Just In
- 7 min ago ಬ್ಯಾಚುಲರ್ಗಳಿಗೆ ರೆಸಿಪಿ: ಈ ಸಾಂಬಾರ್ ರುಚಿ ಸೂಪರ್ ಆಗಿರುತ್ತದೆ, ಆದರೆ ಹೆಚ್ಚು ಶ್ರಮ ಪಡಬೇಕಾಗಿಲ್ಲ
- 2 hrs ago ಸೂರ್ಯ ಗ್ರಹಣದ ವೇಳೆ ಕಾರು ಅಪಘಾತ ಹೆಚ್ಚಳ..! ವಿಜ್ಞಾನಿಗಳಿಂದಲೇ ಎಚ್ಚರಿಕೆ..!
- 2 hrs ago ಕೇರಳದಲ್ಲಿ ಒಬ್ಬರೇ ಡ್ರೈವ್ ಮಾಡುತ್ತಿದ್ದ ಕಾರಿನ ಫೋಟೋ ತೆಗೆದಾಗ ಪಕ್ಕದಲ್ಲಿದ್ದಳು ಮಹಿಳೆ, ಪಕ್ಕದಲ್ಲಿರುವುದು ದೆವ್ವವೇ?
- 3 hrs ago ಮುಸ್ಲಿಂ ಕುಟುಂಬಕ್ಕೆ ಗೋವು ದಾನ ನೀಡಿದ ಅರ್ಚಕ: ಇದರ ಹಿಂದಿದೆ ಕಣ್ಣೀರ ಕಥೆ..!
Don't Miss
- News ಕೋಲಾರದಲ್ಲಿ ಕೈ ಬಿಟ್ಟ ಟಿಕೆಟ್ ಆಕಾಂಕ್ಷಿಗಳು? ಕಾಂಗ್ರೆಸ್ ನಾಯಕರನ್ನು ಇಕ್ಕಟ್ಟಿಗೆ ಸಿಲುಕಿಸಿದ 'ಕೆಜಿಎಫ್' ಪಡೆ
- Finance ಆನ್ಲೈನ್ನಲ್ಲಿ ಕೆಟ್ಟುಹೋದ ಹಾಲನ್ನು ಹಿಂದಿರುಗಿಸಲು ಹೋಗಿ 77,000 ರೂ. ಕಳೆದುಕೊಂಡ ಮಹಿಳೆ!
- Sports Mayank Agarwal: ಮಯಾಂಕ್ ಅಗರ್ವಾಲ್ಗೆ ಫ್ಲೈಯಿಂಗ್ ಕಿಸ್ ನೀಡಿ ಕಾಲೆಳೆದ ಹಿಟ್ಮ್ಯಾನ್
- Technology ನಾಳೆ ಸ್ಟೈಲಿಶ್ ರಿಂಗ್ ಡಿಸೈನ್ ಇರುವ ಈ ಫೋನ್ ಖರೀದಿಗೆ ಲಭ್ಯ!..ಬೆಲೆ 6,999ರೂ.!
- Automobiles ಅಜ್ಜಿ-ಮೊಮ್ಮಗಳಿಗಷ್ಟೇ ಉಚಿತ ಪ್ರಯಾಣ, ಪಕ್ಷಿಗಳಿಗಲ್ಲ: KSRTC ಬಸ್ನಲ್ಲಿ ಬರ್ಡ್ಸ್ಗಳಿಗೆ ಟಿಕೆಟ್ ಎಷ್ಟು?
