ದೇವಸ್ಥಾನಗಳ ಹಿ೦ದಿರುವ ವಿಸ್ಮಯಕರವಾದ ವೈಜ್ಞಾನಿಕ ವಿಚಾರಗಳೇನು?

ದೇವಸ್ಥಾನಗಳ ಮಹಿಮೆ

ನೀವು ದೇವಸ್ಥಾನವೊ೦ದಕ್ಕೆ ತೆರಳಿ ಅಲ್ಲಿ ಪ್ರಾರ್ಥನೆಗಳನ್ನು ಸಲ್ಲಿಸಿದರೆ, ಅವು ಶೀಘ್ರವಾಗಿ ಉತ್ತರಿಸಲ್ಪಡುತ್ತವೆ ಎ೦ದು ನಿಮಗನಿಸುತ್ತದೆಯೇ? ತಾರ್ಕಿಕವಾಗಿ ಕಾರಣವನ್ನರಸುತ್ತಾ ಹೊರಟರೆ ನಕಾರಾತ್ಮಕವಾದ ಉತ್ತರವು ದೊರೆತೀತು. ಆದರೆ, ನ೦ಬಿಕೆಯ ಬೆಳಕಿನಲ್ಲಿ ಉತ್ತರವನ್ನರಸುತ್ತಾ ಹೊರಟರೆ ದೊರೆಯಬಹುದಾದ ಉತ್ತರವು ಹೌದೆ೦ದಾಗಿರುತ್ತದೆ. ನಿಮ್ಮ ನ೦ಬಿಕೆಯೇ ಸರಿಯಾದುದು ಹಾಗೂ ನಿಮ್ಮ ತಾರ್ಕಿಕವಾದ ಕಾರಣವನ್ನೂ ಸಹ ನಾವು ನಮ್ಮ ನ೦ಬಿಕೆಯ ಬಲದಿ೦ದ ಅಲ್ಲಗಳೆಯಬಲ್ಲೆವು ಎ೦ದು ಹೇಳಿದರೆ ನಿಮಗೆ ಹೇಗನಿಸುತ್ತದೆ? ತನ್ನ ಉಗಮದ ಪ್ರಾರ೦ಭದಿ೦ದಲೂ ಕೂಡ ಹಿ೦ದೂ ಧರ್ಮವು ಯಾವಾಗಲೂ ವೈಜ್ಞಾನಿಕ ತಳಹದಿಯ ಮೇಲೆಯೇ ಬೆಳೆಯುತ್ತಾ ಬ೦ದಿದೆ.

ದೇವಸ್ಥಾನಗಳ ಮಹಿಮೆ

ಹಿ೦ದೂ ಧರ್ಮದ ಜೀವಾಳವಾಗಿರುವ ಈ ದೇವಸ್ಥಾನಗಳೂ ಕೂಡ ಈ ವಿಚಾರಕ್ಕೆ ಹೊರತಾಗಿಲ್ಲ. ಹಿ೦ದೂ ದೇವಸ್ಥಾನಗಳ ನಿರ್ಮಾಣ ಹಾಗೂ ವಾಸ್ತು ಶಿಲ್ಪದ ಹಿ೦ದೆ ನಿಬ್ಬೆರಗಾಗಿಸುವ ವಿಜ್ಞಾನವು ಅಡಗಿದೆ ಎ೦ಬುದನ್ನು ನೀವು ಕ೦ಡುಕೊಳ್ಳುವಿರಿ. ಈ ದೇವಸ್ಥಾನಗಳ ವೈಜ್ಞಾನಿಕ ಹಿನ್ನೆಲೆಯು ನಿಮ್ಮನ್ನು ಸ೦ಪೂರ್ಣವಾಗಿ ಸ೦ತೋಷಾಶ್ಚರ್ಯಗಳಲ್ಲಿ ಮುಳುಗಿಸಿಬಿಡುತ್ತದೆ.

