Just In
- 8 hrs ago ಮೀನ ರಾಶಿಯಲ್ಲಿ ರಾಹು-ಮಂಗಳ ಯುತಿಯಿಂದ ಅಂಗಾರಕ ಯೋಗ: 12 ರಾಶಿಗಳ ಮೇಲಿರಲಿದೆ ಈ ನಕರಾತ್ಮಕ ಪರಿಣಾ
- 9 hrs ago ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- 9 hrs ago ಪುರುಷರಲ್ಲಿ ಹೆಚ್ಚಾಗುತ್ತಿದೆ ಬಂಜೆತನ: ಪುರುಷರು ಈ ಆಹಾರ ಸೇವಿಸಿದರೆ ಸಂತಾನೋತ್ಪತ್ತಿ ಸಾಮರ್ಥ್ಯ ಹೆಚ್ಚುವುದು
- 10 hrs ago ಏಪ್ರಿಲ್ 24 ದಿನ ಭವಿಷ್ಯ: ಬುಧವಾರದ ಈ ದಿನ ನಿಮ್ಮ ರಾಶಿಫಲ ಹೇಗಿದೆ?
Don't Miss
- News Petrol Price: ಇಂದಿನ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ವಿವರ ತಿಳಿಯಿರಿ
- Finance ಎಂಡಿಎಚ್ ಮತ್ತು ಎವರೆಸ್ಟ್ ಸೇರಿದಂತೆ ಎಲ್ಲಾ ಬ್ರಾಂಡ್ ಮಸಾಲೆಗಳ ಮಾದರಿಗಳ ಪರೀಕ್ಷೆಗೆ ಮುಂದಾದ FSSAI
- Sports CSK vs LSG IPL 2024: ಐಪಿಎಲ್ನಲ್ಲಿ ಈ ದಾಖಲೆ ಮಾಡಿದ ಮೊದಲ ಸಿಎಸ್ಕೆ ನಾಯಕ ರುತುರಾಜ್ ಗಾಯಕ್ವಾಡ್
- Movies 'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್!
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪಾತ್ರೆಗಳಿಂದ ಮೊಟ್ಟೆ ವಾಸನೆಯನ್ನು ತೆಗೆಯುವುದು ಹೇಗೆ?
ಸಾಮಾನ್ಯವಾಗಿ ಪಾತ್ರೆಗಳಲ್ಲಿ ಮೊಟ್ಟೆಯನ್ನು ಬೇಯಿಸಿದ ನಂತರ ಅದರ ವಾಸನೆಯು ಹಾಗೇ ಉಳಿಯುತ್ತದೆ, ಇಂತಹ ವಾಸನೆಯನ್ನು ಹೋಗಲಾಡಿಸುವುದೇ ದೊಡ್ಡ ಸಮಸ್ಯೆಯಾಗಿಬಿಡುತ್ತದೆ. ಹಾಗಾಗಿ ಪಾತ್ರೆಗಳಲ್ಲಿ ಹಾಗೂ ಪ್ಲೇಟ್ಗಳಲ್ಲಿ ಕಂಡುಬರುವ ಇಂತಹ ವಾಸನೆಯನ್ನು ಹೋಗಲಾಡಿಸುವುದು ಹೇಗೆ ? ಎಂಬುದನ್ನು ಈ ಲೇಖನದಲ್ಲಿ ನೀಡಲಾಗಿದೆ.
ಅಡುಗೆ ಮಾಡಲು ಬಹಳ ಸಮಯವಿಲ್ಲದೇ ಇದ್ದಾಗ ಮನೆಯಲ್ಲಿ ಒಬ್ಬರೇ ಇದ್ದಾಗ ಏನಾದರೂ ತಿನ್ನಬೇಕು ಎಂದು ಆಸೆ ಬಂದಾಗ ನಮ್ಮ ನೆರವಿಗೆ ಬರುವುದು ಮೊಟ್ಟೆ. ಇದನ್ನು ದಿನದ ಯಾವುದೇ ಅವಧಿಯಲ್ಲಿ ಬೇಕಾದರೂ ಸೇವಿಸಬಹುದು ಎನ್ನುವುದೇ ಇದರ ಹೆಗ್ಗಳಿಕೆ. ಹಾಗೂ ನೀರಲ್ಲಿ ಹಾಕಿ ಬೇಯಿಸಲು ಬಿಟ್ಟು ನಿಮ್ಮ ಕೆಲಸಗಳನ್ನು ಮಾಡಿಕೊಂಡು ಬ್ರೆಡ್ ಜೊತೆಗೆ ತಿಂದರೆ ಸಾಕು. ಒಂದು ಹೊತ್ತಿನ ತಿಂಡಿ ಸಿದ್ಧ.
