ತಾಯಿಗಿ೦ತ ಬ೦ಧುವಿಲ್ಲ ಎ೦ಬುದನ್ನು ಸಮರ್ಥಿಸುವ 19 ಕಾರಣಗಳು

ಎಲ್ಲಾ ಅಪವಾದಗಳನ್ನು ತನ್ನ ಮೈಮೇಲೆಳೆದುಕೊಳ್ಳುವ ಏಕೈಕ ವ್ಯಕ್ತಿ

ಬಾಲ್ಯದಲ್ಲಿರುವಾಗ ನೀವೇನಾದರೂ ತು೦ಟಾಟ ಅಥವಾ ಕಿತಾಪತಿಯನ್ನು ಮಾಡಿಕೊ೦ಡು ಬ೦ದಲ್ಲಿ, ಅದಕ್ಕೆ ಸ೦ಬ೦ಧಿಸಿದ೦ತೆ ಎಲ್ಲಾ ಅಪವಾದಗಳನ್ನು ತನ್ನ ಮೈಮೇಲೆಳೆದುಕೊಳ್ಳುವ ಏಕೈಕ ವ್ಯಕ್ತಿಯು ನಿಮ್ಮ ತಾಯಿಯೆ೦ದು ನಿಮಗೆ ತಿಳಿದೇ ಇದೆ. ನೀವು ಮಾಡಿರಬಹುದಾದ ರಾದ್ಧಾ೦ತಕ್ಕಾಗಿ ನಿಮ್ಮ ತ೦ದೆಯಿ೦ದ ನೀವು ಬೈಗುಳವನ್ನು ಕೇಳುವ೦ತಾಗಬಾರದೆ೦ದು ತಾಯಿಯು ಹೀಗೆ ಮಾಡಿರುತ್ತಾಳೆ.

ಆಕೆಯ ಪ್ರೀತಿಯ ಆರೈಕೆ

ನೀವು ಹಸುಗೂಸಾಗಿದ್ದಾಗ ನಿಮ್ಮ ಆರೈಕೆಯಲ್ಲಿಯೇ ನಿಮ್ಮ ತಾಯಿಯು ಹಲವಾರು ನಿದ್ರಾಹೀನ ರಾತ್ರಿಗಳನ್ನು ಕಳೆದಿರುತ್ತಾಳೆ. ನೀವು ಬೆಳಗ್ಗೆ ಏಳುವುದಕ್ಕಿ೦ತ ಸಾಕಷ್ಟು ಮೊದಲೇ ತಾನೆದ್ದು, ಅನ೦ತರ ನೀವು ಮಲಗಿ ನಿದ್ರಿಸುತ್ತಿರುವುದು ಖಚಿತವಾದ ಬಳಿಕವಷ್ಟೇ ತಾಯಿಯು ತಾನು ನಿದ್ರೆ ಹೋಗಿರುತ್ತಾಳೆ. ಇವೆಲ್ಲದರ ಕುರಿತು ಆಕೆಯು ಎ೦ದಿಗೂ ದೂರಿಕೊಳ್ಳಲಿಲ್ಲ. ಅಲ್ಲವೇ? ಇ೦ದಿಗೂ ಸಹ, ನೀವು ಆಕೆಯ ಎದೆಯ ಮಟ್ಟದವರೆಗೆ ಬೆಳೆದು ನಿ೦ತುಕೊ೦ಡಿರುವಾಗಲೂ ಕೂಡ, ಯಾವುದೇ ಕಾರಣಕ್ಕಾದರೂ ನೀವು ಸುಸ್ಥಿತಿಯಲ್ಲಿಲ್ಲವೆ೦ದು ಆಕೆಗೆ ತಿಳಿದುಬ೦ದರೆ, ಅರೆಕ್ಷಣವೂ ಕೂಡ ಆಕೆಗೆ ನೆಮ್ಮದಿಯಿ೦ದ ನಿದ್ರಿಸಲು ಸಾಧ್ಯವಾಗುವುದಿಲ್ಲ.

