For Quick Alerts
ALLOW NOTIFICATIONS  
For Daily Alerts

ಅಡುಗೆ ಮನೆ, ಹೂ ಗಿಡಗಳಿಂದ ಕಂಗೊಳಿಸುತ್ತಿರಲಿ...

By Jaya subramanya
|

ಮನೆ ಎಂಬುದು ಸುಂದರವಾಗುವುದು ನೀವು ಅಂದುಕೊಂಡಂತೆ ಅದನ್ನು ಅಲಂಕರಿಸಿದಾಗ ಮಾತ್ರ ಅಲ್ಲವೇ? ಎಷ್ಟೇ ದುಡ್ಡು ಖರ್ಚು ಮಾಡಿ ನೀವು ಕಟ್ಟಿಸಿರುವ ಮನೆ ನಿಮ್ಮ ಮನಸ್ಸಿಗೆ ಸಂತಸ ನೀಡಿಲ್ಲ ಎಂದಾದಲ್ಲಿ ಅದು ನೀರ ಮೇಲಿನ ಗುಳ್ಳೆಯಂತಾಗುತ್ತದೆ. ಅದಕ್ಕಾಗಿಯೇ ಮನೆ ಚಿಕ್ಕದಾಗಿದ್ದರೂ ಚೊಕ್ಕದಾಗಿ ಆಕರ್ಷವಾಗಿರಬೇಕು ಎಂದು ಹಿರಿಯರು ನುಡಿಯುವುದು. ಮನೆಯಲ್ಲಿ ಅಡುಗೆ ಕೋಣೆಗೆ ಹೆಚ್ಚು ಪ್ರಾಶಸ್ತ್ಯ.

Tips For Decorating Your Kitchen With Plants

ನಿಮ್ಮ ಹೊಟ್ಟೆ ತುಂಬಿಸುವ ಬಗೆಬಗೆಯ ಖಾದ್ಯಗಳು ತಯಾರಾಗುವ ಈ ಸ್ಥಳ ಹೆಚ್ಚು ಆರಾಮದಾಯಕ ಮತ್ತು ಅನುಕೂಲಕರವಾಗಿರಬೇಕು ಆಗ ಮಾತ್ರವೇ ನಿಮ್ಮ ಮುಖದಲ್ಲೂ ಮಂದಹಾಸ ಮೂಡುವುದು. ಒಂದು ಬಗೆಯ ಸಂತೃಪ್ತಿ ನೆಲೆ ನಿಲ್ಲುವುದು. ಅಡುಗೆ ಮನೆಯಲ್ಲಿ ಹೂಕುಂಡಗಳನ್ನಿಟ್ಟು ಅಲಂಕಾರಗೊಳಿಸುವುದು ಉತ್ತಮ ಉಪಾಯ ಅಲ್ಲವೇ? ಪಾತ್ರೆ ಪರಿಕರಗಳೊಂದಿಗೆ ಸುಂದರ ಸಸ್ಯಕಾಶಿ ನಿಮ್ಮ ಅಡುಗೆ ಮನೆಯಲ್ಲಿ ಇದೆ ಎಂದಾದಲ್ಲಿ ಅದೊಂದು ಸ್ವರ್ಗದಂತೆಯೇ. ಆಮ್ಲಜನಕದ ಉತ್ತಮ ರವಾನೆಯೂ ಅಲ್ಲಿ ಆಗುವುದರ ಜೊತೆಗೆ ಕಣ್ಣಿಗೆ ತಂಪು ಇದ್ದೇ ಇರುತ್ತದೆ. ಹಾಗಿದ್ದರೆ ಅಡುಗೆ ಮನೆಯನ್ನು ಸುಂದರವಾಗಿಸುವ ಹೂಗಿಡಗಳು ಹೇಗಿರಬೇಕು ಎಂಬುದನ್ನೇ ಇಂದಿನ ಲೇಖನದಲ್ಲಿ ನಾವು ತಿಳಿಸುತ್ತಿದ್ದೇವೆ.

