ಕಡಿಮೆ ನೀರು ಬಳಸಿ ಬೆಳೆಯುವ ಸುಂದರ ಗಿಡಗಳು

ಹಾವು ಗಿಡ:

ಈ ಗಿಡವನ್ನು ಸ್ನ್ಯಾಕ್ ಪ್ಲಾಂಟ್ ಅಥವಾ ಹಾವಿನ ಗಿಡ ಎಂದು ಕರೆಯಲಾಗುವುದು. ಇದನ್ನು ಬಿಸಿಲಿರುವ ಜಾಗದಲ್ಲಿ ಹಾಗೂ ತಂಪಾದ ಜಾಗದಲ್ಲಿ ಎರಡೂ ಕಡೆ ಬೆಳೆಯಬಹುದು. ಈ ಗಿಡನ್ನು ನೆಟ್ಟರೆ ಪ್ರತಿದಿನ ನೀರು ಹಾಕಬೇಕಾದ ಅವಶ್ಯಕತೆ ಕೂಡ ಇಲ್ಲ. ವಾರದಲ್ಲಿ ಎರಡು ಬಾರಿ ಹಾಕಿದರೂ ಸಾಕು.

ಲೋಳೆಸರ:

ಈ ಗಿಡವನ್ನು ಮನೆಯಲ್ಲಿ ಬೆಳೆಯಲು ಮರೆಯಬೇಡಿ. ಈ ಗಿಡ ನೆಟ್ಟರೆ ನೋಡುವುದಕ್ಕೆ ಆಕರ್ಷಕ ಮಾತ್ರವಲ್ಲ ಅನೇಕ ಔಷಧೀಯ ಗುಣವನ್ನು ಹೊಂದಿದೆ.

ಜೇಡರ ಗಿಡ:

ಈ ಗಿಡವನ್ನು ಹೆಚ್ಚಿನ ಮನೆಗಳಲ್ಲಿ ಕಾಣಬಹುದು. ಇದು ಹಸಿರು ಬಣ್ಣದಲ್ಲಿ ಮಾತ್ರವಲ್ಲದೆ ಅನೇಕ ಬಣ್ಣದಲ್ಲಿ ದೊರೆಯುತ್ತದೆ. ಈ ಗಿಡ ನೆಟ್ಟರೆ ಮಣ್ಣು ತಂಪಾಗಿ ಇರುವಂತೆ ನೋಡಿಕೊಳ್ಳಬೇಕು. ಆದರೆ ಅಧಿಕ ನೀರಿನ ಅವಶ್ಯಕತೆಯಿಲ್ಲ.

ರಬ್ಬರ್ ಗಿಡ:

ಇದರ ಎಲೆ ದೊಡ್ಡದಾಗಿ ಹಸಿರು ಬಣ್ಣದಿಂದ ಕೂಡಿರುತ್ತದೆ. ಈ ಗಿಡವನ್ನು ಬಿಸಿಲು ಬೀಳುವ ಕಡೆ ಇಡಬೇಕು. ಈ ಗಿಡ ನಿಮ್ಮ ಮನೆಯ ಹಾಗೂ ಹೂತೋಟದ ಅಂದವನ್ನು ಹೆಚ್ಚಿಸುವುದು.

ಕ್ರೋಟನ್ ಗಿಡ:

ಈ ಗಿಡವನ್ನು ಸುಲಭದಲ್ಲಿ ಬೆಳೆಯಬಹುದು. ಈ ಗಿಡ ಕೂಡ ಅನೇಕ ಆಕರ್ಷಕ ಬಣ್ಣದಲ್ಲಿ ದೊರೆಯುತ್ತದೆ. ಇದಕ್ಕೆ ಅಧಿಕ ನೀರಿನ ಅವಶ್ಯಕತೆ ಕೂಡ ಇಲ್ಲ.

ಜಡೆ ಗಿಡ:

ಈ ಗಿಡಕ್ಕೂ ಅಧಿಕ ನೀರಿನ ಅವಶ್ಯಕತೆಯಿಲ್ಲ. ಇದರ ಎಲೆ ಚಿಕ್ಕದಾಗಿ ಅದರಲ್ಲಿ ನೀರಿನಂಶ ಅಧಿಕವಿರುತ್ತದೆ. ಈ ಗಿಡದಲ್ಲಿ ಕೆಂಪು ಹೂ ಬಿಟ್ಟಾಗ ಈ ಗಿಡ ಮತ್ತಷ್ಟು ಆಕರ್ಷಕವಾಗಿ ಕಾಣುತ್ತದೆ.