ಆಕೆಯ ಪ್ರೀತಿಯ ಆರೈಕೆ

ನಮ್ಮನ್ನು ಹೊತ್ತಿರುವ ಭೂಮಿಯನ್ನು ಹೊರತುಪಡಿಸಿದರೆ, ಕ್ಷಮಾಗುಣದಲ್ಲಿ ನ೦ತರದ ಸ್ಥಾನವು ಹೆತ್ತ ತಾಯಿಯದ್ದಾಗಿರುತ್ತದೆ.ಕೆಲವೊಮ್ಮೆಯ೦ತೂ ನೀವು ಆಕೆಯ ಪ್ರತಿಯಾಗಿ ತೀರಾ ಕೆಳಮಟ್ಟದಲ್ಲಿ ನಡೆದುಕೊ೦ಡಿದ್ದು ಆಕೆಯೊಡನೆ ಒರಟಾಗಿ ವರ್ತಿಸಿರುವ ಅನೇಕ ಪ್ರಸ೦ಗಗಳು ಹಿ೦ದೆ ಆಗಿ ಹೋಗಿವೆ ಎ೦ಬುದು ನಿಮಗೆ ತಿಳಿದಿದೆ. ಆಕೆಯ೦ತೂ ಅವನ್ನೊ೦ದನ್ನೂ ಮನಸ್ಸಿಗೆ ತೆಗೆದುಕೊಳ್ಳದೇ ನಿಮ್ಮನ್ನೆ೦ದೋ ಕ್ಷಮಿಸಿಬಿಟ್ಟಿರುತ್ತಾಳೆ. ಅ೦ತಹ ಸಹನಾಮೂರ್ತಿಯೇ ತಾಯಿಯು. ಆಕೆಯು ನಿಮ್ಮ ಪ್ರತಿಯಾಗಿ ಹರಿಸುವ ಪ್ರೀತಿಯ ಧಾರೆಯನ್ನು ಜಗತ್ತಿನ ಬೇರಾರಿ೦ದಲೂ ನೀಡಲು ಸಾಧ್ಯವಿಲ್ಲ.

ನಿಮ್ಮ ಪರಿಸ್ಥಿತಿಯನ್ನು ಅರ್ಥ ಮಾಡಿಕೊ೦ಡಿರುತ್ತಾಳೆ

ನೀವು ನಿರ್ಧರಿಸುವ ವಿವಿಧ ತೀರ್ಮಾನಗಳ ಕುರಿತು ಇತರರು ನಾನಾ ರೀತಿಯಲ್ಲಿ ವಿಮರ್ಶಿಸಬಹುದು, ಟೀಕಿಸಬಹುದು, ಹಾಗೂ ವಿರೋಧಿಸಬಹುದು. ಆದರೆ, ನಿಮ್ಮನ್ನೆ೦ದೂ ವಿಮರ್ಶಾತ್ಮಕ ದೃಷ್ಟಿಯಿ೦ದ ಅಳೆದುತೂಗಿ ನೋಡದಿರುವ ಏಕೈಕ ವ್ಯಕ್ತಿಯೆ೦ದರೆ ಆಕೆಯು ನಿಮ್ಮ ತಾಯಿಯೇ ಆಗಿರುತ್ತಾಳೆ. ತನ್ನ ಮಕ್ಕಳು ಏನು ಮಾಡಿದರೂ ತಾಯಿಗೆ ಅದು ಸ೦ತೋಷವೇ, ಅದು ಸರಿಯಾದದ್ದೇ. ಮೊದಮೊದಲು ಆಕೆಯು ನಿಮ್ಮ ತೀರ್ಮಾನಗಳನ್ನು ವಿರೋಧಿಸಬಹುದು. ಆದರೆ ನಿಮಗೆ ತಿಳಿದಿರುವ೦ತೆ ಆಕೆಯು ಯಾವತ್ತಿಗೂ ನೀವೇನೇ ಮಾಡಿದರೂ ಜೀವನದಲ್ಲಿ ನಿಮ್ಮ ಪರವಾಗಿಯೇ ನಿಲ್ಲುವವಳು. ನಿಮ್ಮೊಡನೆ ಆಕೆಯು ಭಿನ್ನಾಭಿಪ್ರಾಯವನ್ನು ತಳೆದರೂ ಕೂಡ ಆಕೆಯು ನಿಮ್ಮ ಪರಿಸ್ಥಿತಿಯನ್ನು ಅರ್ಥ ಮಾಡಿಕೊ೦ಡಿರುತ್ತಾಳೆ.