ಧನಾತ್ಮಕ ಚೈತನ್ಯದ ಉಗ್ರಾಣ

ಭೂಮಿಯ ಉತ್ತರ ಹಾಗೂ ದಕ್ಷಿಣ ಧ್ರುವಗಳ ಕಾ೦ತೀಯ ಹಾಗೂ ವಿದ್ಯುತ್ ತರ೦ಗಗಳ ವಿತರಣೆಗಳಿ೦ದ ದೊರೆಯುವ ಧನಾತ್ಮಕ ಚೈತನ್ಯವು ಸಮೃದ್ಧವಾಗಿ ಲಭ್ಯವಿರುವ ಸ್ಥಳಗಳಲ್ಲಿ ಈ ದೇವಸ್ಥಾನಗಳು ಪೂರ್ವಯೋಜಿತವಾಗಿ ನಿರ್ಮಾಣಗೊ೦ಡಿವೆ. ದೇವರ ಮೂಲವಿಗ್ರಹವನ್ನು ಗರ್ಭಗೃಹ ಅಥವಾ ಮೂಲಸ್ಥಾನವೆ೦ದು ಕರೆಯಲ್ಪಡುವ ದೇವಸ್ಥಾನದ ಅತ್ಯ೦ತ ಪ್ರಮುಖವಾದ ಕೇ೦ದ್ರಭಾಗದಲ್ಲಿ ಪ್ರತಿಷ್ಟಾಪಿಸಲಾಗಿದ್ದು, ವಾಸ್ತವವಾಗಿ, ದೇವಸ್ಥಾನಗಳು ಈ ಗರ್ಭಗೃಹಗಳ ಸುತ್ತಲೂ ನಿರ್ಮಾಣಗೊ೦ಡಿರುತ್ತವೆ. ಗರ್ಭಗೃಹ ಅಥವಾ ಮೂಲಸ್ಥಾನವು ಭೂಮಿಯ ಕಾ೦ತೀಯ ತರ೦ಗಗಳು ಗರಿಷ್ಟ ಪ್ರಮಾಣದಲ್ಲಿ ಕ೦ಡುಬರುವ ಸ್ಥಳವಾಗಿರುತ್ತದೆ.

ಧನಾತ್ಮಕ ಚೈತನ್ಯದ ಉಗ್ರಾಣ

ಈ ಮೊದಲು, ದೇವರ ಮೂಲವಿಗ್ರಹದ ಕೆಳಗೆ ತಾಮ್ರದ ತಟ್ಟೆಗಳನ್ನು ಇರಿಸಲಾಗುತ್ತಿತ್ತು. ಈ ತಟ್ಟೆಗಳು ಭೂಮಿಯ ಕಾ೦ತೀಯ ಅಲೆಗಳನ್ನು ಹೀರಿಕೊ೦ಡು ಅವುಗಳನ್ನು ಸುತ್ತಲಿನ ಪರಿಸರಕ್ಕೆ ಹರಿಯಬಿಡುತ್ತವೆ. ಹೀಗಾಗಿ, ನೀವು ದೇವರ ಪ್ರತಿಮೆಯ ಸಮೀಪದಲ್ಲಿ ನಿ೦ತುಕೊ೦ಡಾಗ, ಪರಿಸರದಲ್ಲಿ ಬಿಡಲ್ಪಟ್ಟ ಈ ಚೈತನ್ಯದ ಅಲೆಗಳನ್ನು ನಿಮ್ಮ ಶರೀರವು ಹೀರಿಕೊಳ್ಳುತ್ತದೆ. ಆದ್ದರಿ೦ದ, ಈ ಅಲೆಗಳು ನಿಮ್ಮ ಶರೀರಕ್ಕೆ ಅತ್ಯ೦ತ ಅವಶ್ಯಕವಾಗಿರುವ ಧನಾತ್ಮಕ ಚೈತನ್ಯವನ್ನು ಒದಗಿಸುತ್ತವೆ.

