ಫಿಲ್ಟರ್ ಕಾಫಿ-ರುಚಿಕರವೇನೋ ಹೌದು, ಆದರೆ ಆದಷ್ಟು ಕಡಿಮೆ ಸೇವಿಸಿ!

ವಾಸ್ತವಾಂಶ #1

ಕಾಫಿಯಲ್ಲಿ ಟರ್ಪೆನಾಯ್ಡುಗಳೆಂಬ ಪೋಷಕಾಂಶಗಳೀವೆ. ಈ ಕಣಗಳು ಕಾಫಿಯನ್ನು ಫಿಲ್ಟರ್ ಮಾಡಿದ ಬಳಿಕವೂ ಕಾಫಿಯಲ್ಲಿಯೇ ಉಳಿದುಕೊಳ್ಳುತ್ತವೆ. ಈ ಪೋಷಕಾಂಶವೇ ಹೃದಯಸಂಬಂಧಿ ಕಾಯಿಲೆಗಳ ಸಾಧ್ಯತೆಯನ್ನು ಹೆಚ್ಚಿಸುವ ಖಳನಾಯಕನಾಗಿದ್ದು ಎಷ್ಟು ಬಾರಿ ಫಿಲ್ಟರ್ ಮಾಡಿದರೂ ಇವನ್ನು ಸಂಪೂರ್ಣವಾಗಿ ನಿವಾರಿಸಲು ಸಾಧ್ಯವೇ ಇಲ್ಲ.

ವಾಸ್ತವಾಂಶ #2

ಸಂಶೋಧನೆಯಲ್ಲಿ ಕಂಡುಕೊಂಡ ಪ್ರಕಾರ ಯಾರ ದೇಹದಲ್ಲಿ ಈಗಾಗಲೇ ಕೊಲೆಸ್ಟ್ರಾಲ್ ಹೆಚ್ಚು ಪ್ರಮಾಣದಲ್ಲಿದ್ದು ಇದನ್ನು ಕಡಿಮೆ ಮಾಡಬಯಸುತ್ತಾರೋ, ಅವರು ಅನಿವಾರ್ಯವಾಗಿ ಕಾಫಿಯನ್ನು ತ್ಯಜಿಸುವುದೇ ಉತ್ತಮ. ಈ ಮೂಲಕ ರಕ್ತದಲ್ಲಿ homocysteine ಮತ್ತು ಕೊಲೆಸ್ಟ್ರಾಲ್ ಎರಡನ್ನೂ ಹೆಚ್ಚುವರಿಯಾಗಿ ಸೇವಿಸದೇ, ಇರುವ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಸಾಧ್ಯವಾಗುತ್ತದೆ.

ವಾಸ್ತವಾಂಶ #3

ಒಂದು ವೇಳೆ ಊಟದ ಬಳಿಕ ಕಾಫಿ ಕುಡಿಯುವ ಅಭ್ಯಾಸವಿದ್ದರೆ ಇದು ನಿಮ್ಮ ಊಟದಿಂದ ಖನಿಜಗಳನ್ನು ಮತ್ತು ವಿಟಮಿನ್ನುಗಳನ್ನು ಹೀರಿಕೊಳ್ಳಲು ಅಡ್ಡಿಪಡಿಸುತ್ತದೆ. ಅಲ್ಲದೇ ಒಂದು ವೇಳೆ ಈಗಾಗಲೇ ನಿಮ್ಮ ದೇಹದಲ್ಲಿ ಕೆಲವಾರು ಖನಿಜ ಮತ್ತು ಪೋಷಕಾಂಶಗಳ ಕೊರತೆ ಇದ್ದರೆ ಕಾಫಿಗೆ ವಿದಾಯ ಹೇಳುವುದೇ ಒಳ್ಳೆಯದು.

ಟೀ ಕಾಫಿ ಸೇವನೆ ಅತಿಯಾದರೆ, ಅಪಾಯ ಬೆನ್ನೇರಿ ಕಾಡಲಿದೆ!

ವಾಸ್ತವಾಂಶ #4

ಕೆಫೀನ್‍ನ ಇನ್ನೊಂದು ಅಡ್ಡಪರಿಣಾಮವೆಂದರೆ ಆಹಾರದ(ವಿಶೇಷವಾಗಿ ಹಾಲು) ಮೂಲಕ ಲಭ್ಯವಾದ ಕ್ಯಾಲ್ಸಿಯಂ ಅನ್ನು ಹೀರಿಕೊಳ್ಳದಂತೆ ಮಾಡುವುದು. ಇದರ ಪರಿಣಾಮವಾಗಿ ಅಗತ್ಯವಾಗಿದ್ದ ಕ್ಯಾಲ್ಸಿಯಂ ಮೂತ್ರದ ಮೂಲಕ ವ್ಯರ್ಥವಾಗಿ ಹರಿದುಹೋಗುತ್ತದೆ. ಆದ್ದರಿಂದ ತಜ್ಞರು ಕ್ಯಾಲ್ಸಿಯಂ ಇರುವ ಆಹಾರದ ಸೇವನೆಯ ಬಳಿಕ ಕಾಫಿ ಕುಡಿಯದಂತೆ ಸಲಹೆ ಮಾಡುತ್ತಾರೆ ಹಾಗೂ ಕಾಫಿಯ ಸೇವನೆಯನ್ನು ಉಳಿದ ಹೊತ್ತಿನಲ್ಲಿ ಅತಿ ಕಡಿಮೆ ಮಾಡಲು ಸೂಚಿಸುತ್ತಾರೆ.