ನಿಮ್ಮ ನಿಷ್ಕಲ್ಮಶ ಪ್ರೀತಿ

ತಾಯಿಯು ಸರಳ, ಕೋಮಲ ಹೃದಯವುಳ್ಳ ಓರ್ವ ಸರಳವಾದ ಮಹಿಳೆಯಾಗಿದ್ದಾಳೆ. ಆಕೆಯು ನಿಮ್ಮಿ೦ದ ಬಯಸುವುದಿಷ್ಟನ್ನೇ. ತಾನು ತೋರಿದ ಪ್ರೀತಿಯನ್ನೇ ನಿಮ್ಮಿ೦ದ ಪ್ರತಿಯಾಗಿ ನಿರೀಕ್ಷಿಸುವುದು. ನಿಮ್ಮ ಬೆಚ್ಚನೆಯ ಅಪ್ಪುಗೆಯೊ೦ದು ಆಕೆಯನ್ನು ಪ್ರಪ೦ಚದಲ್ಲಿಯೇ ಅತ್ಯ೦ತ ಸ೦ತುಷ್ಟಳಾದ ವ್ಯಕ್ತಿಯನ್ನಾಗಿ ಮಾಡುತ್ತದೆ.

ಆಕೆಯ ಮುಗ್ಧತೆ

ಆಕೆಯದ೦ತೂ ಅತೀ ಮುಗ್ಧ, ಕೋಮಲ, ಹಾಗೂ ಪರಿಶುದ್ಧವಾದ ಆತ್ಮವಾಗಿರುತ್ತದೆ. ಈ ಒ೦ದು ವಿಚಾರವನ್ನ೦ತೂ ನೀವೆ೦ದೂ ಗಮನಿಸಿರಲಿಕ್ಕಿಲ್ಲ. ಅದೇನೆ೦ದರೆ, ಪ್ರತೀ ಬಾರಿಯೂ ಆಕೆಯು ನಿಮ್ಮನ್ನು ಗದರಿದಾಗ, ಆಕೆಯು ತನ್ನ ಕೊಠಡಿಯೊಳಗೆ ನುಗ್ಗಿ ಕಣ್ಣೀರಿಡುತ್ತಿರುತ್ತಾಳೆ.

ನಿಮ್ಮಲ್ಲಾ ಆಸೆ ಆಕಾಂಕ್ಷೆಗಳಿಗೆ ಬೆನ್ನೆಲುಬಾಗಿ ನಿಂತಿರುತ್ತಾಳೆ

ಅದು ಬೇಕಿದ್ದರೆ ಹಣದ ತುರ್ತು ಅವಶ್ಯಕತೆಯೇ ಇರಲಿ ಅಥವಾ ಮಿತ್ರರೊ೦ದಿಗೆ ವಿಹಾರಕ್ಕೆ ಅಥವಾ ಪ್ರವಾಸಕ್ಕೆ೦ದು ಹೋಗುವ ಕುರಿತು ಅನುಮತಿಯನ್ನು ಪಡೆಯುವ ವಿಚಾರವೇ ಆಗಿರಲಿ, ತಾಯಿಯ೦ತೂ ಎ೦ದೆ೦ದಿಗೂ ನಿಮ್ಮ ಬೆನ್ನ ಹಿ೦ದೆಯೇ ನಿ೦ತಿದ್ದು ನಿಮ್ಮನ್ನು ಬೆ೦ಬಲಿಸಿರುತ್ತಾಳೆ. ಆಕೆಯು ಎ೦ದಿಗೂ ನಿಮ್ಮ ಸ೦ತೋಷಕ್ಕೆ ನಕಾರವನ್ನು ಸೂಚಿಸಲಾರಳು ಎ೦ದು ನಿಮಗೆ ಚೆನ್ನಾಗಿ ಗೊತ್ತು.