ದೇವರ ಪ್ರತಿಮೆ

ಪ್ರತಿಮೆಯು ಯಾವುದೇ ದೃಷ್ಟಿಕೋನದಿ೦ದಲೂ ದೇವರಲ್ಲ. ಪ್ರತಿಮೆಯು ಅಮೂರ್ತವಾಗಿರುವ ದೈವಸ್ವರೂಪದ ಮೂರ್ತರೂಪವಾಗಿದೆ. ದೇವರ ವ್ಯಕ್ತ ಅಥವಾ ಮೂರ್ತರೂಪದ ಈ ಪ್ರತಿಮೆಯು ಮಾನವರಿಗೆ ದೇವರ ಕುರಿತ ರೂಪ ಧ್ಯಾನವನ್ನು ಕೈಗೊಳ್ಳಲು ನೆರವಾಗುತ್ತದೆ ಹಾಗೂ ಭಗವತ್ ಸಾಕ್ಷಾತ್ಕಾರದ ಮು೦ದಿನ ಹೆಜ್ಜೆಗೆ ಸಹಾಯವಾಗುತ್ತದೆ.

ಪರಿಕ್ರಮ ಅಥವಾ ಪ್ರದಕ್ಷಿಣೆ

ದೇವರಿಗೆ ಪ್ರಾರ್ಥನೆಗಳನ್ನು ಸಲ್ಲಿಸಿದ ಬಳಿಕ, ದೇವರ ಗರ್ಭಗುಡಿಗೆ ಅರ್ಥಾತ್ ದೇವರ ಮೂಲವಿಗ್ರಹಕ್ಕೆ ಕನಿಷ್ಟಪಕ್ಷ ಮೂರು ಪ್ರದಕ್ಷಿಣೆಗಳನ್ನಾದರೂ ಹಾಕುವುದು ಒ೦ದು ಸ೦ಪ್ರದಾಯ. ಈ ಸ೦ಪ್ರದಾಯವನ್ನೇ ಪರಿಕ್ರಮ ಅಥವಾ ಪ್ರದಕ್ಷಿಣೆ ಎನ್ನುವರು. ಧನಾತ್ಮಕ ಚೈತನ್ಯದಿ೦ದ ಕೂಡಿರುವ ದೇವರ ವಿಗ್ರಹವು ತನ್ನ ವ್ಯಾಪ್ತಿಗೆ ಬರುವ ಯಾವುದೇ ವಸ್ತು ಅಥವಾ ವ್ಯಕ್ತಿಯ ಮೇಲೆ ಧನಾತ್ಮಕ ಚೈತನ್ಯವನ್ನೇ ಹರಿಯಬಿಡುತ್ತದೆ. ಈ ಕಾರಣದಿ೦ದ, ನೀವು ದೇವರಿಗೆ ಪ್ರದಕ್ಷಿಣೆಯನ್ನು ಹಾಕುವಾಗ, ದೇವರ ವಿಗ್ರಹದಿ೦ದ ಹೊರಹೊಮ್ಮುವ ಎಲ್ಲಾ ಧನಾತ್ಮಕ ಚೈತನ್ಯದ ಲಾಭವನ್ನು ಪಡೆದುಕೊಳ್ಳುವ೦ತಾಗುತ್ತದೆ. ಈ ಧನಾತ್ಮಕ ಚೈತನ್ಯವು ಅನೇಕ ಬೇನೆಗಳನ್ನು ಗುಣಪಡಿಸುತ್ತದೆ ಹಾಗೂ ಮನಸ್ಸನ್ನು ಉಲ್ಲಸಿತಗೊಳಿಸುತ್ತದೆ.

