Just In
- 1 hr ago ವೃಷಭ ರಾಶಿಗೆ ಗುರು ಸಂಚಾರ: 12ನೇ ಮನೆಯಲ್ಲಿ ಗುರು ಮಿಥುನ ರಾಶಿಯ ಮೇಲೆ ಬೀರುವ ಪ್ರಭಾವ ಹೇಗಿರಲಿದೆ?
- 1 hr ago ಶಾಲೆಯನ್ನೇ ಬ್ಯೂಟಿ ಪಾರ್ಲರ್ ಮಾಡಿಕೊಂಡ ಪ್ರಿನ್ಸಿಪಾಲ್..! ಕೇಳಿದ ಶಿಕ್ಷಕಿ ಕೈ ಕಚ್ಚಿ ಹಲ್ಲೆ..!
- 15 hrs ago ವೃಷಭ ರಾಶಿಗೆ ಗುರು ಸಂಚಾರ: ಗುರು ನಿಮ್ಮ ಲಗ್ನ ಮನೆಯಲ್ಲಿ ಇರುವುದರಿಂದ ಇದರ ಪ್ರಭಾವ ಹೇಗಿರಲಿದೆ?
- 15 hrs ago ವೃಷಭ ರಾಶಿಗೆ ದೇವಗುರುವಿನ ಸಂಚಾರ: ಮೇಷ ರಾಶಿಗಳಿಗೆ ಇದರ ಪ್ರಭಾವ ಹೇಗಿರಲಿದೆ?
Don't Miss
- Finance ಕಬ್ಬನ್ ಪಾರ್ಕ್ನಲ್ಲಿ ಮರ ಅಪ್ಪಿಕೊಳ್ಳುವ ಕಾರ್ಯಕ್ರಮಕ್ಕೆ ತಲಾ 1,500 ರೂ. ಶುಲ್ಕವಿಟ್ಟ ಕಂಪನಿ!
- Technology Itel: ಐಟೆಲ್ ಸೂಪರ್ ಗುರು 4G ಫೋನ್ ಲಾಂಚ್! ಯುಪಿಐ ಬೆಂಬಲ
- Movies ನಟಿ ಪ್ರೀತಿ ಜಿಂಟಾ ಮದುವೆ ಮುನ್ನವೇ 34 ಮಕ್ಕಳಿಗೆ ತಾಯಿ ಪ್ರೀತಿ ನೀಡಿದ ವಿಷಯ ನಿಮಗೆ ಗೊತ್ತೇ?
- News ರಜನಿಕಾಂತ್, ವಿಜಯ್ ಸೇತುಪಥಿ, ಧನುಷ್.. ಯಾರೆಲ್ಲಾ ವೋಟ್ ಹಾಕಿದ್ರು?
- Automobiles Elevate: ಶ್ರೀಸಾಮಾನ್ಯನ ಬಿಎಂಡಬ್ಲ್ಯೂ.. ಹೋಂಡಾ ಎಲಿವೇಟ್ ಖರೀದಿಸಬೇಕೇ? ಆನ್-ರೋಡ್ ಬೆಲೆ ಎಷ್ಟು, EMI ಏನು?
- Sports IPL 2024: ಪಂಜಾಬ್ ಕಿಂಗ್ಸ್ ವಿರುದ್ಧ ಗೆದ್ದರೂ ಹಾರ್ದಿಕ್ ಪಾಂಡ್ಯಗೆ ಭಾರೀ ಮೊತ್ತದ ದಂಡ!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಚಾಕು ಸ್ವಚ್ಛಗೊಳಿಸಲು ಕೆಲ ಸಲಹೆಗಳು
ದಿನಪೂರ್ತಿ ನಾವು ಚಾಕುವನ್ನು ಉಪಯೋಗಿಸುತ್ತೇವೆ. ಅಡುಗೆಮನೆಯಲ್ಲಿ ವಿವಿಧ ಬಗೆಯ ಚಾಕುಗಳನ್ನು ನಾವು ಬಳಸುತ್ತೇವೆ. ಚಾಕುವನ್ನು ಹೆಚ್ಚಾಗಿ ಬಳಸುವುದರಿಂದ ಅದರ ಮೇಲೆ ಬ್ಯಾಕ್ಟೀರಿಯಾ ಮತ್ತಿತರ ಕೀಟಾಣುಗಳ ಹಾವಳಿಯನ್ನು ಕಾಣಬಹುದು. ತುಕ್ಕು ಹಿಡಿಯುವುದು ಕೂಡ ಸಾಮಾನ್ಯವಾದ ಸಮಸ್ಯೆ.