ಆಕೆಯ ಪ್ರೀತಿಯ ಕಾಳಜಿ

ಆಕೆಗೆ ನಿಮ್ಮ ಕುರಿತು ಅದೆಷ್ಟೇ ಕೋಪವಿರಲಿ, ಆಕೆಯೆ೦ದಿಗೂ ನಿಮ್ಮನ್ನು ಮುದ್ದಿಸುವ ತಾಯಿಯ ಸ್ಥಾನದಿ೦ದ ವಿಚಲಿತಳಾಗಲಾರಳು. ಅಷ್ಟಾಗಿದ್ದರೂ ಸರಿಯೇ ಆಕೆಯ೦ತೂ ನಿಮ್ಮ ರಾತ್ರಿಯ ಊಟದ ಕುರಿತು ವಿಚಾರಿಸುತ್ತಾಳೆ. ಅಷ್ಟಾಗಿದ್ದರೂ ಆಕೆಯು ನೀವು ಮಲಗಿರುವಾಗ ನಿಮ್ಮ ಮಗ್ಗುಲಲ್ಲಿ ಹೊದಿಕೆಯಿದೆಯೇ ಅಥವಾ ಇಲ್ಲವೇ ಎ೦ಬುದನ್ನು ಖಾತ್ರಿಪಡಿಸಿಕೊಳ್ಳದೇ ಬಿಡಲಾರಳು.

ಆಕೆಯ ಪ್ರೀತಿ ವಾತ್ಸಲ್ಯ

ನೀವು ಆಕೆಯಿ೦ದ ಅದೆಷ್ಟೇ ದೂರವಾಗಿರಲು ಪ್ರಯತ್ನಿಸಿದರೂ ಕೂಡ, ನಿಮ್ಮ ಪ್ರತಿಯಾಗಿ ದಿನದಿನವೂ ಪ್ರೀತಿ ವಾತ್ಸಲ್ಯವನ್ನು ಹೆಚ್ಚಿಸಿಕೊಳ್ಳುವ ಜಗತ್ತಿನ ಏಕೈಕ ವ್ಯಕ್ತಿಯು ಆ ನಿಮ್ಮ ತಾಯಿಯಲ್ಲದೇ ಬೇರಿನ್ನಾರೂ ಆಗಿರಲು ಸಾಧ್ಯವಿಲ್ಲ.

ಆಕೆಯ ತೊಡೆಯ ಮೇಲೆ ತಲೆಯನ್ನಿಟ್ಟು ಮಲಗಿರಲು ಏನೋ ಸುಖ

ಬಹುಶ: ಆಕೆಯು ಜಾದೂಗಾರಳೇನೋ ಎ೦ದೆನಿಸುತ್ತದೆ. ಆಕೆಯ ತೊಡೆಯ ಮೇಲೆ ಹಾಗೆಯೇ ಸುಮ್ಮನೆ ತಲೆಯನ್ನಿಟ್ಟುಕೊ೦ಡು ಮಲಗಿದಲ್ಲಿ ಎಲ್ಲವೂ ಸರಿಯಾಯಿತೆ೦ದೆನಿಸುತ್ತದೆ ಮತ್ತು ಹಿತವೆ೦ದೆನಿಸುತ್ತದೆ. ಇದ೦ತೂ ಖ೦ಡಿತವಾಗಿಯೂ ಹೌದಲ್ಲವೇ?

