

A Man Accidentally Adopted A Wolf!
 
                                 Image source 

ಅರಿಜೋನಾದ ನಿವಾಸಿಯೊಬ್ಬರು ಸಾಕಲೆಂದು ಚಿಕ್ಕ ನಾಯಿಮರಿಯನ್ನು ತಂದು ಮನೆಯಲ್ಲಿಟ್ಟು ಮನೆಯ ಸದಸ್ಯನಂತೆಯೇ ನೋಡಿಕೊಳ್ಳುತ್ತಿದ್ದರು. ಬೆಳೆಯುತ್ತಾ ಬಂದ ಹಾಗೆ ಈ ಮರಿ ನಾಯಿಯಾಗುವ ಬದಲು ತೋಳನಾಗುವುದೇ? ಈ ನಾಯಿಮರಿ ಎಲ್ಲಿಂದ ತಂದರು ಎಂಬಲ್ಲಿಂದ ಈ ಕಥೆಯ ನಿಜವಾದ ಕುತೂಹಲಕರ ಘಟನೆ ಪ್ರಾರಂಭವಾಗುತ್ತದೆ.. ಮುಂದೆ ಓದಿ

A Man Accidentally Adopted A Wolf!
 

ಈ ವ್ಯಕ್ತಿ ಯಾವುದೋ ಕೆಲಸಕ್ಕೆ ಹೊರಗೆ ಹೋಗಿದ್ದವರಿಗೆ ಒಂದು ಮನೆಯ ಮುಂದೆ 'ನಾಯಿಮರಿಗಳಿವೆ, ಉಚಿತ' ಎಂಬ ಫಲಕ ಕಂಡಿತ್ತು. ಉಚಿತ ಎಂಬ ಪದಕ್ಕೆ ನಾವು ಭಾರತೀಯರು ಮಾತ್ರವಲ್ಲ, ಅಮೇರಿಕನ್ನರೂ ಮುಗಿಬೀಳುತ್ತಾರೆ.  

ಪುಕ್ಕಟೆ ಸಿಗುವುದಾದರೆ ಇರಲಿ ಎಂದು ಯೋಚಿಸಿ ಮನೆಯೊಳಗೆ ನುಗ್ಗಿದ ಈ ವ್ಯಕ್ತಿ ಎರಡನೆಯ ಯೋಚನೆಯನ್ನೇ ಮಾಡದೇ ಸುಂದರವಾಗಿದ್ದ ನಾಯಿಮರಿಯೊಂದನ್ನು ಹೊತ್ತು ಮನೆಗೆ ತಂದರು ಹಾಗೂ ಕಾನೂನುಬದ್ಧವಾಗಿ ಮನೆಯ ಸದಸ್ಯನನ್ನಾಗಿಸಿದರು.

A Man Accidentally Adopted A Wolf!
 

ಮನೆಗೆ ಬಂದ ಸದಸ್ಯನಿಗೆ "ನಿಯೋ" ಎಂದು ನಾಮಕರಣವನ್ನೂ ಮಾಡಲಾಯ್ತು. ತನ್ನ ಮಾಲಿಕನ ಹೊರತಾಗಿ ಇತರ ಸದಸ್ಯರಿಗೆ ಗುರಾಯಿಸುತ್ತಿದ್ದ ಈ ನಾಯಿಮರಿಗೆ ಮಲವಿಸರ್ಜನೆಯ ಪಾಠ ಹೇಳಿ ಕೊಡುವುದೂ ಬಹಳವೇ ಕಷ್ಟವಾಗಿತ್ತು.  ಅಚ್ಚರಿಯ ಸತ್ಯಘಟನೆ: ಮಗುವನ್ನು ಕಾಪಾಡಿದ ಬೀದಿನಾಯಿಗಳು!

ಬೆಳೆಯುತ್ತಾ ಬಂದಂತೆ ಈ ಮರಿಗೆ ಮನುಷ್ಯರ ಒಡನಾಟವೇ ಬೇಡವಾಯ್ತು. ತನ್ನ ಮಾಲಿಕರೊಂದಿಗೂ ಒಡನಾಟ ಕಡಿಮೆ ಮಾಡಿತು. ನೆರೆಹೊರೆಯವರು ಬಂದರಂತೂ ಮುಖ ಅಡಗಿಸಿ ಒಳಗೆ ಮುದುರು ಕುಳಿತುಕೊಳ್ಳುತ್ತಿತ್ತು.