- Movies ದರ್ಶನ್ ಒಂದು ಮಾತು ಹೇಳಿದ್ದಕ್ಕೆ ಬದಲಾಯ್ತು ಅಭಿಮಾನಿ ಜೀವನ; 100 ಪ್ಲೇಟ್ ಸೇಲ್ ಆಗ್ತಿದ್ದ ಚಾಟ್ಸ್ 200ಕ್ಕೆ ಏರಿಕೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅದೃಷ್ಟ ತರುವ ಗಿಡಗಳಿವು! ತಪ್ಪದೇ ಮನೆಯಲ್ಲಿ ಇಟ್ಟುಕೊಳ್ಳಿ
ನೀವು ಯಾವುದೇ ತೋಟ ಅಥವಾ ಮನೆಯ ಮುಂದೆ ಗಿಡವನ್ನು ತಂದು ನೆಟ್ಟರೆ ಅದು ತುಂಬಾ ದೀರ್ಘ ಮತ್ತು ಸಮೃದ್ಧವಾಗಿ ಬೆಳೆಯಬೇಕು ಎಂದು ಅದಕ್ಕೆ ಪ್ರತಿಯಾಗಿ ಪ್ರಕೃತಿ ಕೂಡ ಅದನ್ನೇ ಪ್ರತಿಯಾಗಿ ಬಯಸುವುದು. ನೀವು ಕೂಡ ಅದನ್ನೇ ಆಶಿಸುತ್ತೀರಾ? ಗಿಡವು ನಿಮಗೆ ಇದೇ ರೀತಿಯ ಅಭಿವೃದ್ಧಿ, ಸಮೃದ್ಧಿ, ಸಂಪತ್ತು ಮತ್ತು ಆರೋಗ್ಯವನ್ನು ಆಶೀರ್ವದಿಸಬಹುದು. ಮನೆಯಲ್ಲಿ ನೀವು ಬೆಳೆಸಬಹುದಾದ ಹಲವಾರು ರೀತಿಯ ವಾಸ್ತುಗಿಡಗಳು ಲಭ್ಯವಿದೆ ಮತ್ತು ಇದಕ್ಕೆ ಪ್ರತಿಯಾಗಿ ಅದು ಮನೆಯ ಯಜಮಾನನಿಗೆ ಒಳ್ಳೆಯ ಗುಣಮಟ್ಟದ ಜೀವನವನ್ನು ಬಯಸುವುದು. ಆಧುನಿಕ ಯುಗದಲ್ಲಿ ಕೆಲವೊಂದು ಜನರು ಕಚೇರಿಯಲ್ಲಿ ಹಣ ಬರಲಿ ಎಂದು ವಾಸ್ತು ಗಿಡಗಳನ್ನು ಇಡುವರು. ಮನೆಯಲ್ಲೂ ಕೆಲವೊಂದು ವಾಸ್ತು ಗಿಡಗಳನ್ನು ಬೆಳೆಸಬಹುದಾಗಿದೆ. ಇದು ಆರೋಗ್ಯ, ಸಂಪತ್ತು, ಸಮೃದ್ಧಿ ಮತ್ತು ಸಂಪೂರ್ಣ ಅಭಿವೃದ್ಧಿಗೆ ಲಾಭಕಾರಿಯಾಗಿರುವುದು.
ವಾಸ್ತು ಗಿಡಗಳು ಹಲವಾರು ವಿಧ, ಗಾತ್ರ ಮತ್ತು ವಿನ್ಯಾಸದಲ್ಲಿ ಬರುವುದು ಮತ್ತು ಇದು ಮನೆಯ ಒಳಗಿನ ಅಲಂಕಾರಕ್ಕೂ ಮೆರಗು ನೀಡುವುದು. ವಾಸ್ತು ಗಿಡವನ್ನು ಮನೆಯಲ್ಲಿ ಇಡುವುದಕ್ಕೆ ಕೆಲವೊಂದು ವೈಜ್ಞಾನಿಕ ಕಾರಣಗಳು ಕೂಡ ಇದೆ. ಯಾವ ಗಿಡಗಳನ್ನು ಮನೆಯ ಒಳಗಡೆ ಇಡಬೇಕು ಎಂದು ತಿಳಿದುಕೊಳ್ಳುವ ಜತೆಗೆ ಫೆಂಗ್ ಶೂಯಿ ಪ್ರಕಾರ ಅದನ್ನು ಯಾವ ಭಾಗದಲ್ಲಿ ಇಡಬೇಕು ಎನ್ನುವುದು ಕೂಡ ಅಷ್ಟೇ ಮುಖ್ಯವಾಗಿರುವುದು. ಕೆಲವೊಂದು ಗಿಡಗಳು ಮಲಗುವ ಮನೆಯಲ್ಲಿ ಇಡಬಹುದು, ಇನ್ನು ಕೆಲವೊಂದನ್ನು ವಾಸದ ಕೋಣೆಯಲ್ಲಿ. ಅದೇ ರೀತಿಯಾಗಿ ಗಿಡಗಳ ಆಯ್ಕೆ ಮತ್ತು ಅದನ್ನು ಇಡಬೇಕಾದ ಸ್ಥಳದ ಬಗ್ಗೆ ವಾಸ್ತುವಿನಲ್ಲಿ ಕೆಲವೊಂದು ನಿಯಮಗಳು ಕೂಡ ಇದೆ. ಇದನ್ನು ಪಾಲಿಸಿಕೊಂಡು ಹೋಗಬೇಕು. ವಾಸ್ತು ಪ್ರಕಾರ ಇರುವಂತಹ ಕೆಲವೊಂದು ಗಿಡವು ನಿಮ್ಮ ಬಾಳಿನಲ್ಲಿ ಅದೃಷ್ಟ ತರುತ್ತವೆಯಂತೆ, ಅಂತಹ ಗಿಡಗಳು ಯಾವುದು ಎಂಬುದನ್ನು ತಿಳಿಯಲು ಮುಂದೆ ಓದಿ
ಅದೃಷ್ಟ ತರುವ ಪುಟ್ಟ ಬಿದಿರು
ಚೀನೀಯರ ಅದೃಷ್ಟ ತರುವ ಚಿಕ್ಕ ಚಿಕ್ಕ ಬಿದಿರಿನ ಗಿಡಗಳು ಈಗ ಭಾರತದಲ್ಲಿಯೂ ಬಹಳಷ್ಟು ಜನಪ್ರಿಯತೆ ಕಂಡುಕೊಳ್ಳುತ್ತಿವೆ. ಚಿಕ್ಕ ಚಿಕ್ಕ ಬಿದಿರಿನ ಹಸಿ ಕಡ್ಡಿಗಳನ್ನು ಕಲಾತ್ಮಕವಾಗಿ ಜೋಡಿಸಿ ಮನೆಯ ಒಳಾಂಗಣದಲ್ಲಿ, ಮೇಜು, ಕಿಟಕಿಗಳಲ್ಲೆಲ್ಲಾ ಸ್ಥಳ ಪಡೆಯುತ್ತಿದೆ.....