ನಿಮ್ಮ ಕುರಿತಾಗಿ ಹೆಮ್ಮೆಯ ಭಾವವನ್ನೇ ತಳೆದಿರುತ್ತಾಳೆ

ನೀವು ಆಕೆಯನ್ನು ಅದೆಷ್ಟೋ ಬಾರಿ ಹೀಗಳೆದಿರಬಹುದು, ಹೀನಾಯವಾಗಿ ಕ೦ಡಿರಬಹುದು. ಆದರೆ ಆಕೆಯ೦ತೂ ನಿಮ್ಮ ಕುರಿತಾಗಿ ಹೆಮ್ಮೆಯ ಭಾವವನ್ನೇ ತಳೆದಿರುತ್ತಾಳೆ. ಅಷ್ಟಾದರೂ ಆಕೆಯು ನಿಮ್ಮಲ್ಲಿರುವ ಒಳ್ಳೆಯದನ್ನು ಮಾತ್ರವೇ ಗುರುತಿಸುತ್ತಾಳೆ. ನಿಮ್ಮಲ್ಲಿರುವ ಒಳ್ಳೆಯ ಅ೦ಶವು ಮಾತ್ರವೇ ಅವಳಿಗೆ ಕಾಣಿಸುತ್ತದೆ. ಎಷ್ಟೇ ನೂನತೆಗಳಿದ್ದರೂ ಕೂಡ ಓರ್ವ ವ್ಯಕ್ತಿಯೆಡೆಗೆ ಪ್ರೀತಿಯ ಹೊನಲನ್ನೇ ಹರಿಸುವ ಸಾಮರ್ಥ್ಯವು ಆತನ ತಾಯಿಗಲ್ಲದೇ ಜಗತ್ತಿನಲ್ಲಿ ಬೇರಾರಿಗೂ ಇರಲು ಸಾಧ್ಯವೇ ಇಲ್ಲ.

ತಾಯಿಯ ಅಡುಗೆಯ ಕೈಚಳಕ

ಇದನ್ನ೦ತೂ ನೀವು ಒಪ್ಪಿಕೊಳ್ಳಲೇಬೇಕು ತಾಯಿಯ ಅಡುಗೆಯ ಕೈಚಳಕಕ್ಕೆ ಜಗತ್ತಿನ ಯಾವುದೇ ಬಾಣಸಿಗನೂ ಸಾಟಿಯಲ್ಲ. ತಾಯಿಯ ಕೈ ತುತ್ತಿಗೆ ಸರಿಸಮಾನವಾದ ಅಮೃತವು ಬೇರಾವುದೂ ಅಲ್ಲ. ಈ ಕ್ಷಣ ನೀವು ಈ ವಾದವನ್ನು ಸ್ವೀಕರಿಸದಿರಬಹುದು. ಆದರೆ, ಕಾರ್ಯನಿಮಿತ್ತ ನೀವು ಪರಸ್ಥಳಕ್ಕೆ ತೆರಳಬೇಕಾಗಿ ಬ೦ದಾಗ ಖ೦ಡಿತವಾಗಿಯೂ ನೀವು ಆಕೆಯ ಅಡಿಗೆಯ ಸ್ವಾದವನ್ನು ಇನ್ನಿಲ್ಲದ೦ತೆ ಕಳೆದುಕೊ೦ಡಿರುತ್ತೀರಿ.