ಅಂತೆಯೇ ಈ ಗಿಡಗಳನ್ನು ಬಳಸಿಕೊಂಡು ಅಡುಗೆ ಮನೆಯನ್ನು ಸುಂದರವಾಗಿಸುವುದು ಹೇಗೆ ಎಂಬ ಹಂತಗಳನ್ನು ಇಂದಿಲ್ಲಿ ತಿಳಿಸುತ್ತಿದ್ದು ಇದರಿಂದ ಇನ್ನಷ್ಟು ಹೊಸ ಹೊಸ ಉಪಾಯಗಳು ನಿಮ್ಮ ಮನದಲ್ಲಿ ಮೂಡಬಹುದು. ಬನ್ನಿ ಅದು ಹೇಗೆ ಎಂಬುದನ್ನು ಅರಿತುಕೊಳ್ಳೋಣ. ಹೂಗಿಡಗಳನ್ನು ಸರಿಯಾದ ಸ್ಥಳದಲ್ಲಿ ಇರಿಸುವುದರಿಂದ ಕೂಡ ಆರ್ಥಿಕತೆ ಮತ್ತು ಆರೋಗ್ಯವನ್ನು ನಿಮಗೆ ಪಡೆದುಕೊಳ್ಳಬಹುದು.

ಹಂತ:1
ನಿಮ್ಮ ಅಡುಗೆ ಕೋಣೆಯಲ್ಲಿ ನೀವು ಸಾಕಷ್ಟು ಸ್ಥಳಾವಕಾಶವನ್ನು ಹೊಂದಿದ್ದೀರಿ ಎಂದಾದಲ್ಲಿ, ಸಣ್ಣ ಪಾಟ್ ಬಳಸಿ ಕಿಚನ್ ಟೇಬಲ್‎ಗಳನ್ನು ಅಲಂಕಾರಮಾಡಬಹುದು. ಬಾಸ್ಕೆಟ್ ಅಥವಾ ಟ್ರೇ ಮೇಲೆ ಸಸ್ಯವನ್ನು ನೆಡಬಹುದು. ಲಿಂಬೆ ಹುಲ್ಲು ಅಡುಗೆ ಕೋಣೆಯ ಸುತ್ತಮುತ್ತಲ ಚೆನ್ನಾಗಿ ಬೆಳೆಯುತ್ತದೆ, ಹಾಗೆಯೇ ಈ ಹುಲ್ಲು ಹೊರಗೆ ಬಿಡುವ ಸುವಾಸನೆ ಅಡುಗೆ ಮನೆಯ ವಾಸನೆಯನ್ನು ದೂರಗೊಳಿಸಿ ಪ್ರಶಾಂತಗೊಳಿಸುತ್ತದೆ.

ಹಂತ:2
ನಿಮ್ಮ ಅಡುಗೆ ಮನೆ ಕತ್ತಲೆಯಿಂದ ಕೂಡಿದೆ ಎಂದಾದಲ್ಲಿ ಇಲ್ಲಿ ಸಸ್ಯಗಳನ್ನು ಬೆಳೆಸುವುದು ಉತ್ತಮವಾಗಿರುತ್ತದೆ. ಇಲ್ಲಿ ಹೆಚ್ಚು ಸಸ್ಯಗಳನ್ನು ನೆಡುವುದೂ ಅಷ್ಟೊಂದು ಉತ್ತಮವಲ್ಲ ಏಕೆಂದರೆ ಇದರಿಂದ ಪರಿಸರ ಇನ್ನಷ್ಟು ಕತ್ತಲುಮಯವಾಗಬಹುದು.