A Man Accidentally Adopted A Wolf!
 

ಆದರೆ ಅಕ್ಕಪಕ್ಕದ ನಾಯಿಗಳೊಂದಿಗೆ ಮಾತ್ರ ಇದು ಸುಲಲಿತವಾಗಿ ಬೆರೆಯುತ್ತಿತ್ತು. ಇದಕ್ಕಾಗಿ ಬೇಲಿಯಡಿಯಲ್ಲಿ ಕಾಲುಗಳಿಂದಲೇ ಸುರಂಗವೊಂದನ್ನು ಕೊರೆದಿತ್ತು. ಇದನ್ನು ಬಂದ್ ಮಾಡಿದ ಬಳಿಕ ಬೇಲಿಯನ್ನು ಹಾರಿಯೇ ತನ್ನ ನಾಯಿಸ್ನೇಹಿತರೊಂದಿಗೆ ಆಡಲು ಹೋಗುತ್ತಿತ್ತು.

A Man Accidentally Adopted A Wolf!
 

ಹೊರಗೆ ಆಟವಾಡಲು ಹೋದ ನಿಯೋ ಮನುಷ್ಯರನ್ನು ಕಂಡರೆ ಗುರಾಯಿಸುತ್ತಿತ್ತು. ಬೆಳೆಯುತ್ತಾ ಹೋದಂತೆ ಇದರ ಕೂದಲು ನೀಳವಾಗಿ, ಕೋರೆಹಲ್ಲು ಇನ್ನಷ್ಟು ಉದ್ದವಾಗಿ ಕಣ್ಣುಗಳು ತೀಕ್ಷ್ಣವಾಗುತ್ತಾ ಹೋದಂತೆ ಇದನ್ನು ಕಂಡವರಿಗೆ ಇದು ನಿಜವಾಗಿಯೂ ನಾಯಿಯೋ ತೋಳವೋ ಎಂಬ ಅನುಮಾನ ಮೂಡಲು ಪ್ರಾರಂಭವಾಯಿತು.    

ತನ್ನ ಮನೆಯ ಬೇಲಿಗೆ ಕನ್ನ ಕೊರೆದಂತೆಯೇ ಇತರರ ಮನೆಯ ಬೇಲಿಯಡಿಯಿಂದ ನುಗ್ಗಿ ಏನನ್ನೋ ಹುಡುಕಾಡುವುದನ್ನು ಗಮನಿಸಿದ ನೆರೆಹೊರೆಯವರು ಮೊದಮೊದಲು ನಿಯೋ ಮಾಲಿಕರಿಗೆ ದೂರು ಮುಟ್ಟಿಸಿದ್ದರು.

ಇದಕ್ಕೆ ಬುದ್ದಿ ಕಲಿಸಲು ಒಂದೆರಡು ಗುದ್ದು ಹಾಕಿದ್ದರೂ ಪ್ರಯೋಜನವಾಗಿರಲಿಲ್ಲ. ದಿನೇ ದಿನೇ ಉಪಟಳ ಜಾಸ್ತಿಯಾಗುತ್ತಾ ಹೋದಂತೆ ಅಕ್ಕಪಕ್ಕದವರು ಪ್ರಾಣಿದಯಾಸಂಸ್ಥೆಯಾದ "Human Society of Southern Arizona" ಎಂಬ ಕಚೇರಿಯ ಅಧಿಕಾರಿಗಳಿಗೆ ದೂರು ನೀಡಿದರು.

A Man Accidentally Adopted A Wolf!
 

