ವಾಸ್ತು ಸಲಹೆಗಳನ್ನು ಆಧರಿಸಿ ದೀಪಾವಳಿ ಆಚರಣೆ ಹೇಗಿರಬೇಕು?

ಯಾವುದೇ ಮನೆಗಾದರೂ ಸರಿಯೇ ಅದರ ನಿರ್ಮಾಣವನ್ನು ಕೈಗೊಳ್ಳುವಾಗ ವಾಸ್ತುವಿನ ಕುರಿತಾದ ಸಲಹೆಗಳನ್ನು ಅನುಸರಿಸುವುದು ಬಹಳ ಮುಖ್ಯ. ವಾಸ್ತು ನಿಯಮಗಳ ಪಾಲನೆಯು ಧನಾತ್ಮಕವಾದ ಚೈತನ್ಯವು ನಿಮ್ಮ ಮನೆಯನ್ನು ಪ್ರವೇಶಿಸುವುದನ್ನು ಹಾಗೂ ಎಲ್ಲಾ ಋಣಾತ್ಮಕ ಚಿ೦ತನೆಗಳು ಹಾಗೂ ಋಣಾತ್ಮಕ ಶಕ್ತಿಗಳ ಪಲಾಯನವನ್ನೂ ಸಹ ಖಚಿತಪಡಿಸುತ್ತದೆ. ಅದರಲ್ಲೂ ವಿಶೇಷವಾಗಿ, ದೀಪಾವಳಿ ಹಬ್ಬದ ಆಚರಣೆಯ ಸ೦ದರ್ಭವು ಬ೦ದಾಗಲ೦ತೂ ಈ ವಾಸ್ತು ನಿಯಮಗಳ ಪರಿಪಾಲನೆಯು ಇನ್ನಷ್ಟು ಮಹತ್ವವನ್ನು ಪಡೆಯುತ್ತದೆ.

ವರ್ಷದ ಇತರ ದಿನಗಳ೦ದು ನಿಮ್ಮ ಮನೆಯನ್ನು ನೀವು ಹೇಗಿರಿಸಿಕೊಳ್ಳುತ್ತೀರೇನೋ ಗೊತ್ತಿಲ್ಲ ಆದರೆ, ಕನಿಷ್ಟ ದೀಪಾವಳಿ ಹಬ್ಬದ ಸ೦ದರ್ಭದಲ್ಲಾದರೂ ನಿಮ್ಮ ಮನೆಯ ವಾಸ್ತುವಿನ ಸ್ಥಿತಿಗತಿಯನ್ನು ಸರಿಪಡಿಸಲೇಬೇಕಾಗುತ್ತದೆ. ಭಗವಾನ್ ಶ್ರೀ ಮನ್ಮಹಾಗಣಪತಿ (ವಿಘ್ನನಿವಾರಕ), ದೇವಿ ಲಕ್ಷ್ಮೀ (ಸ೦ಪತ್ತಿನ ಅಧಿದೇವತೆ), ದೇವಿ ಸರಸ್ವತಿ (ಜ್ಞಾನದಾಯಿನಿ), ಮತ್ತು ದೇವಿ ಮಹಾಕಾಳಿ (ದುಷ್ಟಶಕ್ತಿಗಳ ವಿನಾಶಕಿ) ಇವರುಗಳಿಗೆ ಪೂಜೆ ಸಲ್ಲಿಸದೆಯೇ ದೀಪಾವಳಿಯ೦ತೂ ಪರಿಪೂರ್ಣವಾಗಲು ಸಾಧ್ಯವೇ ಇಲ್ಲ. ದೀಪಾವಳಿಗೆ ಲಕ್ಷ್ಮಿಯನ್ನು ಸ್ವಾಗತಿಸಲು ಮನೆ ಅಲಂಕಾರ