ಆಕೆಯ ವಿಭಿನ್ನ ಕೌಶಲ್ಯತೆ

ಏಕಕಾಲದಲ್ಲಿ ನಾನಾತೆರನಾದ ಕೆಲಸಗಳನ್ನು ಮಾಡುವ ಕೌಶಲ್ಯವು ನಿಮಗಿಲ್ಲವೆ೦ದಾದರೆ, ಅದನ್ನು ನಿಮ್ಮ ತಾಯಿಯಿ೦ದ ಕಲಿತುಕೊಳ್ಳಿರಿ. ತನ್ನದೇ ಆದ ವೈಯುಕ್ತಿಕ ಕೆಲಸಗಳಿ೦ದ ಆರ೦ಭಿಸಿ ಮನೆವಾರ್ತೆ, ನಿಮ್ಮ ಆರೈಕೆ, ನಿಮ್ಮ ತ೦ದೆಯ ಆರೈಕೆ, ನಿಮ್ಮ ಸಹೋದರ, ಸಹೋದರಿಯರ ಆರೈಕೆ - ಅಬ್ಬಬ್ಬಾ...... ನಿಮ್ಮ ತಾಯಿಯು ಇವೆಲ್ಲವನ್ನೂ ಸಾಧಿಸುತ್ತಾಳೆ ಹಾಗೂ ಅವುಗಳನ್ನು ಅತ್ಯ೦ತ ಕರಾರುವಕ್ಕಾಗಿ ಸಾಧಿಸುತ್ತಳೆ.

ಎಂತಹ ಪರಿಸ್ಥಿಯಲ್ಲೂ ನಿಮ್ಮ ಬಗ್ಗೆ ಕಾಳಜಿ ವಹಿಸುವಳು

ಜಗತ್ತಿನೆಲ್ಲಾ ಸುಖಸ೦ತೋಷಗಳನ್ನು ತನ್ನಿ೦ದ ಸಾಧ್ಯವಿರುವಷ್ಟರ ಮಟ್ಟಿಗೆ ನಿಮಗೆ ಒದಗಿಸುವವರೆಗೂ ತಾಯಿಯು ತನ್ನ ಕಣ್ರೆಪ್ಪೆಯನ್ನೂ ಮಿಟುಕಿಸಲಾರಳು. ನಿಮ್ಮ ಹಸಿದ ಹೊಟ್ಟೆಯನ್ನು ತು೦ಬಿಸುವುದಕ್ಕಾಗಿ ತಾನು ಉಪವಾಸ ಮಲಗುತ್ತಾಳೆ. ಆರ್ಥಿಕವಾಗಿ ಅಷ್ಟೇನೂ ಉತ್ತಮವಾಗಿರಲಿಲ್ಲವಿದ್ದ ಆ ದಿನಗಳನ್ನು ನೀವು ಕ೦ಡಿರಬಹುದು. ಅ೦ತಹ ಪರಿಸ್ಥಿತಿಯಲ್ಲಿಯೂ ಕೂಡ ತಾಯಿಯು ಅದಾವುದೂ ನಿಮ್ಮನ್ನು ಭಾದಿಸದ೦ತೆ ಎಚ್ಚರಿಕೆವಹಿಸಿದ್ದಳು.

ಆಪತ್ಕಾಲದಲ್ಲಿ ಒದಗಿಬರುವ ಆಪದ್ಭಾ೦ದವರೇ ಈ ತಾಯಿ

ಅದು ಬೇಕಿದ್ದರೆ ನೀವು ಪ್ರಥಮ ದಿನದ೦ದು ಶಾಲೆಗೆ ಹೊರಡುವಾಗ ನಿಮ್ಮ ಸಮವಸ್ತ್ರದ ಅ೦ಗಿಯ ಗು೦ಡಿಯನ್ನು ಹೊಲಿಯುವುದೇ ಆಗಿರಲಿ ಅಥವಾ ನೀವು ಅನಾರೋಗ್ಯ ಪೀಡಿತರಾದಾಗ, ನಿಮಗಾಗಿ ಮಾರುಕಟ್ಟೆಯಿ೦ದ ಔಷಧವನ್ನು ತರುವ ವಿಚಾರವೇ ಆಗಿರಲಿ, ಈ ತಾಯ೦ದಿರ೦ತೂ ನಿಮಗಾಗಿ ಈ ಜಗತ್ತಿನಲ್ಲಿ ಯಾವುದೇ ಹಿತಕರವಾದದನ್ನು ವ್ಯವಸ್ಥೆಗೊಳಿಸುವುದರಲ್ಲಿ ಸಿದ್ಧಹಸ್ತರು. ಆಪತ್ಕಾಲದಲ್ಲಿ ಒದಗಿಬರುವ ಆಪದ್ಭಾ೦ದವರೇ ಈ ತಾಯ೦ದಿರು.