ಚಾಕು ಬಳಸದೆ ತುಂಬ ಕಾಲ ಇಟ್ಟುಬಿಟ್ಟರೆ ಕೂಡ ತುಕ್ಕು ಹಿಡಿಯುವ ಸಂಭವವಿರುತ್ತದೆ. ಆದ್ದರಿಂದ ಚಾಕುವನ್ನು ಸರಿಯಾಗಿ ಸ್ವಚ್ಛಗೊಳಿಸುವುದು ಬಹಳ ಮುಖ್ಯ. ಇದರೊಂದಿಗೆ ಚಾಕುವಿನ ಹರಿತ ತುಕ್ಕು ಹಿಡಿದು ಹಾಳಾಗದಂತೆ ಕಾಪಾಡಿಕೊಳ್ಳಬೇಕಾದದ್ದು ಸಹ ಮುಖ್ಯ. ಪ್ರತಿ ಸಾರಿ ಚಾಕು ಬಳಸಿದ ನಂತರ ನಾವದನ್ನು ಸ್ವಚ್ಛ ಮಾಡುತ್ತೇವೆ. ಆದರೆ ಚಾಕುವಿನ ಹಿಡಿಗಳ ಸಮೀಪ ತುದಿಗಳಲ್ಲಿ ಬ್ಯಾಕ್ಟೀರಿಯಾ ಮತ್ತಿತರ ಕೀಟಾಣುಗಳು ಶೇಖರವಾಗುವುದರ ಬಗ್ಗೆ ನಮ್ಮಲ್ಲಿ ಹಲವರಿಗೆ ತಿಳಿದಿರುವುದಿಲ್ಲ. ಆದ್ದರಿಂದ ಚಾಕು ಸ್ವಚ್ಛತೆಗೆ ನಾವಿಲ್ಲಿ ಕೆಲ ಟಿಪ್ಸ್ ಗಳನ್ನು ನೀಡಿದ್ದೇವೆ
ಚಾಕುವನ್ನು ಹೀಗೆ ಸ್ವಚ್ಛ ಮಾಡಿ:
ಸೋಪು: ಪಾತ್ರೆ ತೊಳೆಯಲು ಬಳಸುವ ಸೋಪಿನಲ್ಲಿ ಚಾಕುವನ್ನು ಚೆನ್ನಾಗಿ ಉಜ್ಜಿ ಬಿಸಿ ನೀರಿನಲ್ಲಿ ತೊಳೆಯಿರಿ. ಬಿಸಿ ನೀರು ಬ್ಯಾಕ್ಟೀರಿಯಾ ಕೊಲ್ಲಲು ಹೆಚ್ಚು ಪರಿಣಾಮಕಾರಿ. ತಣ್ಣಗಿನ ನೀರು ಬ್ಯಾಕ್ಟೀರಿಯಾವನ್ನು ತೊಲಗಿಸದೆ ಇರಬಹುದು.
