ಮೈಕ್ರೋವೇವ್‌ನಿಂದ ಮಾಡಬಹುದಾದ ಅಚ್ಚರಿಯ ಸಂಗತಿಗಳು

ಇಂದು ಮಧ್ಯಮವರ್ಗದ ಜನತೆಯನ್ನೂ ತಲುಪಿರುವ ಮೈಕ್ರೋವೇವ್ ಓವನ್‌ನಿಂದ ಆಹಾರವಸ್ತುಗಳನ್ನು ಬಿಸಿಮಾಡುವ ಹೊರತಾಗಿ ಇನ್ನೂ ಹಲವು ಕೆಲಸಗಳನ್ನು ಮಾಡಬಹುದೆಂದರೆ ಅಚ್ಚರಿಯಾಗುತ್ತದಲ್ಲವೇ. ಆದರೆ ಇದು ನಿಜ.

ನೀವು ಇದುವರೆಗೆ ಊಹಿಸಿರದಿದ್ದ ಹಲವು ಕೆಲಸಗಳನ್ನು ಪುಟ್ಟ ಮೈಕ್ರೋವೇವ್ ನಿಂದ ಮಾಡಬಹುದು. ಇವುಗಳಲ್ಲಿ ಕೆಲವಂತೂ ಮನೆಯಲ್ಲಿ ಎಂದೂ ಮಾಡಲು ಅಸಾಧ್ಯವೆಂದೇ ತಿಳಿದಿದ್ದ ಕೆಲಸಗಳಾಗಿವೆ. ಈ ಲೇಖನದಲ್ಲಿ ಮೈಕ್ರೋವೇವ್‌ನ ನಿಜವಾದ ಸಾಮರ್ಥ್ಯವನ್ನು ನೋಡೋಣ.

ಮಣ್ಣಿನಲ್ಲಿರುವ ಕ್ರಿಮಿಗಳನ್ನು ಕೊಂದು ನಿಮ್ಮ ಹೂಗಿಡಗಳು ಸಮೃದ್ಧವಾಗಿ ಬೆಳೆಯುವಂತೆ ಮಾಡುತ್ತದೆ
ನಿಮ್ಮ ಹೂಕುಂಡಗಳಲ್ಲಿ ಕ್ರಿಮಿಕೀಟಗಳು ಹೆಚ್ಚಾಗಿ ಗಿಡಗಳು ಸೊಂಪಾಗಿ ಬೆಳೆಯದಿದ್ದರೆ ಆ ಮಣ್ಣನ್ನು ಕೊಂಚ ಕಾಲ ಮೈಕ್ರೋವೇವ್ ನಲ್ಲಿ ಇರಿಸುವ ಮೂಲಕ ಆ ಕ್ರಿಮಿಗಳನ್ನು ಕೊಲ್ಲಬಹುದು. ಬಳಿಕ ಈ ಮಣ್ಣಿನಲ್ಲಿ ಹೂಗಿಡಗಳು ಸೊಂಪಾಗಿ ಬೆಳೆಯುತ್ತವೆ.

ಕೀಟನಾಶಕವಾಗಿ ಕಾರ್ಯನಿರ್ವಹಿಸುತ್ತದೆ
ಸಾಧಾರಣವಾಗಿ ನಾವು ಪಾತ್ರೆ ತೊಳೆಯುವ ಸ್ಪಂಜನ್ನು ಎಷ್ಟೇ ಹಿಂಡಿದರೂ ಕೊಂಚ ನೀರು ಉಳಿದೇ ಉಳಿಯುತ್ತದೆ. ಈ ನೀರು ಕ್ರಿಮಿ ಮತ್ತು ಬ್ಯಾಕ್ಟೀರಿಯಾಗಳು ಬೆಳೆಯಲು ಸಮೃದ್ಧ ತಾಣವಾಗಿದೆ. ಈ ಸ್ಪಂಜನ್ನು ಮೈಕ್ರೋವೇವ್ ನಲ್ಲಿ ಕೆಲಕಾಲ ಇಡುವುದರಿಂದ ಶೇಖಡಾ 99 ರಷ್ಟು ಕ್ರಿಮಿಗಳಿಂದ ಮುಕ್ತಗೊಳಿಸಬಹುದು. ನೆನಪಿಡಿ, ಪ್ರತಿಬಾರಿ ಸ್ಪಂಜನ್ನು ಉಪಯೋಗಿಸಿದ ಬಳಿಕ ಮೈಕ್ರೋವೇವ್ ನಲ್ಲಿ ಕೆಲಸೆಕೆಂಡುಗಳ ಕಾಲ ಇರಿಸಿ. ಪಾತ್ರೆಗಳ ಸುಟ್ಟ ಕಲೆಯನ್ನು ತೆಗೆಯುವ ವಿಧಾನ ಹೇಗೆ?

ಕಂದು ಸಕ್ಕರೆಯನ್ನು ಮೃದುಗೊಳಿಸುತ್ತದೆ
ಸಾಮಾನ್ಯವಾಗಿ ಸಂಸ್ಕರಿಸಿದ ಸಕ್ಕರೆ ಬಿಳಿಯಾಗಿರುತ್ತದೆ. ಆದರೆ ಆರೋಗ್ಯದ ದೃಷ್ಟಿಯಿಂದ ಉತ್ತಮವಾದ ಕಂದು ಸಕ್ಕರೆ ಕೊಂಚ ಗಟ್ಟಿಯಾಗಿರುತ್ತದೆ. ಇದನ್ನು ಮೃದುಗೊಳಿಸಲು ಕಂದು ಸಕ್ಕರೆಗೆ ಕೊಂಚ ನೀರು ಸೇರಿಸಿ ಹತ್ತರಿಂದ ಇಪ್ಪತ್ತು ಸಕೆಂಡುಗಳ ಕಾಲ ಮೈಕ್ರೋವೇವ್ ನಲ್ಲಿ ಇರಿಸಿದರೆ ಸಾಕು. ಶೂಗಳಿಂದ ಕೆಸರಿನ ಕಲೆಗಳನ್ನು ತೆಗೆಯುವುದು ಹೇಗೆ?

ಮುಚ್ಚಿದ ಪಾತ್ರೆಯಲ್ಲಿ ಬೇಯುವ, ಹಬೆಯಲ್ಲಿ ಬೇಯಿಸುವ ತಿಂಡಿಗಳಿಗೆ ಹತ್ತು ನಿಮಿಷ ಸಾಕು
ಇಡ್ಲಿ, ಪುಟ್ಟು ಮೊದಲಾದ ಕೆಲವೊಂದು ತಿಂಡಿಗಳನ್ನು ಹಬೆಯ ಒತ್ತಡದಲ್ಲಿ ಮಾಡುತ್ತೇವೆ. ಆದರೆ ಇದಕ್ಕೆ ತುಂಬಾ ಸಮಯ ಹಿಡಿಯುತ್ತದೆ. ಸುಮಾರು ಅರ್ಧ ಘಂಟೆ ಹಿಡಿಯುವ ಈ ಕೆಲಸವನ್ನು ಮೈಕ್ರೋವೇವ್ ನಲ್ಲಿ ಹತ್ತು ನಿಮಿಷಗಳೊಳಗಾಗಿ ಪೂರೈಸಬಹುದು.