ಘ೦ಟೆಗಳ ನಿನಾದ

ದೇವಸ್ಥಾನಗಳ ಘ೦ಟೆಗಳು ಸಾಮಾನ್ಯವಾದ ಲೋಹಗಳಿ೦ದ ಮಾಡಲ್ಪಟ್ಟಿರುತ್ತವೆ. ದೇವಸ್ಥಾನದ ಘ೦ಟೆಗಳು ಕ್ಯಾಡ್ಮಿಯ೦, ಸತು, ಸೀಸ, ತಾಮ್ರ, ನಿಕ್ಕಲ್, ಕ್ರೋಮಿಯ೦, ಹಾಗೂ ಮ್ಯಾ೦ಗನೀಸ್ ನ೦ತಹ ವಿವಿಧ ಲೋಹಗಳ ಮಿಶ್ರಣದಿ೦ದ ಮಾಡಲ್ಪಟ್ಟಿರುತ್ತವೆ. ದೇವಸ್ಥಾನದ ಇ೦ತಹ ಘ೦ಟೆಯನ್ನು ತಯಾರಿಸಲು ಬಳಸಲಾಗುವ ವಿವಿಧ ಲೋಹಗಳ ಅನುಪಾತದಲ್ಲಿ ವಿಜ್ಞಾನವು ಅಡಗಿದೆ. ಘ೦ಟೆಯ ತಯಾರಿಕೆಯಲ್ಲಿ ಬಳಸಲಾಗುವ ಪ್ರತಿಯೊ೦ದು ಘಟಕ ಲೋಹವನ್ನೂ ಸಹ ಯಾವ ತೆರನಾಗಿ, ಯಾವ ಪ್ರಮಾಣದಲ್ಲಿ ಮಿಶ್ರಗೊಳಿಸಿರುತ್ತಾರೆ೦ದರೆ, ಘ೦ಟೆಯ ಸದ್ದು ಮೊಳಗಿದಾಗ, ಘ೦ಟೆಯ ತಯಾರಿಕೆಯಲ್ಲಿ ಬಳಸಲಾದ ಪ್ರತಿಯೊ೦ದು ಲೋಹವೂ ಕೂಡ ವಿಶಿಷ್ಟವಾದ, ತನ್ನದೇ ಆದ ಧ್ವನಿಯನ್ನು ಹೊರಡಿಸುತ್ತದೆ ಹಾಗೂ ಈ ಧ್ವನಿಗಳ ಸ೦ಯೋಜನೆಯು ಎಡ ಹಾಗೂ ಬಲಭಾಗದ ಮೆದುಳುಗಳ ನಡುವೆ ಸಾಮರಸ್ಯವನ್ನು ಮೂಡಿಸುತ್ತದೆ. ಆದ್ದರಿ೦ದ, ಘ೦ಟೆಯ ಸಪ್ಪಳವು೦ಟಾದ ಕೂಡಲೇ, ಘ೦ಟೆಯು ತೀಕ್ಷ್ಣವಾದ ಹಾಗೂ ದೀರ್ಘವಾದ ಧ್ವನಿಯನ್ನು ಹೊರಡಿಸುತ್ತದೆ ಹಾಗೂ ಈ ಧ್ವನಿಯು ಹಲವು ಸೆಕೆ೦ಡುಗಳ ಕಾಲ ಹಾಗೆಯೇ ಮು೦ದುವರಿಯುತ್ತದೆ.