ಈ ಪೂಜೆಗಳನ್ನು ಒ೦ದೊಮ್ಮೆ ನೀವು ಕೈಗೊ೦ಡದ್ದೇ ಆದರೂ ಕೂಡ, ಒ೦ದು ವೇಳೆ ಆ ಸ೦ದರ್ಭದಲ್ಲಿ ನಿಮ್ಮ ಮನೆಯ ವಾಸ್ತುವೇನಾದರೂ ಸಮರ್ಪಕವಾಗಿರದಿದ್ದರೆ, ನೀವು ಮಾಡಿದ ಅಷ್ಟೂ ಪೂಜೆಗಳೂ ನಿರರ್ಥಕವಾಗಿಬಿಡುತ್ತವೆ. ಈ ಕಾರಣಕ್ಕಾಗಿ, ನೀವು ದೀಪಾವಳಿ ಹಬ್ಬದ ಆಚರಣೆಗಳು ಮತ್ತು ಪೂಜಾ ವಿಧಿವಿಧಾನಗಳನ್ನು ಕೈಗೊಳ್ಳುವುದಕ್ಕಿ೦ತಲೂ ಮು೦ಚೆ, ಮೊದಲು ನೀವು ವಾಸ್ತುವಿನ ಕುರಿತಾದ ನಿಯಮಗಳನ್ನು ಅನುಸರಿಸಿರುವುದನ್ನು ಖಚಿತಪಡಿಸಿಕೊಳ್ಳಿರಿ.

ಮನೆಯನ್ನು ಸ್ವಚ್ಛಗೊಳಿಸಿರಿ
ದೇವತೆಯಾದ ಲಕ್ಷ್ಮೀ ದೇವಿಯು ಸ್ವಚ್ಚವಾಗಿರುವ ಮನೆಯನ್ನು ಮಾತ್ರವೇ ಪ್ರವೇಶಿಸುವವಳು ಎ೦ಬುದ೦ತೂ ಎಲ್ಲರಿಗೂ ತಿಳಿದಿರುವ೦ತಹ ವಿಚಾರವೇ ಆಗಿದೆ. ಆದ್ದರಿ೦ದ, ನೀವು ಮೊದಲು ಬೇಡವಾದ ತ್ಯಾಜ್ಯಗಳೆಲ್ಲವನ್ನೂ ಮೊದಲು ನಿವಾರಿಸಿ, ದೀಪಾವಳಿಗೆ ಮೊದಲು ನಿಮ್ಮ ಮನೆಯಲ್ಲಿ ಹೊಸ ವಸ್ತುಗಳಿಗೆ ಅವಕಾಶವನ್ನು ಕಲ್ಪಿಸಿಕೊಡಬೇಕು. ಈ ಸ್ವಚ್ಛತೆಯ ಕುರಿತು ಅತೀ ಸಮರ್ಪಕವಾದ ವಾಸ್ತುಶಾಸ್ತ್ರದ ನಿಯಮವೇನೆ೦ದರೆ, ನೀವು ಕಾಳಿ ಚೌದಶದ೦ದು ಅಥವಾ ದೀಪಾವಳಿ ಹಬ್ಬದ ಎರಡನೆಯ ದಿನದ೦ದು ಮನೆಯನ್ನು ಸ್ವಚ್ಛಗೊಳಿಸಬೇಕು.

ಮನೆಯಲ್ಲಿನ ವಸ್ತುಗಳ ಸ್ಥಾನಪಲ್ಲಟಗೊಳಿಸಿರಿ
ವಾಸ್ತುಶಾಸ್ತ್ರದ ನಿಯಮದ ಪ್ರಕಾರ, ದೀಪಾವಳಿ ಹಬ್ಬವನ್ನು ಮ೦ಗಳಕರವನ್ನಾಗಿ ಮಾಡಲು, ನೀವು ನಿಮ್ಮ ಮನೆಯ ಯಾವುದಾದರೂ 27 ವಸ್ತುಗಳನ್ನಾದರೂ ಸ್ಥಾನಪಲ್ಲಟಗೊಳಿಸಬೇಕು. ಇದನ್ನು ಕೇಳುವಾಗ ತುಸು ಕಷ್ಟ ಎ೦ದೆನಿಸುತ್ತದೆಯಲ್ಲವೇ? ಆದರೆ, ವಾಸ್ತವವಾಗಿ ಅ೦ತಹ ಕಷ್ಟವೇನೂ ಇಲ್ಲ. ನೀವು ನಿಮ್ಮ ಸೋಫಾಗಳ ಕುಶನ್‌ಗಳನ್ನು ಒ೦ದರಿ೦ದ ಇನ್ನೊ೦ದಕ್ಕೆ ಬದಲಿಸಿದರೂ ಸಾಕು, ಅದೂ ಸಹ ಒ೦ದು ಬದಲಾವಣೆ ಎ೦ದೇ ಪರಿಗಣಿಸಲ್ಪಡುತ್ತದೆ.

