Just In
Don't Miss
- Sports LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ
- News Annamalai: ಒಂದು ಲಕ್ಷ ಮತದಾರರ ಹೆಸರು ಪಟ್ಟಿಯಿಂದ ಕಾಣೆಯಾಗಿದೆ: ಅಣ್ಣಾಮಲೈ ಆರೋಪ
- Movies 3ನೇ ಬಾರಿ ಜೊತೆಯಾದ್ರು ಶಿವಣ್ಣ- ಜಾಕಿ ಭಾವನಾ; ಯಾವ ಸಿನಿಮಾ ಗೊತ್ತಾ?
- Automobiles ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಈ ಟ್ರಿಕ್ಸ್ ಅನುಸರಿಸಿ, ಗೊರಕೆ ಕಡಿಮೆಯಾಗಿ ಕಣ್ತುಂಬ ನಿದ್ದೆ ಬರುತ್ತೆ!
ಉತ್ತಮ ಆರೋಗ್ಯಕ್ಕೆ ಸಾಕಷ್ಟು ನಿದ್ದೆಯೂ ಅಗತ್ಯ. ಗೊರಕೆ ನಿದ್ದೆಯನ್ನು ಹಾಳುಮಾಡುವ ಜೊತೆಗೇ ಸುತ್ತಮುತ್ತಲಿನವರ ನೆಮ್ಮದಿಯನ್ನೂ ಹಾಳುಗೆಡವುತ್ತದೆ. ಇದರ ಪರಿಹಾರಕ್ಕಾಗಿ ಒಂದು ಸುಲಭ ಮತ್ತು ಸರಳ ವಿಧಾನವಿದ್ದು ಯಾವುದೇ ಖರ್ಚಿಲ್ಲದೇ ಅನುಸರಿಸಬಹುದಾದ ನೈಸರ್ಗಿಕ ವಿಧಾನವಾಗಿದೆ. ಮಕ್ಕಳಿಗೆ ಕಾಡುವ ಗೊರಕೆಯ ಸಮಸ್ಯೆಯನ್ನು ನಿರ್ಲಕ್ಷಿಸಬೇಡಿ
ಇದರಿಂದ ಸುಖನಿದ್ದೆ ಆವರಿಸುತ್ತದೆ ಹಾಗೂ ಗೊರಕೆಯೂ ಕಡಿಮೆಯಾಗುತ್ತದೆ. ಈ ವಿಧಾನಕ್ಕೆ ಬ್ಯೂಟೆಕ್ಯೋ (Buteyko Breathing Method) ಎಂದು ಕರೆಯುತ್ತಾರೆ. ಇದು ಉಸಿರಾಟದ ತೊಂದರೆಗಳನ್ನು ನಿವಾರಿಸಿ ಸರಾಗ ಉಸಿರಾಟವನ್ನು ಹಿಂದೆ ಪಡೆಯಲು ಉತ್ತಮವಾದ ವಿಧಾನವಾಗಿದೆ. ಗೊರಕೆಯ ಅಬ್ಬರಕ್ಕೆ ಕಡಿವಾಣ ಹಾಕುವ ಮನೆಮದ್ದು
ಒಮ್ಮೆ ಈ ವಿಧಾನವನ್ನು ಕಲಿತುಕೊಂಡಿರೋ, ಬಳಿಕ ನಿಮ್ಮ ದೇಹಕ್ಕೆ ಹೆಚ್ಚಿನ ಪ್ರಮಾಣದಲ್ಲಿ ಆಮ್ಲಜನಕ ದೊರಕುವ ಮೂಲಕ ದೇಹದ ಅಂಗಾಂಶ ಹಾಗೂ ಇತರ ಅಂಗಾಗಗಳು ಉತ್ತಮಗೊಳ್ಳುತ್ತವೆ. ಇದರಲ್ಲಿ ಮೆದುಳು ಸಹಾ ಸೇರಿರುವ ಕಾರಣ ಇದರ ಪರೋಕ್ಷ ಪ್ರಯೋಜನಗಳನ್ನು ಪಟ್ಟಿ ಮಾಡಲು ಸಾಧ್ಯವಿಲ್ಲ. ಅಲ್ಲದೇ ವಿಶೇಷವಾಗಿ ಗೊರಕೆಯನ್ನು ನಿವಾರಿಸುವಲ್ಲಿ ಈ ವಿಧಾನ ಅತ್ಯಂತ ಸಮರ್ಥವಾಗಿದೆ. ಬನ್ನಿ, ಈ ವಿಧಾನವನ್ನು ಹೇಗೆ ಅನುಸರಿಸುವುದು ಎಂಬುದನ್ನು ನೋಡೋಣ....
ಹಂತ #1
ಮೊದಲು ಮೂಗಿನಿಂದ ಚಿಕ್ಕದಾಗಿ ಆದರೆ ಕ್ಷಿಪ್ರವಾಗಿ ಉಸಿರಾಡಿ. ಅಂದರೆ ಮೂಗಿನಿಂದಲೇ ಉಶ್ವಾಸ-ನಿಃಶ್ವಾಸ ಅನುಸರಿಸಿ.