ಅದೃಷ್ಟ ತರುವ ಪುಟ್ಟ ಬಿದಿರು
ಚೀನೀಯರು ಇದಕ್ಕೆ ಫೆಂಗ್ ಶುಯಿ ಎಂದು ಕರೆಯುತ್ತಾರೆ. ಸರಳವಾದ ವಿನ್ಯಾಸದಲ್ಲಿ ನಾಲ್ಕು ಬಿದಿರಿನ ಹಸಿ ಕಾಂಡಗಳ ಭಾಗವನ್ನು ಕೆಂಪು ರಿಬ್ಬನ್ ಪಟ್ಟಿಯಿಂದ ಕಟ್ಟಲಾಗಿರುತ್ತದೆ. ಈ ಗಿಡ ಮನೆಯೊಳಗಿದ್ದರೆ ಅದೃಷ್ಟ ಅರಸಿ ಬರುವುದೆಂದು ನಂಬಲಾಗುತ್ತದೆ.
ತುಳಸಿ ಗಿಡ
ಆಯುರ್ವೇದದ ಪ್ರಕಾರ ಔಷಧೀಯ ಗುಣಗಳ ಭಂಡಾರವೇ ಆಗಿರುವ ತುಳಸಿ ಗಿಡಕ್ಕೆ ಹಿಂದೂ ಧರ್ಮಗ್ರಂಥಗಳಲ್ಲಿ ಪವಿತ್ರಗಿಡ ಎಂದೂ ಕರೆಯಲಾಗಿದೆ. ತುಳಸಿ ಎಂದರೆ ಕೃಷ್ಣದೇವರ ಪತ್ನಿ ಹಾಗೂ ಆಕೆ ಅತ್ಯಂತ ಪವಿತ್ರಳು ಎಂಬ ವಿಶೇಷಣವನ್ನು ಇದರ ಎಲೆಗಳಿಗೆ ನೀಡಲಾಗಿದೆ.... ಆರೋಗ್ಯ ರಕ್ಷಕ- ತುಳಸಿ ಎಲೆಯ ವೈಶಿಷ್ಟ್ಯ ಒಂದೇ, ಎರಡೇ?
ತುಳಸಿ ಗಿಡ
ಇದರ ಎಲೆಗಳು ಹಲವು ಕಾಯಿಲೆಗಳನ್ನು ತೊಳೆದು ಹಾಕುವಂತೆಯೇ ಬಟ್ಟೆಗಳ ಕಲೆಯನ್ನೂ ತೊಲಗಿಸಬಲ್ಲದು. ಮನೆಯಂಗಳದಲ್ಲಿರುವ ತುಳಸಿ ಗಿಡ ಕೆಟ್ಟ ಶಕ್ತಿಗಳನ್ನು ದೂರವಾಗಿಸಿ ಧನಾತ್ಮಕ ಶಕ್ತಿಯನ್ನು ಮನೆಯೊಳಕ್ಕೆ ತರುತ್ತದೆ ಎಂದು ನಂಬಲಾಗಿದೆ.
ಸ್ನೇಕ್ ಪ್ಲಾಂಟ್
ಅತ್ತೆಯ ನಾಲಿಗೆ (Mother-in-law's tongue) ಎಂಬ ಅನ್ವರ್ಥನಾಮವನ್ನು ಪಡೆದಿರುವ ಈ ಗಿಡದ ಎಲೆಗಳು ಉದ್ದವಾದ ನಾಲಿಗೆಯೊಂದು ನೆಲದಿಂದ ಮೇಲೆ ಚಾಚಿದಂತಿದ್ದು ನಡುವಲ್ಲಿ ಹಸಿರು ಮತ್ತು ಅಂಚುಗಳಲ್ಲಿ ಹಳದಿ ಪಟ್ಟಿಯನ್ನು ಹೊಂದಿದೆ. ಈ ಸಸ್ಯ ಮನೆಯಲ್ಲಿದ್ದರೆ ಮನೆಯೊಳಗಣ ಹಲವು ವಿಷಾನಿಲಗಳನ್ನು ಹೀರಿಕೊಳ್ಳುತ್ತದೆ ಎಂದು ಈಗ ವೈಜ್ಞಾನಿಕವಾಗಿ ಸಾಬೀತಾಗಿದೆ.