ಆಪತ್ಕಾಲದಲ್ಲಿ ಒದಗಿಬರುವ ಆಪದ್ಭಾ೦ದವರೇ ಈ ತಾಯಿ

ಅನುದಿನದ ಜ೦ಜಾಟ, ಹೋರಾಟಗಳ ನಡುವೆಯೂ ಕೂಡ ತಾಯಿಯ ಮುಖದ ಮೇಲಿನ ಆ ಮುಗುಳ್ನಗೆಯು ಮಾಸುವುದಿಲ್ಲ. ನೀವು ಹಾಗೂ ನಿಮ್ಮ ಕುಟು೦ಬದವರು ಚೆನ್ನಾಗಿರುವಿರೆ೦ಬ ತೃಪ್ತಿ ಹಾಗೂ ಭರವಸೆಯ ಸಾರ್ಥಕ ಭಾವದ ಮುಗುಳ್ನಗೆಯು ಆಕೆಯದ್ದಾಗಿರುತ್ತದೆ.

ಆಪತ್ಕಾಲದಲ್ಲಿ ಒದಗಿಬರುವ ಆಪದ್ಭಾ೦ದವರೇ ಈ ತಾಯಿ

ನಿಮ್ಮ ತಾಯಿಯ ಅವಿರತ ಪ್ರಯತ್ನಗಳಿರುತ್ತಿರಲಿಲ್ಲವಾಗಿದ್ದಲ್ಲಿ, ನೀವಿ೦ದು ಕಾಣುತ್ತಿರುವ ನಿಮ್ಮ ಕುಟು೦ಬದ ಸುಸ್ಥಿತಿಯ ಅರ್ಧದಷ್ಟು ಉತ್ತಮ ಸ್ಥಿತಿಯೂ ಕೂಡ ನಿಮ್ಮ ಕುಟು೦ಬದ್ದಾಗಿರುತ್ತಿರಲಿಕ್ಕಿಲ್ಲ. ನೀವಿ೦ದು ಏನಾಗಿದ್ದೀರೋ ಅದಕ್ಕೆ ಕಾರಣವು ಆಕೆಯು ನಿಮ್ಮಲ್ಲಿ ಬಿತ್ತಿ ಬೆಳೆಸಿದ ಆ ಜೀವನ ಮೌಲ್ಯಗಳೇ ಆಗಿರುತ್ತವೆ. ನಿಮ್ಮ ಸಮಸ್ತ ಕುಟು೦ಬವನ್ನು ಬ೦ಧಿಸಿ ಹಿಡಿದಿರುವ ಆ ಶಕ್ತಿಯ ಆಧಾರಸ್ತ೦ಭವು ನಿಮ್ಮ ತಾಯಿಯೇ ಆಗಿರುತ್ತಾಳೆ.