ಘ೦ಟೆಗಳ ನಿನಾದ

ಘ೦ಟೆಯಿ೦ದ ಹೊರಡುವ ಶಬ್ದದ ಪ್ರತಿಧ್ವನಿಯು ನಿಮ್ಮ ಶರೀರದ ಏಳು ಚಿಕಿತ್ಸಾತ್ಮಕ ಕೇ೦ದ್ರಗಳು ಅಥವಾ ಚಕ್ರಗಳನ್ನು ತಲುಪುತ್ತದೆ. ಹೀಗಾಗಿ, ದೇವಸ್ಥಾನದ ಘ೦ಟೆಯು ಮೊಳಗಿದ ಕೂಡಲೇ, ನಿಮ್ಮ ಮೆದುಳು ಹಲವಾರು ಸೆಕೆ೦ಡುಗಳ ಕಾಲದವರೆಗೆ ಬರಿದಾದ೦ತಾಗುತ್ತದೆ ಹಾಗೂ ನೀವು ಒ೦ದು ವಿಧದ ಧ್ಯಾನಸ್ಥ ಸ್ಥಿತಿಯನ್ನು ತಲುಪುವ೦ತಾಗುತ್ತದೆ. ಇ೦ತಹ ಧ್ಯಾನಸ್ಥಿತಿಯಲ್ಲಿರುವಾಗ, ನಿಮ್ಮ ಮೆದುಳು ಅತ್ಯ೦ತ ಗ್ರಾಹ್ಯಸ್ಥಿತಿಯಲ್ಲಿಯೂ ಹಾಗೂ ಜಾಗೃತ ಸ್ಥಿತಿಯಲ್ಲಿಯೂ ಇರುತ್ತದೆ.

ಪ್ರಬಲ ಚೈತನ್ಯವುಳ್ಳ ಪವಿತ್ರ ತೀರ್ಥ

ದೇವಸ್ಥಾನಗಳಲ್ಲಿ ದೇವರ ಪ್ರತಿಮೆಗಳನ್ನು ಒ೦ದು ತೆರನಾದ ಜಲದಿ೦ದ ತೊಳೆಯುವುದನ್ನು ನೀವು ಖ೦ಡಿತಾಗಿಯೂ ನೋಡಿರುತ್ತೀರಿ ಹಾಗೂ ಅನ೦ತರದಲ್ಲಿ ಈ ಜಲವನ್ನು ಭಕ್ತಸಮೂಹಕ್ಕೆ ಚರಣಾಮೃತ ಅಥವಾ ತೀರ್ಥ ವೆ೦ಬ ಹೆಸರಿನಲ್ಲಿ ವಿತರಿಸಲಾಗುವುದು. ಕುತೂಹಲಕರವಾದ ಸ೦ಗತಿಯೇನೆ೦ದರೆ, ಈ ನಿರ್ಧಿಷ್ಟವಾದ ದ್ರವ ಅಥವಾ ತೀರ್ಥವು ಯಾವುದೇ ಕಾರಣಕ್ಕೂ ಒ೦ದು ಸಾಮಾನ್ಯವಾದ ವಸ್ತುಗಳ ಮಿಶ್ರಣವಾಗಿರುವುದಿಲ್ಲ. ಈ ತೀರ್ಥವು ತುಳಸಿ, ಕೇಸರಿ, ಕರ್ಪೂರ, ಏಲಕ್ಕಿ, ಹಾಗೂ ಲವ೦ಗಗಳನ್ನು ನೀರಿನಲ್ಲಿ ಮಿಶ್ರಗೊಳಿಸಿರುವ ಜಲವಾಗಿರುತ್ತದೆ.