ಇದು ಮಾಡಲು ಸುಲಭವಿದ್ದಷ್ಟೇ ನಿಮ್ಮ ಹೊಟ್ಟೆಗೂ ಹೆಚ್ಚಿನ ತೊಂದರೆಕೊಡದ ತಿನಿಸು. ಇಷ್ಟೆಲ್ಲಾ ಉಪಯೋಗಗಳಿರುವ ಮೊಟ್ಟೆಯನ್ನು ಬಿಡಲು ಯಾರಿಗೆ ತಾನೆ ಇಷ್ಟವಿರುತ್ತದೆ. ಇದು ಹೆಚ್ಚಿನ ಮನೆಗಳಲ್ಲಿ ತಯಾರಾಗುವ ಫಾಸ್ಟ್ ಫುಡ್ ಎಂದರೆ ತಪ್ಪಲ್ಲ. ಆದರೆ ತಿಂಡಿಯೇನೋ ಸಿದ್ಧವಾಗುತ್ತದೆ ಆದರೆ ಇದನ್ನು ಬೇಯಿಸಿದ ಪಾತ್ರೆಗಳ ವಾಸನೆ ? ಅದನ್ನು ತೆಗೆಯುವರಾರು? ಅದನ್ನು ನೋಡಿಯೇ ಮೊಟ್ಟೆ ಬೇಡ ಎಂದನ್ನಿಸಿದರೆ ತಪ್ಪಲ್ಲ.
ಅಡುಗೆ ಮಾಡುವುದಕ್ಕಿಂತ ಹೆಚ್ಚಿನ ಸಮಸ್ಯವನ್ನು ಪಾತ್ರೆ ತೊಳೆಯುವಲ್ಲಿ ನೀವು ವ್ಯಯಿಸುವುದಾದರೆ ಅಂತಹ ಅಡುಗೆ ನಿಮ್ಮ ಮೆಚ್ಚಿನ ಅಡುಗೆ ಅಲ್ಲವೇ ಅಲ್ಲ. ಮೊಟ್ಟೆ ವಾಸನೆಯನ್ನು ಪಾತ್ರೆಗಳಿಂದ ತೆಗೆಯಲು ಹಲವು ದಾರಿಗಳಿವೆ. ಇಲ್ಲಿ ಅವುಗಳಲ್ಲಿ ಪ್ರಮುಖವಾದುದನ್ನು ನೀಡಲಾಗಿದೆ.
ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ: ಬಟ್ಟೆಗಳಿಂದ ಗ್ರೀಸ್ ಕಲೆ ತೆಗೆಯಲು ಸುಲಭೋಪಾಯಗಳು
ಕಡಲೆ ಹಿಟ್ಟು: ಅಡುಗೆಯೂ ಆಯ್ತು ತಟ್ಟೆಯಲ್ಲಿ ಹಾಕಿ ಮೊಟ್ಟೆ ಚಪ್ಪರಿಸಿದ್ದೂ ಆಯ್ತು ಆದರೆ ವಾಸನೆ. ಇನ್ನು ಅದೆಷ್ಟು ಹೊತ್ತು ಪಾತ್ರೆ ತಿಕ್ಕಬೇಕು ಎಮ್ದು ಚಿಂತಿಸಬೇಡಿ. ಸ್ವಲ್ಪ ಕಡಲೆ ಹಿಟ್ಟನ್ನು ತೆಗೆದುಕೊಂಡು ಅದನು ಪಾತ್ರೆಗೆ ತಿಕ್ಕಿ ಸ್ವಲ್ಪ ಹೊತ್ತು ಹಾಗೆಯೇ ಬಿಡಿ. ನಂತರ ಪಾತ್ರೆಯನ್ನು ತಿಕ್ಕಿ ಹಾಗೂ ನೋಡಿ. ಮೊಟ್ಟೆ ಬೇಯಿಸಿದ ಸ್ವಲ್ಪವೂ ಕುರುಹು ಅದರಲ್ಲಿ ಸಿಗದು.
ಲಿಂಬೆ ರಸ: ಲಿಂಬೆ ರಸ ಅಡುಗೆ ಮನೆಯಲ್ಲಿ ಹಲವು ವಿಷಯಗಳಲ್ಲಿ ನಿಮ್ಮ ನೆರವಿಗೆ ಬರುವುದು ಸುಳ್ಳಲ್ಲ. ಅದೇ ರೀತಿ ಪಾತ್ರೆಗಳಿಂದ ಮೊಟ್ಟೆಯ ವಾಸನೆ ತೆಗೆಯುವಲ್ಲೂ ಇದು ಸಹಾಯಕ. ಲಿಂಬೆ ರಸವನ್ನು ನೇರವಾಗಿ ಹಾಕುವ ಬದಲು ಒಂದು ಬಟ್ಟೆಯ ಮೇಲೆ ಲಿಂಬೆ ರಸವನ್ನು ಹಾಕಿ ಅದನ್ನು ಪಾತ್ರೆಯ ಮೇಲೆ ತಿಕ್ಕಬಹುದು. ಸ್ವಲ್ಪ ಹೊತ್ತು ಹಾಗೆಯೇ ಬಿಟ್ಟು ಪಾತ್ರೆಯನ್ನು ಸ್ವಚ್ಛಗೊಳಿಸಿ. ಲಿಂಬೆ ರಸವನ್ನು ಬಳಸುವ ಬದಲಿಗೆ ಲಿಂಬೆ ಸತ್ವ ಉಳ್ಳ ಸಾಬೂನು ಇದ್ದರೂ ಇದೇ ರೀತಿಯ ಕೆಲಸ ಮಾಡುತ್ತದೆ.