ಹಂತ:3
ಕೌಂಟರ್ ಮೇಲ್ಭಾಗ ಅಥವಾ ಕಟ್ಟಿಂಗ್ ಟೇಬಲ್ ಮೇಲೆ ಪಾಟ್‎ಗಳನ್ನು ಇರಿಸಬೇಡಿ. ನಿಮ್ಮ ಅಡುಗೆಮನೆಯನ್ನು ಇನ್ನಷ್ಟು ಅಂದವಾಗಿಸಲು, ಅಡುಗೆ ಮನೆಯ ಹೊರಭಾಗ ಅಥವಾ ಕಿಟಕಿ ಪಕ್ಕದಲ್ಲಿ ಸಸ್ಯಗಳನ್ನು ಇರಿಸಿ. ಕಿಚನ್ ಸಿಂಕ್ ಬಳಿ ಕೂಡ ಸಸ್ಯಗಳ ಪಾಟ್ ಅನ್ನು ನೀವಿರಿಸಬಹುದು.

ಹಂತ:4
ನಿಮ್ಮ ಹೂಕುಂಡಲ್ಲಿ ಹೂಗಿಡಗಳು ಇದೆ ಎಂದಾದಲ್ಲಿ ಅದನ್ನು ಕಿಚನ್ ಸಿಂಕ್ ಬಳಿ ಇರಿಸಬೇಡಿ. ಹ್ಯುಮಿಡಿಟಿ ಮತ್ತು ರಾಸಾಯನಿಕ ಬೆರೆತ ನಿರು ಹೂಗಿಡಗಳನ್ನು ತಲುಪುವುದರಿಂದ ಹೂಗಿಡಗಳು ನಾಶವಾಗುವ ಸಾಧ್ಯತೆ ಇರುತ್ತದೆ.

ಹಂತ:5
ಹೊಳಪಿನಿಂದ ಕೂಡಿರುವ ಸಸ್ಯಗಳನ್ನು ನಿಮ್ಮ ಅಡುಗೆ ಮನೆಯಲ್ಲಿ ನೆಡಬಹುದಾಗಿದೆ. ಸಸ್ಯಗಳು ಹೊಳಪಿನಿಂದ ಕೂಡಿದ್ದಲ್ಲಿ, ಅವುಗಳಿಂದ ಗ್ರೀಸ್ ಅನ್ನು ತೆಗೆಯುವುದು ಸುಲಭವಾಗಿರುತ್ತದೆ. ಸರಿಯಾದ ವಾತಾವರಣದಲ್ಲಿ ಹೊಳಪುಳ್ಳ ಸಸ್ಯಗಳು ದೀರ್ಘ ಸಮಯದವರೆಗೆ ಬೆಳೆಯುತ್ತದೆ.

ಹಂತ:6

ಸುವಾನೆಯುಕ್ತ ಗಿಡಮೂಲಿಕಾ ಸಸ್ಯಗಳನ್ನು ನಿಮ್ಮ ಅಡುಗೆ ಮನೆಯಲ್ಲಿ ನೆಡಬಹುದಾಗಿದೆ. ಕೊತ್ತಂಬರಿ, ಪಾರ್ಸ್ಲಿ, ತುಳಸಿ, ಟೈಮ್ ಇತ್ಯಾದಿ ಉತ್ತಮ ಆಯ್ಕೆಗಳನ್ನು ನಿಮ್ಮ ಅಡುಗೆಮನೆಯಲ್ಲಿ ನಿಮಗಿರಿಸಬಹುದು. ಈ ಸಸ್ಯಗಳು ಸುಂದರವಾಗಿದ್ದು ಪ್ರತಿಜೀವಕ ಅಂಶಗಳನ್ನು ಹೊಂದಿರುತ್ತವೆ. ಇದು ಅಡುಗೆ ಮನೆಯಲ್ಲಿ ತಾಜಾತನವನ್ನು ಇರಿಸುತ್ತದೆ.
English summary

Tips For Decorating Your Kitchen With Plants

Did you know that by keeping plants in your kitchen you are inviting a good amount of oxygen into your home? Yes, according to a recent research, if you have a big kitchen that is not cluttered with utensils and other items, placing plants in the kitchen is a good idea. Decorating your kitchen with lovely plants can also make the place seem brighter and much more beautiful. However, there are certain plants that you can keep in the kitchen.
Story first published: Monday, April 25, 2016, 20:21 [IST]
X
Desktop Bottom Promotion