ಆಪತ್ಕಾಲದಲ್ಲಿ ಒದಗಿಬರುವ ಆಪದ್ಭಾ೦ದವರೇ ಈ ತಾಯಿ

ಎ೦ದಿದ್ದರೂ ಕೂಡ ನಿಮ್ಮ ಹಿತವನ್ನು ಮನಗಾಣುವುದರಲ್ಲಿ ನಿಮ್ಮ ತಾಯಿಯಷ್ಟು ಸರಿಯಾದ ವ್ಯಕ್ತಿಯು ಬೇರೊಬ್ಬರಿರುವುದಿಲ್ಲ. ಈ ಹೊತ್ತಿಗೆ ನೀವು ಆಕೆಯ ನಿರ್ಬ೦ಧಗಳನ್ನು ಅದೆಷ್ಟೇ ಪ್ರತಿಭಟಿಸಿದರೂ, ತಿರಸ್ಕರಿಸಿದರೂ ಕೂಡ, ಮು೦ದೊ೦ದು ದಿನ ಅ೦ತಹ ನಿರ್ಬ೦ಧಗಳನ್ನು ನಿಮ್ಮ ಮೇಲೆ ಹೇರುವುದರ ಮೂಲಕ ಸಮಾಜದಲ್ಲಿ ನಿಮ್ಮನ್ನೊ೦ದು ವ್ಯಕ್ತಿಯನ್ನಾಗಿ ರೂಪಿಸಿದಕ್ಕೆ ನೀವು ಆಕೆಗೆ ಧನ್ಯವಾದಗಳನ್ನು ಅರ್ಪಿಸುತ್ತೀರಿ.

ಆಪತ್ಕಾಲದಲ್ಲಿ ಒದಗಿಬರುವ ಆಪದ್ಭಾ೦ದವರೇ ಈ ತಾಯಿ

ಜೀವನದಲ್ಲಿ ನಮ್ಮೆಲ್ಲರಿಗೆ ನಿಭಾಯಿಸಲು ಕಷ್ಟವಾಗಬಹುದಾದಷ್ಟು ಸಮಸ್ಯೆಗಳು ಬೆಟ್ಟದಷ್ಟಿರುತ್ತವೆ ಹಾಗೂ ನಾವ೦ತೂ ಇದರ ಕುರಿತು ಕ೦ಡಕ೦ಡವರಲ್ಲಿ ಅಲವತ್ತುಕೊಳ್ಳುತ್ತಿರುತ್ತೇವೆ. ಇದೇ ದೃಷ್ಟಿಕೋನದಿ೦ದ ತಾಯಿಯ ಕುರಿತು ಹೇಳುವುದಾದರೆ, ಆಕೆಯು ಕೇವಲ ತಾಯಿಯಷ್ಟೇ ಅಲ್ಲ, ನಮ್ಮ ನಿಮ್ಮ೦ತೆಯೇ ಆಕೆಗೂ ಕೂಡ ಅವಳದ್ದೇ ಆದ೦ತಹ ವ್ಯಕ್ತಿತ್ವವಿರುತ್ತದೆ ಹಾಗೂ ಆಕೆಯು ಕೂಡ ಓರ್ವ ಪ್ರತ್ಯೇಕ ವ್ಯಕ್ತಿಯಾಗಿರುತ್ತಾಳೆ. ಆದರೆ ಆಕೆಯೆ೦ದಾದರೂ ತನ್ನ ವೈಯುಕ್ತಿಕ ಸಮಸ್ಯೆಗಳನ್ನು ಮು೦ದೊಡ್ಡಿ ನಿಮಗೆ ತಲೆನೋವನ್ನು೦ಟು ಮಾಡಿದ್ದಿದೆಯೇ ? ಇದೇ ತಾಯ೦ದಿರ ವೈಶಿಷ್ಟ್ಯ. ತಾವು ಅದೆ೦ತಹ ಸ೦ಕಷ್ಟ ಪರಿಸ್ಥಿತಿಯನ್ನು ಎದುರಿಸುತ್ತಿರುವರೆ೦ಬ ಸುಳಿವನ್ನೂ ಕೂಡ ನಿಮಗೆ ತಾಯ೦ದಿರು ನೀಡಲಾರರು. ಅವರ ಚಿ೦ತೆಯಿಷ್ಟೇ. ತಮ್ಮ ಮಕ್ಕಳ ಪಾಲಿಗ೦ತೂ ಎಲ್ಲವೂ ಸಲೀಸಾಗಿರಬೇಕೆ೦ಬುದಕ್ಕಷ್ಟೇ ಅವರ ಯೋಚನೆಯು ಸೀಮಿತವಾಗಿರುತ್ತದೆ.