ಈ ಸಂಸ್ಥೆಯ ಮುಖ್ಯ ಕಾರ್ಯನಿರ್ವಾಹಕಾ ನಿರ್ದೇಶಕರು ದೂರನ್ನು ಪರಿಶೀಲಿಸಲು ಸ್ವತಃ ನಿಯೋನ ಮಾಲಿಕರ ಮನೆಗೆ ಆಗಮಿಸಿದರು. ನಿಯೋನನ್ನು ಕಂಡ ಈ ತಜ್ಞರ ಕಣ್ಣುಗಳಿಗೆ ಇದು ನಾಯಿಯಲ್ಲ, ತೋಳ ಎಂಬುದನ್ನು ಕಂಡುಕೊಳ್ಳಲು ಹೆಚ್ಚು ಹೊತ್ತು ಬೇಕಾಗಿರಲಿಲ್ಲ. ಇದರೊಂದಿಗೇ ಮನುಷ್ಯನಿಗೆ ಸ್ನೇಹಿತನಾಗಬೇಕಾಗಿದ್ದ ನಿಯೋ ಉಪಟಳ ನೀಡುವ ಪ್ರವೃತ್ತಿಯನ್ನು ಕಂಡುಕೊಂಡ ಬಳಿಕವಂತೂ ಅವರಿಗೆ ಯಾವುದೇ ಅನುಮಾನ ಉಳಿಯಲಿಲ್ಲ.     ಶ್‌...ಎಚ್ಚರಿಕೆ! ಬಹಳ ಖತರ್ನಾಕ್ ಪ್ರಾಣಿಗಳಿವು....

ಅರಿಜೋನಾ ಪ್ರಾಂತದ ಕಾನೂನಿನ ಪ್ರಕಾರ ಅಲ್ಲಿನ ನಿವಾಸಿಗಳು ತೋಳಗಳನ್ನಾಗಲೀ, ಇತರ ವನ್ಯಜೀವಿಗಳನ್ನಾಗಲೀ ಸಾಕು ಪ್ರಾಣಿಯಂತೆ ಸಾಕಲು ಸಾಧ್ಯವಿಲ್ಲ. ಅಲ್ಲಿನ ಸ್ಥಳೀಯ ಮೂಲನಿವಾಸಿಗಳಾಗಿದ್ದವರು ಬೇಟೆಗಾಗಿ ತೋಳಗಳನ್ನು ಸಾಕಲು ಅನುಮತಿ ಇದ್ದರೂ ಇದಕ್ಕಾಗಿ ವಿಶೇಷ ಪರವಾನಗಿಯನ್ನು ಪಡೆದುಕೊಳ್ಳಬೇಕಿತ್ತು. ಆದ್ದರಿಂದ ಅನಿವಾರ್ಯವಾಗಿ ನಿಯೋನನ್ನು ಕ್ಯಾಲಿಫೋರ್ನಿಯಾದ ತೋಳಧಾಮಕ್ಕೆ ಕರೆದೊಯ್ಯಲಾಯಿತು.

A Man Accidentally Adopted A Wolf!
 

ತೋಳಧಾಮಕ್ಕೆ ಕರೆದೊಯ್ದಿದ್ದೇ ತಡ, ಅಲ್ಲಿನ ಇತರ ತೋಳಗಳನ್ನು ಕಂಡು ತನ್ನ ಪರಮಾಶ್ಚರ್ಯ ಆನಂದಗಳನ್ನು ವ್ಯಕ್ತಪಡಿಸಿದ ನಿಯೋ ಕೆಲವೇ ದಿನಗಳಲ್ಲಿ ಅಲ್ಲಿನ ಪರಿಸರಕ್ಕೆ ಹೊಂದಿಕೊಂಡು ತನಗೆ ಅನ್ನ ಹಾಕಿದ ಮಾಲಿಕನನ್ನು ಮರೆತೇ ಬಿಟ್ಟಿದೆ. ಇತ್ತ ಅಮಾಯಕರಿಗೆ ನಾಯಿಮರಿ ಎಂದು ಅಕ್ರಮವಾಗಿ ತೋಳದ ಮರಿಯನ್ನು ಕೊಟ್ಟು ಮೋಸ ಮಾಡಿದ ವ್ಯಕ್ತಿಗಳ ವಿರುದ್ಧ ಮೊಕದ್ದಮೆಯನ್ನು ದಾಖಲಿಸಲಾಗಿದೆ.

Story first published: Friday, November 18, 2016, 12:24 [IST]
English summary

A Man Accidentally Adopted A Wolf!

We all love dogs, and having them as our pets completes our family. But what if you suddenly realise that the little pup you had adopted is not a dog but a wolf instead? Well, this did happen to an unidentified man from Arizona
Please Wait while comments are loading...
Subscribe Newsletter