ಸ್ನೇಕ್ ಪ್ಲಾಂಟ್
ಅಲ್ಲದೇ ಇತರ ಗಿಡಗಳಿಗೆ ಹೋಲಿಸಿದರೆ ಇದು ಅತಿ ಹೆಚ್ಚಿನ ಪ್ರಮಾಣದಲ್ಲಿ ಇಂಗಾಲದ ಡೈ ಆಕ್ಸೈಡ್ ಹೀರಿ ಅತ್ಯಧಿಕ ಪ್ರಮಾಣದ ಆರ್ದ್ರತೆ ಮತ್ತು ಆಮ್ಲಜನಕವನ್ನು ಬಿಡುಗಡೆ ಮಾಡುತ್ತದೆ. ಇದರಿಂದ ಮನೆಯಲ್ಲಿ ಹೆಚ್ಚಿನ ಆರ್ದ್ರತೆ ಇದ್ದು ಚರ್ಮದ ಆರೈಕೆಯಲ್ಲಿ ನೆರವಾಗುತ್ತದೆ. ಇದು ವಾಸ್ತವವಾಗಿ ಆರೋಗ್ಯದ ರೂಪದಲ್ಲಿ ಮನೆಗೆ ಶುಭತರುತ್ತದೆ.
ಮನಿ ಪ್ಲಾಂಟ್
ನಮ್ಮ ವೀಳೆಯದೆಲೆಯೇ ಕೊಂಚ ತೆಳು ಹಸಿರು ಹಳದಿ ಬಣ್ಣಗಳಲ್ಲಿರುವಂತೆ ಕಾಣುವ ಮನಿಪ್ಲಾಂಟ್ ಅತಿ ಸುಲಭವಾಗಿ, ಅತಿ ಕಡಿಮೆ ಆರೈಕೆಯಲ್ಲಿ, ಬರೆಯ ಕಾಂಡವನ್ನು ಕೊಂಚ ನೀರಿನಲ್ಲಿ ಮುಳುಗಿಸಿಟ್ಟರೂ ಸೊಂಪಾಗಿ ಬೆಳೆಯುವ ಗಿಡವಾಗಿದ್ದು ಇದರ ಬೆಳವಣಿಗೆಯೂ ಅತಿ ವೇಗದಲ್ಲಿ ಆಗುತ್ತದೆ. ಈ ಗಿಡ ಮನೆಯಲ್ಲಿದ್ದರೆ ಹಣ ಬರುತ್ತದೆ ಎಂಬ ನಂಬಿಕೆಯಿಂದಲೇ ಈ ಗಿಡಕ್ಕೆ ಮನಿ ಪ್ಲಾಂಟ್ ಎಂಬ ಹೆಸರು ಬಂದಿದೆ.
ಮನಿ ಪ್ಲಾಂಟ್
ವಾಸ್ತವವಾಗಿ ಈ ಗಿಡದ ಬೆಳವಣಿಗೆ ನೆಲದಿಂದ ಮೇಲಕ್ಕೇರುವಂತಿರಬೇಕೇ ಹೊರತು ಮೇಲಿನಿಂದ ಕೆಳಕ್ಕೆ ಬರುವಂತೆ ಅಲ್ಲ. ಕೆಲವರು ಕೀಟಬಾಧೆಯನ್ನು ತಡೆಯಲು, ಅಲಂಕಾರ ಹೆಚ್ಚಲು ತೂಗುಹಾಕುವ ಕುಂಡದಲ್ಲಿ ಈ ಗಿಡವನ್ನು ಬೆಳೆಸುತ್ತಾರೆ. ಆದರೆ ಈ ಪರಿಯಿಂದ ಮನಿ ಪ್ಲಾಂಟ್ನ ಶಕ್ತಿಯೂ ವಿರುದ್ದವಾಗುತ್ತದೆ. ಅಂದರೆ ಹಣ ಮನೆಯಿಂದ ಹೊರಹೋಗುತ್ತದೆ. ಆದ್ದರಿಂದ ಸದಾ ಮನಿ ಪ್ಲಾಂಟ್ ಕಳಗಿನಿಂತ ಮೇಲೆ ಹೋಗುವಂತೆ ಮಾತ್ರ ಬೆಳೆಸಿ.