ಹಂತ#2
ಪೂರ್ಣ ಉಸಿರನ್ನು ಒಳಗೆಳೆದುಕೊಂಡ ಬಳಿಕ ಮೂಗಿನ ಎರಡೂ ಹೊಳ್ಳೆಗಳನ್ನು ಮುಚ್ಚಿ ಉಸಿರುಗಟ್ಟಿ.
ಹಂತ #3
ಉಸಿರುಗಟ್ಟಿದ ಬಳಿಕ ಈಗ ಉಸಿರಾಡಲೇ ಬೇಕು, ಇಲ್ಲದಿದ್ದರೆ ಸಾಧ್ಯವೇ ಇಲ್ಲ ಎನ್ನುವ ಬಯಕೆ ಮೂಡುವ ತನಕ ಎಷ್ಟು ಸೆಕೆಂಡುಗಳಾದವು ಎಂದು ಲೆಕ್ಕ ಹಾಕಿ.
ಹಂತ#4
ಈ ಹಂತದಲ್ಲಿ ನಿಮ್ಮ ಮೂಗಿನ ಒಳಗೆ ಅನೈಚ್ಛಿಕವಾಗಿ ಕೆಲವು ಸ್ನಾಯುಗಳು ಚಲಿಸುತ್ತವೆ. ಈ ಸಮಯದಲ್ಲಿ ಹೊಟ್ಟೆ ಕೊಂಚ ಅಲುಗಾಡಿದಂತಾಗುತ್ತದೆ ಹಾಗೂ ಕುತ್ತಿಗೆಯ ಸುತ್ತಲ ಭಾಗ ಸಂಕುಚಿತಗೊಂಡ ಅನುಭವವಾಗುತ್ತದೆ.
ಹಂತ #5
ಬಳಿಕ ಮೂಗನ್ನು ತೆಗೆದು ಅತಿ ಸಾವಕಾಶವಾಗಿ, ನಿಧಾನವಾಗಿ ಪೂರ್ಣವಾಅಗಿ ಉಸಿರನ್ನು ಒಳಗೆಳೆದುಕೊಳ್ಳಿ.
ಹಂತ #6
ಬಳಿಕ ಮೂಗಿನಿಂದಲೇ ಪೂರ್ಣವಾಗಿ, ನಿಧಾನವಾಗಿ ಉಸಿರನ್ನು ಬಿಟ್ಟು ಕೆಲವು ಬಾರಿ ಉಸಿರಾಡಿ. ಮೂಗಿನಲ್ಲಿ ಅನೈಚ್ಛಿಕವಾಗಿ ಜರುಗುವ ಸ್ನಾಯುಗಳ ಚಲನೆ ಈ ಸ್ನಾಯುಗಳನ್ನು ಬಲಪಡಿಸಿ ನಿದ್ದೆಯ ಸಮಯದಲ್ಲಿ ಸಡಿಲವಾಗುವುದನ್ನು ತಪ್ಪಿಸುತ್ತದೆ. ವಾಸ್ತವವಾಗಿ ಸಡಿಲಗೊಂಡ ಈ ಸ್ನಾಯುಗಳು ನಿದ್ದೆಯ ಸಮಯದಲ್ಲಿ ಅಪಾರವಾಗಿ ಕಂಪಿಸುವ ಪರಿಣಾಮವೇ ಗೊರಕೆ. ಈ ವಿಧಾನದಿಂದ ಸ್ನಾಯು ಬಲಗೊಂಡು ಗೊರಕೆ ಕಡಿಮೆಯಾಗುತ್ತಾ ಹೋಗುತ್ತದೆ ಹಾಗೂ ಸುಖನಿದ್ದೆ ಆವರಿಸುತ್ತದೆ.
ನಲವತ್ತು ಸೆಕೆಂಡುಗಳ ಕಾಲ ಸರಾಗವಾಗಿ ಉಸಿರಾಡುತ್ತಲಿರಿ...
ಪ್ರಥಮ ಬಾರಿ ಉಸಿರುಗಟ್ಟಿದ ಬಳಿಕ ಸುಮಾರು ನಲವತ್ತು ಸೆಕೆಂಡುಗಳ ಕಾಲ ಸರಾಗವಾಗಿ ಉಸಿರಾಡುತ್ತಲಿರಿ. ಬಳಿಕ ಈ ವಿಧಾನವನ್ನು ಮುಂದಿನ ಮೂರು ನಿಮಿಷಗಳವರೆಗೆ ಮುಂದುವರೆಸಿ. ಪ್ರತಿದಿನವೂ ಈ ವಿಧಾನವನ್ನು ಅನುಸರಿಸುತ್ತಾ ಬಂದು ನಡುವಣ ಅಂತರವನ್ನು ಇಪ್ಪತ್ತೈದು ಮೂವತ್ತು ಸೆಕೆಂಡುಗಳಿಗೆ ಇಳಿಸಿ. ಕೆಲವೇ ದಿನಗಳಲ್ಲಿ ಗೊರಕೆ ಕಡಿಮೆಯಾಗಿರುವುದನ್ನು ಕಂಡುಕೊಳ್ಳಿ.