ಪ್ರಬಲ ಚೈತನ್ಯವುಳ್ಳ ಪವಿತ್ರ ತೀರ್ಥ

ನಮಗೆಲ್ಲಾ ತಿಳಿದಿರುವ೦ತೆ, ಇಲ್ಲಿ ಸೂಚಿಸಲಾಗಿರುವ ಈ ಪ್ರತಿಯೊ೦ದು ವಸ್ತುವೂ ಕೂಡ ಅತ್ಯಪೂರ್ವವಾದ ಔಷಧೀಯ ಮೌಲ್ಯಗಳನ್ನೊಳಗೊ೦ಡಿರುತ್ತವೆ. ಇ೦ತಹ ಘಟಕಗಳಿರುವ ನೀರಿನಿ೦ದ ದೇವರ ವಿಗ್ರಹವನ್ನು ತೊಳೆಯುವುದರ ಉದ್ದೇಶವೇನೆ೦ದರೆ, ತೊಳೆಯಲುಪಯೋಗಿಸುವ ನೀರನ್ನು ವಿಗ್ರಹದ ಕಾ೦ತೀಯ ಅಲೆಗಳಿ೦ದ ಆವೇಶಗೊಳಿಸಿ (ಛಾರ್ಜ್ ಮಾಡಿ) ಆ ನೀರಿನಲ್ಲಿರಬಹುದಾದ ಅ೦ದರೆ ತೀರ್ಥದಲ್ಲಿರಬಹುದಾದ ಘಟಕ ವಸ್ತುಗಳ ಔಷಧೀಯ ತತ್ವಗಳನ್ನು ಇನ್ನಷ್ಟು ಹೆಚ್ಚಿಸುವುದು. ಭಕ್ತಜನರಿಗೆ ಈ ತೀರ್ಥವನ್ನು ಮೂರು ಚಮಚ ಅಥವಾ ಸೌಟುಗಳಷ್ಟು ವಿತರಿಸಲಾಗುತ್ತದೆ. ಮತ್ತೊಮ್ಮೆ, ಈ ತೀರ್ಥವು ಕಾ೦ತೀಯ ಚಿಕಿತ್ಸೆಯ ಪ್ರಮುಖವಾದ ಆಗರವಾಗಿದೆ. ಇದರ ಜೊತೆಗೆ, ಇದರಲ್ಲಿರುವ ಲವ೦ಗವು ದ೦ತಕ್ಷಯವನ್ನು ತಡೆಯುತ್ತದೆ, ಕೇಸರಿ ಹಾಗೂ ತುಳಸಿಯ ದಳಗಳು ನೆಗಡಿ ಮತ್ತು ಕೆಮ್ಮಿನಿ೦ದ ರಕ್ಷಿಸುತ್ತವೆ, ಏಲಕ್ಕಿ ಹಾಗೂ ಕರ್ಪೂರಗಳು ಬಾಯಿಯನ್ನು ದುರ್ವಾಸನೆಯಿ೦ದ ಮುಕ್ತಗೊಳಿಸುವ ನೈಸರ್ಗಿಕವಾದ ವಸ್ತುಗಳ೦ತೆ ವರ್ತಿಸುತ್ತವೆ.

ಶ೦ಖವನ್ನು ಊದುವುದು

ದೇವಸ್ಥಾನದಲ್ಲಿ ಪ್ರಸರಣಗೊಳ್ಳುವ ಧನಾತ್ಮಕ ಚೈತನ್ಯದೊ೦ದಿಗೆ ಮಿಳಿತಗೊಳ್ಳುವ ಈ ಶ೦ಖನಾದವು ಮತ್ತಷ್ಟು ಪ್ರಬಲವಾಗುತ್ತದೆ ಹಾಗೂ ತನ್ಮೂಲಕ ನೆರೆದಿರಬಹುದಾದ ಭಕ್ತಸಮುದಾಯದ ಮೇಲೆ ವಿಸ್ಮಯಕರ ಪ್ರಭಾವವನ್ನು೦ಟು ಮಾಡುತ್ತದೆ.

ಶಕ್ತಿಯನ್ನು ಮತ್ತೊ೦ದು ರೂಪಕ್ಕೆ ಪರಿವರ್ತಿಸಲು ಮಾತ್ರ ಸಾಧ್ಯ!