ವಾಸ್ತವಾಂಶ #5

ಫಿಲ್ಟರ್ ಕಾಫಿಯ ಸಹಿತ ಯಾವುದೇ ಕಾಫಿಯ ಸೇವನೆಯ ಪರಿಣಾಮವಾಗಿ ದೇಹ ಆಹಾರದ ಮೂಲಕ ಲಭ್ಯವಾಗುವ ಸತುವನ್ನು ಹೀರಿಕೊಳ್ಳುವ ಗತಿ ನಿಧಾನವಾಗುತ್ತದೆ. ಈ ಅಂಶ ಹೆಚ್ಚಾಗಿರುವ ಒಣಫಲಗಳು, ಬೀನ್ಸ್, ಕೋಳಿಮಾಂಸ, ಮೊಟ್ಟೆ, ಕೆಂಪು ಮಾಂಸ ಅಥವಾ ಚಿಪ್ಪುಗಳನ್ನು ಮಧ್ಯಾಹ್ನದ ಊಟದಲ್ಲಿ ಸೇವಿಸಿದ್ದರೆ ಊಟದ ಕೆಲವು ಗಂಟೆಗಳ ಅವಧಿಯಲ್ಲಿ ಕಾಫಿ ಕುಡಿಯಬಾರದು. ಕುಡಿದರೆ ಈ ಆಹಾರದ ಮೂಲಕ ಲಭ್ಯವಗಿದ್ದ ಸತು ವಿಸರ್ಜನೆಗೊಳ್ಳುತ್ತದೆ.

ವಾಸ್ತವಾಂಶ #6

ಕಾಫಿಯ ಪ್ರಮಾಣ ಹೆಚ್ಚಾದಷ್ಟೂ ವಿಟಮಿನ್ ಡಿ ಯನ್ನು ಹೀರಿಕೊಳ್ಳಲು ದೇಹ ಅಸಮರ್ಥವಾಗುತ್ತದೆ ಎಂದು ಒಂದು ಸಂಶೋಧನೆಯ ಮೂಲಕ ವಿವರಿಸಲಾಗಿದ್ದರೂ ಇದನ್ನು ಸಂಪೂರ್ಣವಾಗಿ ಸತ್ಯವೆಂದು ಖಚಿತಪಡಿಸಿಕೊಳ್ಳಲು ಹೆಚ್ಚಿನ ಸಂಶೋಧನೆಯ ಅಗತ್ಯವಿದೆ. ಆದರೂ, ಈ ವಿಷಯವನ್ನು ಅಲಕ್ಷಿಸುವಂತಿಲ್ಲ. ಏಕೆಂದರೆ ಕಾಫಿ ಹೆಚ್ಚು ಹೆಚ್ಚು ಕುಡಿಯುವುದರಿಂದ ಮೂತ್ರದ ಪ್ರಮಾಣವೂ ಹೆಚ್ಚಾಗಿ ವಿಟಮಿನ್ ಬಿ ಸಹಾ ವಿಸರ್ಜನೆಗೊಳ್ಳುತ್ತದೆ.

ವಾಸ್ತವಾಂಶ #7

ಕಾಫಿಯ ಸೇವನೆಯಿಂದ ಕಬ್ಬಿಣದ ಹೀರಿಕೊಳ್ಳುವಿಕೆಯೂ ಬಾಧೆಗೊಳಗಾಗುತ್ತದೆ. ಆದ್ದರಿಂದ ಕಾಫಿ ಕುಡಿಯುವುದಿದ್ದರೆ ಕಡ್ಲೆಕಾಳು, ಬೇಳೆಗಳು, ಒಣಫಲಗಳು, ಬಟಾಣಿ, ಬಸಲೆಸೊಪ್ಪು ಮೊದಲಾದವುಗಳನ್ನು ಸೇವಿಸಬೇಡಿ. ಅಥವಾ ಇವುಗಳ ಸೇವನೆಯ ಬಳಿಕ ಕೆಫೀನ್ ಬೇಡವೇ ಬೇಡ.

ಕಾಫಿ-ಟೀ ಬದಲು, ಒಂದು ಗ್ಲಾಸ್ ಲಿಂಬೆ ಜ್ಯೂಸ್ ಕುಡಿಯಿರಿ!