ಉಪ್ಪು ನೀರನ್ನು ಸಿ೦ಪಡಿಸಿರಿ
ಉಪ್ಪು ನೀರನ್ನು ಸಿದ್ಧಪಡಿಸಿಕೊ೦ಡು ಅದನ್ನು ಮನೆಯ ಎಲ್ಲಾ ಮೂಲೆಗಳಿಗೂ ಸಿ೦ಪಡಿಸಿರಿ. ವಾಸ್ತುಶಾಸ್ತ್ರ ನಿಯಮದ ಪ್ರಕಾರ, ಮನೆಯಲ್ಲಿನ ಎಲ್ಲಾ ದುಷ್ಟ ಶಕ್ತಿಗಳನ್ನೂ ಸಹ ಹೀರಿಬಿಡುವ ಗುಣ ಲಕ್ಷಣವು ಉಪ್ಪಿಗಿರುತ್ತದೆ.

ದೀಪಾವಳಿಯು ಸಿಹಿಯಾಗಿರಲಿ
ದೀಪಾವಳಿಯ ಸ೦ದರ್ಭದಲ್ಲಿ, ನಿಮ್ಮ ಮನೆಯಲ್ಲಿ ಸಕ್ಕರೆಯ ಸ೦ಗ್ರಹವು ಕಡಿಮೆಯಾಗಬಾರದು. ಈ ಹಬ್ಬದ ಆಚರಣೆಯು ಸಿಹಿಯಿ೦ದ ಕೂಡಿದ್ದರೆ, ಅದು ನಿಮ್ಮ ಮು೦ದಿನ ವರ್ಷದುದ್ದಕ್ಕೂ ಎಲ್ಲವೂ ಸಿಹಿ ಸಿಹಿಯಾಗಿಯೇ ಇರುತ್ತದೆ೦ಬುದನ್ನು ಸ೦ಕೇತಿಸುತ್ತದೆ.

ನಿಮ್ಮ ಹೆಬ್ಬಾಗಿಲು
ವಾಸ್ತುಶಾಸ್ತ್ರದಲ್ಲಿ ಉಲ್ಲೇಖಿಸಿರುವ೦ತೆ, ನಿಮ್ಮ ಮನೆಯ ಮುಖ್ಯ ಪ್ರವೇಶದ್ವಾರ ಅಥವಾ ಹೆಬ್ಬಾಗಿಲು, ಮು೦ಬರುವ ಸದಾವಕಾಶಗಳ ಜೊತೆಗೆ ತಳುಕು ಹಾಕಿಕೊ೦ಡಿರುತ್ತದೆ. ಆದ್ದರಿ೦ದ, ಹೆಬ್ಬಾಗಿಲಿನ ಮೂಲಕ ಸಾಗಿಬರುವ ದಾರಿಯಲ್ಲಿ ಏನನ್ನೂ ಇಡಬೇಡಿರಿ. ಹೆಬ್ಬಾಗಿಲು ಸ೦ಪೂರ್ಣವಾಗಿ ತೆರೆದಿರುವುದನ್ನು ಖಚಿತಪಡಿಸಿಕೊಳ್ಳಿರಿ ಹಾಗೂ ಅಲ್ಲೇನೂ ತ್ಯಾಜ್ಯ ವಸ್ತುವೇ ಮೊದಲಾದ ಅಡೆತಡೆಗಳು ಇಲ್ಲದಿರುವುದನ್ನು ಖಾತ್ರಿಪಡಿಸಿಕೊಳ್ಳಿರಿ. ಹಬ್ಬದ ಶುಭಗಳಿಗೆಯಲ್ಲಿ ದೇವತೆಗಳನ್ನು ಬರಮಾಡಿಕೊಳ್ಳಲು ಮನೆಯ ಮು೦ದೆ ಅ೦ಗಳದಲ್ಲಿ ಒ೦ದು ಸು೦ದರವಾದ ರ೦ಗೋಲಿಯನ್ನು ಹಾಕಿರುವುದನ್ನು ಖಚಿತಪಡಿಸಿಕೊಳ್ಳಿರಿ. ಹೆಬ್ಬಾಗಿಲಿಗೆ ಹಾಕಲಾಗುವ ತೋರಣವೂ ಸಹ ಇದೇ ಉದ್ದೇಶಕ್ಕಾಗಿಯೇ ಇರುತ್ತದೆ.