ವಿನೇಗರ್ ಸಿಂಪಡನೆ: ಒಂದು ವೇಳೆ ಮೊಟ್ಟೆಯನ್ನು ಪ್ಲಾಸ್ಟಿಕ್ ಪಾತ್ರೆಯಲ್ಲಿ ಹಾಕಿ ತಿಂದಿದ್ದಿರಾದರೆ ಅದು ಪಾತ್ರೆಯಲ್ಲಿ ಬಹಳ ಹೊತ್ತು ಹಾಗೆಯೇ ಇರುತ್ತದೆ. ಆದರೆ ಇದೇ ವಾಸನೆ ನಿಮ್ಮ ಮನೆಯಲ್ಲೆಲ್ಲಾ ತುಂಬುವುದು ಯಾರಿಗೆ ತಾನೆ ಇಷ್ಟ ಹೇಳಿ. ಹೀಗಾಗಿ ಆ ಪಾತ್ರೆಗಳ ಮೇಲೆ ವಿನೆಗರ್ ಅನ್ನು ಸಿಂಪಡನೆ ಮಾಡಿ. ಸ್ವಲ್ಪ ಹೊತ್ತಿನ ನಂತರ ಸಾಬೂನಿನ ಸಹಾಯದೊಂದಿಗೆ ಸ್ವಚ್ಛಗೊಳಿಸಿ.
ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ: ಬೆಳ್ಳಿ ವಸ್ತುಗಳು ಹೊಳೆಯಲು ಕೆಲವೊಂದು ಸಲಹೆಗಳು
ವಿನೇಗರ್ : ಪಾತ್ರೆಗಳಿಂದ ಮೊಟ್ಟೆಯ ವಾಸನೆ ತೆಗೆಯಲು ವಿನೆಗರ್ ಅನ್ನು ಇನ್ನೊಂದು ರೀತಿಯಲ್ಲಿ ಬಳಸಬಹುದು. ಮೊದಲು ಪಾತ್ರೆಯನ್ನು ಸಾಮಾನ್ಯವಾಗಿ ತೊಳೆಯುವಂತೆ ತೊಳೆಯಿರಿ ಹಾಗೂ ನಂತರ ಅದಕ್ಕೆ ವಿನೇಗರ್ ಹಾಕಿ ಸ್ವಲ್ಪ ಹೊತ್ತು ಹಾಗೆಯೇ ಬಿಡಿ ನಂತರ ಕೇವಲ ನೀರಿನಲ್ಲಿ ಸ್ವಚ್ಛವಾಗಿ ತೊಳೆಯಿರಿ.
ಬೇಕಿಂಗ್ ಸೋಡಾ ವಿಧಾನ: ಇದು ಸಾಮಾನ್ಯವಾಗಿ ನಿಮ್ಮ ಮೂಗು ತಾಳಲಾರದ ಎಲ್ಲಾ ವಾಸನೆಗಳನ್ನು ತೆಗೆಯಲು ಬಳಸುವ ಒಂದು ಸಾಮಾನ್ಯ ವಿಧಾನ. ಬೇಕಿಂಗ್ ಸೋಡಾವನ್ನು ಹಾಕಿಟ್ಟ ನೀರಿನಲ್ಲಿ ಆ ಪಾತ್ರೆಯನ್ನು ಮುಳುಗಿಸಿ ಹಾಗೂ ಸ್ವಲ್ಪ ಹೊತ್ತಿನ ನಂತರ ತೊಳೆಯಿರಿ. ಇದರ ನಂತರ ಸಾಮಾನ್ಯ ನೀರಿನಲ್ಲಿ ಈ ಪಾತ್ರೆಯನ್ನು ತೊಳೆಯಿರಿ. ಹೀಗೆ ಮಾಡಿದಾಗ ಪಾತ್ರೆಯ ಮೇಲಿನ ಮೊಟ್ಟೆಯ ವಾಸನೆ ಹೋಗುವುದಂತೂ ನಿಜ.