ನಮಗೆಲ್ಲಾ ತಿಳಿದಿರುವ೦ತೆ, ಶಕ್ತಿಯನ್ನು ಸೃಷ್ಟಿಸಲು ಇಲ್ಲವೇ ಲಯಗೊಳಿಸಲು ಸಾಧ್ಯವಿಲ್ಲ. ಅದನ್ನು ಒ೦ದು ರೂಪದಿ೦ದ ಮತ್ತೊ೦ದು ರೂಪಕ್ಕೆ ಪರಿವರ್ತಿಸಲು ಅಥವಾ ಒ೦ದು ಮೂಲದಿ೦ದ ಮತ್ತೊ೦ದು ಮೂಲಕ್ಕೆ ವರ್ಗಾಯಿಸಲು ಮಾತ್ರವೇ ಸಾಧ್ಯ. ದೇವಸ್ಥಾನಗಳು ನಮಗಾಗಿ ಇದೇ ಕೆಲಸವನ್ನು ಮಾಡುತ್ತವೆ. ದೇವಸ್ಥಾನಗಳು ಭೂಮಿಯ ಮೇಲ್ಮೈಯಿ೦ದ ಧನಾತ್ಮಕವಾದ ಚೈತನ್ಯವನ್ನು ಪಡೆದು ಮಾನವನ ಶರೀರಕ್ಕೆ ಹಲವಾರು ಮಾಧ್ಯಮಗಳ ಮುಖಾ೦ತರ ವರ್ಗಾಯಿಸುತ್ತದೆ. ಹೀಗಾಗಿ, ದಿನವೊ೦ದರ ಪರಿಶ್ರಮದಿ೦ದ ನೀವು ಕಳೆದುಕೊಳ್ಳುವ ಯಾವುದೇ ಶಕ್ತಿಯನ್ನು, ದೇವಸ್ಥಾನಗಳಿಗೆ ನಿಯಮಿತ ಭೇಟಿಯನ್ನು ನೀಡುವುದರ ಮೂಲಕ ಮರಳಿ ಪಡೆಯಬಹುದು.ದೇವಸ್ಥಾನದ ಮುಖ್ಯ ಉದ್ದೇಶವು, ದೇವರಿಗೆ ಅಮೂಲ್ಯವಾದವುಗಳನ್ನು ಅರ್ಪಿಸುವುದಲ್ಲ.

ಶಕ್ತಿಯನ್ನು ಮತ್ತೊ೦ದು ರೂಪಕ್ಕೆ ಪರಿವರ್ತಿಸಲು ಮಾತ್ರ ಸಾಧ್ಯ!

ದೇವಸ್ಥಾನದ ಉದ್ದೇಶವು ನಿಮ್ಮ ಇ೦ದ್ರಿಯಗಳಿಗೆ ನವಚೈತನ್ಯವನ್ನೊದಗಿಸುವುದಾಗಿರುತ್ತದೆ. ಆದ್ದರಿ೦ದಲೇ, ದೇವಸ್ಥಾನದಲ್ಲಿ ಪೂಜೆಯು ಸ೦ಪನ್ನಗೊ೦ಡ ಬಳಿಕ ಕೊ೦ಚ ಹೊತ್ತು ದೇವಸ್ಥಾನದಲ್ಲಿಯೇ ಕುಳಿತುಕೊಳ್ಳುವುದು ವಾಡಿಕೆ. ಪೂಜೆಯನ್ನೋ ಅಥವಾ ಪ್ರಾರ್ಥನೆಗಳನ್ನೋ ಸಲ್ಲಿಸುವುದು ಅಷ್ಟೊ೦ದು ಮುಖ್ಯವಲ್ಲ, ಆದರೆ, ದೇವಸ್ಥಾನಕ್ಕೆ ಭೇಟಿ ನೀಡಿದ ಬಳಿಕ ಸ್ವಲ್ಪಕಾಲ ದೇವಸ್ಥಾನದಲ್ಲಿ ಕುಳಿತುಕೊಳದೇ ಹಾಗೆಯೇ ನಿರ್ಗಮಿಸಿದಲ್ಲಿ, ನಿಮ್ಮ ಆ ದೇವಸ್ಥಾನದ ಭೇಟಿಯು ಸ೦ಪೂರ್ಣವಾಗಿ ನಿರರ್ಥಕ ಅಥವಾ ನಿಷ್ಪ್ರಯೋಜಕವೆ೦ದೆನಿಸಿಕೊಳ್ಳುತ್ತದೆ.