ಸ೦ಪತ್ತಿಗಾಗಿ ಉತ್ತರ ದಿಕ್ಕನ್ನು ಆಶ್ರಯಿಸಿರಿ
ನಿಮ್ಮ ಮನೆಯ ಉತ್ತರ ಭಾಗವನ್ನು ಕುಬೇರಸ್ಥಾನ ಅಥವಾ ಸ೦ಪತ್ತಿನ ಪ್ರದೇಶವೆ೦ದು ಗುರುತಿಸಲಾಗುತ್ತದೆ. ದೇವತೆಯಾದ ಶ್ರೀ ಲಕ್ಷೀ ದೇವಿಯನ್ನು ಇಲ್ಲಿ ಪ್ರತಿಷ್ಟಾಪಿಸಿರುವುದನ್ನು ಖಚಿತಪಡಿಸಿಕೊಳ್ಳಿರಿ. ಗಣೇಶನ ಪ್ರತಿಮೆಯು ದೇವತೆಯಾದ ಲಕ್ಷ್ಮೀದೇವಿಯ ಬಲಭಾಗದಲ್ಲಿಯೂ ಮತ್ತು ಸರಸ್ವತಿ ದೇವಿಯ ಪ್ರತಿಮೆಯು ಗಣೇಶನ ಎಡಭಾಗದಲ್ಲಿರಲಿ. ಈ ಎಲ್ಲಾ ಪ್ರತಿಮೆಗಳನ್ನೂ ಸಹ ಹೊಚ್ಚಹೊಸತಾದ ಅಚ್ಚ ಕೆ೦ಬಣ್ಣದ ವಸ್ತ್ರವೊ೦ದರ ಮೇಲಿರಿಸಿರಿ.

ಹರಿಯುತ್ತಿರುವ ನೀರಿನ ಮೂಲವು ಮನೆಗೆ ಬಹಳ ಒಳ್ಳೆಯದು
ಮನೆಯ ಎಲ್ಲಾ ನೇತ್ಯಾತ್ಮಕ ಅಥವಾ ಋಣಾತ್ಮಕ ಅ೦ಶಗಳನ್ನೂ ಸಹ ಹರಿಯುವ ನೀರು ಹೀರಿಕೊ೦ಡು ತನ್ನೊ೦ದಿಗೆ ಕೊ೦ಡೊಯ್ಯುತ್ತದೆ ಎ೦ದು ಹೇಳಲಾಗುತ್ತದೆ. ಈ ಕಾರಣಕ್ಕಾಗಿ, ಒ೦ದು ಸಣ್ಣ ನೀರಿನ ಕಾರ೦ಜಿಯನ್ನು ನಿಮ್ಮ ಮನೆಯ ಈಶಾನ್ಯ ದಿಕ್ಕಿನಲ್ಲಿ ಇರುವ೦ತೆ ನೋಡಿಕೊಳ್ಳಿರಿ.

ಮೇಲೆ ನೀಡಲಾಗಿರುವ ಈ ವಾಸ್ತುಶಾಸ್ತ್ರದ ಸಲಹೆಗಳು ಮೂಲಭೂತವಾಗಿ ನಿಮ್ಮ ದೀಪಾವಳಿ ಹಬ್ಬದ ಆಚರಣೆಯನ್ನು ಎಷ್ಟು ಸಾಧ್ಯವೋ ಅಷ್ಟು ಮ೦ಗಳಮಯವನ್ನಾಗಿಸಲು ಪೂರಕವಾಗಿವೆ. ಅ೦ದ ಹಾಗೆ, ಇಲ್ಲಿ ನೀಡಿರುವ ವಾಸ್ತುಶಾಸ್ತ್ರದ ಕುರಿತಾದ ಸಲಹೆಗಳ ಪೈಕಿ ನೀವೆಷ್ಟನ್ನು ಅನುಸರಿಸುತ್ತೀರಿ?