ಕುದಿಸುವಿಕೆ: ಒಂದು ವೇಳೆ ಚಾಕುವಿಗೆ ಪ್ಲಾಸ್ಟಿಕ್ ನ ಹಿಡಿ ಇಲ್ಲದಿದ್ದರೆ ಚಾಕುವನ್ನು ಕೆಲ ಕಾಲ ಬಿಸಿನೀರಿನಲ್ಲಿ ಕುದಿಸಬಹುದು. ಇದು ಕೀಟಾಣುಗಳನ್ನು ಕೊಲ್ಲುವುದಲ್ಲದೆ ಕಲೆಗಳನ್ನು ಕೂಡ ತೊಲಗಿಸುತ್ತದೆ. ಬಿಸಿ ನೀರು ಚಾಕುವಿಗೆ ಅಂಟಿರಬಹುದಾದ ಜಿಡ್ಡು, ಎಣ್ಣೆ ಇದನ್ನು ಕೂಡ ನಿವಾರಿಸುತ್ತದೆ. ಈರುಳ್ಳಿ ಅಥವ ಬೆಳ್ಳುಳ್ಳಿಯಂತಹ ವಾಸನೆ ಹೆಚ್ಚಿರುವ ತರಕಾರಿಗಳನ್ನು ಕತ್ತರಿಸಿದ್ದರೆ ಬಿಸಿ ನೀರಿನಿಂದ ತೊಳೆದಾಗ ವಾಸನೆ ಹೊರಟು ಹೋಗುತ್ತದೆ. ಆದರೆ ಬಿಸಿ ನೀರಿನಲ್ಲಿ ತೊಳೆದ ತಕ್ಷಣ ತಣ್ಣೀರಿನಲ್ಲಿ ಚಾಕುವನ್ನು ತೊಳೆಯಬೇಡಿ ಇದರಿಂದ ಚಾಕು ಹಾಳಾಗುವ ಸಾಧ್ಯತೆ ಇರುತ್ತದೆ.
ನಿಂಬೆ ಹಣ್ಣು: ತುಂಬಾ ಗಲೀಜಾಗಿರುವ ಚಾಕುವನ್ನು ನೀವು ನಿಂಬೆ ರಸದಿಂದ ಸ್ವಚ್ಛಗೊಳಿಸಬಹುದು. ನಿಂಬೆ ರಸದಲ್ಲಿ ಸಿಟ್ರಸ್ ಅಂಶವಿರುತ್ತದೆಯಾದ್ದರಿಂದ ಅದು ಸ್ವಚ್ಛತೆಗೆ ನೆರವಾಗುತ್ತದೆ. ಆದರೆ ಹೆಚ್ಚು ಸಮಯದವರೆಗೆ ನಿಂಬೆ ರಸದಲ್ಲೇ ಸ್ವಚ್ಛಗೊಳಿಸುವುದು ಒಳ್ಳೆಯದಲ್ಲ. ತಣ್ಣೀರಿನಲ್ಲಿ ತೊಳೆಯಿರಿ. ಬಿಸಿ ನೀರಿಗೆ ಕೆಲವು ಹನಿ ನಿಂಬೆರಸ ಹಾಕಿ ಕೂಡ ಚಾಕು ಸ್ವಚ್ಛಗೊಳಿಸಬಹುದು.
ವಿನಿಗರ್: ಕುದಿಯುವ ನೀರಿಗೆ ಒಂದೆರಡು ಹನಿ ವಿನಿಗರ್ ಹಾಕಿ ಚಾಕುವನ್ನು ತೊಳೆಯಬಹುದು. ಒಂದು ನಿಮಿಷ ಈ ನೀರಿನಲ್ಲಿ ಕುದಿಸಿದ ನಂತರ ಹಳೆಯ ಟೂತ್ ಬ್ರಷ್ ಬಳಸಿ ಮೆದುಗೊಂಡ ಕೊಳೆಯನ್ನು ಉಜ್ಜಿ ತೆಗೆಯಿರಿ. ಮತ್ತೆ ನೀರಿನಲ್ಲಿ ತೊಳೆದು ಒಣಗಿಸಿಡಿ.
ಇವು ಅಡುಗೆಮನೆಯಲ್ಲಿ ಬಳಸುವ ಚಾಕುವನ್ನು ಸ್ವಚ್ಛಗೊಳಿಸುವ ಕೆಲ ಉಪಾಯಗಳು. ಆದರೆ ಹೇಗೆ ಸ್ವಚ್ಛ ಮಾಡಿದರೂ ಚಾಕುವನ್ನು ಒಣಗಿಸಿಡುವುದನ್ನು ಮರೆಯದಿರಿ. ನಂತರ ಸ್ವಲ್ಪ ಎಣ್ಣೆಯನ್ನು ಅದಕ್ಕೆ ಹಚ್ಚಿಡಿ. ಹೆಚ್ಚಾದ ಎಣ್ಣೆಯನ್ನು ಪೇಪರ್ ಬಳಸಿ ಒರೆಸಿಬಿಡಿ.